Phǐlǐpǐ 3:12 - Kawyaw RC

¹² Ta̤htǒotoǒnu he nî̤bǎhtohǒ he hî̌nǒ hǐnutò̤, htodě he ta̤ǒhtûpwa̤ htǒonu, a lǒbebòhǒ he hî̌nǒ hǐnu tò̤tò̤. Pwǎ̤ta ma̤pûhǐ he sî̌ya Khrî̌stu dě he htûhtò̌ sělě sǒsǒkû̌ta anu, he jipwi̤ mè̤mè̤̌. Khrî̌stu wû̌lǎ he ta ta̤wi̤ta̤kè̌ htǒotoǒ akhû̌akhîhǒ.

Kawyaw New Testament

¹² Ta̤hǒ tokhlǒnu he nǐ̤bǎ htohǒ he hî̌nǒ kû̌ pô̤̌nutô̤̌, htodě he ta̤ô̌htûpwa̤nu, a lǒbe bòkè he hî̌nǒ kû̌ pô̤̌nu tô̤̌tô̤̌. Bǎbǎkǎlè pô̤̌khô he gǔ sî̌ganǎ̤ Khrǐ dě he gǔ htûhtò̌ hènè sô̌sô̌kû̌ a ayanu, he jî̌pwǐjî̌le mî̌ca. Khrǐ rû̌htò̌ he kû̌ ta̤we̤ta̤kè hǒtokhlǒ akhû̌akhî pwǎ.

Phǐlǐpǐ 3:12 Iomraidhean Croise

Htû̌sò̌htò̌ 119:5

He sò̌꤮ phlǒsho mè̤mè̤̌ dě he glè gûma̤kû̌bò nata̤hî̌bǎlò̤yo̤.

Htû̌sò̌htò̌ 138:8

Pwǐ Cǒmara tûjûpwa̤ olò̤htonu a ma̤lǒma̤be bǎ he pě. Kǒ Cǒmara tûjûpwa̤, nata̤mo̤ǐ htě ahǎbòjò tò̤nu a ǒměǒgle tûjûpwa̤. Wîkè pûma̤ ta̤ma̤ htě na ma̤ yǎta nacǔdenu toǒ ma̤.

Htû̌sò̌htò̌ 42:1

Kǒ Cǒmaradû̌, pwǐ tikhi hǒwi̤sò̌o mè̤mè̤̌ shidû̌hè dě shilo̤kûnu, he nǎsǔ kè̌shǐ jòjî̌꤮ na tò̤.

Htû̌sò̌htò̌ 63:8

He phǒměǐ na. Na cǔdemû ma̤jè he.

Htû̌sò̌htò̌ 84:2

He sò̌yṳ subusaba mè̤mè̤̌ dě Cǒmara tûjûpwa̤ la̤ǒgûla̤ akû bǎo, he sò̌phlǒmo̤ mè̤mè̤̌. Hena̤ sapwa̤ ta hesò̌phlǒ sama glè sò̌le̤sò̌lò̤ sò̌po̤htò̌ Cǒmaradû̌ htě ahtûpwa̤nu tapwa̤.

Htû̌sò̌htò̌ 94:15

Ta̤cèrònu atoabǎ gesǒ pě. Lǒ̤꤮ bò kòyòcǒkòyòtè̤ toǒ jûle̤phî̌yo̤kû̌bòtû̌ pě.

Matěo 5:48

Ma̤hǐnudě, pwǐ sîpha dě mǒkhû̌ htǒotapwa̤ a lǒbewǒnu, lǒbewǒ sǒsǒta anu nî̌.”

Pwa̤nophû̌ 9:15

Pwǎ̤tadě Běcǎ hî̌ yǎ, “Cû̌mò̌, ma̤tè̤hî̌dě he wû̌lǎ yǎ dě a glè dǒhtû̌ǐ hewi̤hekè̌ bǎ Yṳ̌daphû̌ mè̤tò̤ toǒ, Khwǐcophǎ toǒ ta Israelphû̌ toǒ alo̤mo̤ pě.

Rṳ̂̌me̤ 8:39

Ta̤ ǒ dě mǒla̤ toǒ bǎbǎ, a ǒ dě hǎkhû̌ teběhtǒo ala̤ toǒnu bǎbǎ, ta̤bǒlò̤ ahǔwa̤ toǒ bǎbǎ, pa Běcǎ Ye̤shǔkhrî̌stu ma̤hto bǎ paya akhû̌akhî, ta̤ lǒ̤꤮ bò htǒotoǒnu a htěpa̤jò pa ta Cǒmara ata̤mo̤ǐ tò̤.

Kôritu awǐlǒ tôbǎ 13:10

Pwǎ̤tadě htû̌꤮ nǒkòpě bǎ Cǒmara ǐpa ta̤sî̌khû̌sî̌ya htě alǒabe htǒo akhapěnu, ta̤ htě alǒabe tò̤ toǒnu a hǎmǎkèbò pě.

Kôritu awǐlǒ tôbǎ 13:12

Sǒsǒta hǐnuakho ta̤ htě pa sî̌ya khònò̤htǒo toǒ numî̌ a lò̤pwǎ ta pa kè̌ me̤dǔ dě a lṳ sûprṳ̂pwǎ tabǎnu. Pwǎ̤ta nǒkò pěnu mṳni̤mṳsa htě pa kè̌shǐ glashǔ sana̤ Cǒmara ta pana̤ pěnu, a hèto̤ pě, dě pa sî̌yaphlobò pṳ̂̌꤮ tacǎ pě. Khònò̤dě pa sî̌yaphlobò Cǒmara hǒtò̤ pwǎ̤ta bǎnukha pěnu, pa sî̌ya te̤mǎbò pwǐ Cǒmara sî̌ya te̤mǎbò panu pě.

Kôritu awǐlǒ tôbǎ 9:24

Kò ta̤khlè̌ nû̌û tṳ̂prṳ̂taphǎ pwǎ̤tadě akhlè̌pè̤bò kò numî̌ a ǒpwǎ tapwǎ̤pa, dě kò ǐtû̌ a ta̤khlè̌ nî̤khû̌kǎ htǒo tapwǎ̤꤮ pa numî̌ sî sî̌yatû̌ hǒ! Hǐnudě ma̤pûhǐ sî nî̤bǎ kû̌kòyò ta̤khlè̌ nî̤khû̌kǎ ayanu, jipwi̤jili̤khlè̌ phî̌nṳ kû̌kòyò khû̌kǎ dě Cǒmara ǒ htǒonu.

Kôritu ginǐ̤bǎ tôbǎ 13:9

Pa dè lo̤bǎ sû̌ǐwǒgemò̌ sî tò̤nu, pa noǎjò pa ta̤shû̌ta̤sho tò̤, hǐnudě kò gènè̤ lǒkho pa ta pa khû̌ǎyû̌lò̤ pwǎ hǐnudě sî dè ma̤ sělěpe ta̤sǔ tò̤ hî̌nu, sî htûhtò̌ kòyò htě a shû̌sho toǒ akhû̌akhî, pa sò̌le̤sò̌lò̤ mè̤mè̤̌. Pa kwisaba bǎ sî ta sî ǒhtûpwa̤ wǒhè alo̤mo̤ tokho dě sî ma̤pe pû ta̤sǔ tò̤, hǐnu pwǎ.

Kôritu ginǐ̤bǎ tôbǎ 7:1

Sû̌kho toǒ꤮, Cǒmara olò̤bò toǒ numî̌ payabò hǒ. Hǐnudě, pa cû̌tephekè ta pana̤saklû a ta̤sò̌yṳ phû̌mò̤shî̌hto toǒ ta pa sò̌phlǒ a ta̤gènè̤ phû̌mò̤shî̌hto htǒonu toǒ hò̌꤮. Pa ǐsha bè̌dubè̌na̤ Cǒmara htǒo akhû̌akhî, pa htûhtò̌ ta kòyò htě a cahtǐ toǒ hò̌꤮.

Galatǐ 5:17

Ma̤tè̤hî̌dě sǐshiphěyî̌ a ta̤sò̌yṳ htǒonumî̌, a khlè̌cû̌ khǒkè ta Běcǎ sǎcahtǐ a ta̤sò̌yṳ. Dě Běcǎ sǎcahtǐ a ta̤sò̌yṳ htǒonu a khlè̌cû̌ khǒkèsǒ ta na̤klûphěyî̌ a ta̤sò̌yṳ. Ta̤htǒo ginǐ̤cǎnu a kla nû̌û tò̤ akhû̌akhî, pwǐ sî sò̌yṳ ma̤nu sî ma̤jòpe tò̤ hǒ.

Ěphěsu 1:4

Ma̤tè̤hî̌dě, Cǒmara a lo̤mo̤ pěnu, ma̤pûhǐ pa cahtǐ dě kò ǐjòpe pû pa ta̤sǔ dǐcǎ꤮ tò̤nu, a wû̌lǎ pa dě Khrî̌stu akû, bǎ a bǒlò̤ hǎkhû̌ hǒtò̤ akhape.

Ěphěsu 4:12

Ma̤pûhǐ Cǒmara akòyò toǒ ǒ tîwî̌tòwò ana̤ ta a ma̤ bǎ nû̌û ta̤ma̤ aya, htohǒtò̤ ma̤pûhǐ a ǐshû̌ǐshohtò̌ pwa̤yṳǎta̤ aprṳ̂ahophû̌ htě a mî̌ Khrî̌stu ana̤saklûhtǒonu dě, a ǐlò̤ hǐnuhǒ.

Phǐlǐpǐ 1:1

Pa mî̌ Pò̌lu ta Timò̤̌te. Pa mî̌ Ye̤shǔkhrî̌stu ajû toǒ. Pa khwè̌cû̌ lî̤ htǒotabǎ ta Cǒmara akòyò htě a htûhtò̌ ta Ye̤shǔkhrî̌stu tacǎ꤮ pa dě a ǒ lǒkho Phǐlǐpiawî̤kûnu toǒ a ǒ. Pa khwè̌cû̌padǒ ta pwa̤yṳǎta̤ aprṳ̂aho hǐkǒdû̌ toǒ ta pwa̤ma̤jè pwa̤yṳǎta̤ aprṳ̂ahophû̌ toǒ.

Phǐlǐpǐ 3:16

Hî̌tètè̌ bǎbǎ, pa cû̌ plǒnû̌û dě alo̤mo̤ pwǐ pa sî̌yahtonu toǒ hò̌꤮.

Phǐlǐpǐ 3:3

Pa mî̌ Cǒmara akòyò mè̤mè̤̌ toǒ, asînu toǒ mî̌ a mè̤mè̤̌ mè̤tò̤, ma̤tè̤hî̌dě Cǒmara a sǎcahtǐ akhû̌akhî, pa subusabahtò̌ Cǒmara dě pa hî̌bǎhtû̌sò̌ǐ ta̤htě Ye̤shǔkhrî̌stu ma̤hto bǎ pa htǒotoǒ hǒ. Ma̤pûhǐ pa nî̤bǎ ta̤ma̤lû̌htò̌ge ayanu, pa to nǎla̤ǐ ta̤htě pa ma̤ htǒotoǒ tò̤.

Phǐlǐpǐ 3:8

Tǒ̤nuhtohǒtò̤, khònò̤htǒo sǔ he sî̌yahè he Běcǎ Ye̤shǔkhrî̌stu htǒonu a le̤dû̌pwî̤htûkhlope ta ta̤ lǒ̤꤮ bò akhû̌akhî, ta̤ lǒ̤꤮ bò htǒotoǒnu, he bè̌kè yǎ pwǐ ta̤ǒlû̌ǒkhlo toǒnu pwǎ. Khrî̌stu aya akhû̌akhî, he wîkèbò pṳ̂̌꤮ tacǎ hǒ. Ma̤pûhǐ he nî̤bǎ Khrî̌stu dě he htûhtò̌ pû ta Khrî̌stu tacǎnǔ꤮ pa ayanu, ta̤ lǒ̤꤮ bò htǒotoǒnu, he gènè̤kè yǎ pwǐ ta̤wè̤ta̤sǒ toǒnu pwǎ.

Tîsalònǐ awǐlǒ tôbǎ 5:15

Noma̤ geshǔ pûma̤ kòyò htě kò ma̤sǔ nû̌ûnu toǒ ma̤ nî̌꤮. Mî̌tanu, jipwi̤ ma̤wǒ kè̌khînû̌û tapwa̤ ta tapwa̤ pṳ̂̌꤮ taplǎ dě jipwi̤ ma̤wǒ bǎ kòyò ahǔwa̤ toǒ nî̌꤮.

Tîsalònǐ ginǐ̤bǎ tôbǎ 2:13

Pṳwè̤ sî꤮, sî mî̌ kòyò htě Běcǎ mo̤ǐ sîtoǒ dě pa hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě ma̤pûhǐ sî nî̤bǎ ta̤ma̤lû̌htò̌ge ayanu, Cǒmara wû̌lǎnǎhto sî dě khû̌lû̌khapenu hǒ. Dě Běcǎ sǎcahtǐ ma̤wî̤ma̤cahtǐ sî ta sî yṳǎ ta̤te̤ta̤mǎ akhû̌akhî, Cǒmara ma̤lû̌htò̌ge sî hǒ.

Tîmôte awǐlǒ tôbǎ 5:10

Htodě a bǎ htû mamǔ htě ami̤lṳwǒ ta a ma̤ta̤wǒ toǒ akò. A bǎ htû mamǔ tapwa̤ dě a kè̌ǐkhwè̌ǐ dû̌htò̌wǒhtotû̌ aphû̌ali̤ toǒ, a bǎ dǒshuǐ shǐtè̤mè̤ toǒ dě a hǐdǒkû, a bǎ htû mamǔ tapwa̤ dě a shǔbò Cǒmara akòyò toǒ akhò̌lopo̤, A bǎ ma̤jo kòyò bǎpò̤bǎsha toǒ htodě a bǎ htû mamǔ tapwa̤ dě a ǐlò̤ asò̌ ta a ma̤ta̤wǒ toǒ aya.

Tîmôte awǐlǒ tôbǎ 6:19

Asî dè ma̤mò̌hǐnu, asǒsǒta asî bè̌plǒǐ a ta̤dû̌yò̤htò̌sa dě a bǒpwi̤bǒwǒ akòshî̌htǒo htû̌꤮ nǒkòpě tuhtu ayanuhǒ. Htodě asî pṳ̂měǐtû̌ ta̤htûpwa̤ htě a mè̤mè̤̌ htǒonu pě.

Hebrǔ 12:14

Jipwi̤ ǒmo̤ǒkla kû̌ta kò pṳ̂̌꤮ tapwa̤ nî̌. Jipwi̤ ǒhtûpwa̤ cahtǐ lǒkho nî̌꤮. Ma̤tè̤hî̌dě ta̤ǒhtûpwa̤ cahtǐ dè ǒtò̤ hî̌mò̌nu, kò kè̌shǐjò Běcǎ dǐpwǎ̤tò̤.

Hebrǔ 12:23

Sî hèto̤ dě Cǒmara a phû̌wè̤pwa̤ toǒ la̤hè ǒpo̤htunû̌û agûla̤ htǒonuhǒ. Kò khwè̌nṳmǎnǎ asîmi̤ dě mǒkhû̌ hǒ. Sî hèto̤ lǒkho dě Cǒmara htě a glè cèrò kò pṳ̂̌꤮ tapwa̤ ta ana̤ htǒotapwa̤ alo̤mo̤ hǒ. Sî hèto̤ kòcǒkòtè̤ dě wǐkha toǒ a yolahtûpwa̤ htě Cǒmara ma̤lǒbehto nû̌û htǒotoǒ a ǒ hǒ.

Jǎgomo̤ 3:2

Pa ma̤sǔ gegele̤le̤bò ta̤ pṳ̂̌꤮ tapwa̤ hǒ. Pwǎ̤ta kòyò htě a hî̌bǎsǔnǒ kû̌kò dǐkhò̌꤮ tò̤ tapwa̤nu, a mî̌ kòyò htě alǒabe tapwa̤ dě atèkwè̌ǐbò̌bò a na̤sapwa̤ hǒ.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ htě a kaǎ sî ta a ǐ sî ata̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu pě. Bǎ sî khòbǎ ta̤jîta̤jû teděsǎphû̌ htǒo tûlû̌hto pěnu, Cǒmara sana̤nu a ma̤měma̤gle tònòwǒgesǒ sî pě, htodě a ǐshû̌ǐshohtò̌ sîkhû̌sîǎ pě.

Petru ginǐ̤bǎ tabǎ 3:18

Mî̌tanu, dû̌htò̌ sělěpo̤ lǒkho dě ta̤bwǐta̤sîrî akû ta dě ta̤sî̌ya pwa̤ htě a ma̤lû̌htò̌ge pa mî̌ pa Běcǎ Ye̤shǔkhrî̌stu htǒo akû nî̌꤮. Khònò̤htǒo tǒ̤hènu, kò htû̌sò̌ǐ tû̌ta pa Běcǎ Ye̤shǔkhrî̌stu tûjûpwa̤ talakhǎ nî̌꤮. Amè̤.