Phǐlǐpǐ 3:11 - Kawyaw RC

¹¹ He sò̌yṳ htûhtò̌ sǒsǒkû̌ hǐnu, ma̤tè̤hî̌dě ma̤pûhǐ Cǒmara ma̤htûpwa̤gesǒ he ta ta̤si sǒsǒta htǒonu pě.

Kawyaw New Testament

¹¹ He sǎyṳ htûhtò̌ sô̌sô̌kû̌ pô̤̌nu, ma̤titèhî̌dě pô̤̌khô Cǒmara gǔ ma̤htûpwa̤ getîkhî he dǒ ta̤si sô̌sô̌kû̌nu pe pwǎ.

Phǐlǐpǐ 3:11 Iomraidhean Croise

Htû̌sò̌htò̌ 49:7

Kòyò htě a htè̌gebò̌ bǎ kòsò̌phlǒhtûpwa̤nu a ǒ dǐpwǎ̤꤮ tò̤. Dě kòyò tapwa̤ sò̌htûpwa̤ ayanu, a ǐbò̌ nǒ Cǒmaradû̌ ale̤apwî̤ tò̤.

Lǔka 14:14

Dě na dè kaǎ ǎ kòyò hǐnu toǒ hî̌nu, na nî̤bǎ ta̤howi̤ pě, ma̤tè̤hî̌dě asî kaǎ ǎ geshǔbò̌ na dǐcǎ꤮ tò̤. Bǎ kòyòcǒtè̤ toǒ htûpwa̤gesǒ ta ta̤si akha pěnu, Cǒmara ǐge na ta̤bwǐta̤sîrî pě.”

Jowǎ̤ni̤ 11:24

Dě Mǎ̤rita hî̌shǔ nû̌û, “Bǎ kò pṳ̂̌꤮ tapwa̤ htûpwa̤gebò ta ta̤si dě nǒkògutṳ̌ ti̤ni̤ pěnu, a si htûpwa̤ge pěnu he sî̌ya pwǎ,” a hî̌shǔ nû̌û hǐnu.

Pwa̤nophû̌ 23:6

Bǎ Pò̌lu kè̌shǐ ta kòyò ǒbǎnu toǒ mî̌ toǒǒ dě Sadugè̌phû̌, toǒǒ dě Pharisè̌phû̌ akhû̌akhî, a yi̤kǒhtò̌lṳ bǎ Yṳ̌daphû̌ htě a htû hǐkǒdû̌ toǒ, “He pṳwè̤ toǒ꤮, he mî̌ Pharisè̌phû̌ tapwa̤. He mî̌ Pharisè̌phû̌ toǒ a phû̌makhû mî̌ amè̤mè̤. He kè̌shuǐ ta kòyò htě a si toǒnu, a glè htûpwa̤gesǒ pě akhû̌akhî, sî sèlè he.”

Pwa̤nophû̌ 26:7

Cǒmara a ta̤olò̤ htǒonumî̌ khònò̤htǒo Yṳ̌daphû̌ shǐginǐ̤mṳ ma̤ bǎ nû̌û ta̤phî̌ta̤ma̤, dě asî ǒpo̤kè̌shuǐ lṳmṳhǎlṳmṳlî htě alò̤ta he kè̌shuǐ htǒonu tacǎhǒ. Khwǐdû̌꤮ he kè̌shuǐ htǒonu akhû̌akhî, Yṳ̌daphû̌ toǒ yṳ̂bò he ta̤sǔ hǒ.

Pwa̤nophû̌ 27:12

Htû̌꤮ gawo̤kha hèto̤pěnu, la̤bè̌ǒkǔ sǒkhlidû̌ gûla̤ bǎo numî̌ a te̤bǎte̤to tò̤. Asî sò̌phlǒto plṳ̂khlo ta dè hǎhtò̌cû̌kè bǎo, dě dè jipwi̤ cû̌to̤bò̌ dě Phonǐwî̤ hî̌nu, htû̌꤮ gawo̤khapě dě cû̌ǒkǔ bǎnu pě. Phonǐwî̤ mî̌ sǒkhlidû̌ bǎ Grete shikholophû̌jonu toǒ la̤gebè̌ǒkǔ tûdûwǒ agûla̤. Wî̤htǒonu, a ǒ totǐcû̌ dě mṳlò̤ cǔmû ta mṳlò̤ cǔcî̌ tokho.

Rṳ̂̌me̤ 11:14

Pwǐ Cǒmara ma̤wǒhtobǎ sî Yṳ̌daphû̌ mè̤tò̤ toǒ ayanu, he kè̌shuǐ ta ma̤pûhǐ he ma̤ sò̌khě bǎ hekho Yṳ̌daphû̌nu toǒ aya, htohǒtò̤ ma̤pûhǐ he lǒginṳ kû̌ asî toǒǒ ta a nî̤bǎ kû̌kò ta̤ma̤lû̌htò̌ge ayanu, he gènè̤dû̌ mè̤mè̤̌ ta̤ma̤ htě Cǒmara ǐ he htǒonu.

Kôritu awǐlǒ tôbǎ 15:23

Pwǎ̤tadě ta̤htûpwa̤ge htǒonu a htûhtò̌ tacǎ hto tacǎ pě. Pa pṳ̂̌꤮ tapwa̤ tobǎ ǒpo̤to̤htû̌ mṳni̤ to ihtǒnu ti̤ni̤ pě. Běcǎ Ye̤shǔ htûpwa̤ wǐgutṳ̌ pě. Htodě htû̌꤮ Běcǎ Ye̤shǔkhrî̌stu hèlò̤ gesǒ pěnu a ma̤ htûpwa̤gesǒ kòyò htě a yṳǎ nû̌ûnu toǒ pě.

Kôritu awǐlǒ tôbǎ 9:22

Ma̤pûhǐ kòyò htě kò ma̤jî asî, pè̤ǎpè̤o asî toǒ yṳǎna̤ǎ Běcǎ Ye̤shǔ ayanu, bǎ he ǒkû̌dǒ asîkla akha, he ǒhtûpwa̤ sǒsǒ pwǐ asînu. Ma̤pûhǐ kòyò toǒǒ nî̤bǎ ta̤ma̤lû̌htò̌ge ayanu, he kè̌lǎ ǒhtûpwa̤ te̤bǎte̤to kû̌ pṳ̂̌꤮ tacǎ pwǐ asî pṳ̂̌꤮ tapwa̤ ǒhtûpwa̤nu.

Kôritu awǐlǒ tôbǎ 9:27

Hǐnudě he khòpè̤, he khòǐ he sò̌phlǒ a ta̤sò̌yṳ toǒ dě he sû̌ǐjî sû̌ǐjûlò̤ hena̤. He dǒhtû̌ǐhto kò akhû̌akhî, he sò̌yṳhtû kòyò htě a lò̤jûkè kò gûla̤ tò̤, he sò̌yṳhtû pwǐ he to htûnu.

Kôritu ginǐ̤bǎ tôbǎ 11:3

Pwǐ khînǎmo̤pha hǐkǒdû̌ sûlûana̤ sǒsǒta wṳ̂ dě a hè lǒǎplò̤ǎ Ěwa̤nu, he bǎgubǎgènǎ ta pěmî̌ kò hè lǒǎplò̤ǎ sî hǐnu pě, htohǒtò̤ pěmî̌ kò hè ma̤pî̌ma̤lṳ̂bò sî sò̌phlǒ a ta̤gènè̤ toǒ dě sî wîkè sî ta̤sò̌yṳ mo̤ǐ lǒ̤sû̌lǒ̤sò̌ Khrî̌stu ta sî ta̤sò̌yṳmo̤ǐ te̤mǎ Khrî̌stu htǒonu pě he bǎgubǎgè mè̤mè̤̌ sîya hǐnu.

Tîsalònǐ awǐlǒ tôbǎ 3:5

He ǒkhòpe tò̤ akhû̌akhî, ma̤pûhǐ Timò̤̌te sî̌ya ta sî ǒměǒglepe ta sî ta̤yṳ ya, mî̌ sî ǒměpe tò̤ yanu, he sûlò̤ yǎ dě sî ǒ. He bǎgu ta khînǎmo̤pha hǐkǒdû̌ lǒǎplò̤ǎ sî. Htodě ta̤phî̌ta̤ma̤ lǒ̤꤮ bò htě pa ma̤htobò toǒnu, a glè nòdû̌kèbò, he bǎgu hǐnu.

Tîsalònǐ ginǐ̤bǎ tôbǎ 2:3

Nolǒǎplò̤ǎ pûma̤ sîna̤ ma̤ nî̌꤮. Běcǎ Ye̤shǔkhrî̌stu hè hǒtò̤nu, kòyò toǒ shěshǔ Cǒmara pě dě kòyò htě a htè̌shǔkè Cǒmara ta Cǒmara a ta̤sû̌ta̤tòwònu tapwa̤ ǒlṳhtò̌ pě. Ta̤htǒotoǒ htûhtò̌wǐhtopě dě Běcǎ Ye̤shǔkhrî̌stu hè gesǒ pě amṳni̤ htǒonu a hè htûhtò̌ nǒ pě. Htodě Cǒmara ma̤pî̌phlǔkè kòjîkòphû̌mò̤nu tapwa̤ dě ngariǒkû pě.

Tîmôte ginǐ̤bǎ tôbǎ 4:8

Khònò̤dě Cǒmara bè̌wǒ bǎ he ta̤cǒta̤tè̤ a khû̌glûhta htě a mî̌ ta̤ma̤nî̤khû̌kǎ htǒotamanu hǒ. Htodě htû̌ mṳni̤gutṳ pěnu, pwa̤cèròta̤ a Běcǎ htǒotapwa̤ ǐlò̤ he pě pwǎ̤ta htǒonumî̌ heya tû̌ mè̤tò̤. Kòyò lǒ̤bò htě a ǒpo̤kè̌shuǐ Běcǎ hè ǒlṳhtò̌sǒ pěnu toǒ ayamî̌ a ǒpadǒ pěpě.

Hebrǔ 11:35

Ta̤yṳ akhû̌akhî, mamǔ toǒǒnu, akhlialè toǒ sihtohǒ pwǎ̤tadě a nî̤bǎ gesǒ asî dě ta̤si akû. Pwa̤yṳǎta̤phû̌ toǒǒnu, kò ma̤jîma̤jû asî. Kò hî̌ asî ta asî dè wîkè lǒkho ata̤yṳ hî̌dě, kò glè plûhǎhtò̌ pelecû̌kè asî pwǎ̤tadě a jûshǔ kò tò̤. Dě asî ma̤hǐnu akhû̌akhî, kò ma̤jîmajûsi asî. Pwǎ̤ta, htû̌꤮ asî si htûpwa̤gesǒ pě ti̤ni̤nu, ma̤pûhǐ asî nî̤bǎ lǒkho ta̤ǒhtûpwa̤ htě a mo̤khlo ta htǒotuhtu ayanudě, asî ma̤ lǒkho hǐnu pwǎ.

Ta̤dǔlè̌nǎ 20:5

Htǒomî̌ ta̤htûpwa̤ge awǐgutṳ̌ taplǎ hǒ. Anětîrî̌be hǒtò̤nu, kòyò htě a sihto dě a ǒpe hǎla̤ toǒnu, a htûpwa̤ge hǒtò̤.