Phǐlǐpǐ 3:10 - Kawyaw RC

¹⁰ Ta̤ htě he sò̌yṳ sî̌yabò toǒ numî̌ pwǎpǒ̤ Khrî̌stu ta ata̤si htûpwa̤gesǒ a ta̤po̤ta̤phǎ htǒonu pwǎ. Dě he sò̌yṳ khòjîkhòjû kû̌dǒta a, dě he sò̌yṳ htûhtò̌ sǒsǒkû̌ta a khòsi ana̤ htǒonu pwǎ.

Kawyaw New Testament

¹⁰ Lǒ̤bò ta̤ dǒ he sǎyṳ sî̌ganǎ̤ tokhlǒ numî̌ pwǎtǒ̤ Khrǐ kû̌ ata̤si ihtǒhtûpwa̤ getîkhî a ta̤pô̤ta̤phǎ hǒnu pwǎ. Dě he sǎyṳ khòjî̌khòjû̌ kû̌ a, dě he sǎyṳ htûhtò̌ sô̌sô̌kû̌ a tṳ̌sikhòsi anǎ̤ nupwǎ.

Phǐlǐpǐ 3:10 Iomraidhean Croise

Matěo 20:23

Běcǎ hî̌shǔ asî, “Sî khòbǎkû̌ mè̤mè̤̌ dǒ pwǐ he khòbǎ htǒonu pě. Pwǎ̤ta na to hǎnòò̌ dě he cǔcocî̌ tokho ya, cǔdemû tokho yanu a ǒ he cǔdekû mè̤tò̤. Hepha dě mǒkhû̌ htǒotapwa̤ ma̤wǒ gûla̤htǒo ta jǔ꤮ a sò̌yṳ ǐ tû̌ kònu toǒ aya.”

Jowǎ̤ni̤ 10:18

He dè noma̤si kò ta hena̤ tò̤ hî̌nu, kò ma̤sijò he dǐpwǎ̤꤮ tò̤. He ǐlò̤kè he sò̌phlǒ htǒonumî̌, kò no he dǐpwǎ̤꤮ tò̤, he sò̌phlǒ ta he sò̌phlǒ ǐlò̤ tû̌ pwǎ. He ǒ ta he ta̤po̤ta̤phǎ dě he sò̌yṳ ǐlò̤kè hesò̌ mî̌ a nî̤nî̤, he sò̌yṳ phî̌wǒge yǎ mî̌ a nî̤nî̤ pwǎ. Hepha mǎhènṳ heyo̤ ta he bǎma̤ htǒo,” a hî̌ bǎ asî hǐnu.

Jowǎ̤ni̤ 17:3

Cǒmara mî̌tû̌ na tapwǎ̤pa, kòyò htě a sî̌ya na dě a sî̌ya ta he mî̌ Ye̤shǔkhrî̌stu htě na sûhè yǎ tapwa̤ numî̌, mè̤pwǎ ta̤sî̌ya htě a ǐ asî yolahtûpwa̤ tûjûpwa̤nu.

Rṳ̂̌me̤ 8:17

Khònò̤htǒo pa dè htû aphû̌ali̤ dě a ǐ pa a ta̤howi̤ û̌cata̤bî̌ htě a bè̌wǒ bǎ panu toǒ pě. A ǐ ta̤howi̤ ta aphû̌ali̤ toǒ to nî̤bǎnu toǒ pě. Htohǒtò̤ û̌cata̤bî̌ htě a měgle tûjûpwa̤ htǒo pa nî̤bǎpo̤ kû̌ta Khrî̌stu pě. Pa dè khòjîkhòjû plǒhtukû̌ ta Khrî̌stu hî̌dě pa nî̤bǎ plǒhtukû̌ ta̤sîrîdû̌htû ta a pě.

Rṳ̂̌me̤ 8:29

Ma̤tè̤hî̌dě, kòyò htě a glè yṳǎ Cǒmara toǒnu a sî̌yanǎ wǐtû̌hǒ. Htohǒtò̤ a bè̌lò̤nǎhto asò̌phlǒ dě꤮ wǐnukha ta a nohtûhtò̌ sǒsǒkû̌ asî ta aphû̌khû htǒonu pě. Hǐnudě aphû̌khûhtǒo htûhtò̌ phû̌wè̤pwa̤ tapwa̤ dě apṳwè̤ tṳ̂prṳ̂taphǎ htǒotoǒ akla hǒ.

Rṳ̂̌me̤ 8:36

Lî̤cahtǐkû hî̌, “Sîkhû̌sîkhî, pa kè̌shǐbǎ ta ta̤si ti̤nǐ̤mṳhǎ hǒ. Kò gènè̤ pa ta pahtǒo asǒsǒta sophû̌ htě kò glè ma̤si yǎnu,” a hî̌ hǐnu.

Kôritu ginǐ̤bǎ tôbǎ 1:10

Cǒmara ma̤lû̌htò̌ge pa dě ta̤si a ta̤sò̌gònò̤ ǐsha adû̌ayǒakû htǒonu hǒ. Pa yṳǎ ta Cǒmara ma̤lû̌htò̌ge sělěpo̤ lòtṳ̌pwǎ pa pě.

Kôritu ginǐ̤bǎ tôbǎ 1:5

Khrî̌stu akhû̌akhî, pa khòbǎ plṳ̂ ta̤jîta̤jû, pwǎ̤tadě Ye̤shǔkhrî̌stu akhû̌akhî, Cǒmara ma̤mo̤ ma̤jè plṳ̂ mè̤mè̤̌ pa.

Kôritu ginǐ̤bǎ tôbǎ 13:4

Dě ta̤khû̌ǎyû̌lò̤ akhû̌akhî, Khrî̌stu khòsi asò̌ nò̌dòhtǔ alo̤. Pwǎ̤ta khònò̤htǒo dě Cǒmara a ta̤po̤ta̤phǎ shû̌sho akhû̌akhî, a htûpwa̤ hǒ. Hǐnudě pa mî̌ pa khû̌ǎyû̌lò̤ sǒsǒ hǐnu pwǎ̤tadě bǎ pa hî̌ sî pě akhanu, pa dǔlṳ bǎ sî ta Cǒmara a ta̤po̤ta̤phǎ shû̌sho pě, ma̤tè̤hî̌dě pa htû ta Khrî̌stu tacǎnǔ꤮ pa dě pa ta̤ǒhtûpwa̤kû akhû̌akhî, pa ma̤hǐnu pě.

Galatǐ 2:20

Htǒonumî̌ alò̤ta he si kû̌ta Khrî̌stu dě nò̌dòhtǔ alo̤ hǒ. He ǒhtûpwa̤ mè̤petò̤ pwǎ̤ta Khrî̌stu ǒhtûpwa̤ dě hekû hǒ. Ta̤ǒhtûpwa̤ htě he ǒhtûpwa̤ khònò̤ htǒonumî̌ mî̌pwǎ he ǒhtûpwa̤ ta ta̤yṳǎ Cǒmara aphû̌khû htě a mo̤ǐ he dě a ǐlò̤kè a ta̤htûpwa̤ ta heya htǒonu tapwa̤ akhû̌akhî pwǎ.

Galatǐ 6:17

Khònò̤ tǒ̤hènu, noma̤shû̌shǎpe pûma̤ he sò̌phlǒ ta kò dǐpwǎ̤꤮ ma̤ nî̌꤮, ma̤tè̤hî̌dě ta̤acè htě a ǒ dě hena̤lo̤ htǒotoǒ numî̌, a dǔlṳ mè̤mè̤̌ ta he mî̌ Ye̤shǔkhrî̌stu ajû tapwa̤ hǒ.

Ěphěsu 4:13

Dě Khrî̌stu ana̤saklûhtǒo a shû̌htò̌shohtò̌ to̤htû̌ pa lǒ̤꤮ bò ǒnû̌û ta ta̤yṳ tacǎ꤮ pa ta ta̤sî̌yahè Cǒmara aphû̌khû tacǎ꤮ pa pě. Htohǒtò̤ pa htûhtò̌ pwa̤yṳǎphû̌ htě a dû̌pwa̤sî̌ya te̤mǎ toǒ pě. Ta̤dû̌pwa̤sî̌ya te̤mǎ htǒonumî̌ pa htûhtò̌ kòyò htě alǒabe sǒsǒta Khrî̌stu htě alǒabe htǒotapwa̤nu hǒ.

Phǐlǐpǐ 3:8

Tǒ̤nuhtohǒtò̤, khònò̤htǒo sǔ he sî̌yahè he Běcǎ Ye̤shǔkhrî̌stu htǒonu a le̤dû̌pwî̤htûkhlope ta ta̤ lǒ̤꤮ bò akhû̌akhî, ta̤ lǒ̤꤮ bò htǒotoǒnu, he bè̌kè yǎ pwǐ ta̤ǒlû̌ǒkhlo toǒnu pwǎ. Khrî̌stu aya akhû̌akhî, he wîkèbò pṳ̂̌꤮ tacǎ hǒ. Ma̤pûhǐ he nî̤bǎ Khrî̌stu dě he htûhtò̌ pû ta Khrî̌stu tacǎnǔ꤮ pa ayanu, ta̤ lǒ̤꤮ bò htǒotoǒnu, he gènè̤kè yǎ pwǐ ta̤wè̤ta̤sǒ toǒnu pwǎ.

Kòlòtè̌ 1:24

Ma̤pûhǐ sî nî̤bwǐnî̤sîrî ayanu, khònò̤htǒo he khòbǎta̤ ta sîya hǐnumî̌ he sò̌le̤sò̌lò̤ pwǎ. Pwǐ Khrî̌stu khò bǎ kòyò htě a yṳǎ nû̌û dě asǒsǒta ana̤klû toǒnu, he sò̌phlosho dě he na̤klûphěyî̌ htǒo khòbǎdǒbò kòyò lǒ̤꤮ bò htě a yṳǎ nû̌ûnu toǒ ayaya.

Kòlòtè̌ 2:13

Bǎ sî yṳǎ Ye̤shǔkhrî̌stu hǒtò̤ akhanu, sî ta̤sǔ akhû̌akhî, sî sǒsǒta kòyò htě a si sû̌sò̌nu toǒ hǒ. Htohǒtò̤ sî lû̌htò̌bò̌ ta sî la̤klo ma̤ta̤sǔ a po̤phǎshû̌sho htǒonu tò̤. Pwǎ̤ta khònò̤htǒo Cǒmara ma̤ htûpwa̤kû̌sǒ sî ta Khrî̌stunu hǒ. Cǒmara bòlû̌bò pa ta̤sǔ lǒ̤꤮ bò hǒ.

Kòlòtè̌ 3:1

Pwǐ Cǒmara ma̤htûpwa̤ge Khrî̌stu ta ta̤sinu, Cǒmara ma̤ htûpwa̤gesǒ sî ta ta̤si dě a ǐ sî ta̤htûpwa̤ asa htǒonu ta Khrî̌stu hǒ. Hǐnudě sî sò̌phlǒ a ta̤sò̌yṳ lǒ̤꤮ bò toǒnu, bè̌ǒ lǒkho yǎdě mǒkhû̌ bǎ Khrî̌stu la̤hǎnòò̌ ǐ agûla̤ Cǒmara acǔdemûnu tokho nî̌꤮.

Petru awǐlǒ tabǎ 1:3

Pa hî̌bwǐhî̌sîrîhtò̌ plǒnû̌û pa Běcǎ Ye̤shǔkhrî̌stu apha Cǒmara hò̌꤮. Mî̌ htě a ta̤gwèbǎǐ tûlû̌shû̌ pa htǒo, ta Ye̤shǔkhrî̌stu ata̤si htûpwa̤ge akhû̌akhî, a ǐlò̤ pa ta̤htûpwa̤ asa hǒ. Dě htǒo akhû̌akhî, pa nî̤bǎ hènè pa ta̤kè̌shuǐ dě pa ta̤ǒhtûpwa̤ akû hǒ.

Petru ginǐ̤bǎ tabǎ 1:13

Bǎ he ǒhtûpwa̤pe akha, he htû̌wè̤ gènè̤htò̌ gesǒ sî ta ta̤wi̤ta̤kè̌ htǒotoǒ mî̌ he gènè̤ ta ato pwǎ.

Yṳ̂ha awǐlǒ tôbǎ 2:3

Dě pa jûle̤phî̌yo̤ Cǒmara ta̤mǎlò̤ akhû̌akhî, pa sî̌ya te̤mǎ ta pa sî̌yahè Cǒmara hǒ.

Yṳ̂ha awǐlǒ tôbǎ 2:5

Pwǎ̤tadě ûpè tapwa̤ bǎbǎ, a dè jûle̤phî̌yo̤ nû̌ûyo̤ hî̌nu, ta̤mo̤ǐ Cǒmara lǒhtò̌behtò̌ mè̤mè̤̌ akû hǒ. Dě pa jûle̤phî̌yo̤ ayo̤ akhû̌akhî, pa sî̌ya te̤mǎ ta pa htûhtò̌ ta Cǒmara tacǎnǔ꤮ pa hǒ.

Ta̤dǔlè̌nǎ 1:18

He mî̌ kòyò htě a htûpwa̤ tapwa̤. He sihto hǐnudě khònò̤ he htûpwa̤ tûjûpwa̤ talakhǎ. He ǒta ta̤sîrîshû̌sho ta ta̤po̤ta̤phǎ dě he pǒǐbò ta̤si ta lṳnǎkhwǎ ado toǒ.