Phǐlǐpǐ 3:1 - Kawyaw RC

¹ He pṳwè̤ sî, gutṳ̌lò̤nu, he sò̌yṳ hî̌ sî, sî htûhtò̌ kû̌ta Běcǎ Khrî̌stu tacǎnǔ꤮ pa htǒonu, sò̌le̤sò̌lò̤ lǒkhopû nî̌꤮. He khwè̌cû̌ bǎ gesǒ sî lî̤ htě asǒsǒta awǐkha toǒnu pwǎ pwǎ̤ta a dǐdònǒ he dǐcǎ꤮ tò̤. He khwè̌ htǒotoǒ numî̌ ma̤pûhǐ a ma̤kwaǐ bǎ sîyapwǎ.

Kawyaw New Testament

¹ He pṳ̌wè̤̌ sî, dǒnô̌kòlǒnu, he sǎyṳ hî̌ sî kû̌, dǒ sî htûhtò̌ ta̤tôcǒ꤮ nô̤̌ kû̌ Běcǎ Khrǐnu, sǎlě̤sǎlò̤ lô̌khô nî̌꤮. He wě̤cû̌ bǎ sô̌ sî lî̤ dǒ asô̌sô̌kû̌ awǐkha tokhlǒnu pwǎ bǎbǎkǎlè a dǐkhû̌dǐdò nô̌ he tôcǒ꤮ tô̤̌. He wě̤ tokhlǒ numî̌ pô̤̌khô a takabǐ sîyapwǎ.

Phǐlǐpǐ 3:1 Iomraidhean Croise

Htû̌sò̌htò̌ 149:2

Kǒ Israelphû̌ sî, pwa̤bǒlò̤ sînu tapwa̤ akhû̌akhî, sò̌le̤sò̌lò̤ lǒkho. Kǒ Sǐowî̤phû̌ sî, sîkhwǐdû̌ akhû̌akhî, sò̌le̤sò̌lò̤ lǒkho.

Htû̌sò̌htò̌ 32:11

Kòyòcǒkòyòtè̤ sî, sò̌le̤sò̌lò̤ mo̤sû̌mo̤sò̌ lǒkho dě Cǒmara tûjûpwa̤ akû. Kòyò sò̌phlǒcǒsò̌phlǒtè̤ toǒ, sò̌le̤sò̌lò̤ sò̌po̤htû̌sò̌htò̌ lǒkho nî̌.

Htû̌sò̌htò̌ 33:1

Kǒ kòyòcǒkòyòtè̤ sî, sò̌le̤sò̌lò̤ sò̌po̤htû̌sò̌ǐ mò̌ Cǒmara tûjûpwa̤. Kòyò htě a gana̤de jûle̤phî̌yo̤ Cǒmara tûjûpwa̤ ayo̤ toǒ ata̤htû̌sò̌htò̌ a numî̌ atoabǎ.

Htû̌sò̌htò̌ 37:4

Sò̌le̤sò̌lò̤ dě Cǒmara tûjûpwa̤ akû. A glè ǐtû̌ nasò̌phlǒ ata̤sò̌yṳ.

Htû̌sò̌htò̌ 42:4

Bǎ he gènè̤htò̌to̤ gesǒ děawǐkha sò̌dodo꤮ he cû̌htò̌nṳplǒ kû̌ta kòyòsaprṳ̂ toǒ dě Cǒmara ata̤lṳhtò̌hokû, bǎ pa ma̤ ta̤ǎhtuohtu ni̤dû̌ni̤mo̤ dě he sò̌le̤sò̌lò̤ hî̌bwǐhî̌sîrî sò̌po̤htû̌sò̌ǐhtu kû̌ta kòyò saprṳ̂ toǒ akhanu, he sǎpla̤ mi̤sǎshilò̤.

Htû̌sò̌htò̌ 5:11

Kòyò htě akè̌lǎ ǒtûdû ana̤ ta na toǒnu a sò̌le̤sò̌lò̤ tû̌ta nî̌. Asî sò̌le̤ sò̌po̤htû̌sò̌ǐ tû̌ta na tûjûpwa̤ talakhǎ nî̌. Ma̤kwaǐ nṳwǒtû̌ kòyò htě a mo̤ǐ nami̤nu toǒ. Nakhû̌nakhî, asî sò̌le̤sò̌lò̤ pě.

Htû̌sò̌htò̌ 97:1

Cǒmara tûjûpwa̤ pǒǐ ta̤, nosò̌le̤sò̌lò̤ mò̌ hǎkhû̌phû̌. Nomo̤sû̌mo̤sò̌ mò̌ kòyò ǒ dě shidû̌shite̤we̤kû shikholophû̌jonu toǒ.

Matěo 5:12

Sò̌le̤sò̌lò̤ lǒkho, sò̌le̤sò̌lò̤ dě pe̤kalî̌ lǒkho nî̌꤮, sî ta̤ma̤khû̌kǎ dě mǒkhû̌nu adû̌ mè̤mè̤̌ hǒ. Pwa̤po̤ dě꤮ awǐ toǒnu, kò ma̤jîma̤jûhto asî hǐnuhǒ.”

Lǔka 1:47

Cǒmara mî̌ pwa̤ma̤lû̌htò̌ge he tapwa̤ htohǒtò̤ a mî̌ he Běcǎ tapwa̤ akhû̌akhî, he sò̌le̤sò̌lò̤ hǒ.

Rṳ̂̌me̤ 5:11

Pa la̤sò̌le̤sò̌lò̤nu aǒ pwǎpǒ̤ htǒonu mè̤tò̤. Běcǎ Ye̤shǔkhrî̌stu akhû̌akhî, pa sò̌le̤sò̌lò̤ bǒsû̌ǐ ta Cǒmara hǒ. Pwa̤ htě a ma̤ bǒsû̌khǎkho gesǒ bǎ pa ta Cǒmara mî̌ Ye̤shǔkhrî̌stu htǒonu hǒ.

Kôritu ginǐ̤bǎ tôbǎ 13:11

Sû̌kho sî꤮, he sò̌yṳ hî̌ gutṳ̌lò̤ sî ta, sò̌le̤sò̌lò̤ lǒkho nî̌꤮. Ma̤wǒgesǒ lǒkho sî ta̤ǒhtûpwa̤ nî̌꤮. Gana̤de lǒkho he ta̤kwigwèbǎǐ sî htǒonu toǒ nî̌꤮. Ǒhtuǒplǒ, ǒpè̤ǒdû nû̌û nî̌꤮. Sî dè ma̤mò̌hǐnu Cǒmara htě a mî̌ ta̤mo̤ǐ ta ta̤pè̤ta̤dû a kòshî̌kòtṳ htǒotapwa̤ ǒkû̌ tû̌ta sî pě.

Ěphěsu 6:10

Gutṳ̌lò̤nu, he sò̌yṳ hî̌ sî hè̌o, ma̤pûhǐ sî shû̌shohtò̌nu, phî̌ lǒkho Běcǎ a ta̤po̤ta̤phǎ shû̌sho htǒotoǒ nî̌꤮. A ta̤po̤ta̤phǎ htǒotoǒ numî̌ ashû̌asho mè̤mè̤̌.

Phǐlǐpǐ 3:3

Pa mî̌ Cǒmara akòyò mè̤mè̤̌ toǒ, asînu toǒ mî̌ a mè̤mè̤̌ mè̤tò̤, ma̤tè̤hî̌dě Cǒmara a sǎcahtǐ akhû̌akhî, pa subusabahtò̌ Cǒmara dě pa hî̌bǎhtû̌sò̌ǐ ta̤htě Ye̤shǔkhrî̌stu ma̤hto bǎ pa htǒotoǒ hǒ. Ma̤pûhǐ pa nî̤bǎ ta̤ma̤lû̌htò̌ge ayanu, pa to nǎla̤ǐ ta̤htě pa ma̤ htǒotoǒ tò̤.

Phǐlǐpǐ 4:4

Sò̌le̤sò̌lò̤ lǒkho dě Běcǎ akû pṳ̂̌꤮ taplǎ nî̌꤮, dě he hî̌ gesǒ sî, sò̌le̤sò̌lò̤ lǒkho nî̌꤮.

Phǐlǐpǐ 4:8

Pṳwè̤sî, gana̤de lǒkho he ta̤hî̌bǎ gutṳ̌lò̤ htǒotoǒ nî̌꤮. Dě sî sò̌phlǒkûnu sî to gènè̤ kwè̌꤮ hî̌tèhî̌dě, sî to gènè̤ pwǎpǒ̤ ta̤htě atoamè̤ toǒ, ta̤htě kò bè̌dubè̌na̤ yǎ toǒ, ta̤htě atoabǎ toǒ, ta̤htě a mṳ̂plî toǒ, ta̤htě kò sò̌yṳmo̤ǐ toǒ, ta̤bè̌sû̌bè̌sǎ htě awî̤awǒ toǒ, ta̤htě awǒ na̤cè̌ toǒ, ta̤htě kò to htû̌sò̌ǐ toǒnu pwǎ nî̌꤮.

Tîsalònǐ awǐlǒ tôbǎ 4:1

Pṳwè̤ sî, dě nǒkònu, sî tobǎ ǒhtûpwa̤ tota Cǒmara asò̌phlǒ hî̌tènu, pa sû̌ǐhto sî hǒ. Dě khònò̤htǒo sî ǒhtûpwa̤ numî̌ a mè̤hǒ. Khònò̤htǒo pa kwigwèbǎǐ sî dě pa tûsû sîkò ta Běcǎ Ye̤shǔ agûla̤ dě, sî glè ma̤dû̌htò̌ sělěpo̤ hǐnu.

Tîsalònǐ awǐlǒ tôbǎ 5:16

Sò̌le̤sò̌lò̤ lǒkho pṳ̂̌꤮ plǎnî̌꤮.

Jǎgomo̤ 1:2

He pṳwè̤ sî꤮, bǎ sî kè̌shǐ shěto̤bǎ ta ta̤pò̤ta̤sha ta̤lǒǎplò̤ǎ pṳ̂̌꤮ tacǎ hèbǎ sî akhanu, bè̌ yǎ pwǐ ta̤sò̌le̤sò̌lò̤ adû̌ tacǎ ta sîyanu nî̌꤮.

Petru awǐlǒ tabǎ 3:8

He sò̌yṳ hî̌ gutṳ̌lò̤po̤ sî, sî pṳ̂̌꤮ tapwa̤ tobǎ ǒnû̌û ta ta̤gènè̤ tacǎ꤮ pa, ta̤bè̌sû̌bè̌sǎ tacǎ꤮ pa nî̌꤮. Mo̤ǐ kè̌khînû̌û tapwa̤ ta tapwa̤ pwǐ pṳwè̤nu nî̌꤮. Gwèbǎǐ kè̌khînû̌û tapwa̤ ta tapwa̤ dě shò̌lò̤ lǒkho sî sò̌phlǒ tapwa̤ ta tapwa̤ nî̌꤮.

Petru awǐlǒ tabǎ 4:13

Mî̌tanu, htû̌꤮ Khrî̌stu hèlò̤ ǒlṳhtò̌ ta ata̤sîrîdû̌sîrîhtû pěnu, ma̤pûhǐ sî sò̌le̤sò̌lò̤ yi̤kǒ kû̌kò pě ayanu dě, ta̤ htě sî khòjîkhòjû kû̌dǒ ta Khrî̌stu pwǐhè̌o toǒnu, tûrû̌ sò̌le̤ lǒkho nî̌꤮.

Petru ginǐ̤bǎ tabǎ 3:1

Khobǒsû̌bǒmo̤ sî꤮, he khwè̌cû̌po̤ bǎ sî lî̤ ginǐ̤bǎ tabǎ. Lî̤ ginǐ̤bǎbò htě he khwè̌cû̌ bǎ sî htǒonumî̌, ma̤pûhǐ sî gènè̤ mṳ̂plîkû̌ lǒkho kòyònu dě, he jipwi̤ htû̌wè̤ gènè̤htò̌ gesǒ sî ta ta̤ htě sî sû̌ǐhtonu toǒ pwǎ.