Phǐlǐpǐ 2:9 - Kawyaw RC

⁹ Hǐnudě Cǒmara bè̌dû̌bè̌htû nû̌û a bè̌htò̌yî̤khlo nû̌û ta kò agûla̤ dě a ǐ nû̌û mi̤ htě adû̌khlo ta kòmi̤ pṳ̂̌꤮ tapwa̤nu.

Kawyaw New Testament

⁹ Pô̤̌nudě Cǒmara bè̌dû̌bè̌htû ǐ yǎ dě a bè̌htò̌ lû̌û dǒ agûlǎ̤ htò̌yô̤̌lǒ dě a ǐ lû̌û mi̤ dǒ adû̌lǒkhlo kû̌ kòyòmi̤ pṳ̂̌꤮ tôpwa̤nu.

Phǐlǐpǐ 2:9 Iomraidhean Croise

Mǒhtûlû̌hǎhtûsa 3:15

He nohtûhtò̌ na ta mamǔ htǒotapwa̤ khuwè̤ pě, nakhlinalè tapwa̤ ta mamǔ akhlialè tapwa̤ shě nû̌û pě, dě mamǔ akhlialènu tapwa̤ yî̤mǔ nahǐkǒ pě dě na ělè̌ mamǔ akhlialè makhûnu tapwa̤ khò̌tonǒkò pě.”

Htû̌sò̌htò̌ 110:1

Cǒmara tûjûpwa̤ hî̌lṳlò̤ heběcǎ ta̤adû̌ ta, “Bǎ he ma̤pè̤ bòmṳ̂sîglî pwa̤sò̌khě nanu toǒ hǒtò̤ dě he bè̌ǒbò asî dě na khǎlǎla̤ hǒtò̤nu, hǎnòò̌lò̤ dě he cǔdemû htǒotokho.”

Htû̌sò̌htò̌ 110:5

Běcǎ ta̤adû̌ ǒ dě nacǔdemû tokho. Bǎ a sò̌phlǒdû̌nu ti̤ni̤ a ma̤htò̌pò̌htò̌shîkèbò khwǐnu toǒ pě.

Htû̌sò̌htò̌ 89:27

“He glè nohtûhtò̌ yǎta hephû̌wè̤pwa̤, Khwǐ htě asîrîdû̌sîrîhtûkhlo kòyò bǎ hǎkhû̌.

Htû̌sò̌htò̌ 91:14

Cǒmara tûjûpwa̤ hî̌, he glè ma̤lû̌htò̌ge kòyò htě a mo̤ǐ he. He glè ma̤kwaǐ kòyò htě a sî̌yate̤mǎwǒ hemi̤.

Matěo 11:27

“Hepha ǐlò̤bò he ta̤pṳ̂̌꤮ tacǎ hǒ. Phû̌khû mî̌ ûpènu kò sî̌ya dǐpwǎ̤꤮ tò̤. Sî̌ya pwǎpǒ̤ pha tapwǎ̤꤮ pa. Dě pha mî̌ ûpènu tò̤, sî̌ya pwǎpǒ̤ phû̌khû ta kòyò htě phû̌khû wû̌lǎ nû̌û dě a dǔlṳ bǎ nû̌û pěnu toǒ pwǎ.

Matěo 28:18

Dě Běcǎ Ye̤shǔ hè asî ǒ dě a hî̌ asî, “Ta̤shû̌ta̤sho mǒkhû̌ bǎbǎ, hǎkhû̌bǎonu bǎbǎ, kò ǐbò nû̌ûta he hǒ.

Lǔka 10:22

“Hepha ǐlò̤bò he ta̤pṳ̂̌꤮ tacǎ hǒ. Phû̌khû mî̌ ûpènu kò sî̌ya dǐpwǎ̤꤮ tò̤. Sî̌ya pwǎpǒ̤ pha tapwǎ̤ pa. Dě pha mî̌ ûpènu kò sî̌ya dǐpwǎ̤꤮ tò̤, sî̌ya pwǎpǒ̤ phû̌khû ta kòyò htě phû̌khû wû̌lǎ nû̌û dě a dǔlṳ bǎ nû̌û pěnu toǒ pwǎ.”

Jowǎ̤ni̤ 13:3

Běcǎ Ye̤shǔ sî̌yatû̌ ta apha ǐlò̤htobò nû̌û ta̤po̤ta̤phǎ shû̌sho ta ta̤lǒ̤꤮ bò akhû̌ hǒ. A sî̌ya ta a ǒ Cǒmara ǒhè dě a getîkhîsǒ dě Cǒmara a ǒ pě.

Jowǎ̤ni̤ 17:11

He ǒsělěpe bǎ hǎkhû̌bǎo tò̤, pwǎ̤tadě asî htǒotoǒ ǒkèpe dě hǎkhû̌bǎo pě. Hedě, he getîkhîsǒ dě naǒ pě. Kǒ꤮ pha cahtǐ! Ma̤pûhǐ asî ǒnû̌û ta sò̌phlǒ tamapa pwǐ he ta na ǒnû̌û ta sò̌phlǒ tama akûnu, ma̤kwaǐnṳtû̌ asî ta nami̤ apo̤aphǎ, nami̤ htě na ǐ he htǒonu nî̌꤮.

Jowǎ̤ni̤ 17:12

Bǎ he ǒkû̌dǒ ta asî akhanu, he ma̤kwaǐ asî hǒ, he ǒpo̤ kè̌ǐkhwè̌ǐ asî ta mi̤ htě na ǐ henu hǒ. A hǎmǎkè nǒ dǐpwǎ̤꤮ tò̤. Ma̤pûhǐ lî̤cahtǐ behtò̌belò̤ ayanu, a hǎmǎkè tǒ̤pwǎ kòyònu tapwa̤ htě kò bè̌nǎ yǎ dě a pî̌nò pěnu tapwa̤ tû̌ pwǎ.”

Jowǎ̤ni̤ 17:5

Kǒ꤮ pha, pwǐ he ta̤sîrîdû̌sîrîhtû ǒkû̌dǒ ta na dě hǎkhû̌ htûhtò̌ hǒtò̤pe akhanu, ǐmò̌ he ta̤sîrîdû̌sîrîhtû dě nalo̤mo̤ khònò̤htǒonu.”

Pwa̤nophû̌ 5:31

Ma̤pûhǐ Cǒmara ǐ Israelphû̌ toǒ yò̤lò̤ge asò̌ ta ta̤bòlû̌kè ta̤sǔ toǒ ayanu, a bè̌ǒ Ye̤shǔ dě acǔdemû tokho pwǐ kòyò htûdû̌htûpwa̤ tapwa̤ ta pwa̤ma̤lû̌htò̌ge kò tapwa̤nu hǒ.

Ěphěsu 1:10

Htû̌꤮ khîkha te̤tote̤bǎ pěnu, Cǒmara ma̤lǒma̤behtò̌ a ta̤tîwî̌tòwònǎ htǒotoǒ pě. Ta̤htě a ǒbò dě mǒkhû̌nu toǒ bǎbǎ, a ǒbò dě hǎkhû̌htǒonu toǒ bǎbǎ, a ma̤htuma̤plǒkû̌bò nû̌û dě a hǐkǒdû̌gutṳ̌ Khrî̌stu htǒotapwa̤ ala̤ pě.

Kòlòtè̌ 1:18

Kòyò lǒ̤꤮ bò htě a yṳǎ Khrî̌stu toǒnu, Khrî̌stu pǒǐ asî dě a yṳ̂klè̌nè̌klò asî sǒsǒta hǐkǒ yṳ̂klè̌nè̌klò na̤klûnu, dě kòyò htě a yṳǎ nû̌û toǒnu asǒsǒta na̤klû htǒonu hǒ. Htohǒtò̤ a mî̌ a ǐpa̤ pwa̤ htě a yṳǎna̤ǎta̤ toǒ a ta̤htûpwa̤ tapwa̤ hǒ. Htodě ma̤pûhǐ a htûhtò̌ ta̤lǒ̤꤮ bò ahǐkǒ ayanu, Cǒmara ma̤ htûpwa̤ge wǐgutṳ̌ a hǒ.

Tîsalònǐ ginǐ̤bǎ tôbǎ 1:12

Pa kwisaba pwǐhè̌o numî̌ ma̤pûhǐ pa Běcǎ Ye̤shǔ nî̤bǎ ta̤sîrîdû̌sîrîhtû sî ǒ dě sî nî̤bǎkû̌lè̌ ta̤sîrîdû̌sîrîhtû dě a ǒ pě ayanu pwǎ. Pa Cǒmara ta pa Běcǎ Ye̤shǔkhrî̌stu abwǐasîrî akhû̌akhî, a htûhtò̌ tû̌ta pwǐhè̌o pě nî̌꤮.

Hebrǔ 1:4

Cǒmara aphû̌khûhtǒo a htûhtò̌ pwa̤ htě adû̌ayǒkhlo ta tanaphû̌ ǒ dě mǒkhû̌nu toǒ. Htǒonumî̌ alò̤ta a ǐ aphû̌khû ami̤ dě adû̌ayǒkhlo ta mǒkhû̌tanaphû̌nu toǒ ami̤ hǒ.

Hebrǔ 1:9

Na mo̤ǐ ta̤ htě ato toǒ dě na sò̌khě ta̤ htě asǔ toǒ. Dě htǒo akhû̌akhî, Cǒmara htě a mî̌ na Cǒmara htǒo wû̌lǎ na dě a nodû̌ayǒkhlo na ta nasû̌nakho toǒ hǒ. A bè̌dû̌bè̌htû na, a ǐ na ta̤sò̌le̤sò̌lò̤ hǒ,” a hî̌ nû̌û hǐnu.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 2:9

Pwǎ̤tadě, ta̤wi̤ta̤kè̌ htě pa sî̌ya mè̤mè̤̌ numî̌ Ye̤shǔ htǒonuhǒ. Bǎ a hèlò̤ hǎkhû̌bǎo akhanu, a nî̤bǎ ta̤sîrîshû̌sho htě ajakhlo ta mǒkhû̌tanaphû̌ toǒ tîkî̌phû̌, ma̤tè̤hî̌dě, Cǒmara abwǐasîrî akhû̌akhî, Ye̤shǔ bǎ khòsi bǎ pa lǒ̤꤮ bò aya. Dě Ye̤shǔ khòsi akhû̌akhî, khònò̤htǒo pa sî̌ya ta Cǒmara ǐ ta̤sîrîdû̌sîrîhtû, ta̤bè̌dû̌bè̌htû kò ta Ye̤shǔ hǒ.

Petru awǐlǒ tabǎ 3:22

Ye̤shǔkhrî̌stu gekihtò̌ mǒkhû̌ dě a gehǎnòò̌ Cǒmara acǔdemû tokho hǒ, dě a pǒǐbò tanaphû̌ toǒ ta ta̤sîrîshû̌sho toǒ, ta ta̤po̤ta̤phǎ toǒ hǒ.

Petru ginǐ̤bǎ tabǎ 1:17

Bǎ pha Cǒmara ǐlò̤ a ta̤bè̌dubè̌na̤ ta a ta̤sîrîdû̌sîrîhtû dě Ye̤shǔlo̤ akhanu, pa ǒdǒ bǎnu. Cǒmara htě apo̤aphǎ adû̌ayǒkhlo ta ta̤lǒ̤꤮ bò htǒotapwa̤nu, a hî̌, “Htǒomî̌ hephû̌khû htě he mo̤ǐyǎ dě ato he sò̌phlǒ tapwa̤.”

Yṳ̂ha subǎ tôbǎ 1:7

Ma̤tè̤hî̌dě asî hǎhtò̌cû̌ klè̌ ta Khrî̌stu aya pwǎ̤tadě a phî̌ kû̌kò ta̤ma̤jè dě kòyò yṳǎ Khrî̌stu tò̤nu toǒ a ǒ dǐcǎ꤮ tò̤.

Ta̤dǔlè̌nǎ 1:5

Sî nî̤bǎpo̤ kû̌tû̌ta Ye̤shǔkhrî̌stu htě a khòlṳ cǒtè̤ htǒotapwa̤ abwǐasîrî ta a ta̤gûjûkabǎ nî̌꤮. Kòyòsi dě a htûpwa̤gesǒ aklanu, a mî̌ pwa̤ htě a htûpwa̤ wǐgutṳ̌ kò tapwa̤ hǒ. A mî̌ pwa̤ htě a pǒǐ hǎkhû̌ akhwǐcophǎ toǒ. A mî̌ a mo̤ǐ mè̤mè̤̌ pa pǒhǒtò̤ a si akhû̌akhî, a ma̤lû̌htò̌ge pa dě ta̤sǔta̤plě akû.

Ta̤dǔlè̌nǎ 11:15

Htodě bǎ tanaphû̌ apwa̤ susǒtapwa̤ htǒotapwa̤ ǔhtò̌ atǔ akhanu, yo̤toǒ po̤htò̌shû̌ mè̤mè̤̌ mǒkhû̌ dě a hî̌, “Khònò̤htǒo ta̤po̤ta̤phǎ htě a glè pǒǐ hǎkhû̌ htǒonumî̌ a htû pa Běcǎ ta a Mè̤shǐa ata dě a glè pǒta̤ tûjûpwa̤ talakhǎ hǒ.”

Ta̤dǔlè̌nǎ 19:16

Dě a hǐdopo̤to̤htû alo̤ ta akhò̌lo̤nu, kò khwè̌nǎ ami̤ tophlǒ ta, “Khwǐcophǎ toǒ akhwǐcophǎ, Běcǎ toǒ a Běcǎ,” kò khwè̌nǎ hǐnu.

Ta̤dǔlè̌nǎ 3:21

“He ma̤pè̤hto dě he hǎnòò̌ dǒkû̌ ta hepha dě gògohtahtò̌yî̤ akhû̌ hǒ. Hǐnudě kòyò htě a ma̤pè̤ta̤ toǒnu, he nohǎnòò̌ kû̌dǒ asî ta he dě he gògohtahtò̌yî̤ akhû̌ pě.

Ta̤dǔlè̌nǎ 5:12

Dě asî yi̤kǒ sò̌po̤shû̌ lǒkho ta, “Sophû̌ htě kò ma̤si yǎ htǒonu, a gwa nî̤bǎdû̌ ta̤sîrîpo̤phǎ, ta̤dû̌yò̤htò̌sa, ta̤sî̌ta̤jò, ta̤khû̌ta̤ǎ, ta̤bè̌dubè̌na̤ nû̌û, ta̤bè̌dû̌bè̌htû nû̌û, ta ta̤htû̌sò̌ǐ nû̌ûnu nî̌꤮.”