Phǐlǐpǐ 2:8 - Kawyaw RC

⁸ Dě a hè dǔlṳ ana̤ pwǐ kòyòhǎkhû̌phû̌nu, htodě, a bè̌phǔlò̤ ana̤ dě kòla̤. A gana̤de Cǒmara ayo̤, a sikè dě a bè̌ ta̤ dǐcǎ꤮ tò̤. To̤htû̌ a tobǎ si nò̌dòhtǔlo̤nu a jûle̤phî̌yo̤ pwǎ.

Kawyaw New Testament

⁸ Dě a hè dǔlè̌lṳ̌ anǎ̤ pô̤̌ kòyòhǎkhû̌phû̌ nuhǒ, htodě, a shò̌lò̤ anǎ̤ dǒ kòyò lǎ̤. A ganǎ̤de Cǒmara ayô̤̌, a sikè dě a bè̌kè ta̤ tôcǒ꤮ tô̤̌. Tǒ̤dǒ a tôbǎ si dǒ nò̌dò̌htǔlô̤ dě a jûǎ pwǎ.

Phǐlǐpǐ 2:8 Iomraidhean Croise

Htû̌sò̌htò̌ 22:16

Kòyòphû̌mò̤ sîtoǒ ǒte̤we̤bò he lò̤kèta chyǐmi̤ ǒpo̤te̤we̤bò henu. Asî htǎnṳbò lǒkho hecǔde ta khò̌lopo̤.

Matěo 17:2

Bǎ asî ǒ bǎnuakha Běcǎ Ye̤shǔ ana̤ htû̌lè̌tèplè̌ khǒbò asî lo̤mo̤. Ami̤sǎ tabǎnu a shěrakha lò̤kèta lṳmṳnu, ahǐdonu a phǔtishi plò̌kîtrî̌kè.

Matěo 26:39

A cû̌ hèpo̤ alo̤mo̤ tîkî̌phû̌ dě a hǎmoǒ û̌tṳglulò̤ hǎkhû̌ a kwisaba dě a hî̌, “Kǒ꤮ pha꤮ na dè phî̌ tephekè bǎ he ta̤jîta̤jû aba htǒotabǎ mî̌ anî̤ pwǎ dèhî̌dě phî̌tephekè bǎ he, pwǎ̤tadě jǔ꤮ he sò̌yṳ ma̤ tû̌ he sò̌phlǒ tò̤. Jǔ꤮ tû̌pwǎ na sò̌phlǒ nî̌꤮.”

Matěo 26:42

A cû̌ gesǒ ginǐ̤plǎtaplǎ dě a kwisaba, “Kǒ꤮ he phasò̌do, he bǎ o lòtṳ̌ ta̤jîta̤jû a bahtǒo, phî̌tephekè dě anî̤ tò̤ dèhî̌dě, jǔ꤮ tû̌pwǎ na sò̌phlǒnî̌꤮.”

Lǔka 9:29

Bǎ a kwisaba akhanu, ami̤sǎ htû̌lè̌htò̌ khǒbò dě a hǐdopo̤to̤ toǒnu abûplò̌kîtrî̌htò̌bò.

Jowǎ̤ni̤ 10:18

He dè noma̤si kò ta hena̤ tò̤ hî̌nu, kò ma̤sijò he dǐpwǎ̤꤮ tò̤. He ǐlò̤kè he sò̌phlǒ htǒonumî̌, kò no he dǐpwǎ̤꤮ tò̤, he sò̌phlǒ ta he sò̌phlǒ ǐlò̤ tû̌ pwǎ. He ǒ ta he ta̤po̤ta̤phǎ dě he sò̌yṳ ǐlò̤kè hesò̌ mî̌ a nî̤nî̤, he sò̌yṳ phî̌wǒge yǎ mî̌ a nî̤nî̤ pwǎ. Hepha mǎhènṳ heyo̤ ta he bǎma̤ htǒo,” a hî̌ bǎ asî hǐnu.

Jowǎ̤ni̤ 14:31

Ma̤pûhǐ kòyòhǎkhû̌phû̌ sî̌yahè lǒkho ta he mo̤ǐ pha ayanu, he ma̤ totǐpwǎ pwǐ pha mǎhè he yo̤sǎnu toǒ pwǎ. “Cû̌! Pa hǎhtò̌cû̌ hò̌!”

Jowǎ̤ni̤ 15:10

Sî dè gana̤de jûle̤phî̌yo̤ he ta̤mǎlò̤ htǒotoǒ hî̌numî̌ sî ǒměǒgle he ta̤mo̤ǐ akû hǒ. Sî dè ma̤ htǒo hî̌numî̌ a sǒsǒta he gana̤de hepha ayo̤ dě he ǒměǒgle a ta̤mo̤ǐkû htǒonu hǒ.

Jowǎ̤ni̤ 4:34

Ye̤shǔ hî̌ asî, “He ma̤to pwa̤htě a nohè he htǒotapwa̤ a ta̤sò̌yṳ dě he ma̤htokè ta̤ma̤ htě a ǐ he htǒonumî̌ heshǎǎ hǒ.

Pwa̤nophû̌ 8:33

Kò ma̤sòwò̤ nû̌û dě kò cèròcǒcèròtè̤ nû̌û tò̤, kòyò htě a pwe̤ǐjò bǎ kò ta akhligilò̤ awi̤akè̌nu a ǒ dǐpwǎ̤꤮ tò̤, ma̤tè̤hî̌dě kò phî̌gekè nû̌û ta̤htûpwa̤ dě hǎkhû̌bǎo.”

Rṳ̂̌me̤ 5:19

Ma̤tè̤hî̌dě kòyò tapwa̤ gana̤de Cǒmara ayo̤ tò̤ akhû̌akhî, kòyò pṳ̂̌꤮ tapwa̤ htûbò ta̤sǔta̤plě a phû̌mǔphû̌khû toǒ hǒ. Pò̤̌ta kòyò tapwa̤ gana̤de Cǒmara ayo̤ akhû̌akhî, Cǒmara bè̌cǒbè̌tè̤bò kòyò pṳ̂̌꤮ tapwa̤ hǒ.

Kôritu ginǐ̤bǎ tôbǎ 8:9

Pa Běcǎ Ye̤shǔkhrî̌stu htǒonu abwǐdû̌sîrîhtû pwî̌꤮ tènu, sî sî̌yatû̌ hǒ. A ǒ dě mǒkhû̌ akhanu, a dû̌yò̤htò̌sa mè̤mè̤̌ pwǎ̤ta bǎ a hè sûlûana̤ pwǐ kòyòhǎkhû̌phû̌ tapwa̤ akhanu, a bǎhè htû kòyò shuphǔshèwèphû̌ tapwa̤ ta paya hǒ. Ma̤pûhǐ sî dû̌yò̤htò̌sa kû̌kò ayanudě, a bǎhè htû kòyò shuphǔshèwèphû̌ tapwa̤nu hǒ.

Galatǐ 3:13

Ta̤sû̌ta̤tòwò lǒ̤꤮ bò toǒnu, kò ma̤kû̌bò̌ akò dǐpwǎ̤꤮ tò̤ akhû̌akhî, Cǒmara bǎ cèròbò kò pě pṳ̂̌꤮ tapwa̤, pwǎ̤tadě Khrî̌stu htè̌ge pa hǒ. Dě a khòbǎ bǎpa ta̤cèrò dě nò̌dòhtǔlo̤ htǒo akhû̌akhî, a hènṳ khòbǎ pa ta̤cèrò dě a hèbǎ pa pě htǒonu agûla̤ hǒ. Ma̤tè̤hî̌dě lî̤cahtǐkû hî̌, “Kòyò tapwa̤pwa̤ htě kò htǎwa̤si yǎ dě nò̌dòhtǔ alo̤nu, ta̤cèrò bǎ yǎ hǒ,” a hî̌ hǐnu.

Tǐtǔ 2:14

Ma̤pûhǐ a ma̤lû̌htò̌ge pa dě ta̤phû̌mò̤shî̌hto lǒ̤꤮ bò toǒ akû, htohǒtò̤ ma̤pûhǐ a ma̤mṳ̂plîge pa dě pa glè htûhtò̌ akòyò, htohǒtò̤ pa sò̌phlǒsho ma̤ta̤ awǒ toǒ ayanu, a khòsi asò̌ ta paya hǒ.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 12:4

Sî shěshǔ ta ta̤ma̤sǔphû̌ htǒotoǒ pwǎ̤tadě sî khòbǎ ta̤jîta̤jû to̤htû̌ kò bǎma̤si sînu, a ǒ dǐpwǎ̤hǒtò̤.

Petru awǐlǒ tabǎ 2:24

Ma̤pûhǐ pa tǒhtupe pû ta ta̤sǔta̤plě toǒ tò̤nu, htohǒtò̤ ma̤pûhǐ pa ǒhtûpwa̤bò̌ kû̌ta ta̤cǒta̤tè̤ pě ayanudě, bǎ kò htǎwa̤si Khrî̌stu dě nò̌dòhtǔlo̤ akhanu, a phî̌htò̌kè pa ta̤sǔta̤plě htǒotoǒ dě ana̤lo̤ hǒ. A khòbǎ ta̤jîta̤jû htǒotoǒ akhû̌akhî, a ma̤bǎkèbò sî hǒ.

Petru awǐlǒ tabǎ 3:18

Ma̤tè̤hî̌dě Khrî̌stu khòsipwǎ bǎ ana̤ ta kòyò ta̤sǔ aya taplǎpa dě ahtoaphlǔ hǒ, a lo̤bǎ khòsipe nǒtò̤. Ma̤pûhǐ a sûcû̌ sî Cǒmara a ǒ dě kòyò cǒtè̤ htǒotapwa̤nu, a hè khòsihto bǎ kòyò ta̤ma̤sǔphû̌ toǒ agûla̤ hǒ. Kò ma̤si ana̤klû pwǎ̤tadě Cǒmara ma̤htûpwa̤gesǒ yǎta Běcǎ sǎcahtǐ akû.