Phǐlǐpǐ 2:7 - Kawyaw RC

⁷ Mî̌tanu, a wîkè a ta̤po̤ta̤phǎ ta Cǒmara agûla̤ toǒ, a wîkè ta̤pṳ̂̌tacǎ, dě a hèlò̤ sûlûana̤ sǒsǒta jû tapwa̤. Htohǒtò̤ a hèlò̤ sûlûana̤ pwǐ kòyòhǎkhû̌phû̌ tapwa̤nu.

Kawyaw New Testament

⁷ Mè̤mè̤̌tôkhônu, a wîkè a ta̤pô̤ta̤phǎ kû̌ Cǒmara agûlǎ̤ tokhlǒ, a wîkè ta̤pṳ̂̌tocǒ, dě a hèlò̤ htû anǎ̤ sô̌sô̌kû̌ jû̌ tôpwa̤. Htokhôtô̤̌ a hèlò̤ sûlûanǎ̤ pô̤̌ kòyòhǎkhû̌phû̌ tôpwa̤nu.

Phǐlǐpǐ 2:7 Iomraidhean Croise

Htû̌sò̌htò̌ 22:6

Pwǎta he mî̌ alò̤ta htaye̤ dě a nòdû̌. He mî̌ kòyòhǎkhû̌phû̌ mè̤ nǒ tò̤. Kòhǔwa̤ kè̌pî̌tî̌bò he, kòyò sò̌khěbò he.

Matěo 12:18

“A htǒo mî̌ he pwa̤ma̤ta̤ dě he wû̌lǎ yǎ, a mî̌ kòyò tapwa̤ dě he mo̤ǐ a dě he sò̌phlǒǒ yǎ. He nohèǒ he Běcǎ sǎcahtǐ alo̤ pě dě a pwe̤ǐlṳ bǎ Yṳ̌daphû̌ mè̤tò̤ toǒ ta a bǎ phî̌shǔ ta̤cǒta̤tè̤ dě he ǒ hî̌tènu pě.

Matěo 20:28

Kè̌mò̌mṳkû̌ he mî̌ kòyòphû̌khû htǒo, he hè ta kò glè ma̤bǎ heyanu mè̤tò̤. He glè hèma̤ pwǎbǎ kòyòya. Dě ma̤pûhǐ he htè̌ge asî yanudě, he khòsikè he ta̤htûpwa̤ ta kòyò saprṳ̂ aya.”

Mǎ̤riko 9:12

Dě a hî̌shǔ asî, “Pwa̤po̤ Èlî̌a bǎ hèwǐpě dě a bǎ hè tîwî̌tòwò ma̤wǒgesǒ ta̤lǒ̤꤮ bò numî̌ a mè̤mè̤̌ lè. Pwǎ̤ta lî̤cahtǐ hî̌ ta kòyòphû̌khû htǒo a tobǎ khòbǎ plṳ̂ ta̤jîta̤jû pě dě kò sǒcû̌tephekè yǎ pě a cû̌hî̌tǒ̤ hǐnuma̤titè?

Lǔka 22:27

Kòyòhǎkhû̌phû̌ toǒ gènè̤ ta kòyò hǎnòò̌ ǎshǎǎ bǎ dîjowa̤ kòshî̌ numî̌ a htûdû̌gutṳ̌ hǒ, dě pwa̤ma̤ta̤ htě a bǔǎ kòyò dě a hǎnòò̌ ǎshǎnu toǒ mî̌ a htû kòyò htě a pî̌tî̌gutṳ̌ a gènè̤ lǒkho hǐnu. Pò̤̌ta, hedě he ǒ dě sîkla pwǐ pwa̤ma̤ta̤ htě a bǔǎbǔo kò tapwa̤nu pwǎ.

Jowǎ̤ni̤ 1:14

Kòyò htě kò kaǎ yǎta ta̤le̤ta̤yo̤ htǒotapwa̤nu, a hèhtû pwǐ kòyòhǎkhû̌phû̌nu dě a hè ǒhtûpwa̤ pakla. Pa kè̌shǐ a ta̤sîrîdû̌sîrîhtû. Cǒmara aphû̌khû ǒtû̌pwǎ tapwǎ̤pa akhû̌akhî, a nî̤bǎbò ta̤sîrîdû̌sîrîhtû htǒo dě aphaǒ. A mî̌ kòyò htě a lǒbe ta ta̤bwǐta̤sîrî ta ta̤te̤ta̤mǎ tapwa̤.

Rṳ̂̌me̤ 1:3

Ta̤sò̌le̤sò̌lò̤ awi̤akè̌ numî̌ mî̌pwǎ aphû̌khû htě pa Běcǎ Ye̤shǔkhrî̌stu htǒo awi̤akè̌ dě a hèlò̤ sûlûana̤ pwǐ kòyòhǎkhû̌phû̌ htǒonu tapwa̤, a hè ǒlò̤ dě Khwǐdǎ̤wi̤ akhlialè akû htǒonu tapwa̤ hǒ.

Rṳ̂̌me̤ 15:3

Ma̤tè̤hî̌dě, Khrî̌stu sana̤nu a lṳ̂ma̤mo̤ tû̌ ana̤ tò̤. Mî̌tanu, lî̤cahtǐkû hî̌, “Ta̤ htě kò pi̤jishǐcǒ na toǒnu, a hèbǎ he hǒ.”

Rṳ̂̌me̤ 15:8

Ma̤tè̤hî̌dě, he hî̌ sî ta Khrî̌stu hèlò̤htû bǎ Yṳ̌daphû̌ toǒ apwa̤ma̤ta̤ hǒ, ma̤tè̤hî̌dě ma̤pûhǐ Cǒmara cǒtè̤ ta ayo̤ dě a olò̤hto ta asî aphiaphu dě꤮ wǐkha toǒnudě Khrî̌stu hèlò̤htû hǐnu.

Rṳ̂̌me̤ 8:3

Dě mî̌titè akhû̌akhî hî̌dě, ma̤pûhǐ pa bǎ ǒkǔkè ta pa ma̤ ta̤sǔ htǒo ayanu, pa gana̤de gûma̤kû̌ ta̤sû̌ta̤tòwò htǒo akò dě, a ta̤shû̌ta̤sho htě a glè ma̤jè bǎ panu a ǒtò̤, ma̤tè̤hî̌dě akhû̌aǎ htě a glè ma̤pè̤kè phěyî̌ a ta̤sò̌yṳ htǒonu a ǒtò̤. Hǐnudě Cǒmara ma̤ ta ana̤, a nohèlò̤ a phû̌makhû dě a hèlò̤ sûlûana̤ pwǐ hǎkhû̌phû̌ sǒsǒta pa dě a ma̤ ta̤sǔ htǒotoǒ. Pwǎ̤tadě ta̤sǔ ala̤klo ma̤sapṳnṳ htǒo pǒǐjò nû̌û tò̤. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒǐ pa htǒotoǒ hǒ.

Kôritu ginǐ̤bǎ tôbǎ 13:4

Dě ta̤khû̌ǎyû̌lò̤ akhû̌akhî, Khrî̌stu khòsi asò̌ nò̌dòhtǔ alo̤. Pwǎ̤ta khònò̤htǒo dě Cǒmara a ta̤po̤ta̤phǎ shû̌sho akhû̌akhî, a htûpwa̤ hǒ. Hǐnudě pa mî̌ pa khû̌ǎyû̌lò̤ sǒsǒ hǐnu pwǎ̤tadě bǎ pa hî̌ sî pě akhanu, pa dǔlṳ bǎ sî ta Cǒmara a ta̤po̤ta̤phǎ shû̌sho pě, ma̤tè̤hî̌dě pa htû ta Khrî̌stu tacǎnǔ꤮ pa dě pa ta̤ǒhtûpwa̤kû akhû̌akhî, pa ma̤hǐnu pě.

Kôritu ginǐ̤bǎ tôbǎ 8:9

Pa Běcǎ Ye̤shǔkhrî̌stu htǒonu abwǐdû̌sîrîhtû pwî̌꤮ tènu, sî sî̌yatû̌ hǒ. A ǒ dě mǒkhû̌ akhanu, a dû̌yò̤htò̌sa mè̤mè̤̌ pwǎ̤ta bǎ a hè sûlûana̤ pwǐ kòyòhǎkhû̌phû̌ tapwa̤ akhanu, a bǎhè htû kòyò shuphǔshèwèphû̌ tapwa̤ ta paya hǒ. Ma̤pûhǐ sî dû̌yò̤htò̌sa kû̌kò ayanudě, a bǎhè htû kòyò shuphǔshèwèphû̌ tapwa̤nu hǒ.

Galatǐ 4:4

Pwǎ̤ta bǎ khîkhato khîkhabǎ hèto̤hǒ akhanu, Cǒmara nohèlò̤ aphû̌khû dě a hè ǒlò̤ kû̌ta mamǔ tapwa̤ a ǒ, dě a hè ǒlò̤ Yṳ̌da a ta̤sû̌ta̤tòwò ala̤.

Phǐlǐpǐ 2:6

Khrî̌stu ǒ ta Cǒmara ala̤klo sǒsǒta Cǒmaranu hǒ pwǎ̤ta a gènè̤ bè̌gunò̤ ana̤ ta Cǒmara tò̤.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 13:3

Sî̌ya ma̤jèkû̌dǒ kòyò lòte̤ apo̤kû toǒ dě bè̌ na sò̌phlǒ pwǐ na lòte̤kû̌dǒ ta asî apo̤kû hǐnu nî̌꤮. Gènè̤ ma̤jèkû̌dǒ kòyò htě a khòjîkhòjû ta̤ toǒ dě bè̌ na sò̌phlǒ pwǐ na khòbǎkû̌dǒ ta̤ ta asî hǐnu nî̌꤮.

Hebrǔ 4:15

Pa pwa̤tòlûhtò̌ hǐkǒdû̌gutṳ̌ htǒotapwa̤nu, a sî̌ya pa ta̤khû̌ǎyû̌lò̤ toǒ dě a gwèbǎǐ pa. Ma̤tè̤hî̌dě a kè̌shǐ shěto̤bǎ ta ta̤lǒǎplò̤ǎ pṳ̂̌꤮ tacǎ pwǐ pa kè̌shǐ shěto̤bǎ htǒonu pwǎ̤tadě a ma̤sǔ ta̤ tò̤.