Phǐlǐpǐ 2:6 - Kawyaw RC

⁶ Khrî̌stu ǒ ta Cǒmara ala̤klo sǒsǒta Cǒmaranu hǒ pwǎ̤ta a gènè̤ bè̌gunò̤ ana̤ ta Cǒmara tò̤.

Kawyaw New Testament

⁶ Khrǐ ô̌ kû̌ Cǒmara alǎ̤klô sô̌sô̌kû̌ Cǒmara nuhǒ bǎbǎkǎlè a gènè̤ bè̌gunò̤ anǎ̤ kû̌ Cǒmara tô̤̌.

Phǐlǐpǐ 2:6 Iomraidhean Croise

Matěo 1:23

“Mamǔphû̌sǎ tapwa̤ bǎ mo̤do dě a phû̌ǒ a phû̌makhû pě, dě kòyò kaǎ nû̌ûmi̤ ta Emmanuel pě,” Emmanuel amûasǎ mî̌, “Cǒmara ǒkû̌ ta pa.”

Jowǎ̤ni̤ 1:18

Kò kè̌shǐnǒ Cǒmara dǐpwǎ̤tò̤ hǐnudě, aphû̌khû ǒtû̌ tapwǎ̤pa, a mî̌ Cǒmara dě a ǒkû̌dǒ ta apha htǒo adǔlṳ bǎ pa ta Cǒmara hǒ.

Jowǎ̤ni̤ 10:30

He ta hepha mî̌ tapwǎ̤꤮ pa pwǎ.”

Jowǎ̤ni̤ 10:33

“Dě na ta̤ma̤wǒ htǒotoǒ akhû̌akhî, pa glè wî na ta lo̤ mè̤tò̤. Na hî̌bǎsǔ Cǒmara htǒonu pwǎ, ma̤tè̤hî̌dě na htû pwǎ kòyòhǎkhû̌phû̌ tapwa̤pwǎ dě na cû̌ dǒkwèǐlò̤ nana̤ ta Cǒmara,” asî hî̌ nû̌û hǐnu.

Jowǎ̤ni̤ 10:38

Pwǎ̤tadě he dè ma̤ pwǐ hepha ma̤nu hî̌dě sî dè yṳǎ lǒkho dî̌kî̌꤮ tò̤ hî̌nu, pî̌tî̌gutṳ̌ dě sî tobǎ yṳǎ lǒkho ta̤htě he ma̤ cǒklî̌kî̌yanu toǒ. Sî dè yṳǎ he ta̤ma̤ toǒ hî̌dě sî sî̌yahè ta phaǒ dě hekû dě he ǒ dě akû pě,” a hî̌ asî hǐnu.

Jowǎ̤ni̤ 14:28

“Sî gana̤dehto he hî̌ sî ta, ‘He cû̌kè sîla̤ pě pwǎ̤tadě he geto̤kû̌sǒ sî pě.’ He glè̌cû̌ dě pha a ǒ pě, he hî̌ sî pwǐhè̌onu, sî dè mo̤ǐ he hî̌dě sî sò̌le̤sò̌lò̤ pwǎ, ma̤tè̤hî̌dě hephanu adû̌khlo ta he.

Jowǎ̤ni̤ 14:9

Běcǎ Ye̤shǔ hî̌shǔ yǎ, “Phǐlǐpo, he ǒkû̌ yî̤ta sî hǒ dě mî̌ na sî̌yanǒ he tò̤ ya? Kòyò htě a kè̌shǐbǎ henu, a kè̌shǐbǎ pha hǒ. Dě, ‘Dǔlṳ bǎ pa ta pha,’ na cû̌hî̌tǒ̤ hǐnu ma̤tè?

Jowǎ̤ni̤ 17:5

Kǒ꤮ pha, pwǐ he ta̤sîrîdû̌sîrîhtû ǒkû̌dǒ ta na dě hǎkhû̌ htûhtò̌ hǒtò̤pe akhanu, ǐmò̌ he ta̤sîrîdû̌sîrîhtû dě nalo̤mo̤ khònò̤htǒonu.”

Jowǎ̤ni̤ 20:28

“Kǒ he Běcǎ, kǒ he Cǒmara,” To̤mǎ̤jo hî̌shǔ nû̌û hǐnu.

Jowǎ̤ni̤ 5:18

Dě Ye̤shǔ hî̌bǎ yo̤sǎ htǒo akhû̌akhî, Yṳ̌daphû̌ hǐkǒdû̌ toǒ tǐ̤ jipwi̤ kè̌lǎma̤si shû̌khlopo̤ nû̌ûta dě awǐkhanu. A ma̤sǔ pwǎpǒ̤ to ǒkǔ mṳni̤dǔ a ta̤mǎlò̤ htǒonu mè̤tò̤, a hî̌po̤ ta Cǒmara mî̌ apha dě a bè̌ gunò̤ ana̤ ta Cǒmara akhû̌akhî, asî ma̤si pwǎ nû̌û.

Jowǎ̤ni̤ 5:23

Ma̤tè̤hî̌dě, ma̤pûhǐ kòyò lǒ̤꤮ bò bè̌dubè̌na̤ aphû̌khû pwǐ kò bè̌dubè̌na̤ phanu dě a ǐlò̤bò ta̤cèrò dě a cǔdekû. Kòyò htě a bè̌dubè̌na̤ phû̌khû tò̤ toǒnu, mî̌pwǎ a bè̌dubè̌na̤ pha htě a nohèlò̤ nû̌ûnu tapwa̤ tò̤ hǒ.

Rṳ̂̌me̤ 9:5

Asî phiphu khlilè mî̌ Ebrephû̌ akhlialè htě ami̤dû̌ dě꤮ wǐnukha toǒ. Bǎ Khrî̌stu hè ǒphijaû̌lò̤ pwǐ kòyòhǎkhû̌phû̌ akhanu, a hèǒ dě asî akhlialè akû. A mî̌ Cǒmara htě a pǒǐta̤ lǒ̤꤮ bò tapwa̤, dě kò htû̌sò̌ǐ tû̌ta a tûjûpwa̤ talakhǎ nî̌꤮. Amè̤.

Kôritu ginǐ̤bǎ tôbǎ 4:4

Khînǎmo̤pha hǐkǒdû̌ htě a pǒǐ hǎkhû̌ htǒotadonu, a ma̤khǐ ma̤te̤pe̤kè asî mi̤sǎ akhû̌akhî, asî kè̌shǐ kû̌kò ta̤sò̌le̤sò̌lò̤ awi̤akè̌ ta ata̤lî htǒonu tò̤. Ma̤pûhǐ kòyòhǎkhû̌phû̌ toǒ sî̌yaphlo pû Khrî̌stu a ta̤sò̌le̤sò̌lò̤ awi̤akè̌ htě a pwe̤ǐlṳ bǎ kò ta Khrî̌stu a ta̤sîrîdû̌sîrîhtû awi̤akè̌ htǒo tò̤nu, a ma̤te̤pe̤ ǒò̌kè asî hǐnu hǒ. Pwa̤ htě a dǔlṳ te̤mǎ pa ta Cǒmara mî̌ Khrî̌stu hǒ.

Kôritu ginǐ̤bǎ tôbǎ 8:9

Pa Běcǎ Ye̤shǔkhrî̌stu htǒonu abwǐdû̌sîrîhtû pwî̌꤮ tènu, sî sî̌yatû̌ hǒ. A ǒ dě mǒkhû̌ akhanu, a dû̌yò̤htò̌sa mè̤mè̤̌ pwǎ̤ta bǎ a hè sûlûana̤ pwǐ kòyòhǎkhû̌phû̌ tapwa̤ akhanu, a bǎhè htû kòyò shuphǔshèwèphû̌ tapwa̤ ta paya hǒ. Ma̤pûhǐ sî dû̌yò̤htò̌sa kû̌kò ayanudě, a bǎhè htû kòyò shuphǔshèwèphû̌ tapwa̤nu hǒ.

Tîmôte awǐlǒ tôbǎ 1:17

Kòyò pṳ̂̌꤮ tapwa̤ htû̌sò̌ǐ tû̌ Khwǐ htě a pǒǐta̤ tûjûpwa̤ talakhǎ dě a sijòtò̤ htǒotapwa̤ nî̌. A mî̌ Cǒmara htě kò kè̌shǐjò yǎtò̤. Cǒmara mî̌ a tapwǎ̤ pa. Kòyò pṳ̂̌ tapwa̤ bè̌dû̌bè̌htû tû̌ta yǎ, a ǒtû̌ta ta̤sîrîdû̌sîrîhtû pṳ̂̌꤮ tuhtu nî̌. Amè̤.

Tîmôte awǐlǒ tôbǎ 3:16

Pa ta̤subusaba adû̌ayǒhtǒo adû̌ pwî̌꤮ tènu kò htè̌shǔjò yǎ dǐpwǎ̤꤮ tò̤. Khrî̌stu ǒlṳhtò̌ pwǐ kòyòhǎkhû̌phû̌ tapwa̤, dě Běcǎ sǎcahtǐ khòlṳ ana̤ ta Khrî̌stu htǒonu a ma̤to Cǒmara asò̌phlǒ, dě mǒkhû̌ tanaphû̌ toǒ kè̌shǐbǎ yǎ. Htodě awi̤akè̌ htǒonu, kò dǒhtû̌ǐ yǎ dě khlilèhǔwa̤phû̌ toǒ aklahǒ. Kòyò ǒ hǎkhû̌bǎo toǒǒnu a yṳǎna̤ǎkû̌ nû̌û hǒ. Cǒmara johtò̌ yǎ dě mǒkhû̌ ta̤sîrîdû̌sîrîhtû akûhǒ.

Tǐtǔ 2:13

Bǎ pa ǒpo̤kè̌shuǐ ta̤howi̤ amṳni̤ mî̌ htû̌꤮ papha Cǒmaradû̌ ta pwa̤ma̤lû̌htò̌ge pa Ye̤shǔkhrî̌stu a ta̤sîrîdû̌sîrîhtû hè ǒlṳhtò̌ pě akhanu, pa bǎ ǒhtûpwa̤ pwǐ a hî̌ pa htǒonu toǒ.

Hebrǔ 1:3

Kò kè̌shǐ tṳtṳ Cǒmara a ta̤sîrîdû̌sîrîhtû dě akû pě. A mî̌ asǒsǒ bòmṳ̂sîglî ta Cǒmara hǒ. Ma̤pûhǐ hǎkhû̌ ta mǒkhû̌ ta ta̤bǒlò̤ lǒ̤꤮ bò toǒ ǒ hèsělěpo̤nu, a pṳ̂měǐjè ta̤bǒlò̤ lǒ̤꤮ bò htǒonu ta ayo̤ htě apo̤aphǎ shû̌sho htǒotoǒ. Bǎ a ma̤htoma̤phlǔhto ta̤bòlû̌kèbò kòyòhǎkhû̌phû̌ ata̤sǔ toǒ akhanu, a gekihtò̌ mǒkhû̌ dě a htò̌hǎnòò̌ Cǒmara htě apo̤aphǎ adû̌ayǒgutṳ̌ htǒotapwa̤ acǔdemû tokho.

Hebrǔ 1:6

Bǎ Cǒmara nolò̤ aphû̌khû wè̤pwa̤ dě hǎkhû̌ akhanu, a hî̌, “Cǒmara a tanaphû̌ lǒ̤꤮ bò bǎ sabahtò̌ phû̌khûhtǒo,” a hî̌ hǐnu.

Hebrǔ 1:8

Pwǎ̤ta, bǎ a hî̌lè̌ aphû̌khû awi̤akè̌ akhanu, “Kǒ꤮ Cǒmara, nashinaganu, a ǒyî̤tû̌ tûjûpwa̤ talakhǎ pě꤮. Na pǒǐtû̌ na kòyò toǒ ta ta̤cǒta̤tè̤ pě꤮.

Hebrǔ 13:8

Ye̤shǔkhrî̌stu htǒonu, bǎhǎno bǎbǎ, khò̌ti̤ni̤ bǎbǎ, pe̤wo̤pě bǎbǎ, a htû̌lè̌jò tò̤, tṳ̂gûla̤la̤ pwǎ.

Ta̤dǔlè̌nǎ 21:6

Dě a hî̌, “A htohǒ, he mî̌ akòshî̌ ta agutṳhǒ. He mî̌ akòshî̌ ta agutṳ hǒ. Shipo̤htǎkhû̌ htě a ǐ ta̤htûpwa̤shi tûjûpwa̤nu a ǒ tokoǒ. Kòyò htě a sò̌o tapwa̤pwa̤nu, he ǐoko yǎ pě.