Phǐlǐpǐ 2:30 - Kawyaw RC

³⁰ Ma̤tè̤hî̌dě, sî ma̤jèbò̌ he tò̤ akhû̌akhî, ma̤pûhǐ a ma̤jè he, dě Khrî̌stu a ta̤phî̌ta̤ma̤ ayanu, a ǒphǔ ta ta̤si hǒ.

Kawyaw New Testament

³⁰ Ma̤titèhî̌dě, sî ma̤jè̌bò̌ he tô̤̌ akhû̌akhî, pô̤̌khô a ma̤jè̌ he ayanu, dǒ Khrǐ a ta̤phǐta̤ma̤ aya dě, a ô̌phǔ kû̌ ta̤si hǒ.

Phǐlǐpǐ 2:30 Iomraidhean Croise

Pwa̤nophû̌ 20:24

Pwǎ̤tadě ma̤pûhǐ he ma̤htokè ta̤ma̤ htě Běcǎ Ye̤shǔ ǐlò̤ hehtǒo ayanu, he sò̌le̤ǐpe he sò̌phlǒ htûpwa̤ htǒonu tò̤ hǒ. Ta̤ma̤ htě a noma̤ he htǒotoǒ numî̌ mî̌pwǎ he bǎ khò hesò̌ ta Cǒmara abwǐasîrî a ta̤sò̌le̤sò̌lò̤ awi̤akè̌ htǒonu hǒ.

Rṳ̂̌me̤ 16:4

A sî̌ya ta kò glè ma̤si asî pwǎ̤ta a khòsikhòǒ lǒkho ana̤, dě a ma̤lû̌htò̌gehto he hǒnu. A ma̤bwǐma̤sîrî tû̌ he mè̤tò̤, a ma̤bwǐma̤sîrî dǒbò pwa̤yṳǎta̤ aprṳ̂aho htě a htû Yṳ̌daphû̌ mè̤tò̤nu toǒ akhû̌akhî, pa hî̌bwǐhî̌sîrî asî.

Kôritu awǐlǒ tôbǎ 15:53

Pana̤klû htě a soûjò htǒonu, a bǎ htû̌lè̌ tèplè̌kè ta na̤klû htě a soûjòtò̤ htǒonu pě. Pana̤klû htě a sijò htǒonu, a bǎ htû̌lè̌ tèplè̌kè ta na̤klû htě a sijòtò̤ htǒonu pě.

Kôritu awǐlǒ tôbǎ 16:10

Htû̌꤮ Timò̤̌te hè to̤kû̌ sî pě akhanu, kè̌ǐkhwè̌ǐ wǒ yǎ nî̌꤮, ma̤tè̤hî̌dě a mî̌ Běcǎ apwa̤ma̤ta̤ tapwa̤ dě a sǒsǒta he htǒonu hǒ.

Kôritu awǐlǒ tôbǎ 16:17

Sîkho dokûphû̌ Stè̌phano, Photunatǔ ta Akhayakǔ toǒ hèto̤ dě he sò̌le̤sò̌lò̤ mè̤mè̤̌. Sî ǒyî̤ dě sî hè kè̌shǐbò̌ he tò̤ pwǎ̤ta khònò̤htǒo asî hè kè̌shǐ hî̌mo̤hî̌wǒbò̌ he akhû̌akhî, a sǒsǒta sî hè kè̌shǐshǔ hî̌mo̤hî̌wǒ he hǒ.

Kôritu ginǐ̤bǎ tôbǎ 12:15

Hema̤hǎbòkè hewûhehta, hekhû̌heǎ, ta̤pṳ̂̌꤮ tacǎ ta sîyanu, he sò̌le̤sò̌lò̤ pwǎ. He mo̤ǐ sî pwî̌tènu sî ta̤mo̤ǐ henu alò̤ta ayû̌ gilò̤to̤ ma̤hî̌tè?

Kôritu ginǐ̤bǎ tôbǎ 4:12

Dě pa dǒhtû̌ǐ bǎ kò ta̤sò̌le̤sò̌lò̤ awi̤akè̌ akhû̌akhî, pa kè̌shǐ sala̤ ta kò glè ma̤si pa. Pwǎ̤tadě pa kè̌shǐ hǐnu akhû̌akhî, sî nî̤bǎ ta̤htûpwa̤ hǒ.

Phǐlǐpǐ 2:17

He dǒhtû̌ǐ ta̤sò̌le̤sò̌lò̤ awi̤akè̌ akhû̌akhî, kǎlè̌mî̌ he si pě ya. Bǎ sî yṳǎ ta̤sò̌le̤sò̌lò̤ awi̤akè̌ akhanu, sî ǐlò̤ sî ta̤htûpwa̤ dě Cǒmara a ǒ sǒsǒta pwa̤lṳhtò̌ta̤ lṳhtò̌ ta̤phû̌ta̤li̤ dě Cǒmara ǒnu hǒ. Kò dè ma̤si he hî̌dě, hesǐ glè sǐlò̤ sǒsǒta pwa̤lṳhtò̌ta̤ tapwa̤ lò̌lò̤ sî̌yo̤ dě hǎkhû̌ dě asǒsǒta kò lṳhtò̌ ta̤lṳta̤tò̌nu. A dè htûhtò̌ hǐnu hî̌dě he sò̌le̤sò̌lò̤, sò̌le̤ kû̌bò ta sî pṳ̂̌꤮ tapwa̤ pě.

Phǐlǐpǐ 2:27

A shǐasha mè̤mè̤̌ nî꤮, a glè phǔsi tînî̌ hǒ. Pwǎ̤ta Cǒmara gwèbǎǐpe yǎ, dě a gwèbǎǐtû̌ nû̌û mè̤tò̤, a gwèbǎǐdǒpe he. Ma̤tè̤hî̌dě a dè simò̌nu, he nî̤bǎkhlopo̤ ta̤sǎpla̤ pě.

Phǐlǐpǐ 4:10

He hî̌bwǐhî̌sîrî mè̤mè̤̌ Běcǎ dě he htû̌sò̌ǐ mè̤mè̤̌ yǎ, ma̤tè̤hî̌dě gutṳ̌lò̤ htǒonu, sî sûhèsǒ bǎ he ta̤ma̤jè htǒonumî̌ sî dǔlṳ gesǒ sî ta̤wǒ toǒ dě hekhû̌ hǒ. He sî̌ya ta sî wǒmè̤mè̤̌ dě hekhû̌ pṳ̂̌꤮ taplǎ pwǎ̤ta sî glè dǔlṳ gesǒ sî ta̤sò̌phlǒǒ he htǒotuhunu, Sî kè̌shǐ akhîakhawǒ ta sîya hǒtò̤ dě sî sûhè bǎ he hǒtò̤ hǐnupwǎ.

Phǐlǐpǐ 4:18

Sî sûhèbò bǎ he toǒnu he nî̤bǎbò hǒ, dě a lǒbe tûlû̌shû̌ ta heya. Sî ǐbò toǒnu Ěpaprò̌dǐtǔ phî̌hè bǎ he, dě khònò̤htǒo, he lo̤bǎ lǒ̤꤮ bò toǒnu aǒbò hǒ. Ta̤ǐ htǒotoǒnu, asǒsǒta ta̤lṳnṳmû̌ htě kò lṳhtò̌ Cǒmara ǒnu. Ta̤lṳ htě ato Cǒmara asò̌phlǒ, dě a ma̤mo̤ nû̌û sò̌phlǒnu toǒ hǒ.

Philemo 1:13

Ta̤sò̌le̤sò̌lò̤ awi̤akè̌ akhû̌akhî, kò dǒǒpe he dě apo̤kû htǒoakhanu, ma̤pûhǐ a ma̤jè he ta na gûla̤ ayanudě, he sò̌yṳ kaǎ ǒ sadape yǎ dě he kòshî̌.

Ta̤dǔlè̌nǎ 12:11

Pa pṳwè̤ toǒnu, sophû̌ asǐ akhû̌akhî, ta asî dǒhtû̌ǐ bǎ kò Cǒmara ale̤ayo̤ akhû̌akhî, asî ma̤pè̤kè khînǎmo̤pha hǐkǒdû̌ hǒ. Asî kè̌shǐbǎ ta ta̤si bǎbǎ, a sò̌le̤ǐ a ta̤htûpwa̤ tò̤.