Phǐlǐpǐ 2:3 - Kawyaw RC

³ Bǎ sî ma̤ta̤ akhanu, kè̌dû̌tû̌ pûma̤ sî tapwa̤ aya ma̤ nî̌꤮, phî̌dû̌phî̌htû pûma̤ sîna̤ ma̤, mî̌ta shò̌lò̤ lǒkho sî sò̌phlǒ dě tapwa̤ ta tapwa̤ ala̤ nî̌꤮, dě gènè̤dû̌khlo kòhǔwa̤ ta sîna̤ nî̌꤮.

Kawyaw New Testament

³ Bǎ sî ma̤ta̤ akhanu, kè̌dû̌ tûû̌ tǒ̤ sî tôpwa̤ ayanô̤̌ tǎ̤mǎ̤ nî̌, bè̌dû̌bè̌htò̌lǒ tǎ̤ sînǎ̤ tǎ̤mǎ̤, bǎbǎ shò̌lò̤ lô̌khô sî sǎphlǒ dǒ tôpwa̤ kû̌ tôpwa̤ alǎ̤ nî̌꤮, dě gènè̤dû̌ khlo kòyò kû̌ sînǎ̤ tû̌ nî̌꤮.

Phǐlǐpǐ 2:3 Iomraidhean Croise

Lǔka 18:14

Dě Ye̤shǔ hî̌ asî, “He hî̌ sî, kòyò htě acǒatè̤ dě Cǒmara a lo̤mo̤ numî̌ Pharisè̌phû̌ htǒotapwa̤nu mè̤tò̤. Pwa̤kwi ta̤kûta̤cî̌ htǒotapwa̤nu, bǎ a ge ahǐ akha, acǒatè̤ dě Cǒmara a lo̤mo̤ hǒ, ma̤tè̤hî̌dě kòyò htě a bè̌htò̌yî̤ ana̤ tapwa̤nu, Cǒmara bè̌phǔlò̤ yǎ pě, dě kòyò htě abè̌phǔlò̤ ana̤ tapwa̤nu, Cǒmara bè̌htò̌yî̤ yǎ pě.”

Rṳ̂̌me̤ 12:10

Mo̤ǐ nû̌û pwǐ pṳwè̤ tṳgumṳ kûnu nî̌꤮. Bè̌dubè̌na̤ nû̌û tapwa̤ ta tapwa̤ nî̌꤮.

Rṳ̂̌me̤ 13:13

Htǒotaplǎdě, pa ǒhtûpwa̤ ǎo sara kû̌kò pwǐ kòyò htě a ǒhtûpwa̤ dě lṳmṳshanu toǒ hò̌꤮. Ma̤ pi̤ti̤pṳ̂tṳ̂ pwèkla bǎbǎ, ǎmṳopǒ bǎbǎ, sǐshi a ta̤sò̌yṳ phû̌mò̤ toǒ bǎbǎ, ta̤gènè̤ putupatǎ toǒ bǎbǎ, ta̤to̤klî̌ toǒ bǎbǎ, ta̤gènè̤ sò̌khě nû̌û toǒ bǎbǎ, pa ma̤petò̤ hò̌꤮.

Rṳ̂̌me̤ 2:8

Pwǎ̤tadě kòyò htě a mo̤ǐlò̤ tû̌ ana̤ toǒ, ta a wîkè ta̤te̤ta̤mǎ, dě a gûma̤kû̌ ta̤phû̌mò̤shî̌hto toǒnu, Cǒmara sò̌phlǒdû̌ asî pě dě a bǎ cèrò asî pě.

Kôritu awǐlǒ tôbǎ 15:9

Dě pwa̤nophû̌ lǒ̤꤮ bò aklanu, he mî̌ kòyò htě atoagwa kû̌kò pwǐ pwa̤nophû̌ ahǔwa̤nu toǒ dî̌kî̌꤮ tò̤ tapwa̤, ma̤tè̤ bǎ he yṳǎ Ye̤shǔkhrî̌stu hǒtò̤ akhanu, he ma̤jîma̤jû kòyò htě a yṳǎ Ye̤shǔkhrî̌stu toǒ akhû̌akhî, kò glè kaǎ he ta pwa̤nophû̌ tapwa̤pwǎnu a gwa dî̌kî̌꤮ tò̤.

Kôritu awǐlǒ tôbǎ 3:3

Ma̤tè̤hî̌dě sî ǒhtûpwa̤ sǒsǒ pepwǎ ta kòyòhǎkhû̌phû̌ htě a gûma̤ pepwǎ lǒkho pwǐ a ta̤sò̌yṳ ǒnu toǒ pwǎ. Sî sò̌khě kè̌khînû̌û tapwa̤ ta tapwa̤, sîgèsîgo kè̌khînû̌û numî̌, a dǔlṳhtò̌ ta sî sǒsǒ pepwǎ ta kòyòhǎkhû̌phû̌nu toǒ pwǎ mè̤tò̤ya? Sî ma̤ sǒsǒ pepwǎ ta kòyò htě a yṳǎ kû̌kò Khrî̌stu tò̤nu toǒ pwǎ.

Kôritu ginǐ̤bǎ tôbǎ 12:20

Htû̌꤮ he hèto̤kû̌ sî ǒ khapěnu, he hè kè̌shǐtû̌ sî ta̤bè̌sû̌bè̌sǎ toǒ htě a kî̌yatû̌ ta pwǐ he sò̌yṳ kè̌shǐnu toǒ pě, htodě sî kè̌shǐtû̌ he ta̤bè̌sû̌bè̌sǎ toǒ htě a kî̌ya pwǐ sî sò̌yṳ kè̌shǐ henu pě, he bǎgubǎgènǎ hǐnu. He bǎgu ta pěmî̌ he hèkè̌shǐ sîgèsîgo nû̌û, sî sò̌khěkè̌khînû̌û, sî sò̌phlǒdû̌ nû̌û, sî ǒkhǒnû̌û tṳ̂prû ta tṳ̂prû, pi̤jishǐcǒ kò, dǒmi̤shǐyo̤ kò, phî̌dû̌phî̌htû na̤, ma̤shû̌shǎ pi̤ti̤pṳ̂tṳ̂ ta̤, hǐnu toǒ hǒ.

Galatǐ 5:15

Pwǎ̤tadě sî dè jî sîna̤ pwǐ ta̤mi̤ta̤mò̤ dě sî dè ǎ kè̌khînû̌û tapwa̤ ta tapwa̤ hî̌numî̌ ǒsè̌rè̌ lǒkho sîna̤ nî̌꤮, ma̤tè̤hî̌dě pěmî̌ sî ma̤pî̌ma̤lṳ̂bòsǒ sîna̤ tapwa̤ ta tapwa̤ hè̌.

Galatǐ 5:26

Pa bǎ phî̌dû̌ pana̤ tò̤. Ma̤sò̌phlǒdû̌ pûma̤ nû̌û tapwa̤ ta tapwa̤ ma̤. Sò̌khě kè̌khî pûma̤ nû̌û tapwa̤ ta tapwa̤ ma̤ nî̌꤮.

Ěphěsu 4:2

Dě sî ma̤ta̤ lǒ̤꤮ bò aklanu, sî tohtû lǒkho pû kòyò htě a shò̌lò̤ asò̌phlǒ dě a sò̌dohobî̌ toǒ. Htodě sò̌phlǒhtû lǒkhopû nû̌û tapwa̤ ta tapwa̤ dě ta̤mo̤ǐ nû̌û akûnu nî̌꤮.

Ěphěsu 5:21

Sî bè̌dubè̌na̤ Khrî̌stu akhû̌akhî, jûle̤phî̌yo̤ kè̌khînû̌û yo̤ tapwa̤ ta tapwa̤ nî̌꤮.

Phǐlǐpǐ 2:14

Ma̤pûhǐ sî htûhtò̌ kòyò mṳ̂plî dě kò hèbè̌ ta̤sǔ sîlo̤ ǒpe pû tò̤, htohǒtò̤ ma̤pûhǐ sî bǎ htûtû̌ Cǒmara a phû̌mǔphû̌khû htě ata̤sǔ ǒtò̤ toǒnu, dě bǎ sî ǒhtûpwa̤ kòyò phû̌mò̤ cǒtè̤tò̤ htǒotoǒ akla htǒoakha, ma̤pûhǐ sî lîrakhahtò̌ bǎ kò pwǐ shǎtoǒ dě hǎkhû̌tebě htǒoayanu, sî ma̤ta̤ hî̌tètè̌꤮ bǎbǎ, tṳ̂mṳ̂ta̤ma̤ lǒkho pûma̤ nî̌꤮.

Kòlòtè̌ 3:12

Sî mî̌ Cǒmara akòyò htě a mṳ̂plî dě a mo̤ǐ sînu toǒ, dě a wû̌lǎ sî hǒ. Hǐnudě kûsǒhtò̌ lǒkho ta̤sò̌yṳgwèbǎǐ, ta̤ma̤wǒta̤, ta̤shò̌lò̤ sò̌phlǒ, ta̤sò̌dohobî̌ ta ta̤khòsò̌do sînu toǒ nî̌꤮.

Kòlòtè̌ 3:8

Pwǎ̤ta khònò̤htǒo wîkè ta̤sò̌dû̌, ta̤sò̌phlǒhtò̌, ta̤sò̌khě, ta̤hî̌pi̤ kòmi̤, htodě ta̤hî̌bǎ phû̌mò̤ htě a gwa hî̌tò̤ toǒnu.

Tîmôte awǐlǒ tôbǎ 6:4

Hǐnudě kòyò htǒotoǒnu, a phî̌dû̌phî̌htû tûlû̌shû̌ lǒkho asò̌phlǒ dě a sî̌ya lǒkho dǐcǎ꤮ tò̤. Asî sò̌phlǒsho tûlû̌shû̌ dě a glè gègo kò ta lî̤phlǒ tophlǒ ta tophlǒ amûasǎ toǒ akhû̌akhî, ta̤htǒotoǒnu, a noǒhtò̌pwǎ ta̤sò̌khě nû̌û, ta̤ma̤nî̤, ta̤pi̤jishǐcǒ, ta ta̤gènè̤sǔ kè̌khînû̌û toǒ.

Petru awǐlǒ tabǎ 3:8

He sò̌yṳ hî̌ gutṳ̌lò̤po̤ sî, sî pṳ̂̌꤮ tapwa̤ tobǎ ǒnû̌û ta ta̤gènè̤ tacǎ꤮ pa, ta̤bè̌sû̌bè̌sǎ tacǎ꤮ pa nî̌꤮. Mo̤ǐ kè̌khînû̌û tapwa̤ ta tapwa̤ pwǐ pṳwè̤nu nî̌꤮. Gwèbǎǐ kè̌khînû̌û tapwa̤ ta tapwa̤ dě shò̌lò̤ lǒkho sî sò̌phlǒ tapwa̤ ta tapwa̤ nî̌꤮.

Petru awǐlǒ tabǎ 5:5

Pwǐ he hî̌hto bǎ sî ta ta̤shò̌lò̤sò̌ awi̤akè̌nu hǒ, sî phijaû̌khlo toǒnu, sî bǎ shò̌lò̤ lǒkho sî sò̌phlǒ dě wè̤khǔwè̤pwa̤ toǒ ala̤. Sî pṳ̂̌꤮ tapwa̤ tobǎ kûsǒhtò̌ lǒkho ta̤shò̌lò̤ sò̌phlǒ tapwa̤ ta tapwa̤ sǒsǒta sî kûsǒhtò̌ hǐdohǐyò̤nu, ma̤tè̤hî̌dě, lî̤cahtǐkû hî̌, “Cǒmara ma̤dǐdòshǔkè kòyò htě a bè̌htò̌yî̤ asò̌phlǒnu toǒ pwǎ̤tadě ta̤bwǐta̤sîrî htǒonu, a ǐlò̤ nû̌ûta kòyò htě a shò̌lò̤ asò̌phlǒnu toǒ pwǎ.”