Phǐlǐpǐ 2:29 - Kawyaw RC

²⁹ Hǐnu akhû̌akhî, kaǎshǔwǒ lǒkho yǎ pwǐ pṳwè̤ htě a yṳǎ Běcǎ tapwa̤nu nî̌꤮. Kaǎshǔ yǎta ta̤sò̌le̤sò̌lò̤ dě bè̌dubè̌na̤ kòyò htě asǒsǒta anu toǒ nî̌꤮.

Kawyaw New Testament

²⁹ Pô̤̌nu akhû̌akhî, kaǎmô̤ shěshuwô̌ lô̌khô a pô̤̌ pṳ̌wè̤̌ dǒ a yṳ̌ǎ Běcǎ tôpwa̤nu nî̌꤮. Kaǎmô̤shǔ a kû̌ ta̤sǎlě̤sǎlò̤ dě bè̌dubè̌nǎ̤ kòyò dǒ asô̌sô̌kû̌ anu tokhlǒ nî̌꤮.

Phǐlǐpǐ 2:29 Iomraidhean Croise

Lǔka 9:5

Kò dè dǒshuǐ sî dǐglò̌꤮ tò̤ hî̌nu, tèdè̌lòte̤kè hǎgûmṳ̂ dě sî khǎlǎlo̤nu toǒ dě hǎhtò̌cû̌kè wî̤nu tî̤wî̤ akû nî̌꤮. Sî dè ma̤hǐnu hî̌mî̌ asǒsǒta sî dǔlṳkè ta̤ma̤dòǐ tacǎ htě Cǒmara glè cèrò asî pěnu hǒ.”

Jowǎ̤ni̤ 13:20

He hî̌ mè̤mè̤̌ sî, kòyò tapwa̤pwa̤ a kaǎshǔ kòyò htě he nohè yǎ htǒotapwa̤ numî̌, a kaǎshǔ he hǒ. Kòyò tapwa̤pwa̤ a kaǎshǔ he numî̌ a kaǎshǔ pwa̤htě a nohè hehtǒonu tapwa̤ hǒ.”

Pwa̤nophû̌ 2:46

Asî cû̌ ǒhtuhî̌bǎplǒ nû̌û dě ta̤lṳhtò̌hokû pṳ̂̌꤮ ti̤ni̤, dě asî sò̌phlǒsho yṳ̂ǎyṳ̂o kè̌khînû̌û ta asî sò̌le̤sò̌lò̤ ǎplǒoplǒnû̌û dě hǐphòdǒkû.

Pwa̤nophû̌ 28:10

Asî ǐplṳ̂ǐphǎ pa sû toǒ, dě bǎ pa htò̌dò̌ sǒkhlidû̌ akhanu, asî bè̌cû̌nṳ bǎ pa la̤ǎla̤o klè̌lo̤ aya toǒ.

Pwa̤nophû̌ 8:8

Hǐnu akhû̌akhî, wî̤kûphû̌ toǒ sò̌le̤sò̌lò̤shû̌ mè̤mè̤.

Rṳ̂̌me̤ 10:15

Kò dè plûhè bǎ asî pwa̤dǒhtû̌ǐ tò̤ hî̌dě asî cû̌ dǒhtû̌ǐjò bǎ kò hî̌tè? Lî̤cahtǐkû hî̌, “Kòyò htě a phî̌hè ta̤sò̌le̤sò̌lò̤ awi̤akè̌ toǒ akhò̌lopo̤nu awî̤ mè̤mè̤̌.”

Rṳ̂̌me̤ 16:2

Htû̌꤮ a hèto̤kû̌ sî pě dě kaǎshǔ yǎ pwǐ pwa̤yṳǎna̤ǎ Běcǎ Ye̤shǔ dě asǒsǒta sî htǒonu nî̌꤮. Kaǎshǔ a pwǐ Cǒmara akòyò cahtǐ toǒ to kè̌ǐkhwè̌ǐ kònu nî̌꤮. A lo̤bǎ titètè̌꤮ bǎbǎnu ma̤jèdǒ yǎ nî̌꤮, ma̤tè̤hî̌dě he bǎbǎ, kòhǔwa̤ toǒ bǎbǎ, a phî̌jèma̤jè plṳ̂ kò hǒ.

Kôritu awǐlǒ tôbǎ 16:10

Htû̌꤮ Timò̤̌te hè to̤kû̌ sî pě akhanu, kè̌ǐkhwè̌ǐ wǒ yǎ nî̌꤮, ma̤tè̤hî̌dě a mî̌ Běcǎ apwa̤ma̤ta̤ tapwa̤ dě a sǒsǒta he htǒonu hǒ.

Kôritu awǐlǒ tôbǎ 16:18

Pwǐ asî ma̤ sò̌le̤sò̌lò̤ sînu, asî ma̤ sò̌le̤sò̌lò̤ mè̤mè̤̌ he. Dě bè̌dubè̌na̤ lǒkho kòyò hǐnu toǒ nî̌꤮.

Kôritu ginǐ̤bǎ tôbǎ 10:18

Ma̤tè̤hî̌dě, kòyò htě a htû̌sò̌ǐtû̌ ana̤ toǒnu, Běcǎ sò̌phlǒǒ nû̌û tò̤, Běcǎ sò̌phlǒǒ pwǎpǒ̤ kòyò htě Běcǎ htû̌sò̌ǐtû̌ nû̌û ta ana̤nu toǒ pwǎ.

Kôritu ginǐ̤bǎ tôbǎ 7:2

Pṳwè̤ sî꤮, dǔlṳ lǒkho pû bǎ pa ta sî ta̤mo̤ǐ. Pa ma̤sǔma̤plěnǒ kò dǐpwǎ̤꤮ tò̤. Pa ma̤pò̤ma̤shanǒ kò dǐpwǎ̤꤮ tò̤tò̤. Pa cû̌ǎtṳotṳnǒ kòkhû̌ dǐpwǎ̤꤮ tò̤tò̤.

Phǐlǐpǐ 2:28

Hǐnudě, htû̌꤮ sî kè̌shǐ yǎ pě dě, ma̤pûhǐ sî sò̌le̤sò̌lò̤ gesǒ pû, htohǒtò̤ ma̤pûhǐ he sò̌phlǒgugè yǎkhè̌ hèto̤pě ayanu, he tǐ̤ sò̌phlǒ shû̌khlopo̤ ta he nogetîkhî yǎ dě sî ǒ pě.

Kòlòtè̌ 4:10

Arǐtakǔ htě kò dǒlò̤te̤ kû̌dǒ yǎta he htǒotapwa̤ sûhèdǒ bǎ sî ata̤hî̌mo̤hî̌wǒ, htodě Banabǎ sapṳbû Mǎ̤riko sûhèdǒ bǎ sî ata̤hî̌mo̤hî̌wǒ dě sî ǒǒ. (Sî nî̤bǎhto lî̤ dě kò khwè̌lṳ bǎ sî ta Mǎ̤riko awi̤akè̌ htǒonuhǒ. A dè hèto̤ dě sî ǒ pě dě kaǎshǔwǒ yǎ nî̌꤮.)

Tîsalònǐ awǐlǒ tôbǎ 5:12

Pṳwè̤sî, kòyò htě a htû sî hǐkǒdû̌ dě Běcǎ akû ta a gûma̤ ta̤, a ǐsè̌rè̌nǎ bǎ sîklè̌ toǒnu pa kwigwèbǎǐ sî ta bè̌dubè̌na̤ lǒkho kòyò hǐnu toǒ nî̌꤮.

Tîmôte awǐlǒ tôbǎ 5:17

Wè̤khǔwè̤pwa̤ htě a htû hǐkǒdû̌ dě a ma̤wǒta̤ toǒnu, sî tobǎ bè̌dubè̌na̤ asî, htohǒtò̤ asî tobǎ nî̤bǎ pǒǎpǒo lakhû̌lakǎ. Wè̤khǔwè̤pwa̤ htě a htû hǐkǒdû̌ dě a gûma̤ Cǒmara ata̤ma̤ toǒ, dě a dǒhtû̌ǐ bǎ kò ta Cǒmara ale̤ayo̤ dě a sû̌ǐtòwòǐ bǎ kò ta Cǒmara ale̤ayo̤ toǒnu, sî tobǎ bè̌dubè̌na̤ asî, ǐpǒǎpǒo mè̤mè̤̌ bǎ lǒkho asî lakhû̌lakǎ.

Hebrǔ 13:17

Gana̤de lǒkho sî ta̤subusaba a hǐkǒdû̌ toǒ ayo̤ dě gûma̤kû̌ pwǐ asî hî̌lò̤nu nî̌꤮. Asî ǒpo̤ kè̌ǐkhwè̌ǐ sî ta̤htûpwa̤ dě ta̤ htě asî ma̤ toǒnu, a bǎ pwe̤ǐlṳgesǒ Cǒmara pě. Sî dè gana̤de tò̤ hî̌dě a ma̤ ta ta̤sǎpla̤sǎyṳ pě. Dě a htûbwǐhtûsîrî sîya dǐcǎ꤮ tò̤.

Yṳ̂ha subǎ tôbǎ 1:10

Hǐnu akhû̌akhî, htû̌꤮ he hèto̤ pě dě he hî̌lṳhtò̌ bǎ sî ta bò꤮ a ma̤sǔhtonu toǒ pě. A dǒ payo̤ dě a hî̌ phû̌mò̤shî̌hto pa, htohǒtò̤ bǎ pṳwè̤ toǒ cû̌to̤khato̤kû̌ yǎ akhanu, a kaǎshǔ asî tò̤. Htohǒtò̤ kòyò htě a sò̌yṳ kaǎshǔ pṳwè̤ htǒotoǒnu, a ma̤dǐdò ta a wṳ̂hǎhtò̌kè kò dě asî pwa̤yṳǎta̤ aprṳ̂aho akhlo.