Phǐlǐpǐ 2:22 - Kawyaw RC

²² Sî sî̌yatû̌ hǒ, Timò̤̌te mî̌ kòyò le̤dû̌pwî̤htû tapwa̤. A ma̤kû̌ ta̤ ta he dě ta̤sò̌le̤sò̌lò̤ awi̤akè̌ glè dû̌htò̌htûhtò̌ aya htǒonumî̌ asǒsǒta phû̌ ta phanu hǒ.

Kawyaw New Testament

²² Sî sî̌ya tûû̌, Khûtîmôte mî̌ kòyò lě̤dû̌pwî̤htû tôpwa̤. A ma̤hto ta̤ kû̌ he dǒ ta̤sǎlě̤we̤kè dû̌htò̌htûhtò̌ aya numî̌ a sô̌sô̌kû̌ phû̌ kû̌ pha nuhǒ.

Phǐlǐpǐ 2:22 Iomraidhean Croise

Pwa̤nophû̌ 16:2

Pwa̤yṳǎphû̌ htě a ǒ lǒkho bǎ Lǔtarǎwî̤ ta Ikani̤wî̤nu toǒ htû̌sò̌ǐ mè̤mè̤̌ nû̌û.

Rṳ̂̌me̤ 5:4

Ta̤khòbǎ ta̤jîta̤jûnu a ǐ ǒdû̌htò̌ ta̤ma̤to Cǒmara asò̌phlǒ, ta̤ma̤to Cǒmara asò̌phlǒnu, a ǐ htûhtò̌ dû̌po̤ ta̤kè̌shuǐ.

Kôritu awǐlǒ tôbǎ 16:10

Htû̌꤮ Timò̤̌te hè to̤kû̌ sî pě akhanu, kè̌ǐkhwè̌ǐ wǒ yǎ nî̌꤮, ma̤tè̤hî̌dě a mî̌ Běcǎ apwa̤ma̤ta̤ tapwa̤ dě a sǒsǒta he htǒonu hǒ.

Kôritu awǐlǒ tôbǎ 4:17

Ta̤wi̤ta̤kè̌ htǒo akhû̌akhî, he nohè Timò̤̌te dě sî ǒ hǒ. A mî̌ asǒsǒta hephû̌ ta hena̤ htě he mo̤ǐ yǎdě acǒatè̤ ta ayo̤ dě Běcǎ akû tapwa̤. Kòyò htě a gû Khrî̌stu akò toǒnu, a to ǒhtûpwa̤ lǒkho hî̌tènu, a ǐ sî̌yahtò̌sǒ sî pwǐ he ǒhtûpwa̤ htǒonu pě. Htǒonumî̌ ta̤ htě he sû̌ǐ bǎ kòyò htě a yṳǎna̤ǎ Ye̤shǔkhrî̌stu toǒ gûla̤ pṳ̂̌꤮ tò̤glò toǒnu hǒ.

Kôritu ginǐ̤bǎ tôbǎ 2:9

He khwè̌ bǎ sî lî̤ dě awǐkha tabǎnu mî̌, he sò̌yṳ noma̤yò̤ sî ta kòyò gana̤de kòyo̤ tò̤nu tapwa̤ pwǎ. Hǐnudě he sò̌yṳ sî̌ya te̤mǎ ta sî gûma̤kû̌ pwǐ he sû̌ǐ sînu ya mî̌, sî gûma̤ tò̤ya hǐnupwǎ.

Kôritu ginǐ̤bǎ tôbǎ 8:22

Hǐnudě pa nohè kû̌po̤dǒ kòyò ahǔwa̤tapwa̤ ta pa pṳwè̤ htǒo sò̌gini̤. Pa kè̌shǐ sî̌ya ta a mî̌ kòyò htě la̤yṳǎ mè̤mè̤̌ yǎ dě Cǒmara a ta̤phî̌ta̤ma̤ akû tapwa̤nu. Khònò̤dě a yṳǎ mè̤mè̤̌ sî akhû̌akhî, a tǐ̤꤮ sò̌phlǒsho ma̤jèkhlopo̤pe sîsî.

Kôritu ginǐ̤bǎ tôbǎ 8:24

Ma̤pûhǐ pwa̤yṳǎphû̌ htě a ǒ dě pwa̤yṳǎta̤ aprṳ̂aho akû pṳ̂̌tṳgumṳnu toǒ sî̌ya te̤mǎ ta sî mo̤ǐ mè̤mè̤̌ kò ayanu, dǔlṳ lǒkho yǎta sî mo̤ǐ asî htǒotoǒnu nî̌꤮. Htohǒtò̤ ma̤pûhǐ asî sî̌ya lǒkho ta pa htû̌sò̌ǐ sî htǒotoǒnu ato mè̤mè̤̌ ayanu, ma̤ lǒkho hǐnu nî̌꤮.

Kôritu ginǐ̤bǎ tôbǎ 8:8

He hî̌ hǐnu dě he noshû̌ sî hǐnu mè̤tò̤. Ma̤pûhǐ sî gûkè̌mò̌mṳ kòyò ahǔwa̤toǒ sò̌phlǒsho ma̤jo kò nudě, he sò̌yṳ ǐsî̌yapwǎ sî hǐnu. He dǔlṳ sî hǐnu akhû̌akhî, sî mo̤ǐmè̤mè̤̌ kò ya, tò̤mî̌ sî mo̤ǐ kòtò̤ yanu, he sî̌yahè pě hǐnu pwǎ.

Phǐlǐpǐ 1:12

He pṳwè̤ sî, ta̤ma̤htûhtò̌ ana̤ ta he htǒotoǒ lǒ̤꤮ bò numî̌ a ma̤jèpwǎ ta̤sò̌le̤sò̌lò̤ awi̤akè̌ glè dû̌htò̌ htûhtò̌ ayapwǎ numî̌ he sò̌yṳ nosî̌yadǒ sî.

Phǐlǐpǐ 1:16

Asî mo̤ǐ he dě a ma̤ lǒkho pwǎ, ma̤tè̤hî̌dě tobǎ hî̌bǎma̤kwabǐ dǐdò ta̤sò̌le̤sò̌lò̤ awi̤akè̌ ata̤ma̤ htǒonumî̌ Cǒmara ǐpwǎ henu asî sî̌ya lǒkho pwǎ.

Phǐlǐpǐ 1:5

Ma̤tè̤hî̌dě, he ma̤ ta̤sò̌le̤sò̌lò̤ awi̤akè̌ htǒonu, sî ma̤kû̌dǒ ta he dě khû̌lû̌kha tǒ̤lò̤khònò̤ hǒ.

Phǐlǐpǐ 1:7

He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Phǐlǐpǐ 2:20

Asò̌phlǒ ǒ mè̤mè̤̌ sî hǒ. Kòyò htě a ǒkû̌bò ta he bǎo toǒ dě asǒsǒ nû̌ûnu he kè̌shǐnǒ dǐpwǎ̤꤮ tò̤.

Tîmôte awǐlǒ tôbǎ 1:18

Hephû̌khû Timò̤̌te, ta̤htě he noma̤ na khònò̤ htǒotoǒ numî̌, a gûma̤kû̌pwǎ kòyò toǒ a ta̤hî̌bǎnǎ nawi̤nakè̌ toǒnu pwǎ. Ma̤pûhǐ na shěwǒ ta̤ ayanu, noǎ Cǒmara a ta̤hî̌bǎnǎ htǒotoǒ pwǐ kò noǎ ta̤wè̌ta̤htò toǒnu nî̌꤮.

Tîmôte awǐlǒ tôbǎ 1:2

He khwè̌cû̌ lî̤htǒo dě Timò̤̌te htě alò̤ta he phû̌makhû sana̤ dě ta̤yṳta̤nǎ akû tapwa̤ a ǒ. Pha Cǒmara ta pa Běcǎ Ye̤shǔkhrî̌stu ǐlò̤tû̌ta a ta̤bwǐta̤sîrî, ta̤sò̌yṳgwèbǎǐ ta ta̤gûjûkabǎ nî̌꤮.

Tîmôte awǐlǒ tôbǎ 4:6

Na dè sû̌ǐ pṳwè̤ Khrî̌stuphû̌ toǒ ta ta̤htǒotoǒ hî̌numî̌ na htûtû̌ Ye̤shǔkhrî̌stu apwa̤ma̤ta̤ awǒ tapwa̤ pě. Bǎ na ma̤hǐnu akha, na bǔǐdû̌htò̌tû̌ nana̤ ta ta̤te̤ta̤mǎ dě ta̤yṳta̤nǎ akûnu toǒ ta ta̤sû̌ǐtòwòǐ awǒ htě na gûma̤nu toǒ pě.

Tîmôte ginǐ̤bǎ tôbǎ 1:2

He khwè̌cû̌ bǎ hephû̌khû Timò̤̌te asû̌asò̌ aya htě he mo̤ǐ yǎ htǒotapwa̤ a ǒ. Pha Cǒmara ta pa Běcǎ Ye̤shǔkhrî̌stu ǐlò̤tû̌ta na ta̤bwǐta̤sîrî, ta̤sò̌yṳgwèbǎǐ, ta ta̤gûjûkabǎ nî̌꤮.

Tîmôte ginǐ̤bǎ tôbǎ 3:10

Pwǎ̤ta na lè̌dě, na gûkû̌ he ta̤sû̌ǐtòwòǐ akò, ta he ta̤ǒhtûpwa̤ aklè̌aklònu toǒ, ta he ta̤ǒhtûpwa̤ a ta̤yè̤lò̤nǎnu toǒ hǒ. Na kè̌shǐ he ta̤yṳta̤nǎ, he ta̤khòsò̌do, he ta̤mo̤ǐ, he ta̤khòsò̌phlǒhtû toǒhǒ,

Tǐtǔ 1:4

Tǐtǔ꤮, he khwè̌cû̌ lî̤ htǒotabǎ dě naǒ. Na ta̤yṳta̤nǎ sǒsǒta pa tacǎ꤮ pa akhû̌akhî, nanu asǒsǒta hephû̌ sana̤ ta hena̤. Pha Cǒmara ta pwa̤ma̤lû̌htò̌ge pa Ye̤shǔkhrî̌stu htǒo ǐtû̌ta na ta̤bwǐta̤sîrî ta ta̤gûjûkabǎ nî̌꤮.