Phǐlǐpǐ 2:19 - Kawyaw RC

¹⁹ Ma̤pûhǐ he sî̌ya sîwi̤sîkè̌ dě a ǐkhû̌ǐǎ ma̤mo̤htò̌po̤to̤ he sò̌phlǒ pě ayanu, a dè to Běcǎ Ye̤shǔ asò̌phlǒ hî̌dě he nohèphwè bǎ sî Timò̤̌te sî ǒ pě dě a ge pwe̤ǐlṳ he pě.

Kawyaw New Testament

¹⁹ Pô̤̌khô he gǔ sî̌ganǎ̤ sîwe̤sîkè dě a ǐkhû̌ǐǎ ma̤mô̤htò̌ pô̤̌ he sǎphlǒ pě ayanu, a kè̌ tô Běcǎ Yeshǔ asǎphlǒ hî̌dě he nohè phwè bǎ sî Khûtîmôte dǒ sî ô̌ pě dě a ge shôbǐǐlṳ̌ bǎ he pě.

Phǐlǐpǐ 2:19 Iomraidhean Croise

Matěo 12:21

Gapṳ̂̌taga khlilèphû̌ pṳ̂̌tacǎ nǎla̤ǐ yǎ pě.”

Pwa̤nophû̌ 16:1

Pò̌lu cû̌ hèpo̤ alo̤mo̤ dě a cû̌to̤ Derǎbewî̤ ta Lǔtarǎwî̤. Bǎ Lǔtarǎwî̤kûnu, kòyò yṳǎna̤ǎta̤ ǒtapwa̤ dě ami̤ ta Timò̤̌te. Amo̤ mî̌ Yṳ̌daphû̌ htě a yṳǎna̤ǎta̤ tapwa̤, pwǎ̤ta apha mî̌ Greek khlilèphû̌ tapwa̤.

Rṳ̂̌me̤ 15:12

Pwa̤po̤ Isaǐa hî̌po̤sǒ ta, “Yeshè̌ akhlialè hè ǒlṳhtò̌pě tapwa̤, dě a pǒǐ Yṳ̌daphû̌ mè̤tò̤ toǒ pě. Yṳ̌daphû̌ mè̤tò̤ toǒ kè̌shuǐ lǒkho nû̌û pě.”

Rṳ̂̌me̤ 16:21

Timò̤̌te htě a ma̤htukû̌ ta̤ ta he htǒotapwa̤ sûhèdǒ a ta̤hî̌mo̤hî̌wǒ dě sî ǒ. Htodě Lṳsǐa, Ya̤so ta Sosipatarǔ htǒotoǒ sûhènṳ kû̌kû̌. Asî mî̌ Yṳ̌daphû̌ toǒ sǒsǒta hehtǒo hǒ.

Kôritu awǐlǒ tôbǎ 4:17

Ta̤wi̤ta̤kè̌ htǒo akhû̌akhî, he nohè Timò̤̌te dě sî ǒ hǒ. A mî̌ asǒsǒta hephû̌ ta hena̤ htě he mo̤ǐ yǎdě acǒatè̤ ta ayo̤ dě Běcǎ akû tapwa̤. Kòyò htě a gû Khrî̌stu akò toǒnu, a to ǒhtûpwa̤ lǒkho hî̌tènu, a ǐ sî̌yahtò̌sǒ sî pwǐ he ǒhtûpwa̤ htǒonu pě. Htǒonumî̌ ta̤ htě he sû̌ǐ bǎ kòyò htě a yṳǎna̤ǎ Ye̤shǔkhrî̌stu toǒ gûla̤ pṳ̂̌꤮ tò̤glò toǒnu hǒ.

Ěphěsu 1:13

Sî dě, bǎ sî gana̤de ta̤te̤ta̤mǎ, ta̤sò̌le̤sò̌lò̤ awi̤akè̌ dě a ma̤lû̌htò̌ge sî awi̤akè̌ akhanu, sî yṳǎ dě sî htûhtò̌ kû̌ta Khrî̌stu tacǎnǔpa hǒ. Sî yṳǎ Khrî̌stu akhû̌akhî, a ǐlò̤ sî Běcǎ sǎcahtǐ htě a olò̤nǎhto htǒonu hǒ. Běcǎ sǎcahtǐ htǒonu alò̤ta ta̤dòǐ tacǎ dě a dǔlṳ ta sî htû Cǒmara akòyò hǒ.

Phǐlǐpǐ 1:1

Pa mî̌ Pò̌lu ta Timò̤̌te. Pa mî̌ Ye̤shǔkhrî̌stu ajû toǒ. Pa khwè̌cû̌ lî̤ htǒotabǎ ta Cǒmara akòyò htě a htûhtò̌ ta Ye̤shǔkhrî̌stu tacǎ꤮ pa dě a ǒ lǒkho Phǐlǐpiawî̤kûnu toǒ a ǒ. Pa khwè̌cû̌padǒ ta pwa̤yṳǎta̤ aprṳ̂aho hǐkǒdû̌ toǒ ta pwa̤ma̤jè pwa̤yṳǎta̤ aprṳ̂ahophû̌ toǒ.

Phǐlǐpǐ 2:18

Sî bǎbǎ, sî to sò̌le̤sò̌lò̤, sò̌le̤ kû̌dǒ lǒkho ta hehe.

Phǐlǐpǐ 2:28

Hǐnudě, htû̌꤮ sî kè̌shǐ yǎ pě dě, ma̤pûhǐ sî sò̌le̤sò̌lò̤ gesǒ pû, htohǒtò̤ ma̤pûhǐ he sò̌phlǒgugè yǎkhè̌ hèto̤pě ayanu, he tǐ̤ sò̌phlǒ shû̌khlopo̤ ta he nogetîkhî yǎ dě sî ǒ pě.

Tîsalònǐ awǐlǒ tôbǎ 3:2

Dě pa sûlò̤ Timò̤̌te sîǒ, a mî̌ pa pṳwè̤ tapwa̤ dě ahtû Cǒmara pwa̤ma̤ta̤ tapwa̤. A ma̤plǒkû̌ta̤ ta pa, dě a dǒhtû̌ǐ bǎ kò ta Khrî̌stu a ta̤sò̌le̤sò̌lò̤ awi̤akè̌. Ma̤pûhǐ a ǐkhû̌ǐǎ sî dě a tûsû sî ta̤yṳta̤nǎ akònu, pa sûlò̤ yǎ dě sîǒ.

Tîsalònǐ awǐlǒ tôbǎ 3:5

He ǒkhòpe tò̤ akhû̌akhî, ma̤pûhǐ Timò̤̌te sî̌ya ta sî ǒměǒglepe ta sî ta̤yṳ ya, mî̌ sî ǒměpe tò̤ yanu, he sûlò̤ yǎ dě sî ǒ. He bǎgu ta khînǎmo̤pha hǐkǒdû̌ lǒǎplò̤ǎ sî. Htodě ta̤phî̌ta̤ma̤ lǒ̤꤮ bò htě pa ma̤htobò toǒnu, a glè nòdû̌kèbò, he bǎgu hǐnu.

Tîsalònǐ ginǐ̤bǎ tôbǎ 1:3

Pṳwè̤ Khrî̌stuphû̌ toǒ꤮, pa gènè̤htò̌nṳ sî bò̌khòtè꤮ bǎbǎnu, pa bǎ hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě sî ta̤yṳta̤nǎ ta sî ta̤mo̤ǐ nû̌û tapwa̤ ta tapwa̤nu, sǔ a dû̌htò̌ akhû̌akhî, pa tobǎ hî̌bwǐhî̌sîrî yǎ.

Tîmôte ginǐ̤bǎ tôbǎ 1:12

Ma̤hǐnudě ta̤htǒotoǒ akhû̌akhî, he khòbǎ ta̤htǒo toǒ hǒ. Pò̤̌ta he sòwò̤ tò̤, ma̤tè̤hî̌dě, he sî̌ya pwa̤ htě he yṳǎna̤ǎ yǎ htǒotapwa̤ hǒ, htodě he yṳǎ ta ta̤ htě a ǐlò̤ nû̌û he cǔdekû htǒotoǒnu, a ǒpo̤ to̤htû̌ mṳni̤ gutṳpěnu ti̤ni̤.

Jǎgomo̤ 4:15

Sî tobǎ hî̌ lǒkho hî̌tè hî̌dě, “Běcǎ dè sò̌phlǒǒ ta pa ǒhtûpwa̤pě hî̌dě pa ma̤ pwǐhè̌o pě,” hî̌ lǒkho hǐnu

Petru awǐlǒ tabǎ 1:21

Khrî̌stu akhû̌akhî, sî yṳǎna̤ǎ Cǒmara htě a ma̤htûpwa̤ gesǒ Khrî̌stu ta ta̤si dě a bè̌dû̌bè̌htû nû̌û htǒotapwa̤ hǒ. Hǐnudě sî ta̤yṳ ta sî ta̤kè̌shuǐ htǒonu, a ǒ dě Cǒmara alo̤hǒ.