Phǐlǐpǐ 2:17 - Kawyaw RC

¹⁷ He dǒhtû̌ǐ ta̤sò̌le̤sò̌lò̤ awi̤akè̌ akhû̌akhî, kǎlè̌mî̌ he si pě ya. Bǎ sî yṳǎ ta̤sò̌le̤sò̌lò̤ awi̤akè̌ akhanu, sî ǐlò̤ sî ta̤htûpwa̤ dě Cǒmara a ǒ sǒsǒta pwa̤lṳhtò̌ta̤ lṳhtò̌ ta̤phû̌ta̤li̤ dě Cǒmara ǒnu hǒ. Kò dè ma̤si he hî̌dě, hesǐ glè sǐlò̤ sǒsǒta pwa̤lṳhtò̌ta̤ tapwa̤ lò̌lò̤ sî̌yo̤ dě hǎkhû̌ dě asǒsǒta kò lṳhtò̌ ta̤lṳta̤tò̌nu. A dè htûhtò̌ hǐnu hî̌dě he sò̌le̤sò̌lò̤, sò̌le̤ kû̌bò ta sî pṳ̂̌꤮ tapwa̤ pě.

Kawyaw New Testament

¹⁷ Dǒ he shôbǐǐ ta̤sǎlě̤we̤kè akhû̌akhî, he si pě yǎ sî̌. Bǎ sî yṳ̌ǎ ta̤sǎlě̤we̤kè akhanu, sî ǐlò̤ sî ta̤htûpwa̤ dǒ Cǒmara a ô̌ sô̌sô̌kû̌ pwa̤shû̌gǎ lṳhtò̌ ta̤phû̌ta̤wè̤ dǒ Cǒmara a ô̌ nuhǒ. Kòyò kè̌ ma̤si he hî̌dě, hesǐ gǔ sǐlò̤ asô̌sô̌kû̌ pwa̤shû̌gǎ tôpwa̤ yṳ̂̌lò̤ shisî̌yô̤̌ dǒ hǎkhû̌ dǒ asô̌sô̌kû̌ kòyò lṳhtò̌ ta̤lṳta̤tòhtò̌ nuhǒ. A kè̌ htûhtò̌ pô̤̌nu hî̌dě he sǎlě̤sǎlò̤, sǎlě̤bò kû̌ sî pṳ̂̌ tôpwa̤ pwǎ.

Phǐlǐpǐ 2:17 Iomraidhean Croise

Pwa̤nophû̌ 20:24

Pwǎ̤tadě ma̤pûhǐ he ma̤htokè ta̤ma̤ htě Běcǎ Ye̤shǔ ǐlò̤ hehtǒo ayanu, he sò̌le̤ǐpe he sò̌phlǒ htûpwa̤ htǒonu tò̤ hǒ. Ta̤ma̤ htě a noma̤ he htǒotoǒ numî̌ mî̌pwǎ he bǎ khò hesò̌ ta Cǒmara abwǐasîrî a ta̤sò̌le̤sò̌lò̤ awi̤akè̌ htǒonu hǒ.

Pwa̤nophû̌ 21:13

Pwǎ̤tadě Pò̌lu hî̌shǔ pa, “Sîhǎsîwo dě sî ma̤ sǎpla̤sǎyṳ he ma̤tè? He ma̤wǒnǎ pwǎpǒ̤ hena̤ ta kò gupṳ̂guco he bǎ Ye̤rǔshèlèwî̤ htǒonu pě mè̤tò̤, he ma̤wǒnǎpo̤ ta he glè si Běcǎ Ye̤shǔ aya.”

Rṳ̂̌me̤ 12:1

Hǐnudě, pṳwè̤ sî꤮, Cǒmara a ta̤gwèbǎǐ panu, adû̌ayǒ tûlû̌shû̌ ta paya akhû̌akhî, he kwigwèbǎǐ sî ta sî glè ǐlò̤ sî na̤saklû htǒo dě Cǒmara a ǒ pwǐ ta̤lṳ htě a htûpwa̤, pwǐ ta̤lṳ htě a cahtǐ ta pwǐ ta̤lṳ htě ato nû̌ûsò̌phlǒ a ta̤sò̌yṳnu nî̌꤮. Sî to sabahtò̌ Cǒmara pwǐhè̌onumî̌ klè̌ htě atoabǎ tabo hǒ.

Rṳ̂̌me̤ 15:16

Cǒmara abwǐasîrî akhû̌akhî, a ǐ he ta̤ma̤ dě he glè ma̤ Ye̤shǔkhrî̌stu ata̤ma̤ bǎ Yṳ̌daphû̌ mè̤tò̤ toǒ akla. Ma̤pûhǐ Yṳ̌daphû̌ mè̤tò̤ toǒ htûhtò̌ ta̤lṳ tacǎ dě Cǒmara phî̌shǔ yǎ, htodě ta̤lṳ tacǎ htě Běcǎ sǎcahtǐ ma̤wî̤ma̤cahtǐhto nû̌û dě, Cǒmara wû̌lǎ khǒtû̌ he ta he glè ma̤ta̤ pwǐ pwa̤lṳhtò̌ta̤ htě a dǒhtû̌ǐlṳ bǎ kò ta Cǒmara a ta̤sò̌le̤sò̌lò̤ awi̤akè̌nu tapwa̤ hǒ.

Kôritu ginǐ̤bǎ tôbǎ 12:15

Hema̤hǎbòkè hewûhehta, hekhû̌heǎ, ta̤pṳ̂̌꤮ tacǎ ta sîyanu, he sò̌le̤sò̌lò̤ pwǎ. He mo̤ǐ sî pwî̌tènu sî ta̤mo̤ǐ henu alò̤ta ayû̌ gilò̤to̤ ma̤hî̌tè?

Kôritu ginǐ̤bǎ tôbǎ 4:12

Dě pa dǒhtû̌ǐ bǎ kò ta̤sò̌le̤sò̌lò̤ awi̤akè̌ akhû̌akhî, pa kè̌shǐ sala̤ ta kò glè ma̤si pa. Pwǎ̤tadě pa kè̌shǐ hǐnu akhû̌akhî, sî nî̤bǎ ta̤htûpwa̤ hǒ.

Kôritu ginǐ̤bǎ tôbǎ 6:10

Pa kè̌shǐplṳ̂ mè̤mè̤̌ ta̤pò̤ta̤sha pwǎ̤ta pa sò̌le̤sò̌lò̤ pṳ̂̌꤮ taplǎ. A lò̤ta pa shuphǔshèwè mè̤mè̤̌ pwǎ̤ta pa sû̌ǐtòwòǐ bǎ kò akhû̌akhî, kò dû̌yò̤htò̌sa sû̌sò̌ tokhonu a ǒplṳ̂ hǒ. A lò̤ta pata ǒ kû̌kò dǐcǎ꤮ tò̤ pwǎ̤ta pa nî̤bǎbò ta̤pṳ̂̌꤮ tacǎ hǒ.

Kôritu ginǐ̤bǎ tôbǎ 7:4

He yṳǎ te̤mǎ mè̤mè̤̌ sî dě he htû̌sò̌ǐ mè̤mè̤̌ sî pṳ̂̌꤮ taplǎ nî. Hǐnu akhû̌akhî, pa kè̌shǐbǎ plṳ̂ mè̤mè̤̌ ta ta̤pò̤ta̤sha pwǎ̤ta pa sò̌le̤sò̌lò̤ pwǎ, htohǒtò̤ pa sò̌phlǒmo̤ pwǎ.

Phǐlǐpǐ 1:20

He ta̤sò̌yṳ ta he ta̤kè̌shuǐ mî̌ titè hî̌dě, Khrî̌stu a lo̤mo̤ pěnu, he sòwò̤ nò pě dî̌kî̌꤮ tò̤. He htûpwa̤ bǎbǎ, he si bǎbǎ, ma̤pûhǐ kò htû̌sò̌ǐ Khrî̌stu ayanudě, he sò̌yṳ ǒhtûpwa̤ lǒbe ta ta̤sò̌phlǒkhuha pwǐ he khuha pṳ̂̌꤮ taplǎnu pwǎ.

Phǐlǐpǐ 2:18

Sî bǎbǎ, sî to sò̌le̤sò̌lò̤, sò̌le̤ kû̌dǒ lǒkho ta hehe.

Phǐlǐpǐ 2:30

Ma̤tè̤hî̌dě, sî ma̤jèbò̌ he tò̤ akhû̌akhî, ma̤pûhǐ a ma̤jè he, dě Khrî̌stu a ta̤phî̌ta̤ma̤ ayanu, a ǒphǔ ta ta̤si hǒ.

Phǐlǐpǐ 4:18

Sî sûhèbò bǎ he toǒnu he nî̤bǎbò hǒ, dě a lǒbe tûlû̌shû̌ ta heya. Sî ǐbò toǒnu Ěpaprò̌dǐtǔ phî̌hè bǎ he, dě khònò̤htǒo, he lo̤bǎ lǒ̤꤮ bò toǒnu aǒbò hǒ. Ta̤ǐ htǒotoǒnu, asǒsǒta ta̤lṳnṳmû̌ htě kò lṳhtò̌ Cǒmara ǒnu. Ta̤lṳ htě ato Cǒmara asò̌phlǒ, dě a ma̤mo̤ nû̌û sò̌phlǒnu toǒ hǒ.

Kòlòtè̌ 1:24

Ma̤pûhǐ sî nî̤bwǐnî̤sîrî ayanu, khònò̤htǒo he khòbǎta̤ ta sîya hǐnumî̌ he sò̌le̤sò̌lò̤ pwǎ. Pwǐ Khrî̌stu khò bǎ kòyò htě a yṳǎ nû̌û dě asǒsǒta ana̤klû toǒnu, he sò̌phlosho dě he na̤klûphěyî̌ htǒo khòbǎdǒbò kòyò lǒ̤꤮ bò htě a yṳǎ nû̌ûnu toǒ ayaya.

Tîsalònǐ awǐlǒ tôbǎ 2:8

Pa mo̤ǐ mè̤mè̤̌ sî, htodě sî htû pa sû̌kho htě amo̤ǐmè̤mè̤̌ pa toǒ akhû̌akhî, pa ma̤wǒnǎ pana̤ dě pa glè pwe̤ǐ sî̌yatû̌ pwǎ bǎ sî ta Cǒmara a ta̤sò̌le̤sò̌lò̤ awi̤akè̌ htǒonu mè̤tò̤, pa ma̤wǒnǎpo̤ pana̤ ta pa ǒplǒ ta sî dě, phî̌jèma̤jè kû̌po̤ sî.

Tîmôte ginǐ̤bǎ tôbǎ 4:6

Ma̤tè̤hî̌dě, khîkha to̤ta he glè hǎhtò̌cû̌kè ta hǎkhû̌bǎo hǒ. Akhîakha hèto̤ ta he glè bè̌kè he ta̤ǒhtûpwa̤ htǒohǒ.

Petru awǐlǒ tabǎ 2:5

Sî htǒotoǒnu asǒsǒta lo̤htûpwa̤ toǒ hǒ. Cǒmara noǎ lo̤ htě a mî̌ sîhtǒo dě a glè ma̤htò̌ hǐ sû̌sò̌cahtǐ tama. Sî ma̤ta̤ dě hǐkû htǒonu asǒsǒta pwa̤lṳhtò̌ta̤ cahtǐ toǒnu pě. Htohǒtò̤ sî lṳhtò̌ ta̤lṳ dě Cǒmara a ǒ sû̌sò̌cahtǐ tokho toǒ pě. Ye̤shǔkhrî̌stu akhû̌akhî, Cǒmara phî̌shǔ sî ta̤lṳ htǒotoǒ pě.

Yṳ̂ha awǐlǒ tôbǎ 3:16

Ta̤mo̤ǐnu pa sî̌yajò a hî̌tè hî̌dě, Ye̤shǔkhrî̌stu ǐlò̤kè a ta̤htûpwa̤ ta paya, dě pa tobǎ ǐlò̤kèdǒ pa ta̤htûpwa̤ ta pa pṳwè̤ Khrî̌stuphû̌ toǒ aya.