Phǐlǐpǐ 2:16 - Kawyaw RC

¹⁶ Dǒhtû̌ǐ lǒkho kòyò ta̤htûpwa̤ awi̤akè̌ htǒonu nî̌꤮. Sî dè ma̤hǐnumî̌ bǎ Khrî̌stu hèlò̤ gesǒ amṳni̤ pě ti̤ni̤nu, he ta̤jipwi̤ lǒ̤꤮ bò toǒ ta he ta̤phî̌ta̤ma̤ htǒotoǒnu a htûhtò̌ nòdû̌pe tò̤, sîkhû̌sîkhî dě he phî̌htò̌yî̤ hena̤ pě.

Kawyaw New Testament

¹⁶ Shôbǐǐlṳ̌ padô̌ lô̌khô kòyò ta̤htûpwa̤ awe̤akènu nî̌꤮. Sî kè̌ ma̤pô̤̌nu hî̌dě bǎ Khrǐ hèlò̤ sô̌ alṳmṳ̌ni̤ pě tôni̤nu, lǒ̤bò he jî̌pwǐ̤ tokhlǒ kû̌ he ta̤phǐta̤ma̤ nutokhlǒ a htûhtò̌ nòdû̌pe tô̤̌ akhû̌akhî, dǒ sîkhû̌sîkhî dě he gǔ phî̌htò̌lǒǐ henǎ̤ pě.

Phǐlǐpǐ 2:16 Iomraidhean Croise

Htû̌sò̌htò̌ 40:9

Kǒ Cǒmara tûjûpwa̤, he pwe̤ǐlṳ nata̤cǒta̤tè̤ awi̤akè̌ dě kòyòprṳ̂ho akla. Pwǐ na sî̌yatû̌ nu, he pwe̤ǐlṳ ǒkǔpe tò̤.

Htû̌sò̌htò̌ 71:17

Kǒ Cǒmaradû̌ na sû̌ǐtòwòǐ he dě he phijaû̌khape. He pwe̤ǐlṳ nata̤ma̤ cǒklî̌kî̌ya toǒ tǒ̤lò̤꤮ khònò̤.

Matěo 10:27

Yo̤sǎ htě he hî̌ bǎ sî dě akhǐsuwukû toǒnu, cû̌hî̌bǎ lǒkho yǎdě alîklanu nî̌꤮. Yo̤sǎ htě sî gana̤de hǔsè̌ toǒnu, htò̌ yi̤kǒ lǒkho yǎ dě gukhětadǎkhû̌nu nî̌꤮.

Lǔka 12:8

“He hî̌ sî, ûpèpè̌꤮ bǎbǎ a dè olò̤ ta Ye̤shǔkhrî̌stu mî̌ he Běcǎ dě kòyò saprṳ̂ a lo̤mo̤ hî̌nu, kòyòphû̌khû mî̌ hehtǒo, he glè olò̤kû̌ yǎ hǐnu dě Cǒmara a mǒkhû̌tanaphû̌ toǒ a lo̤mo̤ pě.

Jowǎ̤ni̤ 6:63

Běcǎ sǎcahtǐnu a ǐ ta̤htûpwa̤ tûjûpwa̤. Kòyòhǎkhû̌phû̌nu, a ǐjò ta̤htûpwa̤ tûjûpwa̤ tò̤. Yo̤sǎ htě he hî̌bǎ sî htǒotoǒ numî̌, Běcǎ sǎcahtǐ a ta̤hî̌bǎ toǒ dě a ǐbò̌ kò ta̤htûpwa̤ tûjûpwa̤.

Jowǎ̤ni̤ 6:68

Shîmǒ̤nè̤ Petru hî̌ geshǔ nû̌û, “Běcǎ, pa glè̌ cû̌shǔ ûpè? Ta̤sû̌ǐtòwòǐ htě a ǐ pa yolahtûpwa̤ tûjûpwa̤nu a ǒ pwǎpǒ̤ dě naǒ pwǎ.

Pwa̤nophû̌ 13:26

“Pṳwè̤ Abraham akhlialè sîtoǒ ta Yṳ̌daphû̌ mè̤tò̤ htě a ǒ bǎo dě a subusabahtò̌bò Cǒmara toǒ sî꤮, ta̤ma̤lû̌htò̌ge awi̤akè̌ htǒonu, kò sûhèpwǎ bǎ paya.

Kôritu awǐlǒ tôbǎ 1:8

Htû̌꤮ pa Běcǎ Ye̤shǔkhrî̌stu hè amṳni̤ pě ti̤ni̤nu, ma̤pûhǐ kò la̤bè̌ ta̤sǔ sîlo̤ ǒpe pûtò̤ ayanu, Běcǎ pṳ̂měpṳ̂gle sî to̤htû̌ a gutṳ pě.

Kôritu awǐlǒ tôbǎ 9:26

Hǐnudě, ma̤pûhǐ he nî̤bǎ ta̤htǒo ayanu, he sǒsǒta kòyò ta̤khlè̌ nû̌û ta̤ tapwa̤ dě a khlè̌hè nò̤totǐ ta̤bò̌htò̌ a ǒnu tapwa̤. He sǒsǒta pwa̤phlû̌ta̤ dě a phlû̌sǔphlû̌bǎ kò tapwa̤nu mè̤tò̤.

Kôritu ginǐ̤bǎ tôbǎ 1:14

Khònò̤dě sî sî̌yaphlo pṳ̂̌bò pawi̤pakè̌ hǒtò̤, pwǎ̤ta nǒkòpěnu pa kè̌shuǐ ta sî sî̌yaphlo bòmṳ̂sîglî pawi̤pakè̌ pě. Hǐnudě, bǎ Běcǎ Ye̤shǔ hèsǒ pě ti̤ni̤nu, pakhû̌pakhî sî sò̌le̤sò̌lò̤ pwǐ pa sò̌le̤sò̌lò̤ ta sîkhû̌sîkhînu pě.

Galatǐ 2:2

Cǒmara dǔlṳhtò̌ he ta he tobǎ cû̌ bǎnu akhû̌akhî, he cû̌ pwǎ. Bǎ he ǒ bǎnu akha, he kè̌shǐhǔ kòyò htě kò bè̌ asî ta pwa̤yṳǎta̤ aprṳ̂aho hǐkǒdû̌ toǒ dě he dǒhtû̌ǐpo̤ bǎ asî ta ta̤sò̌le̤sò̌lò̤ awi̤akè̌ pwǐ he dǒhtû̌ǐ bǎ kò pṳ̂̌꤮ plǎ dě Yṳ̌daphû̌ mè̤tò̤ toǒ aklanu pwǎ. He ta̤dǒhtû̌ǐ htě a tûlû̌kèhtonu toǒ bǎbǎ, khònò̤htǒo toǒnu bǎbǎ, he sò̌yṳ nohtûhtò̌ nòdû̌ yǎtò̤.

Galatǐ 4:11

Dě sî ma̤hǐnu akhû̌akhî, he sò̌phlǒgu sò̌phlǒgè mè̤mè̤̌ sîya. Pěmî̌ ta̤ma̤ lǒ̤꤮ bò htě he ma̤hto bǎ sîyanu toǒ, htûhtò̌ nòdû̌bò tû̌ pě.

Phǐlǐpǐ 1:10

Ma̤pûhǐ sî sî̌yaphlo te̤mǎwǒ ta̤ htě awǒgutṳ̌ dě sî bǎ sò̌phlǒ mṳ̂plî, htohǒtò̤ to̤htû̌꤮ Khrî̌stu hè gesǒ amṳni̤ pě ti̤ni̤nu, kò glè bè̌jòpe pû ta̤sǔ dě sîlo̤ tò̤nu, he kwisabadǒ sîya.

Phǐlǐpǐ 1:6

Cǒmara htě a tèhtò̌ htû̌lè̌wǒgehto sî sò̌phlǒ htǒotapwa̤nu, he yṳǎ te̤mǎ yǎta a ma̤wǒ sělěphlǔ to̤htû̌ Ye̤shǔkhrî̌stu amṳni̤ hèto̤ pěnu taplǎ pě.

Tîsalònǐ awǐlǒ tôbǎ 2:19

Mî̌ma̤tè̤dě pa sò̌yṳ cû̌ǒlèkû̌po̤ mè̤mè̤̌ sî hî̌numî̌, sî ǒ ta sî ta̤yṳ htě ashû̌asho akhû̌akhî, htû̌ Běcǎ Ye̤shǔkhrî̌stu hèpě ti̤ni̤nu, sî htû pa ta̤dǒshuǐ, pa ta̤sò̌le̤sò̌lò̤ ta pa la̤phî̌htò̌yî̤ khû̌glûhta toǒ hǒ.

Tîsalònǐ awǐlǒ tôbǎ 3:5

He ǒkhòpe tò̤ akhû̌akhî, ma̤pûhǐ Timò̤̌te sî̌ya ta sî ǒměǒglepe ta sî ta̤yṳ ya, mî̌ sî ǒměpe tò̤ yanu, he sûlò̤ yǎ dě sî ǒ. He bǎgu ta khînǎmo̤pha hǐkǒdû̌ lǒǎplò̤ǎ sî. Htodě ta̤phî̌ta̤ma̤ lǒ̤꤮ bò htě pa ma̤htobò toǒnu, a glè nòdû̌kèbò, he bǎgu hǐnu.

Hebrǔ 4:12

Cǒmara ale̤ayo̤nu, a htûpwa̤ dě a ma̤jò ta̤. A htòkhlope ta tǒ̤phû̌ htě a htò cî̌htè̌cî̌khobò tabǎ. A nṳ phò̌pa̤ to̤ dě yolahtûpwa̤ ta sò̌phlǒ la̤ǒplǒnû̌û agûla̤nu, htodě a nṳ phò̌pa̤ to̤dě awi̤ahtû̌ ta khwǐgîkû la̤ǒ gûla̤nu tò̤glò. A dǔlṳhtò̌ bǎ kòyò sò̌phlǒ a ta̤gènè̤ toǒ ta a ta̤sò̌yṳ awǒ ta a phû̌mò̤ toǒ.

Petru awǐlǒ tabǎ 1:23

Ma̤tè̤hî̌dě Cǒmara ale̤ayo̤ htǒonu, a htûpwa̤ dě a ǒměgle tûjûpwa̤ talakhǎ akhû̌akhî, sî ǒphijaû̌lò̤ gesǒ taplǎ hǒ. Sî ta̤ǒhtûpwa̤ asa htǒonumî̌, a hè dě sîmo̤sîpha htě a sijò htǒotoǒ a ǒnu mè̤tò̤. Mî̌tanu, sî ta̤ǒhtûpwa̤ asa htǒonumî̌, a hè dě Cǒmara htě a sijò dǐkhò̌꤮ tò̤ htǒotapwa̤ a ǒ.

Yṳ̂ha awǐlǒ tôbǎ 1:1

Pa khwè̌cû̌ bǎ sî Ye̤shǔ awi̤akè̌, a mî̌ ta̤le̤ta̤yo̤ htě a ǐ kò ta̤htûpwa̤ tapwa̤. Ahtǒo a ǒnǎhto dě hǎkhû̌ htûhtò̌ hǒtò̤ akha pe. Pa gana̤dehto dě pa kè̌shǐhtotû̌ yǎta pami̤sǎ hǒ. Pa kè̌ a dě pa pṳ̂bǎhto yǎta pa cǔde hǒ.

Ta̤dǔlè̌nǎ 22:17

Běcǎ sǎcahtǐ ta pwa̤khòmò̤ mamǔ hî̌, “Hèmò̌ lǒkho.” Kòyò lǒ̤꤮ bò htě a gana̤de ta̤ htǒotoǒnu, nohî̌kû̌ lǒkho asî ta, “Hèmò̌ lǒkho.” Dě kòyò htě a sò̌oshi toǒnu, hèmò̌, hèphî̌ oko lǒkho shihtûpwa̤htǒo.