Phǐlǐpǐ 2:14 - Kawyaw RC

^14-15 Ma̤pûhǐ sî htûhtò̌ kòyò mṳ̂plî dě kò hèbè̌ ta̤sǔ sîlo̤ ǒpe pû tò̤, htohǒtò̤ ma̤pûhǐ sî bǎ htûtû̌ Cǒmara a phû̌mǔphû̌khû htě ata̤sǔ ǒtò̤ toǒnu, dě bǎ sî ǒhtûpwa̤ kòyò phû̌mò̤ cǒtè̤tò̤ htǒotoǒ akla htǒoakha, ma̤pûhǐ sî lîrakhahtò̌ bǎ kò pwǐ shǎtoǒ dě hǎkhû̌tebě htǒoayanu, sî ma̤ta̤ hî̌tètè̌꤮ bǎbǎ, tṳ̂mṳ̂ta̤ma̤ lǒkho pûma̤ nî̌꤮.

Kawyaw New Testament

^14-15 Pô̤̌khô sî htûhtò̌ kòyò mṳ̂̌plî dě kòyò lǎ̤bè̌ ta̤sǔ dǒ sîlô̤ gǔ ô̌ pe tô̤̌nu, htokhôtô̤̌ pô̤̌khô sî htû Cǒmara a phû̌mǒ̤phû̌khû dǒ ata̤sǔ ô̌ tô̤̌ tokhlǒ, dě bǎ sî ô̌htûpwa̤ dǒ kòyò phû̌mò̤̌ cǒtè̤tô̤̌ nutokhlǒ akla, pô̤̌khô sî lîkakhahtò̌ bǎ kòyò pô̤̌ shǎ dǒ hǎkhû̌běkhû̌ nudě, sî ma̤ta̤ titètè̌꤮ bǎbǎ, tûmṳ̂̌ta̤ma̤ htè̌ tǎ̤ lô̌khô tǎ̤mǎ̤ nî̌꤮.

Phǐlǐpǐ 2:14 Iomraidhean Croise

Htû̌sò̌htò̌ 106:25

Asî ǒ lǒkho dě ahǐphû̌kû dě a tṳ̂mṳ̂ta̤ma̤. A gana̤de Cǒmara tûjûpwa̤ ayo̤ tò̤.

Matěo 20:11

Bǎ asî nî̤bǎ khû̌kǎhtǒo akha a tṳ̂mṳ̂ta̤ma̤ hǔklaběcǎ ayo̤.

Mǎ̤riko 14:5

Shinṳmû̌ htǒotò̤pò̤nu apwî̤ ǒ wûyî̌ Dina̤ri sujè shaǎkè yǎ dě cû̌ǐ yǎta kòyò hǒwi̤shèwèphû̌ numî̌ awǒkhlo,” asî hî̌hto hǐnu dě asî bè̌ lǒkho mamǔnu tapwa̤ a ta̤sǔ.

Mǎ̤riko 9:14

Bǎ Ye̤shǔ ta akhophijaû̌ sò̌su cû̌to̤ dě akhophijaû̌ ahǔwa̤ toǒ a ǒ akhanu, a kè̌shǐ kòyò saprṳ̂saphǎ hèǒhtuǒplǒ te̤we̤bò asî dě pwa̤sû̌ǐ ta̤sû̌ta̤tòwò asara toǒ hèhtè̌còwò lǒkho ta asî.

Lǔka 5:30

Pharisè̌phû̌ toǒ ta pwa̤sû̌ǐ ta̤sû̌ta̤tòwò asara sî aprṳ̂kla toǒǒ bè̌bò ta̤sǔ dě Běcǎ Ye̤shǔ akhophijaû̌ toǒ akhû̌ dě a hî̌, “Sî cû̌ ǎhtuohtukû̌ ta pwa̤kwi ta̤kûta̤cî̌ toǒ ta ta̤ma̤sǔphû̌nu toǒ ma̤tè?” Asî gwè lǒkho hǐnu.

Pwa̤nophû̌ 15:2

Pò̌lu ta Banabǎ gègo shû̌shǔ mè̤mè̤̌ kòyò htǒotoǒ ta ta̤wi̤ta̤kè̌ htǒotacǎ. Hǐnudě ta̤wi̤ta̤kè̌ htǒo akhû̌akhî, kò wû̌lǎ Pò̌lu ta Banabǎ ta kòyò ǒ dě Atiǒwî̤kû toǒ, dě asî tobǎ cû̌ kè̌shǐshǔ ta pwa̤nophû̌ ta pwa̤yṳǎta̤ aprṳ̂aho wè̤khǔwè̤pwa̤ a hǐkǒdû̌ dě Ye̤rǔshèlèwî̤kûnu toǒ.

Pwa̤nophû̌ 15:39

Pò̌lu ta Banabǎ gègo kè̌khînû̌û ta Mǎ̤riko akhû̌ htǒonu akhû̌akhî, asî cû̌khǒcû̌pa̤kè nû̌û. Banabǎ kaǎ Mǎ̤riko dě asî cû̌dò̌nṳ sǒkhlidû̌ dě hǎhtò̌cû̌ lǒkho dě Kǔprǔ shikholophû̌jo.

Pwa̤nophû̌ 15:7

Asî dǒhtû̌ǐ kè̌khînû̌û dě ayî̤ kèhǒnu Petru ihtǒ hî̌ asî, “He pṳwè̤ toǒ꤮, ma̤pûhǐ he dǒhtû̌ǐ bǎ Yṳ̌daphû̌ mè̤tò̤ toǒ ta ta̤sò̌le̤sò̌lò̤ awi̤akè̌, htohǒtò̤ ma̤pûhǐ asî gana̤de kû̌ dě yṳǎna̤ǎ Ye̤shǔ ayanu, Cǒmara wû̌lǎyî̤ he dě sîkla numî̌ sî sî̌ya tû̌ hǒ.

Pwa̤nophû̌ 6:1

Bǎnu akha, pwa̤yṳǎphû̌ toǒ sǔ ǒhtò̌dû̌ dě Yṳ̌daphû̌ htě a hî̌bǎ Greek yo̤ toǒ ta Yṳ̌daphû̌ htě a hî̌bǎ tû̌ ayo̤ toǒ htè̌kè̌khînû̌û. Yṳ̌daphû̌ htě a hî̌bǎ Greek ayo̤ toǒ hî̌ ta kòyò htě a yṳ̂ǎyṳ̂o shǎǎshǎo ti̤ni̤ ta ti̤ni̤ toǒnu a kè̌bò̌khû̌kè asî mamǔǒkhwè̌ toǒ, a hî̌ lǒkho hǐnu.

Rṳ̂̌me̤ 12:18

A jògutṳ̌ dè hî̌mî̌, jipwi̤ ǒhtûpwa̤ mo̤kla kû̌ lǒkho ta kònu nî̌꤮.

Rṳ̂̌me̤ 14:1

Kaǎshǔ Khrî̌stuphû̌ htě ata̤yṳ pî̌tî̌pe tû̌ayanu toǒ nî̌꤮. Asî ta̤gènè̤ toǒnu, a kî̌ya ta na bǎbǎ, gègoshǔ pûma̤ asî ma̤ nî̌꤮.

Rṳ̂̌me̤ 16:17

Pṳwè̤ sî, he sò̌le̤tûsûbǎ sîkò ta, ǒsè̌rè̌ lǒkho sîna̤ ta kòyò htě a hènṳma̤ htò̌pò̌htò̌shî ta̤nu toǒ nî̌꤮. Asî ta̤sû̌ta̤tòwò toǒnu a htû̌sǒbǎ cû̌ tephekè kòyò dě sîkla toǒǒ ta Khrî̌stu pě. Asî ta̤sû̌ǐ toǒnu a nûkhǒtû̌ ta Khrî̌stu awi̤akè̌ htě kò sû̌ǐhto sînu toǒ. Ǒtephekè ta asî nî̌꤮.

Kôritu awǐlǒ tôbǎ 10:10

Pa bǎ tṳ̂mṳ̂ta̤ma̤nṳ pwǐ asî toǒǒ tṳ̂mṳ̂ta̤ma̤nu tò̤. Paphipaphu dě wǐkha toǒ tṳ̂mṳ̂ta̤ma̤ lǒkho akhû̌akhî, mǒkhû̌tanaphû̌ ma̤sikè asî.

Kôritu ginǐ̤bǎ tôbǎ 12:20

Htû̌꤮ he hèto̤kû̌ sî ǒ khapěnu, he hè kè̌shǐtû̌ sî ta̤bè̌sû̌bè̌sǎ toǒ htě a kî̌yatû̌ ta pwǐ he sò̌yṳ kè̌shǐnu toǒ pě, htodě sî kè̌shǐtû̌ he ta̤bè̌sû̌bè̌sǎ toǒ htě a kî̌ya pwǐ sî sò̌yṳ kè̌shǐ henu pě, he bǎgubǎgènǎ hǐnu. He bǎgu ta pěmî̌ he hèkè̌shǐ sîgèsîgo nû̌û, sî sò̌khěkè̌khînû̌û, sî sò̌phlǒdû̌ nû̌û, sî ǒkhǒnû̌û tṳ̂prû ta tṳ̂prû, pi̤jishǐcǒ kò, dǒmi̤shǐyo̤ kò, phî̌dû̌phî̌htû na̤, ma̤shû̌shǎ pi̤ti̤pṳ̂tṳ̂ ta̤, hǐnu toǒ hǒ.

Galatǐ 5:15

Pwǎ̤tadě sî dè jî sîna̤ pwǐ ta̤mi̤ta̤mò̤ dě sî dè ǎ kè̌khînû̌û tapwa̤ ta tapwa̤ hî̌numî̌ ǒsè̌rè̌ lǒkho sîna̤ nî̌꤮, ma̤tè̤hî̌dě pěmî̌ sî ma̤pî̌ma̤lṳ̂bòsǒ sîna̤ tapwa̤ ta tapwa̤ hè̌.

Galatǐ 5:26

Pa bǎ phî̌dû̌ pana̤ tò̤. Ma̤sò̌phlǒdû̌ pûma̤ nû̌û tapwa̤ ta tapwa̤ ma̤. Sò̌khě kè̌khî pûma̤ nû̌û tapwa̤ ta tapwa̤ ma̤ nî̌꤮.

Phǐlǐpǐ 2:3

Bǎ sî ma̤ta̤ akhanu, kè̌dû̌tû̌ pûma̤ sî tapwa̤ aya ma̤ nî̌꤮, phî̌dû̌phî̌htû pûma̤ sîna̤ ma̤, mî̌ta shò̌lò̤ lǒkho sî sò̌phlǒ dě tapwa̤ ta tapwa̤ ala̤ nî̌꤮, dě gènè̤dû̌khlo kòhǔwa̤ ta sîna̤ nî̌꤮.

Tîsalònǐ awǐlǒ tôbǎ 5:13

Dě asî ma̤ lǒkho pwǐhè̌o akhû̌akhî, bè̌dubè̌na̤ sapwa̤ asî dě mo̤ǐ lǒ̤sû̌lǒ̤sò̌ asî nî̌꤮. Mo̤klaǐ nû̌û tapwa̤ ta tapwa̤ nî̌꤮.

Tîsalònǐ awǐlǒ tôbǎ 5:15

Noma̤ geshǔ pûma̤ kòyò htě kò ma̤sǔ nû̌ûnu toǒ ma̤ nî̌꤮. Mî̌tanu, jipwi̤ ma̤wǒ kè̌khînû̌û tapwa̤ ta tapwa̤ pṳ̂̌꤮ taplǎ dě jipwi̤ ma̤wǒ bǎ kòyò ahǔwa̤ toǒ nî̌꤮.

Hebrǔ 12:14

Jipwi̤ ǒmo̤ǒkla kû̌ta kò pṳ̂̌꤮ tapwa̤ nî̌. Jipwi̤ ǒhtûpwa̤ cahtǐ lǒkho nî̌꤮. Ma̤tè̤hî̌dě ta̤ǒhtûpwa̤ cahtǐ dè ǒtò̤ hî̌mò̌nu, kò kè̌shǐjò Běcǎ dǐpwǎ̤tò̤.

Jǎgomo̤ 1:20

Ma̤tè̤hî̌dě, kòyò htě sò̌phlǒdû̌ toǒnu, a dǔlṳhtò̌jò ta̤ǒhtûpwa̤ acǒatè̤ htě Cǒmara sò̌yṳ noǒhtûpwa̤ htǒonu dǐkhò̌꤮ tò̤.

Jǎgomo̤ 3:14

Pwǎ̤tadě sî sò̌phlǒkûnu, sî dè sò̌khěkhû̌khwè mè̤mè̤̌ nû̌û, sî mo̤ǐlò̤ tû̌ sîna̤ dě sî kè̌dû̌lò̤ tû̌ sîna̤ htǒotoǒ dè ǒ hî̌mò̌nu, hî̌bǎhtû̌sò̌ǐ pûma̤ sîna̤ ta sî ǒta ta̤sî̌khû̌sî̌ya hǐnu ma̤, dě ma̤takǎshǔ pûma̤ ta̤te̤ta̤mǎ htǒonu ma̤.

Jǎgomo̤ 5:9

Pṳwè̤ sî꤮, ma̤pûhǐ sî khòbǎ pû ta̤cèrò tò̤nu, tṳ̂mṳ̂ta̤ma̤ pûma̤ nû̌û tapwa̤ ta tapwa̤ ma̤. Pwa̤cèrò ta̤ htǒotapwa̤ hèǒto̤phǔ tînî̌ dě takhahtu hǒ.

Petru awǐlǒ tabǎ 3:11

A tobǎ htû̌tiwǐkhǒkè ana̤ ta ta̤phû̌mò̤shî̌hto dě a tobǎ ma̤ta̤ awǒ toǒ. A tobǎ jipwi̤jili̤ ǒpè̤ǒdû sělě kû̌ta kòyò.

Petru awǐlǒ tabǎ 4:9

Kaǎshǔ lǒkho shǐpwa̤shǐmè̤ dě sîhǐphòdǒkû nî̌꤮, tṳ̂mṳ̂ta̤ma̤ lǒkho pûma̤ nî̌꤮.

Yṳ̌da 1:16

Kòyò htǒotoǒ numî̌ kòyò htě a tṳ̂mṳ̂ta̤ma̤shû̌ ta a bè̌ tû̌ ta̤sǔ dě kòhǔwa̤ alo̤ pṳ̂̌꤮ taplǎ. Asî gûma̤ kû̌ta ana̤klû a ta̤sò̌yṳsò̌bǎ phû̌mò̤shî̌htonu toǒ akò pwǎ. Asî hî̌bǎ htû̌sò̌kò̌koǐ lǒkho ana̤, htohǒtò̤ ma̤pûhǐ asî nî̤bǎ ta̤ htě a sò̌yṳnu toǒ dě, a hî̌bǎ htû̌sò̌ǐ lǒkho kòyò.