Phǐlǐpǐ 2:13 - Kawyaw RC

¹³ Ma̤tè̤hî̌dě, ma̤pûhǐ sî sò̌phlosho sò̌yṳ gana̤de gûma̤kû̌ pwǐ Cǒmara a ta̤sò̌yṳ htě awǒ toǒ ayanu, a ma̤ ta̤ dě sîkû pṳ̂̌꤮ taplǎ hǒ.

Kawyaw New Testament

¹³ Ma̤titèhî̌dě, pô̤̌khô sî sǎphlǒshû̌ sǎyṳ ganǎ̤de gû̌ma̤ pô̤̌ Cǒmara a ta̤sǎyṳ dǒ awô̌ tokhlǒ ayanu, a ma̤ hto ta̤ dǒ sîkû pṳ̂̌꤮ taplǎ hǒ.

Phǐlǐpǐ 2:13 Iomraidhean Croise

Htû̌sò̌htò̌ 110:3

Mṳni̤ htě nahtò̌shě ta̤shěnu ti̤ni̤ akha pěnu, nakòyò toǒ ta̤sò̌yṳǒkû̌ nakò pě. Asǒsǒta shicashi lòte̤ bǎ lṳmṳlîwosò꤮ nuhǒ, nakòyò pwa̤nějaphû̌ toǒ ǒbò dě gûla̤ pṳ̂̌꤮ tò̤glò dě a kûsǒ hǐdopo̤to̤ cahtǐ.

Htû̌sò̌htò̌ 119:36

Nata̤hî̌bǎlò̤yo̤nu, nomo̤ǐkhlo he ta he sò̌yṳbò wûhtanu.

Htû̌sò̌htò̌ 141:4

No cû̌ ma̤pû he ta̤phû̌mò̤shî̌hto ma̤, mè̤tò̤dě nocû̌ ma̤phû̌mò̤plǒ kû̌ pûma̤ he ta kòyòphû̌mò̤nu toǒ ma̤. No ǎhtuohtu kû̌ pûma̤ he ta asî shǎǎshǎonu ma̤ma̤.

Lǔka 12:32

“Kǒ꤮ sophû̌ amṳ pî̌tî̌phû̌ sî꤮, ǐsha pûma̤ nî̌꤮, ma̤tè̤hî̌dě sîpha sò̌phlǒǒ dě a guǐ sî ta ashiaga hǒ.

Lǔka 2:14

“Cǒmara ǒ bǎ gûla̤htò̌yî̤gutṳ̌ dě mǒkhû̌nu tapwa̤ na nî̤bǎ tû̌pû bwǐdû̌sîrîhtû nî̌꤮. Dě hǎkhû̌nu ta̤pè̤ta̤dû ta ta̤gûjûkabǎ ǒkû̌ tû̌ta kòyò lǒ̤bò htě Cǒmara sò̌phlǒ ǒnû̌û toǒ nî̌꤮.”

Jowǎ̤ni̤ 3:27

Dě Jowǎ̤ni̤ hî̌shǔ nû̌û, “Ûpè bǎbǎ Cǒmara dè ǐlò̤ nû̌û tò̤nu, a nî̤bǎjò ta̤ dǐcǎ꤮ tò̤.

Jowǎ̤ni̤ 6:45

Pwa̤po̤ toǒ khwè̌nǎ ta, ‘Cǒmara sû̌ǐtòwòǐbò asî pě.’ Bò kòyò htě a gana̤de pha a ta̤sû̌ǐtòwòǐ dě a hè sû̌ǐtòwòǐ ta̤dě aǒ toǒnu, a hè heǒ pě.

Jowǎ̤ni̤ 6:65

A hî̌ sělěpo̤, “Dě sîklanu kòyò yṳǎ he tò̤ ǒtoǒ, mî̌ta he hî̌ sî, pha dè nohè kò dě heǒ tò̤ hî̌nu kò hèbò̌ dě heǒ dǐpwǎ̤꤮ tò̤, hǐnu hǒ.”

Pwa̤nophû̌ 11:21

Dě Cǒmara a ta̤po̤ta̤phǎ ǒkû̌ ta asî akhû̌akhî, kòyò yṳǎgeplṳ̂gephǎ nû̌ûdě asò̌phlǒ htû̌lè̌geto lǒkho dě Běcǎ Ye̤shǔ ǒ.

Rṳ̂̌me̤ 12:3

Cǒmara abwǐasîrî khû̌khî, a bè̌htò̌ he ta he htû pwa̤nophû̌ tapwa̤, he hî̌bò sî pṳ̂̌꤮ tapwa̤ ta, gènè̤dû̌khlo pûma̤ sîna̤ ta pwî̌ sî to gènè̤ǐ sîna̤nu ma̤ nî̌꤮. Mî̌tanu sî tobǎ gènè̤ǐpwǎ sîna̤ pwî̌ atoabǎnu. Gwè lò̤kè̌ tû̌ sî ta̤yṳta̤nǎ htě Cǒmara ǐ sî numî̌ adû̌ pwî̌꤮ tènu gènè̤sǒ lǒkho pwî̌nupwǎ nî̌꤮.

Rṳ̂̌me̤ 9:11

Bǎ aphû̌ǒ sègwè htǒosò̌gini̤ ǒlò̤ hǒtò̤ akha, htodě bǎ aphû̌ htǒosò̌gini̤ ma̤ ta̤sǔ ta ta̤wǒ hǒtò̤ akhanu, Cǒmara pwe̤ǐnǎwǐ amo̤ ta, “Awè̤pwa̤ tapwa̤ bǎwè̤ bǎ apṳnu tapwa̤ ata̤ma̤ pě.” Ma̤pûhǐ kò sî̌ya ta jǔ꤮ Cǒmara wû̌lǎ tû̌ asò̌phlǒ pwǐ a ta̤yè̤lò̤ǒnǎhto nudě, a ma̤ pwǐ a ta̤yè̤lò̤ǒnǎ htǒonu hǒ. Dě kòyò tapwa̤pwa̤ ma̤hto ta̤tacǎcǎ akhû̌akhî, a wû̌lǎ nû̌û mè̤tò̤. Mî̌tanu, a ǒ Cǒmara a cǔdekû dě a wû̌lǎ tû̌pwǎ nû̌û.

Rṳ̂̌me̤ 9:16

Hǐnudě pa la̤nǎla̤ǐ pa kòyòhǎkhû̌phû̌ a ta̤sò̌yṳ, mè̤tò̤dě, ata̤ jipwi̤ toǒ numî̌ anî̤ tò̤. Ta̤lǒ̤꤮ bò htě pa la̤nǎla̤ǐ numî̌ pwǎpǒ̤ Cǒmara a ta̤gwèbǎǐ pwǎ.

Kôritu awǐlǒ tôbǎ 12:6

Ta̤sî̌ta̤jò htě aǒ ta pa dě pa glè ma̤ bǎ Cǒmara a ta̤phî̌ta̤ma̤ ayanu, a ǒplṳ̂ pwǎ̤ta ta̤sî̌ta̤jò htǒotoǒnu a kî̌yanû̌û. Pò̤̌ta pwa̤ htě a ǐlò̤ pa ta̤sî̌ta̤jò tapwa̤ ta tapwa̤ dě pa glè ma̤ Cǒmara ata̤ma̤ htǒotoǒ aya numî̌, Cǒmara tapwǎ̤꤮ pa pwǎ.

Kôritu awǐlǒ tôbǎ 15:10

Pwǎ̤ta, Běcǎ abwǐasîrî akhû̌akhî, khònò̤dě he htûhtò̌ pwa̤nophû̌ tapwa̤hǒ. Ta̤bwǐta̤sîrî htě Cǒmara ǐlò̤ he htǒonu a nòdû̌ tò̤. Ma̤tè̤hî̌dě he jipwi̤ htǒkhû̌htǒǎ ma̤khlo ta pwa̤nophû̌ ahǔwa̤ toǒ hǒ. He ma̤bò̌ hǐnu numî̌ hekhû̌heǎ tû̌ mè̤tò̤. Cǒmara abwǐasîrî ma̤ kû̌dǒ ta he akhû̌akhî, he ma̤bò̌ pwǐhè̌onu pwǎ.

Kôritu ginǐ̤bǎ tôbǎ 3:5

Pa sî̌yahtò̌ tû̌ pa ta̤sî̌ta̤jò toǒnu mè̤tò̤. Pa ǒ ta ta̤sî̌ta̤jò htě pa ma̤bò̌ ta̤ma̤ htǒotoǒ numî̌ a ǒpwǎ Cǒmara a ǒ hè.

Ěphěsu 1:11

Khrî̌stu khû̌khî, Cǒmara wû̌lǎ pa dě pa htûhtò̌ akòyò hǒ. A bè̌lò̤hto asò̌phlǒ akhû̌akhî, a ma̤ hǐnunu. A ma̤htûhtò̌bò ta̤pṳ̂̌꤮ tacǎ pwǐ a sò̌yṳ ma̤nu hǒ.

Ěphěsu 1:5

Cǒmara mo̤ǐ pa akhû̌akhî, bǎ꤮ a bǒlò̤ hǎkhû̌ hǒtò̤akha penu, a bè̌lò̤hto asò̌phlǒ ta a bǔǐ pa pwǐ aphû̌ali̤ ta ana̤nu pě. A ma̤ hǐnudě a noma̤ tṳtṳ nû̌ûta Ye̤shǔkhrî̌stu pě. A ma̤ hǐnumî̌ jǔ꤮ tû̌ asò̌phlǒ sò̌yṳ ma̤tû̌ ta a ta̤yè̤lò̤nǎnu pwǎ.

Ěphěsu 1:9

Dě a dǔlṳ pa ta a ta̤tîwî̌tòwòhǔsè̌ htǒonuhǒ. A ǐlò̤hto asò̌phlǒ dě a glè ma̤lǒma̤behtò̌ a ta̤tîwî̌tòwòhǔsè̌ htǒonu ta Khrî̌stu hǒ. Htǒomî̌ htě a sò̌yṳ dǔlṳ bǎ pa ta a ta̤tîwî̌tòwòhǔsè̌ htǒonò̤nu.

Ěphěsu 2:8

Ma̤tè̤hî̌dě, sî yṳǎ mè̤mè̤̌ Khrî̌stu ta Cǒmara abwǐdû̌sîrîhtû dě sîkhû̌htǒo akhû̌akhî, a ma̤lû̌htò̌ge sî hǒ. Sî sana̤ htǒkhû̌htǒǎ akhû̌akhî, sî nî̤bǎ ta̤lû̌htò̌ge mè̤tò̤. Htǒomî̌ Cǒmara ǐlò̤kopwǎ sî pwǎ.

Tîsalònǐ ginǐ̤bǎ tôbǎ 1:11

Hǐnudě ma̤pûhǐ Cǒmara ma̤jè sî dě sî ǒhtûpwa̤ tobǎ kû̌ta ata̤kaǎ sî ayanu, pa kwisaba sîya pṳ̂̌꤮ taplǎ. Pa kwisabapo̤ bǎ sîya ta Cǒmara ma̤lǒma̤bebò bǎ sî ta̤ma̤wǒ htě sî sò̌yṳma̤nu toǒ, ta ta̤ma̤ htě sî ma̤ yǎta ta̤yṳnu toǒ. Dě Cǒmara ma̤tû̌ bǎ sî ta a ta̤po̤ta̤phǎ pě.

Tîmôte ginǐ̤bǎ tôbǎ 1:9

Ma̤pûhǐ pa htûhtò̌tû̌ Cǒmara a kòyòcahtǐphû̌ toǒ ayanudě, a ma̤lû̌htò̌ge pa hǒ, dě a kaǎ pa hǒ, pa ma̤hto ta̤phî̌ta̤ma̤nu toǒ akhû̌akhîdě, a kaǎ panu mè̤tò̤. Htǒomî̌ a ta̤yè̤lò̤nǎ ta abwǐasîrîtû̌ pwǎ. Bǎ a bǒlò̤ hǎkhû̌ hǒtò̤nu, a ǐlò̤ pa ta̤bwǐta̤sîrî htǒonu dě Ye̤shǔkhrî̌stu akû htǒonuhǒ.

Petru awǐlǒ tabǎ 1:3

Pa hî̌bwǐhî̌sîrîhtò̌ plǒnû̌û pa Běcǎ Ye̤shǔkhrî̌stu apha Cǒmara hò̌꤮. Mî̌ htě a ta̤gwèbǎǐ tûlû̌shû̌ pa htǒo, ta Ye̤shǔkhrî̌stu ata̤si htûpwa̤ge akhû̌akhî, a ǐlò̤ pa ta̤htûpwa̤ asa hǒ. Dě htǒo akhû̌akhî, pa nî̤bǎ hènè pa ta̤kè̌shuǐ dě pa ta̤ǒhtûpwa̤ akû hǒ.