Phǐlǐpǐ 2:12 - Kawyaw RC

¹² Hǐnudě, khobǒsû̌bǒmo̤ sî꤮ bǎ he ǒkû̌ tû̌ta sî akhanu, sî gana̤de he yo̤, khònò̤htǒo he ǒyî̤ ta sî akhû̌akhî, sî tobǎ gana̤dekhlope heyo̤. Ma̤pûhǐ sî ma̤lǒma̤behtò̌ ta̤ma̤lû̌htò̌ge sî ayanu, jipwi̤ ma̤ lǒkho ta̤ dě ta̤bè̌dubè̌na̤ Cǒmara akû, dě ma̤ yǎta ta̤ǐsha gònò̤gèglè anu nî̌꤮.

Kawyaw New Testament

¹² Pô̤̌nudě, sû̌khô sî bǎ he ô̌plǒ kû̌ sî akhanu, sî ganǎ̤de he yô̤̌, khònò̤̌ he ô̌yî̤ kû̌ sî akhû̌akhî, sî tôbǎ ganǎ̤de khlo pe heyô̤̌. Pô̤̌khô sî ma̤lǒhtò̌behtò̌ ta̤ma̤hǎplǎge sî ayanu, jî̌pwǐ̤ ma̤ lô̌khô ta̤ dǒ ta̤bè̌dubè̌nǎ̤ Cǒmara akû, dě ma̤ kû̌ ǐsha gònò̤̌gòglè anu nî̌꤮.

Phǐlǐpǐ 2:12 Iomraidhean Croise

Htû̌sò̌htò̌ 119:120

He ǐsha mè̤mè̤̌ nala̤ dě he gònò̤gèglè. He ǐsha na̤cè̌ nata̤cèrò.

Htû̌sò̌htò̌ 2:11

Ǐsha dě bè̌dubè̌na̤ Cǒmara tûjûpwa̤, sabahtò̌ lǒkho a. Yò̤lò̤ge sîsò̌ dě ta̤gònò̤ akû.

Matěo 11:12

Sahtò̌ bǎ pwa̤ploshi Jowǎ̤ni̤ ahtukha tǒ̤khònò̤nu, kòyò toǒ nṳ shějîshějû mǒkhû̌ shila̤gakû. Kòyòkhukòyòhî toǒ jipwi̤ nṳphî̌sigwi gutṳ mǒkhû̌ shila̤gakû.

Matěo 11:29

Ò̌ lǒkho he nò̌ò̌ htǒo dě sû̌ǐsî̌ya ta̤dě heǒbǎo, ma̤tè̤hî̌dě he sò̌dohobî̌ dě he shò̌lò̤ hesò̌ akhû̌akhî, na kè̌shǐ na sò̌phlǒ a la̤ǒkǔ pě.

Pwa̤nophû̌ 16:29

Pwa̤ǒpo̤apo̤ hǐkǒdû̌ nophî̌hè kò mî̌ko dě a khlè̌nṳ gene̤lò̤ gònò̤gèglè Pò̌lu ta Tilǎ a khò̌lopo̤kòshî̌.

Pwa̤nophû̌ 9:6

Pwǎ̤ta ihtǒ dě cû̌nṳ wî̤kûnu. Na to ma̤kwè̌꤮ hî̌tènu, kò pwe̤ǐtû̌ na pě.”

Rṳ̂̌me̤ 2:7

Kòyò htě a ma̤ hèsělě ta̤wǒ, dě a kè̌lǎ Cǒmara ǐ nû̌û ta̤sîrîdû̌sîrîhtû, ta̤bè̌dû̌bè̌htû ta ta̤htûpwa̤ htě a sijòpè̤ tò̤ toǒnu, Cǒmara ǐ nû̌û yolahtûpwa̤ tûjûpwa̤ pě.

Kôritu awǐlǒ tôbǎ 15:58

Hǐnudě, he sû̌kho sî, khònò̤dě ihtǒ tònòwǒ lǒkho dě ǒměǒgle lǒkho ta sî ta̤yṳ akûnu nî̌꤮. Ma̤shosho lǒkho Cǒmara ata̤ma̤ pṳ̂̌꤮ taplǎ nî̌꤮, ma̤tè̤hî̌dě sî ma̤ Běcǎ ata̤ma̤nu a nòdû̌ sîya tò̤.

Kôritu awǐlǒ tôbǎ 2:3

Bǎ he hè sî ǒ bǎnu taplǎ akhanu, he sî̌ya ta he khû̌ǎyû̌lò̤ dě he ǐsha gònò̤gèglè.

Kôritu awǐlǒ tôbǎ 4:14

He sò̌yṳ nosòwò̤ sî dě he khwè̌ cû̌ bǎ sî lî̤ htǒonu mè̤tò̤. He mo̤ǐ sî pwǐ hephû̌ ta hena̤nu dě he sû̌ǐtòwòǐ cû̌pwǎ sî.

Kôritu ginǐ̤bǎ tôbǎ 7:15

Hǐnudě, bǎ a gènè̤htò̌ to̤bǎ gesǒ sî ǒ tîwî̌tòwònǎ sîna̤ ta sî gana̤de a ta̤sû̌ǐtòwòǐ htohǒtò̤ sî kaǎshǔ yǎta ta̤ǐsha, gònò̤gèglè akhanu, a tǐ̤ mo̤hè shû̌khlopo̤ sî.

Ěphěsu 6:5

Jûphû̌ toǒ, gana̤de lǒkho sî hǎkhû̌ běcǎ htǒotoǒ ayo̤ nî̌꤮. Ǐsha pû asîla̤ ta bè̌dubè̌na̤ pû asî nî̌꤮. Pwǐ꤮ sî gana̤de Khrî̌stu ayo̤nu, gana̤de lǒ̤sû̌lǒ̤sò̌ asî yo̤yo̤.

Phǐlǐpǐ 1:27

A htûhtò̌ hî̌tè bǎbǎ, sî to ǒhtûpwa̤ lǒkho pwǐ Khrî̌stu a ta̤sò̌le̤sò̌lò̤ awi̤akè̌ pwe̤ǐ bǎ sînu nî̌꤮. Sî dè ma̤hǐnu hî̌dě he hèkè̌shǐ sî bǎbǎ, he ǒtepheyî̤ ta sî dě he gana̤de pwǎ sîwi̤sîkè̌ bǎbǎ, he glè sî̌ya tû̌ta sî sò̌phlǒ tǒhtu nû̌û dě sî ihtǒshěshǔ tònòplǒ nû̌û ta ta̤sò̌le̤sò̌lò̤ awi̤akè̌ a ta̤yṳta̤nǎ aya. Htohǒtò̤ sî ǐshape kòyò htě a sò̌khěkhû̌khwè sînu toǒ ala̤ tò̤ hǒ. Sî dè ma̤hǐnu hî̌dě sî khòlṳ bǎ asî ta Cǒmara ma̤pî̌kè asî pě, dě Cǒmara ma̤lû̌htò̌gelè̌tû̌ sî ta ana̤ pě.

Phǐlǐpǐ 1:29

Ma̤tè̤hî̌dě, Cǒmara ǐ tû̌pwǎ sî ta̤howi̤ htě sî glè yṳǎ Khrî̌stu htǒonu mè̤tò̤, a sò̌phlǒǒ ta sî bǎ khò ta̤ma̤jîma̤jû ta Khrî̌stu ayaya.

Phǐlǐpǐ 1:5

Ma̤tè̤hî̌dě, he ma̤ ta̤sò̌le̤sò̌lò̤ awi̤akè̌ htǒonu, sî ma̤kû̌dǒ ta he dě khû̌lû̌kha tǒ̤lò̤khònò̤ hǒ.

Phǐlǐpǐ 1:6

Cǒmara htě a tèhtò̌ htû̌lè̌wǒgehto sî sò̌phlǒ htǒotapwa̤nu, he yṳǎ te̤mǎ yǎta a ma̤wǒ sělěphlǔ to̤htû̌ Ye̤shǔkhrî̌stu amṳni̤ hèto̤ pěnu taplǎ pě.

Phǐlǐpǐ 2:19

Ma̤pûhǐ he sî̌ya sîwi̤sîkè̌ dě a ǐkhû̌ǐǎ ma̤mo̤htò̌po̤to̤ he sò̌phlǒ pě ayanu, a dè to Běcǎ Ye̤shǔ asò̌phlǒ hî̌dě he nohèphwè bǎ sî Timò̤̌te sî ǒ pě dě a ge pwe̤ǐlṳ he pě.

Phǐlǐpǐ 4:1

Hǐnu akhû̌akhî, he pṳwè̤ sî꤮, sî mî̌ kòyò htě he mo̤ǐ toǒ dě he nǎsǔ mè̤mè̤̌ sî, sî mî̌ pwa̤ htě a ma̤ sò̌le̤sò̌lò̤ na̤cè̌ he dě he phî̌htò̌dû̌ mè̤mè̤̌ hena̤ ta sîkhû̌khî hǒ. Khobǒsû̌bǒmo̤ sî꤮, htǒo mî̌ mè̤hǒ sî to ǒměǒgle lǒkho dě Běcǎ akû hî̌tènu hǒ.

Phǐlǐpǐ 4:15

Phǐlǐpiawî̤phû̌ sî꤮. Bǎ he cû̌ dǒhtû̌ǐ sî ta̤sò̌le̤sò̌lò̤ awi̤akè̌ dě he hǎhtò̌cû̌kè Makedò̌nia gakû akhanu, pwa̤ htě a ma̤jè he ta wû numî̌ tǒ̤pwǎ sî pwa̤yṳǎta̤ aprṳ̂aho htǒotṳmṳ pwǎ numî̌ sî sî̌ya te̤mǎbòtû̌ hǒ.

Tîsalònǐ awǐlǒ tôbǎ 1:3

Sî ta̤yṳta̤nǎ akhû̌khî, sî ma̤ta̤ ahtûhtò̌, sî ta̤mo̤ǐ kò akhû̌akhî, sî gûma̤ ta̤, dě sî ǒ ta ta̤kè̌shuǐ dě pa Běcǎ Ye̤shǔkhrî̌stu alo̤ akhû̌khî, sî khòsò̌dobò̌ ta̤ma̤jîma̤jû sî toǒ. Bǎ pa kwisaba dě papha Cǒmara ǒ akhanu, sî ma̤ta̤ lǒ̤꤮ bò htǒotoǒnu, pa shope̤nǎpè̤pe tò̤.

Tîmôte ginǐ̤bǎ tôbǎ 2:10

Hǐnudě ma̤pûhǐ kòyò htě Cǒmara wû̌lǎ nû̌û toǒ nî̤bǎkû̌ ta̤ma̤lû̌htò̌ge ta ta̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu dě, he khòsò̌dopwǎ bǎ asî.

Hebrǔ 12:1

Hǐnudě, kòyò htě a dǔlṳ bǎ pa ta a ta̤yṳta̤nǎ htǒotoǒnu, a ǒ te̤we̤plṳ̂te̤we̤phǎ ta pa. Hǐnu akhû̌akhî, pa wîkè ta̤pṳ̂̌ tacǎ htě a ma̤ dǐdò pa toǒ ta ta̤sǔ htě a ma̤ topho lòkhǔkè pa htǒotoǒ hò̌! Dě pa kè̌plǒnû̌û kòyò ǐ pa ta̤bò̌htò̌htǔ palo̤mo̤ htǒo dě pa khòsò̌do khlè̌hèto̤ a ǒnu hò̌.

Hebrǔ 4:1

Cǒmara olò̤ sadape pa tǒ̤lò̤khònò̤ ta pa nṳjò dě la̤ǒkǔ agûla̤ htǒonu pě. Ma̤pûhǐ sî pṳ̂̌꤮ tapwa̤ nṳjò dě la̤ǒkǔ ta Cǒmara olò̤ htǒo ayanu, pa bǎsè̌rè̌ǐ pana̤.

Hebrǔ 4:11

Pa phiphu dě꤮ wǐ toǒnu, a gana̤dekû̌ Cǒmara ayo̤ tò̤ akhû̌akhî, a nṳjò kû̌kò dě Cǒmara la̤ǒkǔ agûla̤ htǒonu tò̤. Ma̤pûhǐ pa gûkè̌mò̌mṳ kû̌ pû paphipaphu dǐpwǎ̤꤮ tò̤, htohǒtò̤ ma̤pûhǐ pa nṳbǎ kû̌kò dě la̤ǒkǔ agûla̤ htǒo ayanu, pa tapwa̤ ta tapwa̤ jipwi̤ sělěplǒwǒnû̌û hò̌꤮.

Hebrǔ 5:9

Bǎ Khrî̌stu gana̤dehtobò Cǒmara ayo̤ pṳ̂̌꤮ tacǎ akhanu, a htûhtò̌ bǎ kòyò lǒ̤꤮ bò htě a gana̤de nû̌ûyo̤nu toǒ a ta̤ma̤lû̌htò̌ge tûjûpwa̤ a kòshî̌kòtṳ hǒ.

Petru awǐlǒ tabǎ 2:11

He khobǒsû̌bǒmo̤ sî꤮, hǎkhû̌bǎonu sî mî̌ alò̤ta kòyò cû̌htû shihǔwa̤gakhlophû̌ shǐtè̤mè̤ toǒ pwǎ. He kwigwèbǎǐ sî ta sî glè cû̌tephekè lǒkho ta sî na̤klû a ta̤sò̌yṳ phû̌mò̤ htě ashěape̤ sala̤ sî sò̌phlǒ htǒonu toǒ nî̌꤮.

Petru ginǐ̤bǎ tabǎ 3:18

Mî̌tanu, dû̌htò̌ sělěpo̤ lǒkho dě ta̤bwǐta̤sîrî akû ta dě ta̤sî̌ya pwa̤ htě a ma̤lû̌htò̌ge pa mî̌ pa Běcǎ Ye̤shǔkhrî̌stu htǒo akû nî̌꤮. Khònò̤htǒo tǒ̤hènu, kò htû̌sò̌ǐ tû̌ta pa Běcǎ Ye̤shǔkhrî̌stu tûjûpwa̤ talakhǎ nî̌꤮. Amè̤.