Phǐlǐpǐ 2:10 - Kawyaw RC

^10-11 Bǎ kò kaǎhtò̌ Ye̤shǔ ami̤ pěnu ta̤bǒlò̤ lǒ̤꤮ bò htě a ǒ dě mǒkhû̌ toǒnu bǎbǎ, dě hǎkhû̌ toǒnu bǎbǎ, dě lṳnǎkhwǎ ado toǒnu bǎbǎ, ma̤pûhǐ kòyò pṳ̂̌꤮ tapwa̤ hè gene̤lò̤ bè̌dubè̌na̤bò lǒkho dě Ye̤shǔ alo̤mo̤ pě. Htohǒtò̤ ma̤pûhǐ kòyò pṳ̂̌꤮ tapwa̤ olò̤bò lǒkho ta Ye̤shǔkhrî̌stu mî̌ Běcǎ tapwa̤ pě ta ma̤pûhǐ asî ma̤sîrîdû̌sîrîhtû lǒkho pha Cǒmara ta asî ata̤olò̤ hǐnu pě ayanudě, Cǒmara bè̌dû̌bè̌htû tû̌ Ye̤shǔ hǐnu hǒ.

Kawyaw New Testament

^10-11 Bǎ kòyò kaǎhtò̌ Yeshǔ ami̤ pěnu ta̤bô̌lò̤ lǒ̤bò dǒ a ô̌ dǒ mǒkhû̌ sînu bǎbǎ, dǒ hǎkhû̌ sînu bǎbǎ, dǒ lṳ̌gǎnǎdo sînu bǎbǎ, pô̤̌khô kòyò pṳ̂̌꤮ tôpwa̤ gǔ hè dô̌gînî̤lò̤ bè̌dubè̌nǎ̤bò lô̌khô dǒ Yeshǔ alô̤mô̤̌ pě. Htokhôtô̤̌ pô̤̌khô kòyò pṳ̂̌꤮ tôpwa̤ gǔ olò̤bò lô̌khô kû̌ Yeshǔ Khrǐ mî̌ Běcǎ tôpwa̤ pě htokhôtô̤̌ pô̤̌khô asî ma̤bwǐdû̌ ma̤sîrîhtû lô̌khô pha Cǒmara kû̌ asî ta̤olò̤ pô̤̌nu pě ayanudě, Cǒmara bè̌dû̌bè̌htû tûû̌ Yeshǔ pô̤̌nu hǒ.

Phǐlǐpǐ 2:10 Iomraidhean Croise

Mǒhtûlû̌hǎhtûsa 41:43

Khwǐ nohtò̌dò̌ Jǒjè tîsî̌lo̤ dě adò̌ tû̌ anǒkò ginǐ̤khû̌tûkhû̌ dě kò yi̤kǒcû̌ nû̌ûlo̤mo̤ ta, “Gene̤lò̤ lǒkho!” Khwǐ nohtò̌pǒǐbò nû̌û ta Egyptga sagala̤ hǒ.

Htû̌sò̌htò̌ 95:6

Hèmò̌, hègene̤ û̌lò̤mò̌, sabahtò̌mò̌ yǎ. Pa gene̤lò̤ dě Cǒmara tûjûpwa̤, htě a bǒlò̤ pa htǒotapwa̤ alo̤mo̤ hò꤮.

Matěo 12:40

Ma̤tè̤hî̌dě, pwǐ Yò̤̌nǎ ǒ dě tò̤phû̌dû̌ phukû suni̤susanu, kòyòphû̌khû mî̌ hehtǒo a ǒdǒ hǎla̤ pě suni̤susa.

Matěo 27:29

Htodě asî khû̌ te̤we̤ ta̤shî̌shǒmṳ sǒsǒta khû̌glû nudě a glûhtò̌ bǎ nû̌û dě asî hî̌ tukutakǎ, ma̤lò̤we̤lò̤sobò nû̌û. Asî nopṳ̂ nû̌û nò̌htǒ acǔdemû tokho dě asî gene̤lò̤ nû̌ûlo̤mo̤ dě a hî̌ lò̤we̤bò nû̌û, “Kǒ꤮ Yṳ̌da akhwǐdû̌, ǒhtûpwa̤ nědû̌lahtû tû̌pû nî̌꤮!”

Matěo 28:18

Dě Běcǎ Ye̤shǔ hè asî ǒ dě a hî̌ asî, “Ta̤shû̌ta̤sho mǒkhû̌ bǎbǎ, hǎkhû̌bǎonu bǎbǎ, kò ǐbò nû̌ûta he hǒ.

Rṳ̂̌me̤ 11:4

Dě Cǒmara hî̌shǔ gesǒ nû̌û hî̌tè? Cǒmara hî̌shǔ nû̌û ta, “Na ǒkè tû̌ tapwǎ̤pa mè̤tò̤, he bè̌ǒkè dǒpe kòyò susǒtîrî̌. Pwa̤yo̤ htě kò kaǎ yǎta Bala htǒonu, asî htǒotoǒ û̌tṳglu sabahtò̌ kû̌kò tò̤.”

Ěphěsu 1:10

Htû̌꤮ khîkha te̤tote̤bǎ pěnu, Cǒmara ma̤lǒma̤behtò̌ a ta̤tîwî̌tòwònǎ htǒotoǒ pě. Ta̤htě a ǒbò dě mǒkhû̌nu toǒ bǎbǎ, a ǒbò dě hǎkhû̌htǒonu toǒ bǎbǎ, a ma̤htuma̤plǒkû̌bò nû̌û dě a hǐkǒdû̌gutṳ̌ Khrî̌stu htǒotapwa̤ ala̤ pě.

Ěphěsu 3:14

Dě ta̤wi̤ta̤kè̌ htǒo akhû̌akhî, he gene̤lò̤ kwisaba bǎ sî dě hepha a lo̤mo̤.

Ěphěsu 4:9

“A ge kihtò̌,” amûasǎ mî̌ hî̌tè? “A ge kihtò̌,” amûasǎ mî̌ a sò̌le̤ hî̌ ta Khrî̌stu lò̤hto hǎkhû̌ htě a yo̤gutṳ̌ htǒonu tapwa̤ hǒ.

Hebrǔ 1:6

Bǎ Cǒmara nolò̤ aphû̌khû wè̤pwa̤ dě hǎkhû̌ akhanu, a hî̌, “Cǒmara a tanaphû̌ lǒ̤꤮ bò bǎ sabahtò̌ phû̌khûhtǒo,” a hî̌ hǐnu.

Ta̤dǔlè̌nǎ 20:13

Htodě shidû̌shite̤we̤ htǒonu a ǐ akòyò si htě a ǒ dě akûnu toǒ. Ta̤si amo̤pha ta lṳnǎkhwǎ ado toǒnu, a ǐ lǒkho kòyòsi ǒ dě asîkûnu toǒǒ. Dě kò cèròbò kòyò pṳ̂̌ tapwa̤ pwǐ asî ma̤hto ta̤nu.

Ta̤dǔlè̌nǎ 4:10

Wè̤khǔwè̤pwa̤ gini̤shi ta sò̌li̤ htǒonu a gene̤lò̤ dě pwa̤ hǎnòò̌ Cophǎ a gògohtahtò̌yî̤ akhû̌nu tapwa̤ lo̤mo̤ dě a sabahtò̌ kòyò htě a htûpwa̤ tûjûpwa̤ htǒonu tapwa̤. Asî bè̌lòte̤kè a khû̌glûhta htǒotoǒ Cophǎ gògohtahtò̌yî̤ alo̤mo̤ dě a sò̌po̤htò̌ lǒkho ta,

Ta̤dǔlè̌nǎ 5:3

Pò̤̌ta mǒkhû̌ bǎbǎ, hǎkhû̌ bǎbǎ, lṳnǎkhwǎ adonu bǎbǎ, lî̤tûlû htǒonu, kò kèè̌mo nû̌û dǐpwǎ̤꤮ tò̤, kò dǒ꤮ dǐpwǎ̤ tò̤tò̤.