Phǐlǐpǐ 2:1 - Kawyaw RC

¹ Sî ta̤ǒhtûpwa̤ dě Khrî̌stu akû htǒonumî̌, a nî̤khû̌nî̤ǎ sî ya? Ata̤mo̤ǐ htǒonumî̌ a ma̤mo̤ sî sò̌phlǒ ya? Sî bǒsû̌khǎkho lǒkho ta Běcǎ sǎcahtǐ ya? Khrî̌stu htǒotapwa̤ numî̌ a ma̤wǒ sî, a gwèbǎǐ sî ya?

Kawyaw New Testament

¹ Sî ta̤ô̌htûpwa̤ dǒ Khrǐ akû numî̌, a nǐ̤khû̌nǐ̤ǎ sî ya? Ata̤mô̤ numî̌ a ma̤mô̤ sî sǎphlǒ ya? Sî bǒsû̌khǎkhô lô̌khô kû̌ Yôla Plò̌shǐ Běcǎ ya? Khrǐ tôpwa̤ numî̌ a ma̤wô̌ ǐ sî, a sǎyṳgwèbǎǐ ǐ sî ya?

Phǐlǐpǐ 2:1 Iomraidhean Croise

Htû̌sò̌htò̌ 133:1

Pṳwè̤khlilè sîtoǒ sò̌phlǒwǒ kè̌khînû̌û numî̌ awî̤awǒ, amo̤ mè̤mè̤̌.

Lǔka 2:25

Bǎnukha, bǎ Ye̤rǔshèlèwî̤kûnu kòyò ǒtapwa̤, ami̤ mî̌ Simeo. A mî̌ kòyò yṳǎ bè̌dubè̌na̤ Cǒmara tapwa̤, htohǒtò̤ Běcǎ sǎcahtǐ ǒkû̌ yǎ. A mî̌ kòyò htě a nǎla̤kè̌shuǐ Cǒmara glè htè̌ge Israelphû̌ dě ta̤jîta̤jû akû tapwa̤.

Jowǎ̤ni̤ 14:18

He bè̌ǒkhwè̌kè sî tò̤. He hè gesǒ sîǒ pě.

Jowǎ̤ni̤ 14:27

He bè̌kè bǎ sî sò̌phlǒ a ta̤gûjûkabǎ hǒ. Dě he ǐ bǎ sî he ta̤gûjûkabǎ hǒ. He ǐ sî htǒonumî̌ alò̤ta kòyòhǎkhû̌phû̌ ǐ sînu toǒ mè̤tò̤. Sò̌phlǒgu sò̌phlǒgè lǒkho pûma̤. Ǐsha lǒkho pûma̤ma̤.

Jowǎ̤ni̤ 17:13

“He hè dě naǒ khònò̤ hǒ. Ma̤pûhǐ asî ǒbehtò̌belò̤ ta ta̤sò̌le̤sò̌lò̤ ayanu, bǎ he ǒpe hǎkhû̌bǎo akha, he pwe̤ǐlṳ bǎ asî ta ta̤htǒotoǒ hǒ.

Pwa̤nophû̌ 2:46

Asî cû̌ ǒhtuhî̌bǎplǒ nû̌û dě ta̤lṳhtò̌hokû pṳ̂̌꤮ ti̤ni̤, dě asî sò̌phlǒsho yṳ̂ǎyṳ̂o kè̌khînû̌û ta asî sò̌le̤sò̌lò̤ ǎplǒoplǒnû̌û dě hǐphòdǒkû.

Pwa̤nophû̌ 4:32

Pwa̤ htě a yṳǎna̤ǎta̤ toǒnu asî ǒnû̌û ta sò̌phlǒ tama꤮ pa, ta̤gènè̤ tacǎ꤮ pa. Asî ta̤kî̌ta̤kû̌ toǒnu asî dǒkwèǐ lǒkho ata dǐpwǎ̤꤮ tò̤. Ta̤ htě asî ta ǒ toǒnu asî ǎplǒma̤plǒ kè̌khînû̌û.

Rṳ̂̌me̤ 5:5

Bǎ pa kè̌shuǐ ta Cǒmara ma̤ bǎ pa akhanu, pa sò̌phlǒpî̌ tò̤, ma̤tè̤hî̌dě, bǎ Cǒmara ǐlò̤ pa Běcǎ sǎcahtǐ akhanu, a glolò̤ lò̌lò̤ bǎ pa a ta̤mo̤ǐ dě pa sò̌phlǒkû hǒ.

Rṳ̂̌me̤ 8:26

Hǐnudě, bǎ pa khû̌ǎyû̌lò̤ akhanu, Běcǎ sǎcahtǐ hè ma̤jè pa. Pa to kwisaba Cǒmara titènu pa sî̌yatò̤ pwǎ̤ta Běcǎ sǎcahtǐ ana̤ kwibǎ pagûla̤. Bǎ a kwibǎ paya akhanu, yo̤sǎ htě pa hî̌ htò̌lṳjò tò̤ toǒnu a koohtò̌lṳ bǎ pa dě Cǒmara ǒ.

Kôritu awǐlǒ tôbǎ 12:13

Hǐnuhǒ, dě paklanu, toǒǒ mî̌ Yṳ̌daphû̌, toǒǒ mî̌ Yṳ̌daphû̌ mè̤tò̤, toǒǒ mî̌ jû, toǒǒ mî̌ pwa̤pelesesǎphû̌. Pwǎ̤tadě Běcǎ sǎcahtǐ htǒotapwa̤ ǒhtupwǎ nû̌û akhû̌akhî, pa plohtubò nû̌û shi ta Khrî̌stu ana̤klû ta̤pwǎ̤꤮ pa akû pwǎ. Pa nî̤bǎ sǒsǒbò nû̌û Běcǎ sǎcahtǐ tapwǎ̤꤮ pa pwǎ.

Kôritu awǐlǒ tôbǎ 15:31

He sû̌kho sî꤮, he kè̌shǐbǎ ta ta̤si pṳ̂̌꤮ ti̤ni̤. Dě sî yṳǎ Běcǎ Ye̤shǔkhrî̌stu akhû̌akhî, sî ma̤sò̌le̤sò̌lò̤ mè̤mè̤̌ he numî̌ Cǒmara sî̌ya pwǎ. Htohǒtò̤, he khòbǎ mè̤mè̤̌ ta̤jîta̤jû numî̌ Cǒmara sî̌ya pwǎ.

Kôritu awǐlǒ tôbǎ 3:16

Sî mî̌ Cǒmara a ta̤lṳhtò̌ho dě Cǒmara a sǎcahtǐ htě a ǒ Cǒmara ǒ htǒotapwa̤ hènṳ ǒhtûpwa̤ sîkû numî̌ sî sî̌yanǒ tò̤ ya?

Kôritu ginǐ̤bǎ tôbǎ 13:14

Pa Běcǎ Ye̤shǔkhrî̌stu abwǐasîrî, pha Cǒmara ata̤mo̤ǐ ta Běcǎ sǎcahtǐ a ta̤bǒsû̌khǎkho htǒonu, a ǒkû̌ tû̌ta sî pṳ̂̌꤮ tapwa̤ nî̌꤮.

Kôritu ginǐ̤bǎ tôbǎ 2:14

Pwǎ̤tadě, he hî̌bwǐhî̌sîrî htû̌sò̌ǐ ta̤ htě Cǒmara ma̤bǎ pa htǒotoǒ, ma̤tè̤hî̌dě pa htûhtò̌ kû̌ta Khrî̌stu tacǎpa akhû̌akhî, Cǒmara cû̌wǐ palo̤mo̤ dě pa gûkû̌ akò htě asǒsǒta kò dǒlò̤te̤ Khrî̌stu akòyò dě apo̤kûnu toǒ hǒ. Cǒmara dǔlṳ pa ta kò pṳ̂̌꤮ tapwa̤ hǒ. Cǒmara notṳtṳ pa dě pa cû̌shidoǐsî̌ya kò ta Khrî̌stu awi̤akè̌ htě asǒsǒta ta̤nṳmû̌nṳshu htǒonu pṳ̂̌꤮ tò̤glò hǒ.

Galatǐ 4:6

Sî htû Cǒmara aphû̌ali̤ toǒ akhû̌akhî, dě pa sò̌phlǒkû htǒonu, Cǒmara shû̌nṳ aphû̌khû a sǎcahtǐ dě a yi̤kǒhtò̌ ta, “Abǎ, pha” hǐnu mî̌ a nî̤ htǒonu hǒ.

Galatǐ 5:22

Pwatadě Běcǎ sǎcahtǐ numî̌ a bè̌ǒhtò̌ ta̤mo̤ǐ, ta̤sò̌le̤sò̌lò̤, ta̤pè̤ta̤dû, ta̤khòsò̌do, ta̤sò̌yṳgwèbǎǐ, ta̤wî̤ta̤wǒ, ta̤jûle̤phî̌yo̤,

Ěphěsu 4:4

Pa htǒotoǒ mî̌ pana̤saklû ǒhtunû̌û tapwǎ̤꤮ pa pwǎ. Pa nî̤bǎ htunû̌û Běcǎ sǎcahtǐ ta̤pwǎ̤꤮ pa pwǎ. Hǐnudě, bǎ Cǒmara kaǎ pa akhanu, a olò̤ta a ǐnǒ pa ta̤awǒ htǒo anǒkò pě. Hǐnudě pa lǒ̤꤮ bò kè̌shuǐ plǒbò nû̌û ta̤htǒo tacǎ꤮ pa pwǎ.

Phǐlǐpǐ 1:8

He nǎsǔ kè̌shǐ mè̤mè̤̌ sî dě he mo̤ǐ sî pṳ̂̌꤮ tapwa̤ ta ta̤mo̤ǐ htě Ye̤shǔkhrî̌stu ǐ he htǒonumî̌ Cǒmara sî̌ya pwǎ.

Phǐlǐpǐ 3:3

Pa mî̌ Cǒmara akòyò mè̤mè̤̌ toǒ, asînu toǒ mî̌ a mè̤mè̤̌ mè̤tò̤, ma̤tè̤hî̌dě Cǒmara a sǎcahtǐ akhû̌akhî, pa subusabahtò̌ Cǒmara dě pa hî̌bǎhtû̌sò̌ǐ ta̤htě Ye̤shǔkhrî̌stu ma̤hto bǎ pa htǒotoǒ hǒ. Ma̤pûhǐ pa nî̤bǎ ta̤ma̤lû̌htò̌ge ayanu, pa to nǎla̤ǐ ta̤htě pa ma̤ htǒotoǒ tò̤.

Kòlòtè̌ 2:2

Ma̤pûhǐ he ǐkhû̌ǐǎ asî dě he ma̤pwǎ hè̌o. Ma̤pûhǐ asî sò̌phlǒ ǒhtu nû̌û tapwa̤ ta tapwa̤ dě ta̤mo̤ǐ akû, htohǒtò̤ ma̤pûhǐ asî nî̤bǎ mṳ̂tî̤glî te̤mǎbò ta̤sî̌ya, hǐnudě asî sî̌yaphlohè Cǒmara ata̤bè̌ǒhǔ Khrî̌stu htǒonu dě he jipwi̤ ma̤ lǒ̤sû̌lǒ̤sò̌pwǎ hǐnu.

Kòlòtè̌ 3:12

Sî mî̌ Cǒmara akòyò htě a mṳ̂plî dě a mo̤ǐ sînu toǒ, dě a wû̌lǎ sî hǒ. Hǐnudě kûsǒhtò̌ lǒkho ta̤sò̌yṳgwèbǎǐ, ta̤ma̤wǒta̤, ta̤shò̌lò̤ sò̌phlǒ, ta̤sò̌dohobî̌ ta ta̤khòsò̌do sînu toǒ nî̌꤮.

Hebrǔ 6:18

Hǐnudě Cǒmara ǐbò pa a ta̤olò̤ ta a ta̤bèlò̤ ayo̤htǒo ginǐ̤cǎbò hǒ. Cǒmara lòhojòtò̤ akhû̌akhî, htǒoginǐ̤cǎnu a htû̌lè̌tèplè̌ kî̌yajò tò̤tò̤. Pa khlè̌ tûdû to̤hǔbǐ Cǒmara a ǒ toǒnu, Cǒmara htû̌lè̌tèplè̌ kî̌yajòpe a ta̤olò̤ tò̤ akhû̌akhî, pa sò̌phlǒmo̤ sò̌phlǒshû̌htò̌ mè̤mè̤̌. Dě pa sò̌phlǒmo̤ sò̌phlǒshû̌ akhû̌akhî, ta̤kè̌shuǐ htě Cǒmara ǐ pahtǒonu, pa pṳ̂měǐ sělě to̤bò̌ agutṳ hǒ.

Petru awǐlǒ tabǎ 1:2

Pha Cǒmara wû̌lǎ sî pwǐ a ta̤yè̤lò̤nǎ tû̌nu dě Běcǎ sǎcahtǐ ma̤wî̤ma̤cahtǐhtò̌ sî, ma̤pûhǐ sî gana̤de Ye̤shǔkhrî̌stu ayo̤ dě asǐ akhû̌akhî, a ma̤mṳ̂plî bǎ sî. Cǒmara abwǐasîrî ta sò̌phlǒ ta̤gûjûkabǎ ǒlǒǒbekû̌ tû̌ta sî nî̌꤮.

Yṳ̂ha awǐlǒ tôbǎ 3:24

Kòyò htě a jûle̤phî̌yo̤ Cǒmara ta̤mǎlò̤ htǒotoǒ numî̌ a ǒměǒgle dě Cǒmara akû hǒ, dě Cǒmara ǒměǒgle dǒ asîkû hǒ. Cǒmara ǐhto pa Běcǎ sǎcahtǐ akhû̌akhî, a ǐsî̌yahto pa ta a ǒměǒgle dě pakû hǒ.

Yṳ̂ha awǐlǒ tôbǎ 4:12

Kò kè̌shǐ Cǒmara dǐpwǎ̤tò̤. Pa dè mo̤ǐ nû̌û tapwa̤ ta tapwa̤ hî̌numî̌, Cǒmara ǒměǒgle pakû dě ata̤mo̤ǐ ǒlǒǒbe dě pakû hǒ.

Yṳ̂ha awǐlǒ tôbǎ 4:16

Hǐnu akhû̌akhî, pa sana̤nu pa sî̌yahǒ, dě pa yṳǎ ta Cǒmara mo̤ǐ pa. Cǒmara mî̌ ta̤mo̤ǐ. Ûpè tapwa̤ bǎbǎ a ǒměǒgle dě ta̤mo̤ǐ akûnu, a ǒměǒgle Cǒmara akû dě Cǒmara ǒměǒgle akû hǒ.