Phǐlǐpǐ 1:9 - Kawyaw RC

⁹ Ma̤pûhǐ sî mo̤ǐ nû̌û tapwa̤ ta tapwa̤ htǒo, sǔ a bǎ shohtò̌, htohǒtò̤ ma̤pûhǐ sǔ sî bǎ sî̌yahè dû̌htò̌po̤ lǒkho htohǒtò̤ ma̤pûhǐ sî sî̌ya mèpa̤jò lǒkho ta̤ htě asǔ ta ato toǒ ayanudě, he kwisabapwǎ bǎ sîya.

Kawyaw New Testament

⁹ Pô̤̌khô sî ta̤mô̤ǐ kè̌khî lû̌û tôpwa̤ kû̌ tôpwa̤nu, sǔ sǔ a gǔ shû̌htò̌, htokhôtô̤̌ pô̤̌khô sî gǔ sî̌ganǎ̤hè sǔ sǔ adû̌htò̌ pô̤̌ lô̌khô htokhôtô̤̌ pô̤̌khô sî gǔ sî̌ganǎ̤ bè̌khô̌bè̌yò lô̌khô ta̤ dǒ asǔ kû̌ atô tokhlǒ ayanudě, he kwicaba bǎ sîya pwǎ.

Phǐlǐpǐ 1:9 Iomraidhean Croise

Htû̌sò̌htò̌ 119:66

He yṳǎ nata̤mǎlò̤ akhû̌akhî, sû̌ǐtòwòǐ bǎ he ta̤sî̌ta̤jò ta ta̤sî̌khû̌sî̌ya htě awǒ.

Kôritu awǐlǒ tôbǎ 14:20

He sû̌kho sî, gènè̤ lǒkho pûma̤ pwǐ phijaû̌phû̌ toǒ gènè̤nu ma̤. Pò̤̌ta abǎkhwè̌ ta ta̤phû̌mò̤shî̌hto tukǔnu, htûhtò̌ sǒsǒkû̌ta phijaû̌ ǒsa dě asî̌ya kû̌kò ta̤phû̌mò̤shî̌hto tò̤nu toǒ nî̌. Pwǎ̤tadě ta̤ htě he khwè̌ bǎ sî htǒotoǒnu, gènè̤ lǒkho pwǐ kòyòdû̌pwa̤ tapwa̤ a ta̤gènè̤nu.

Kôritu ginǐ̤bǎ tôbǎ 8:7

Sî lǒbe ta ta̤pṳ̂̌꤮ tacǎ. Sî ta̤yṳta̤nǎ mî̌ asho, sî hî̌bǎsî̌jò, sî lǒbe ta ta̤sî̌khû̌sî̌ya, sî sò̌phlǒsho ma̤jo kò, htohǒtò̤ sî mo̤ǐmè̤mè̤̌ pa. Hǐnu akhû̌akhî, pa sò̌yṳkû̌po̤ htě sî lǒbe ta ta̤sò̌phlǒ ma̤jèshû̌ kò toǒ.

Ěphěsu 5:17

Hǐnudě ǒ pè̌so lǒkho pûma̤ nî̌꤮. Běcǎ sò̌phlǒǒ kwè̌꤮ hî̌tènu kè̌lǎ sî̌yakû̌ lǒkho nî̌꤮.

Kòlòtè̌ 1:9

Hǐnudě, sahtò̌ bǎ pa gana̤de sîwi̤sîkè̌ ti̤ni̤nu, pa bè̌ǒkǔkènǒ pa ta̤kwisaba ta sîya dǐkhò̌꤮ tò̤. Pa kwisaba Cǒmara htě a glè ǐlò̤ lǒbebò sî ta̤sî̌ta̤jò sû̌sò̌ tokho ta ta̤sî̌khû̌sî̌ya sû̌sò̌ tokho htǒotoǒ akhû̌akhî, pa kwisaba Cǒmara ta a glè ǐsî̌ya lǒbe bǎ sî ta sî ma̤ta̤ pwǐ ato nû̌ûsò̌phlǒnu toǒ.

Kòlòtè̌ 3:10

Sî kûsǒhtò̌ ta̤ǒhtûpwa̤ asa htě Cǒmara bǒtèplè̌sa htǒonu hǒ. Ma̤pûhǐ sî sî̌ya te̤mǎwǒ pûnu, Cǒmara ma̤htûhtò̌ sǒsǒhè sî ta ana̤ hǒ.

Tîsalònǐ awǐlǒ tôbǎ 3:12

Běcǎ glè ma̤dû̌htò̌tû̌ bǎ sî ta̤mo̤ǐ nû̌û dě, sî mo̤ǐ lǒ̤sû̌lǒ̤sò̌ kè̌khînû̌û tapwa̤ ta tapwa̤, htohǒtò̤ sî mo̤ǐdû̌htò̌po̤ kòyò ahǔwa̤ toǒ sǒsǒta pa mo̤ǐ sînu nî̌꤮.

Tîsalònǐ awǐlǒ tôbǎ 4:1

Pṳwè̤ sî, dě nǒkònu, sî tobǎ ǒhtûpwa̤ tota Cǒmara asò̌phlǒ hî̌tènu, pa sû̌ǐhto sî hǒ. Dě khònò̤htǒo sî ǒhtûpwa̤ numî̌ a mè̤hǒ. Khònò̤htǒo pa kwigwèbǎǐ sî dě pa tûsû sîkò ta Běcǎ Ye̤shǔ agûla̤ dě, sî glè ma̤dû̌htò̌ sělěpo̤ hǐnu.

Tîsalònǐ ginǐ̤bǎ tôbǎ 1:3

Pṳwè̤ Khrî̌stuphû̌ toǒ꤮, pa gènè̤htò̌nṳ sî bò̌khòtè꤮ bǎbǎnu, pa bǎ hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě sî ta̤yṳta̤nǎ ta sî ta̤mo̤ǐ nû̌û tapwa̤ ta tapwa̤nu, sǔ a dû̌htò̌ akhû̌akhî, pa tobǎ hî̌bwǐhî̌sîrî yǎ.

Philemo 1:6

Ma̤pûhǐ na ta̤bǒsû̌khǎkho ta pwa̤yṳǎphû̌ ahǔwa̤toǒ glè ma̤jè tṳtṳ na dě na sî̌ya lǒbebò ta̤wǒ pṳ̂̌꤮ tacǎ htě pa nî̤bǎ dě Khrî̌stu akû toǒ ayanu, he kwisabadǒ naya.

Hebrǔ 5:14

Pwǎ̤tadě, shǎǎ ashò̌ numî̌ kòyò dû̌pwa̤ htě a sû̌ǐ sî̌yahè bǎhto ana̤ dě a glè mèpa̤ sî̌yajò ta̤wǒ ta ta̤phû̌mò̤nu toǒ aya pwǎ.

Petru awǐlǒ tabǎ 1:22

Khònò̤dě sî jûle̤phî̌yo̤ Cǒmara a ta̤sû̌ǐ a ta̤te̤ta̤mǎ toǒ akhû̌akhî, sî ma̤mṳ̂plî sî sò̌phlǒ dě sî htû kòyò htě a mo̤ǐ mè̤mè̤̌ pṳwè̤ Khrî̌stuphû̌ htǒotoǒ hǒ. Ma̤hǐnudě mo̤ǐ lǒ̤sû̌lǒ̤sò̌ kè̌khînû̌û tapwa̤ ta tapwa̤ nî̌꤮.

Petru ginǐ̤bǎ tabǎ 3:18

Mî̌tanu, dû̌htò̌ sělěpo̤ lǒkho dě ta̤bwǐta̤sîrî akû ta dě ta̤sî̌ya pwa̤ htě a ma̤lû̌htò̌ge pa mî̌ pa Běcǎ Ye̤shǔkhrî̌stu htǒo akû nî̌꤮. Khònò̤htǒo tǒ̤hènu, kò htû̌sò̌ǐ tû̌ta pa Běcǎ Ye̤shǔkhrî̌stu tûjûpwa̤ talakhǎ nî̌꤮. Amè̤.