Phǐlǐpǐ 1:8 - Kawyaw RC

⁸ He nǎsǔ kè̌shǐ mè̤mè̤̌ sî dě he mo̤ǐ sî pṳ̂̌꤮ tapwa̤ ta ta̤mo̤ǐ htě Ye̤shǔkhrî̌stu ǐ he htǒonumî̌ Cǒmara sî̌ya pwǎ.

Kawyaw New Testament

⁸ He nǎsǔ kè̌shǐ mî̌ca sî dě he mô̤ǐ sî pṳ̂̌ tôpwa̤ kû̌ ta̤mô̤ dǒ Yeshǔkhrǐ ǐ he numî̌ Cǒmara sî̌ganǎ̤ pwǎ.

Phǐlǐpǐ 1:8 Iomraidhean Croise

Lǔka 1:78

Ma̤tè̤hî̌dě pa Cǒmara htǒonu, a gwèbǎǐ na̤cè̌ kò dě a khòsò̌do. A nohèlò̤ kòyò ǒ dě mǒkhû̌ tapwa̤ glè hè htè̌ge pa, pwa̤htè̌ge pa htǒotapwa̤nu, a sǒsǒ ta lṳmṳlîhtò̌ dě mǒkhû̌ hè pa ǒ pě.

Rṳ̂̌me̤ 1:9

Bǎ he kwisabahtò̌ Cǒmara akhanu, he gènè̤htò̌nṳ sî pṳ̂̌꤮ taplǎ. He ma̤ mè̤mè̤̌ pwǐhè̌o numî̌ Cǒmara sî̌ya pwǎ. He ma̤ lǒ̤sû̌lǒ̤sò̌ bǎ a ta̤ma̤ ta he dǒhtû̌ǐ bǎ aphû̌khû Běcǎ Ye̤shǔkhrî̌stu a ta̤sò̌le̤sò̌lò̤ awi̤akè̌ htǒo akhû̌akhî hǒ.

Rṳ̂̌me̤ 9:1

He ta Khrî̌stu htûhtò̌ nû̌û tacǎnǔ꤮ pa akhû̌akhî, he hî̌bǎcǒhî̌bǎtè̤ pwǎ sî pwǎ. He lòho nǒ sî tò̤. Běcǎ sǎcahtǐ pǒǐ sû̌ǐ he sò̌phlǒ, dě he sò̌phlǒhtǒo a hî̌měglejè kû̌po̤ ta he hî̌bǎ ta̤htǒonumî̌ ato pwǎ.

Kôritu ginǐ̤bǎ tôbǎ 13:9

Pa dè lo̤bǎ sû̌ǐwǒgemò̌ sî tò̤nu, pa noǎjò pa ta̤shû̌ta̤sho tò̤, hǐnudě kò gènè̤ lǒkho pa ta pa khû̌ǎyû̌lò̤ pwǎ hǐnudě sî dè ma̤ sělěpe ta̤sǔ tò̤ hî̌nu, sî htûhtò̌ kòyò htě a shû̌sho toǒ akhû̌akhî, pa sò̌le̤sò̌lò̤ mè̤mè̤̌. Pa kwisaba bǎ sî ta sî ǒhtûpwa̤ wǒhè alo̤mo̤ tokho dě sî ma̤pe pû ta̤sǔ tò̤, hǐnu pwǎ.

Kôritu ginǐ̤bǎ tôbǎ 6:12

Pa mî̌ kòyò htě a phî̌gesǒ ata̤mo̤ǐ toǒ mè̤tò̤. Kòyò htě a phî̌gesǒ ata̤mo̤ǐ toǒ numî̌ sî hǒ.

Kôritu ginǐ̤bǎ tôbǎ 7:15

Hǐnudě, bǎ a gènè̤htò̌ to̤bǎ gesǒ sî ǒ tîwî̌tòwònǎ sîna̤ ta sî gana̤de a ta̤sû̌ǐtòwòǐ htohǒtò̤ sî kaǎshǔ yǎta ta̤ǐsha, gònò̤gèglè akhanu, a tǐ̤ mo̤hè shû̌khlopo̤ sî.

Galatǐ 1:20

He khwè̌ lǒ̤꤮ bò bǎ sî htǒotoǒ numî̌ ato pwǎ. He lòho tò̤ numî̌ Cǒmara sî̌ya pwǎ.

Galatǐ 3:26

Ta̤yṳta̤nǎ akhû̌akhî, sî lǒ̤꤮ bò htûbò kû̌ta Khrî̌stu tacǎnǔ꤮ pa dě sî htûbò Cǒmara aphû̌ali̤ toǒ hǒ.

Galatǐ 4:19

Hephû̌ he mo̤ǐ sî꤮, he sò̌phlǒsho mè̤mè̤̌ ta sî glè dû̌pwa̤sî̌yahtò̌ sû̌sò̌ tokho sǒsǒta Khrî̌stunu hǒ. He ta̤sò̌phlǒsho htǒonu, a ǐguǐgè mè̤mè̤̌ he sò̌phlǒ hǒ. He sò̌phlǒ a ta̤guta̤gè htǒonu, a sǒsǒta mo̤ htě a glè phû̌ǒ dě aphusha htǒonu hǒ.

Phǐlǐpǐ 2:1

Sî ta̤ǒhtûpwa̤ dě Khrî̌stu akû htǒonumî̌, a nî̤khû̌nî̤ǎ sî ya? Ata̤mo̤ǐ htǒonumî̌ a ma̤mo̤ sî sò̌phlǒ ya? Sî bǒsû̌khǎkho lǒkho ta Běcǎ sǎcahtǐ ya? Khrî̌stu htǒotapwa̤ numî̌ a ma̤wǒ sî, a gwèbǎǐ sî ya?

Phǐlǐpǐ 2:26

Mî̌ma̤tè̤dě sî gana̤de ta Ěpaprò̌dǐtǔ ǒmo̤ǒwǒ tò̤ akhû̌akhî, a nǎsǔ kè̌shǐ mè̤mè̤̌ sî pṳ̂̌꤮ tapwa̤ dě a gènè̤gugè mè̤mè̤̌ ta sîya. Hǐnudě he nogetîkhîsǒ yǎ dě sî ǒ.

Phǐlǐpǐ 4:1

Hǐnu akhû̌akhî, he pṳwè̤ sî꤮, sî mî̌ kòyò htě he mo̤ǐ toǒ dě he nǎsǔ mè̤mè̤̌ sî, sî mî̌ pwa̤ htě a ma̤ sò̌le̤sò̌lò̤ na̤cè̌ he dě he phî̌htò̌dû̌ mè̤mè̤̌ hena̤ ta sîkhû̌khî hǒ. Khobǒsû̌bǒmo̤ sî꤮, htǒo mî̌ mè̤hǒ sî to ǒměǒgle lǒkho dě Běcǎ akû hî̌tènu hǒ.

Kòlòtè̌ 2:1

He sò̌yṳ ǐsî̌ya sî ta he jipwi̤ ma̤ lǒ̤sû̌lǒ̤sò̌ bǎ mè̤mè̤̌ sîya, ta kòyò ǒ dě Lò̌dikiwî̤kûnu toǒ aya, ta kòyò htě a sî̌ya kè̌shǐnǒ he hǒtò̤nu toǒ aya hǐnu pwǎ.

Kòlòtè̌ 3:12

Sî mî̌ Cǒmara akòyò htě a mṳ̂plî dě a mo̤ǐ sînu toǒ, dě a wû̌lǎ sî hǒ. Hǐnudě kûsǒhtò̌ lǒkho ta̤sò̌yṳgwèbǎǐ, ta̤ma̤wǒta̤, ta̤shò̌lò̤ sò̌phlǒ, ta̤sò̌dohobî̌ ta ta̤khòsò̌do sînu toǒ nî̌꤮.

Tîsalònǐ awǐlǒ tôbǎ 2:5

Pwǐ sî sî̌yahtonu, pa hè hî̌bǎhtû̌sò̌ǐ lòhonǒ sî dǐkhò̌꤮ tò̤. Pa sò̌yṳ lṳ̂ǐ wûhta dě pa hè jîkhǒjîwa̤ nǒ pana̤ dǐkhò̌꤮ tò̤. Pa ma̤kû̌nǒ pwǐhè̌o tò̤ numî̌ Cǒmara sî̌ya pwǎ.

Tîsalònǐ awǐlǒ tôbǎ 2:8

Pa mo̤ǐ mè̤mè̤̌ sî, htodě sî htû pa sû̌kho htě amo̤ǐmè̤mè̤̌ pa toǒ akhû̌akhî, pa ma̤wǒnǎ pana̤ dě pa glè pwe̤ǐ sî̌yatû̌ pwǎ bǎ sî ta Cǒmara a ta̤sò̌le̤sò̌lò̤ awi̤akè̌ htǒonu mè̤tò̤, pa ma̤wǒnǎpo̤ pana̤ ta pa ǒplǒ ta sî dě, phî̌jèma̤jè kû̌po̤ sî.

Tîmôte ginǐ̤bǎ tôbǎ 1:4

Bǎ he gènè̤htò̌bǎ na mi̤sǎshilò̤ akhanu, he sò̌yṳ kè̌shǐ mè̤mè̤̌ na, ma̤tè̤hî̌dě ma̤pûhǐ he sò̌le̤sò̌lò̤ lǒbe ayanudě, he sò̌yṳ kè̌shǐpwǎ na.

Philemo 1:12

A mî̌ kòyò tapwa̤ he mo̤ǐ mè̤mè̤̌ yǎ dě he sûge tosǒ yǎ dě naǒ.

Philemo 1:20

Hǐnudě, he pṳwè̤ Philemo꤮ pa yṳǎ Běcǎ Ye̤shǔ akhû̌akhî, khòsò̌do ma̤bwǐma̤sîrî pû he htǒotacǎ nî̌꤮. Khòsò̌do ma̤mo̤htò̌ pû he sò̌phlǒ dě Khrî̌stu akû nî̌꤮.

Yṳ̂ha awǐlǒ tôbǎ 3:17

Kòyò htě a ǒta hǎkhû̌ a ta̤dû̌yò̤htò̌sa tapwa̤pwa̤nu, a dè kè̌shǐ apṳwè̤ Khrî̌stuphû̌ lo̤bǎ ta̤tacǎcǎ hǐnudě a dè gwèbǎǐ nû̌û tò̤ hî̌numî̌, Cǒmara ata̤mo̤ǐ ǒ nû̌ûkû tò̤.