Phǐlǐpǐ 1:7 - Kawyaw RC

⁷ He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Kawyaw New Testament

⁷ He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Phǐlǐpǐ 1:7 Iomraidhean Croise

Pwa̤nophû̌ 20:23

He sî̌ya pwǎ tacǎ꤮ pa ta, dě wî̤ pṳ̂̌tî̤wî̤ akûnu, Běcǎ sǎcahtǐ ǐǒsè̌rè̌ he ta kò bǎ coklomě he pě, dě pwa̤ ma̤pò̤ma̤sha he toǒnu, a ǒpo̤nǎ heklè̌ hǒ.

Pwa̤nophû̌ 21:33

Klitîrî̌ ahǐkǒdû̌ htǒotapwa̤ hèto Pò̌lu ǒ dě a hèpṳ̂ Pò̌lu. Dě a hî̌lò̤ akhophijaû̌ toǒ dě a nopṳ̂ coklo Pò̌lu ta sǒpli̤te̤htò̌ ginǐ̤bo. Htodě a gwè kò, “A mî̌ ûpè? A cû̌ma̤ kwè̌꤮ hî̌tètè?”

Kôritu awǐlǒ tôbǎ 13:7

Pa dè mo̤ǐ kò hî̌nu, pa sò̌phlǒ pî̌pè̤ dǐkhò̌꤮ tò̤. Pa yṳǎ sělě ta kò wǒ hè pě, pa kè̌shuǐ sělě ta Cǒmara ma̤wǒ hè kò pě, htohǒtò̤ pa khòsò̌dobò̌ ta̤pṳ̂̌tacǎ.

Kôritu awǐlǒ tôbǎ 9:23

He ma̤ ta̤titètè̌ bǎbǎnu, he ma̤ yǎta ta̤sò̌le̤sò̌lò̤ awi̤akè̌ aya pwǎ. Ma̤pûhǐ he nî̤bǎ kû̌ ta̤sò̌le̤sò̌lò̤ awi̤akè̌ a ta̤howi̤ toǒnu, he ma̤ hǐnu hǒ.

Kôritu ginǐ̤bǎ tôbǎ 3:2

Pò̤̌ta pa htǒotoǒnu, pa lo̤bǎdǒ hǐnu tò̤. Pa sî̌ya ta sî mî̌ pa lî̤sasî̌ toǒ dě pa sò̌phlǒ tǒhtuta sî pṳ̂̌꤮ taplǎ. Dě sî gû Khrî̌stu akò akhû̌akhî, kòyò pṳ̂̌꤮ tapwa̤ sî̌ya tṳtṳ kû̌ta pa ma̤ta̤ htǒonumî̌ awǒpwǎ hǐnu pě.

Kôritu ginǐ̤bǎ tôbǎ 7:3

He hî̌ hǐnu dě he sò̌yṳ bè̌ sî ta̤sǔ hǐnu mè̤tò̤. Ma̤tè̤hî̌dě pwǐ he hî̌hto sînu, sî mî̌ kòyò htě pa mo̤ǐ yǎ toǒ. Hǐnudě pa si bǎbǎ, pa htûpwa̤ bǎbǎ, pa mo̤ǐnò pwǎ sî.

Galatǐ 5:6

Ma̤tè̤hî̌dě bǎ sî htûhtò̌ kû̌ta Ye̤shǔkhrî̌stu tacǎnǔ꤮ pa akhanu, ta̤dǔtṳphě bǎbǎ, ta̤dǔtṳphě tò̤ bǎbǎ, a htûbwǐhtûsîrî dǐcǎ꤮ tò̤. Ta̤ htě a htûbwǐhtûsîrî khlokò numî̌, ta̤yṳta̤nǎ htě a dǔlṳ ta̤mo̤ǐ Cǒmara ta kòhǔwa̤ htǒonu pwǎ.

Ěphěsu 3:1

Hǐnudě, he ma̤ Khrî̌stu a ta̤phî̌ta̤ma̤ dě he dǒhtû̌ǐ bǎ Yṳ̌daphû̌ mè̤tò̤ toǒ ta ta̤sò̌le̤sò̌lò̤ awi̤akè̌ htǒo akhû̌akhî, he mî̌ Pò̌lu htǒo, kò bǎ dǒlò̤te̤ he dě apo̤kû.

Ěphěsu 4:1

Hǐnu akhû̌akhî, he kwigwèbǎǐ sî sǒsǒta kò dǒlò̤te̤ kòyò dě apo̤kû ta Běcǎ aya tapwa̤nu. Cǒmara kaǎ sî dě sî htûhtò̌ pwa̤yṳǎphû̌ toǒ akhû̌akhî, he kwigwèbǎǐ sî ta sî glè ǒhtûpwa̤ bè̌wǒkû̌ sî sò̌phlǒ pwǐ pwa̤yṳǎphû̌ toǒ to ǒhtûpwa̤nu.

Ěphěsu 6:20

Khrî̌stu wû̌lǎ he ta a pwa̤pwe̤ǐ ta̤wi̤ta̤kè̌ tapwa̤ dě he glè dǒhtû̌ǐ kò ta ta̤sò̌le̤sò̌lò̤ awi̤akè̌ htǒo akhû̌akhî, khònò̤htǒo he lò̤te̤ dě apo̤kû hǒ. Ta̤ htě he tobǎ dǒhtû̌ǐ bǎ kò toǒnu, ma̤pûhǐ he dǒhtû̌ǐ khuha bǎ kò ayanudě, kwisaba pû heya nî̌꤮.

Phǐlǐpǐ 1:12

He pṳwè̤ sî, ta̤ma̤htûhtò̌ ana̤ ta he htǒotoǒ lǒ̤꤮ bò numî̌ a ma̤jèpwǎ ta̤sò̌le̤sò̌lò̤ awi̤akè̌ glè dû̌htò̌ htûhtò̌ ayapwǎ numî̌ he sò̌yṳ nosî̌yadǒ sî.

Phǐlǐpǐ 1:13

Dě he yṳǎ Khrî̌stu akhû̌akhî, kò dǒǒpwǎ he dě apo̤kû numî̌ bò꤮ kliphû̌ ǒpo̤ Khwǐhohta htǒotoǒ bǎbǎ, bò꤮ kòyò ahǔwa̤nu toǒ bǎbǎ, a sî̌yabò pwǎ.

Phǐlǐpǐ 1:14

Kò dǒlò̤te̤ he dě apo̤kû akhû̌akhî, pṳwè̤ Khrî̌stuphû̌ saprṳ̂ a ta̤yṳǎ Běcǎ htǒonu, a shû̌htò̌shohtò̌ to̤ lǒkho dě a dǒhtû̌ǐkhu hè bǎ kò ta Cǒmara ale̤ayo̤, dě asî ǐshape lǒkho dǐcǎ꤮ tò̤.

Phǐlǐpǐ 1:5

Ma̤tè̤hî̌dě, he ma̤ ta̤sò̌le̤sò̌lò̤ awi̤akè̌ htǒonu, sî ma̤kû̌dǒ ta he dě khû̌lû̌kha tǒ̤lò̤khònò̤ hǒ.

Phǐlǐpǐ 2:22

Sî sî̌yatû̌ hǒ, Timò̤̌te mî̌ kòyò le̤dû̌pwî̤htû tapwa̤. A ma̤kû̌ ta̤ ta he dě ta̤sò̌le̤sò̌lò̤ awi̤akè̌ glè dû̌htò̌htûhtò̌ aya htǒonumî̌ asǒsǒta phû̌ ta phanu hǒ.

Phǐlǐpǐ 4:14

Pwǎ̤ta sî htǒotoǒnu, sî ma̤wǒ mè̤mè̤̌ he. Bǎ he kè̌shǐ shěto̤bǎ ta ta̤pò̤ta̤sha akhanu, sî ma̤shû̌ma̤jo he.

Phǐlǐpǐ 4:15

Phǐlǐpiawî̤phû̌ sî꤮. Bǎ he cû̌ dǒhtû̌ǐ sî ta̤sò̌le̤sò̌lò̤ awi̤akè̌ dě he hǎhtò̌cû̌kè Makedò̌nia gakû akhanu, pwa̤ htě a ma̤jè he ta wû numî̌ tǒ̤pwǎ sî pwa̤yṳǎta̤ aprṳ̂aho htǒotṳmṳ pwǎ numî̌ sî sî̌ya te̤mǎbòtû̌ hǒ.

Phǐlǐpǐ 4:3

Na mî̌ kòyò htě a ma̤plǒta̤ ta he dě acǒtè̤ ta ayo̤ tapwa̤ hǒ. Dě he sò̌yṳ kwi na ta̤ma̤jè tacǎ, ma̤pûhǐ mamǔhtǒo sò̌gini̤ mo̤klaǐ kè̌khînû̌û ayanu, ma̤jè pû asî nî̌꤮. Ma̤tè̤hî̌dě asî htǒosò̌gini̤ numî̌ a jipwi̤ htǒkhû̌htǒǎ ma̤htukû̌ ta̤wi̤lò̤ ta̤sò̌le̤sò̌lò̤ awi̤akè̌ ata̤ma̤ ta he nî. Asî ma̤htukû̌ ta Kleme ta hekho dě pa ma̤plǒnû̌û ta̤ ahǔwa̤nu toǒ, dě asî lǒ̤꤮ bònu toǒ ami̤ mî̌ a ǒbò dě Běcǎ a lî̤htûpwa̤ akûnu hǒ.

Kòlòtè̌ 4:18

He mî̌ Pò̌lu dě ta̤hî̌mo̤hî̌wǒ htǒonumî̌, he khwè̌cû̌bǎtû̌ sî ta he cǔde pwǎ. He ǒ dě a po̤kûhtǒo akhû̌akhî, shope̤ǐ pûma̤ he ma̤ nî̌꤮. Cǒmara abwǐasîrî ǒkû̌ tû̌ta sî nî̌꤮.

Kòlòtè̌ 4:3

Dě wǐkhamî̌ kòyò toǒ sî̌ya Khrî̌stu awi̤akè̌ tò̤. Cǒmara bè̌hǔ Khrî̌stu awi̤akè̌htǒo. Pwǎ̤tadě khònò̤ ta̤bè̌hǔ htǒonu a ǒlṳhtò̌ hǒ. Ma̤pûhǐ Cǒmara bòmo bǎ paklè̌ dě pa dǒhtû̌ǐ nṳbǎ kò ta Khrî̌stu awi̤akè̌ htǒonu, kwisabadǒ bǎ lǒkho paya nî̌꤮. Dě꤮ wǐkhamî̌ ta̤dǒhǔ htǒonu, a ǒlṳhtò̌ hǒtò̤, pwǎ̤tadě khònò̤htǒo a ǒlṳhtò̌ hǒ. Dě he dǒhtû̌ǐ kò ta Khrî̌stu awi̤akè̌ akhû̌akhî, kò dǒlò̤te̤pwǎ he dě apo̤kû.

Tîsalònǐ awǐlǒ tôbǎ 5:5

Sî lǒ̤꤮ bò htǒo toǒ numî̌ ta̤lî aphû̌khû ta lṳmṳsha aphû̌khû toǒ. Pa mî̌ kòyò lṳmṳna̤phû̌ mè̤tò̤tò̤, ta̤khǐta̤lo̤phû̌ mè̤tò̤tò̤.

Tîmôte ginǐ̤bǎ tôbǎ 1:8

Hǐnudě, na glè khò nasò̌ ta pa Běcǎ ayanu sòwò̤ pûma̤, Běcǎ akhû̌akhî, kò dǒlò̤te̤ he apo̤kû htǒonu bǎbǎ, sòwò̤ pûma̤ma̤. Mî̌tanu khòplǒkû̌ he ta̤shuphǔshèwè ta ta̤sò̌le̤sò̌lò̤ awi̤akè̌ aya pwǐ Cǒmara ǐ na khû̌ǎnu.

Tîmôte ginǐ̤bǎ tôbǎ 2:9

He dǒhtû̌ǐ bǎ kò ta̤sò̌le̤sò̌lò̤ awi̤akè̌ akhû̌akhî, he khòbǎ ta̤jîta̤jû dě kò coklomě he ta sǒpli̤te̤htò̌ asǒsǒta kòyò ma̤sǔ ta̤sû̌ta̤tòwò tapwa̤. Pwǎ̤ta Cǒmara ale̤ayo̤nu kò coklomějò nǒ yǎtò̤.

Philemo 1:13

Ta̤sò̌le̤sò̌lò̤ awi̤akè̌ akhû̌akhî, kò dǒǒpe he dě apo̤kû htǒoakhanu, ma̤pûhǐ a ma̤jè he ta na gûla̤ ayanudě, he sò̌yṳ kaǎ ǒ sadape yǎ dě he kòshî̌.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Petru awǐlǒ tabǎ 4:13

Mî̌tanu, htû̌꤮ Khrî̌stu hèlò̤ ǒlṳhtò̌ ta ata̤sîrîdû̌sîrîhtû pěnu, ma̤pûhǐ sî sò̌le̤sò̌lò̤ yi̤kǒ kû̌kò pě ayanu dě, ta̤ htě sî khòjîkhòjû kû̌dǒ ta Khrî̌stu pwǐhè̌o toǒnu, tûrû̌ sò̌le̤ lǒkho nî̌꤮.

Petru awǐlǒ tabǎ 5:1

He mî̌ pwa̤yṳǎta̤ aprṳ̂aho wè̤pwa̤ hǐkǒdû̌ tapwa̤, htodě he mî̌ pwa̤khòlṳ bǎ Khrî̌stu a ta̤khòjîkhòjû awi̤akè̌ tapwa̤. Htohǒtò̤ htû̌꤮ Cǒmara dǔlṳ kò ta a ta̤sîrîdû̌sîrîhtû akhapěnu, he bǎbǎ, he ǒkû̌ tû̌ta a ta̤sîrîdû̌sîrîhtû htǒonu pě. Khònò̤dě he kwigwèbǎǐ sî pwa̤yṳǎta̤ aprṳ̂aho wè̤khǔwè̤pwa̤ htě a htû hǐkǒdû̌ toǒ ta,

Petru ginǐ̤bǎ tabǎ 1:13

Bǎ he ǒhtûpwa̤pe akha, he htû̌wè̤ gènè̤htò̌ gesǒ sî ta ta̤wi̤ta̤kè̌ htǒotoǒ mî̌ he gènè̤ ta ato pwǎ.

Yṳ̂ha awǐlǒ tôbǎ 3:14

Dě wǐkha numî̌, pa sǒsǒta kòyòsinu toǒ pwǎ. Pò̤̌ta khònò̤htǒo pa mo̤ǐ pa pṳwè̤ Khrî̌stuphû̌ toǒ akhû̌akhî, pa sî̌ya ta pa htûhtò̌ kòyò htě a htûpwa̤ toǒ hǒ. Kòyò htě a mo̤ǐ apṳwè̤ Khrî̌stuphû̌ tò̤ toǒ numî̌, a ǒměǒgle pepwǎ dě ta̤si akû pwǎ.