Phǐlǐpǐ 1:6 - Kawyaw RC

⁶ Cǒmara htě a tèhtò̌ htû̌lè̌wǒgehto sî sò̌phlǒ htǒotapwa̤nu, he yṳǎ te̤mǎ yǎta a ma̤wǒ sělěphlǔ to̤htû̌ Ye̤shǔkhrî̌stu amṳni̤ hèto̤ pěnu taplǎ pě.

Kawyaw New Testament

⁶ Cǒmara dǒ a sahtò̌ htû̌lè̌ tèplè̌ wô̌ge hto sî sǎphlǒ tôpwa̤nu, he yṳ̌ǎ tě̤tě̤mè̤̌mè̤̌ kû̌ a ma̤wô̌ hènè tǒ̤dǒ Yeshǔkhrǐ alṳmṳ̌ni̤ hètǒ̤ nupě tôplǎ pě.

Phǐlǐpǐ 1:6 Iomraidhean Croise

Htû̌sò̌htò̌ 138:8

Pwǐ Cǒmara tûjûpwa̤ olò̤htonu a ma̤lǒma̤be bǎ he pě. Kǒ Cǒmara tûjûpwa̤, nata̤mo̤ǐ htě ahǎbòjò tò̤nu a ǒměǒgle tûjûpwa̤. Wîkè pûma̤ ta̤ma̤ htě na ma̤ yǎta nacǔdenu toǒ ma̤.

Jowǎ̤ni̤ 6:29

Dě Běcǎ Ye̤shǔ hî̌shǔ asî, “Yṳǎ lǒkho he, htě Cǒmara nohè yǎ htǒonu.”

Pwa̤nophû̌ 11:18

Bǎ asî gana̤de ta̤wi̤ta̤kè̌ htǒo akhanu, asî pi̤jishǐcǒpe Petru tò̤. Dě a htû̌sò̌ǐ lǒkho Cǒmara, “A dè mè̤mè̤̌ hǐnuhî̌dě Cǒmara ǐpa̤dǒ Yṳ̌daphû̌ mè̤tò̤ toǒ ta̤ashuakhwèwǒ dě a glè yò̤lò̤ge lǒkho asò̌ ta a glè nî̤bǎ lǒkho ta̤htûpwa̤ hǒ.”

Pwa̤nophû̌ 16:14

Mamǔ htě a gana̤de pa ta̤hî̌bǎ htǒo akla tapwa̤nu, ami̤ ta Lě̤dia, a mî̌ Twatǐrawî̤phû̌ tapwa̤ dě a shaǎ hǔgòpwî̌ lî̤lǒso pwî̤dû̌ toǒ. A mî̌ mamǔ tapwa̤ dě a subusaba Cǒmara. Ma̤pûhǐ a yṳǎ Pò̌lu a ta̤dǒhtû̌ǐ htǒotoǒ ayanudě, Běcǎ Ye̤shǔ ma̤phloma̤phǎ bǎ nû̌ûsò̌phlǒ.

Kôritu awǐlǒ tôbǎ 1:8

Htû̌꤮ pa Běcǎ Ye̤shǔkhrî̌stu hè amṳni̤ pě ti̤ni̤nu, ma̤pûhǐ kò la̤bè̌ ta̤sǔ sîlo̤ ǒpe pûtò̤ ayanu, Běcǎ pṳ̂měpṳ̂gle sî to̤htû̌ a gutṳ pě.

Kôritu ginǐ̤bǎ tôbǎ 1:15

He sî̌yate̤mǎ ta pa sò̌le̤sò̌lò̤ lòtṳ̌ pě, dě ma̤pûhǐ sî nî̤bǎ ta̤howi̤ ginǐ̤plǎ ayanu, he bè̌lò̤hto he sò̌phlǒ ta he sò̌yṳ hè ǒlèkû̌ sî ginǐ̤plǎ.

Kôritu ginǐ̤bǎ tôbǎ 2:3

Htû̌ he hè pě akhanu, sî htě ama̤sò̌le̤sò̌lò̤ he toǒnu ma̤pûhǐ a ma̤sǎpla̤ he tò̤nu, he khwè̌cû̌wǐ tû̌ bǎ sî lî̤ hǒ. Sî lǒ̤bò sî̌ya te̤mǎ tû̌ he ta̤sò̌le̤sò̌lò̤ dèhî̌dě sî bǎ sò̌le̤sò̌lò̤ dò̌ǔ pwǎ.

Kôritu ginǐ̤bǎ tôbǎ 7:16

He yṳǎ mṳ̂tî̤glî sî dě he sò̌le̤sò̌lò̤ mè̤mè̤̌.

Kôritu ginǐ̤bǎ tôbǎ 9:4

Hǐnudě bǎ he hè pě akhanu, pa pṳwè̤ Khrî̌stuphû̌ dě Makedò̌niaga toǒ gûhèkû̌ ta he pě kǎlè. He sò̌yṳ nokè̌shǐ asî ta sî ma̤wǒnǎhtobò wû ta̤ma̤lṳnu toǒ. Sî dè ma̤wǒnǎmò̌ dǐcǎ꤮ tò̤nu, ta̤ htě he yṳǎ sî toǒnu a htûhtò̌nò heya ta sîya ta̤sòwò̤ pě.

Galatǐ 5:10

Pwǎ̤ta pa htûhtò̌ kû̌ta Běcǎ tacǎnǔ꤮ pa akhû̌akhî, he yṳǎ ta sî ta̤kè̌shǐ htǒonumî̌ a nûcû̌khǒ ta he tò̤. Ûpè bǎbǎ a ma̤dǐdò sî tapwa̤pwa̤nu, Cǒmara cèròtû̌ yǎ pě.

Ěphěsu 4:12

Ma̤pûhǐ Cǒmara akòyò toǒ ǒ tîwî̌tòwò ana̤ ta a ma̤ bǎ nû̌û ta̤ma̤ aya, htohǒtò̤ ma̤pûhǐ a ǐshû̌ǐshohtò̌ pwa̤yṳǎta̤ aprṳ̂ahophû̌ htě a mî̌ Khrî̌stu ana̤saklûhtǒonu dě, a ǐlò̤ hǐnuhǒ.

Phǐlǐpǐ 1:10

Ma̤pûhǐ sî sî̌yaphlo te̤mǎwǒ ta̤ htě awǒgutṳ̌ dě sî bǎ sò̌phlǒ mṳ̂plî, htohǒtò̤ to̤htû̌꤮ Khrî̌stu hè gesǒ amṳni̤ pě ti̤ni̤nu, kò glè bè̌jòpe pû ta̤sǔ dě sîlo̤ tò̤nu, he kwisabadǒ sîya.

Phǐlǐpǐ 1:29

Ma̤tè̤hî̌dě, Cǒmara ǐ tû̌pwǎ sî ta̤howi̤ htě sî glè yṳǎ Khrî̌stu htǒonu mè̤tò̤, a sò̌phlǒǒ ta sî bǎ khò ta̤ma̤jîma̤jû ta Khrî̌stu ayaya.

Phǐlǐpǐ 2:12

Hǐnudě, khobǒsû̌bǒmo̤ sî꤮ bǎ he ǒkû̌ tû̌ta sî akhanu, sî gana̤de he yo̤, khònò̤htǒo he ǒyî̤ ta sî akhû̌akhî, sî tobǎ gana̤dekhlope heyo̤. Ma̤pûhǐ sî ma̤lǒma̤behtò̌ ta̤ma̤lû̌htò̌ge sî ayanu, jipwi̤ ma̤ lǒkho ta̤ dě ta̤bè̌dubè̌na̤ Cǒmara akû, dě ma̤ yǎta ta̤ǐsha gònò̤gèglè anu nî̌꤮.

Phǐlǐpǐ 2:13

Ma̤tè̤hî̌dě, ma̤pûhǐ sî sò̌phlosho sò̌yṳ gana̤de gûma̤kû̌ pwǐ Cǒmara a ta̤sò̌yṳ htě awǒ toǒ ayanu, a ma̤ ta̤ dě sîkû pṳ̂̌꤮ taplǎ hǒ.

Phǐlǐpǐ 2:16

Dǒhtû̌ǐ lǒkho kòyò ta̤htûpwa̤ awi̤akè̌ htǒonu nî̌꤮. Sî dè ma̤hǐnumî̌ bǎ Khrî̌stu hèlò̤ gesǒ amṳni̤ pě ti̤ni̤nu, he ta̤jipwi̤ lǒ̤꤮ bò toǒ ta he ta̤phî̌ta̤ma̤ htǒotoǒnu a htûhtò̌ nòdû̌pe tò̤, sîkhû̌sîkhî dě he phî̌htò̌yî̤ hena̤ pě.

Kòlòtè̌ 2:12

Bǎ sî plo sîna̤ ta shi akha, sî la̤klo phû̌mò̤ toǒnu, sî lǔlò̤hto kû̌ yǎta Khrî̌stu hǒ. Dě sî la̤klowî̤ toǒnu, Cǒmara ma̤htûpwa̤gesǒ ta Khrî̌stu hǒ. Dě sî yṳǎ Cǒmara a ta̤po̤ta̤phǎ dě a ma̤ htûpwa̤gesǒ Khrî̌stu ta ta̤si htǒo akhû̌akhî, a htûhtò̌htobò hǐnu hǒ.

Tîsalònǐ awǐlǒ tôbǎ 1:3

Sî ta̤yṳta̤nǎ akhû̌khî, sî ma̤ta̤ ahtûhtò̌, sî ta̤mo̤ǐ kò akhû̌akhî, sî gûma̤ ta̤, dě sî ǒ ta ta̤kè̌shuǐ dě pa Běcǎ Ye̤shǔkhrî̌stu alo̤ akhû̌khî, sî khòsò̌dobò̌ ta̤ma̤jîma̤jû sî toǒ. Bǎ pa kwisaba dě papha Cǒmara ǒ akhanu, sî ma̤ta̤ lǒ̤꤮ bò htǒotoǒnu, pa shope̤nǎpè̤pe tò̤.

Tîsalònǐ ginǐ̤bǎ tôbǎ 1:11

Hǐnudě ma̤pûhǐ Cǒmara ma̤jè sî dě sî ǒhtûpwa̤ tobǎ kû̌ta ata̤kaǎ sî ayanu, pa kwisaba sîya pṳ̂̌꤮ taplǎ. Pa kwisabapo̤ bǎ sîya ta Cǒmara ma̤lǒma̤bebò bǎ sî ta̤ma̤wǒ htě sî sò̌yṳma̤nu toǒ, ta ta̤ma̤ htě sî ma̤ yǎta ta̤yṳnu toǒ. Dě Cǒmara ma̤tû̌ bǎ sî ta a ta̤po̤ta̤phǎ pě.

Tîsalònǐ ginǐ̤bǎ tôbǎ 3:4

Dě pa yṳǎ Běcǎ akhû̌akhî, pa sî̌ya ta sî gûma̤ sělěpo̤ pwǐ pa mǎnǎ sî htǒonu hǒ.

Philemo 1:21

He khwè̌ lî̤ dě naǒ htǒonu, he yṳǎ ta na jûle̤phî̌yo̤ hele̤heyo̤ dě he sî̌ya ta na ma̤dû̌khlo ta he kwi na htǒonu pě.

Hebrǔ 10:35

Hǐnudě bè̌sho lǒkho sî sò̌phlǒ. Sî nî̤bǎ ta̤ma̤nî̤khû̌kǎ adû̌ayǒ toǒ pě.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ htě a kaǎ sî ta a ǐ sî ata̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu pě. Bǎ sî khòbǎ ta̤jîta̤jû teděsǎphû̌ htǒo tûlû̌hto pěnu, Cǒmara sana̤nu a ma̤měma̤gle tònòwǒgesǒ sî pě, htodě a ǐshû̌ǐshohtò̌ sîkhû̌sîǎ pě.

Petru ginǐ̤bǎ tabǎ 3:10

Pwǎ̤tadě Běcǎ amṳni̤ htǒonu, a hèto̤sumṳ sǒsǒta pwa̤ǎhǔ tapwa̤ hènu pě. Bǎnu ti̤ni̤ pěnu, mǒ gokrû̌htò̌ pě dě a hǎmǎkè pě. Mî̌ gèpî̌ lîtîklî̌kèbò lṳmṳ, la, shǎ htě a ǒ dě mǒla̤ sîtoǒ pě. Dě a gèpî̌ lîtîklî̌kèbò hǎkhû̌ ta ta̤ htě a ǒ nû̌ûkû toǒ lǒ̤꤮ bò pě.