Phǐlǐpǐ 1:5 - Kawyaw RC

⁵ Ma̤tè̤hî̌dě, he ma̤ ta̤sò̌le̤sò̌lò̤ awi̤akè̌ htǒonu, sî ma̤kû̌dǒ ta he dě khû̌lû̌kha tǒ̤lò̤khònò̤ hǒ.

Kawyaw New Testament

⁵ Ma̤titèhî̌dě, he ma̤ ta̤sǎlě̤we̤kènu, sî gû̌ma̤ kû̌ he dǒ asakhû̌lû̌kha tǒ̤dǒ khònò̤̌ hǒ.

Phǐlǐpǐ 1:5 Iomraidhean Croise

Pwa̤nophû̌ 2:42

Pwa̤yṳǎphû̌ lǒ̤꤮ bò toǒ phî̌nṳ lǒkho akhîakha dě a glè sû̌ǐ sî̌yahtò̌ kû̌ ana̤ ta pwa̤nophû̌ toǒ, dě asî bǒsû̌khǎkho ta ǎoplǒ nû̌û dě kwisabaplǒ nû̌û.

Rṳ̂̌me̤ 11:17

Yṳ̌daphû̌ htǒotoǒ numî̌ asǒsǒta kò cû̌ yǒgage Olivedo aphò dě kò ge shǒyǎ we̤kû htǒotoǒnu dě kò cû̌ yǒga Olivemi̤ aphò mi̤klanu dě kò gî plǒhtu nû̌û. Sî Yṳ̌daphû̌ mè̤tò̤ toǒ numî̌, asǒsǒta Olivemi̤ toǒnu hǒ. Khònò̤htǒo sî nî̤bǎ ta̤howi̤ htě Cǒmara howi̤kè Yṳ̌daphû̌ phiphu dě nukha toǒ hǒ. Sî nî̤bǎ sǒsǒta sǒphò htǒotoǒ cî̌o nî̤khû̌nî̤ǎ kû̌ sǒcòshi htě a ǒ akhò̌wi̤kû dě a hè htǒotoǒnu hǒ.

Rṳ̂̌me̤ 12:13

Cǒmara akòyò toǒ dè shuphǔshèwè hî̌dě, phî̌jèma̤jè asî nî̌꤮. Kè̌ ǐǎǐoshǔ lǒkho shǐpwa̤shǐmè̤ nî̌꤮. Kaǎ hǎmoǒpa̤ lǒkho asî dě sî hǐdǒkû nî̌꤮.

Rṳ̂̌me̤ 15:26

Ma̤tè̤hî̌dě, Makedò̌nia gaphû̌ toǒ ta Akhaya gaphû̌ toǒnu, a sò̌phlǒsho ǐcû̌dǒ wûtoǒ ta Cǒmara a pwa̤cahtǐphû̌ htě a shuphǔshèwè dě a ǒ lǒkho Ye̤rǔshèlèwî̤kûnu toǒ.

Kôritu awǐlǒ tôbǎ 1:9

Cǒmara htǒotapwa̤ mî̌ la̤yṳǎna̤ǎ mè̤mè̤̌. A mî̌ pwa̤ htě a kaǎ sî dě a sò̌yṳ nobǒsû̌khǎkho sî ta aphû̌khû mî̌ pa Běcǎ Ye̤shǔkhrî̌stu htǒotapwa̤nu hǒ.

Kôritu ginǐ̤bǎ tôbǎ 8:1

Pa sû̌kho sî꤮, pa sò̌yṳ pwe̤ǐlṳ sî ta Cǒmara ǐlò̤ ta̤bwǐta̤sîrî dě pwa̤yṳǎta̤ aprṳ̂ahophû̌ htě a ǒ lǒkho Makedò̌nia gakûnu toǒ awi̤akè̌.

Ěphěsu 3:6

Cǒmara a ta̤dû̌ta̤yǒ htě kò sî̌yahtû tò̤ htǒonumî̌ Cǒmara ǐlò̤ bǎ Yṳ̌daphû̌ ta̤howi̤ hǒ. Dě ta̤howi̤ htǒotoǒnu, sî Yṳ̌daphû̌ mè̤tò̤ toǒ nî̤bǎplǒ sǒsǒta asî htǒonu. Yṳ̌daphû̌ mè̤tò̤ toǒ ta Yṳ̌daphû̌ htǒotoǒnu, a htû nû̌û na̤ tapwǎ̤panu hǒ. Cǒmara olò̤kèbò akòyò toǒnu, sî Yṳ̌daphû̌ mè̤tò̤ toǒ nî̤bǎplǒ kû̌ta asî hǒ. Sî yṳǎ ta̤sò̌le̤sò̌lò̤ awi̤akè̌ dě sî htûhtò̌ ta Ye̤shǔkhrî̌stu tacǎ꤮ pa akhû̌akhî, sî nî̤bǎkû̌bò ta̤howi̤ toǒnu hǒ.

Phǐlǐpǐ 1:12

He pṳwè̤ sî, ta̤ma̤htûhtò̌ ana̤ ta he htǒotoǒ lǒ̤꤮ bò numî̌ a ma̤jèpwǎ ta̤sò̌le̤sò̌lò̤ awi̤akè̌ glè dû̌htò̌ htûhtò̌ ayapwǎ numî̌ he sò̌yṳ nosî̌yadǒ sî.

Phǐlǐpǐ 1:16

Asî mo̤ǐ he dě a ma̤ lǒkho pwǎ, ma̤tè̤hî̌dě tobǎ hî̌bǎma̤kwabǐ dǐdò ta̤sò̌le̤sò̌lò̤ awi̤akè̌ ata̤ma̤ htǒonumî̌ Cǒmara ǐpwǎ henu asî sî̌ya lǒkho pwǎ.

Phǐlǐpǐ 1:27

A htûhtò̌ hî̌tè bǎbǎ, sî to ǒhtûpwa̤ lǒkho pwǐ Khrî̌stu a ta̤sò̌le̤sò̌lò̤ awi̤akè̌ pwe̤ǐ bǎ sînu nî̌꤮. Sî dè ma̤hǐnu hî̌dě he hèkè̌shǐ sî bǎbǎ, he ǒtepheyî̤ ta sî dě he gana̤de pwǎ sîwi̤sîkè̌ bǎbǎ, he glè sî̌ya tû̌ta sî sò̌phlǒ tǒhtu nû̌û dě sî ihtǒshěshǔ tònòplǒ nû̌û ta ta̤sò̌le̤sò̌lò̤ awi̤akè̌ a ta̤yṳta̤nǎ aya. Htohǒtò̤ sî ǐshape kòyò htě a sò̌khěkhû̌khwè sînu toǒ ala̤ tò̤ hǒ. Sî dè ma̤hǐnu hî̌dě sî khòlṳ bǎ asî ta Cǒmara ma̤pî̌kè asî pě, dě Cǒmara ma̤lû̌htò̌gelè̌tû̌ sî ta ana̤ pě.

Phǐlǐpǐ 1:7

He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Phǐlǐpǐ 2:12

Hǐnudě, khobǒsû̌bǒmo̤ sî꤮ bǎ he ǒkû̌ tû̌ta sî akhanu, sî gana̤de he yo̤, khònò̤htǒo he ǒyî̤ ta sî akhû̌akhî, sî tobǎ gana̤dekhlope heyo̤. Ma̤pûhǐ sî ma̤lǒma̤behtò̌ ta̤ma̤lû̌htò̌ge sî ayanu, jipwi̤ ma̤ lǒkho ta̤ dě ta̤bè̌dubè̌na̤ Cǒmara akû, dě ma̤ yǎta ta̤ǐsha gònò̤gèglè anu nî̌꤮.

Phǐlǐpǐ 2:22

Sî sî̌yatû̌ hǒ, Timò̤̌te mî̌ kòyò le̤dû̌pwî̤htû tapwa̤. A ma̤kû̌ ta̤ ta he dě ta̤sò̌le̤sò̌lò̤ awi̤akè̌ glè dû̌htò̌htûhtò̌ aya htǒonumî̌ asǒsǒta phû̌ ta phanu hǒ.

Phǐlǐpǐ 4:3

Na mî̌ kòyò htě a ma̤plǒta̤ ta he dě acǒtè̤ ta ayo̤ tapwa̤ hǒ. Dě he sò̌yṳ kwi na ta̤ma̤jè tacǎ, ma̤pûhǐ mamǔhtǒo sò̌gini̤ mo̤klaǐ kè̌khînû̌û ayanu, ma̤jè pû asî nî̌꤮. Ma̤tè̤hî̌dě asî htǒosò̌gini̤ numî̌ a jipwi̤ htǒkhû̌htǒǎ ma̤htukû̌ ta̤wi̤lò̤ ta̤sò̌le̤sò̌lò̤ awi̤akè̌ ata̤ma̤ ta he nî. Asî ma̤htukû̌ ta Kleme ta hekho dě pa ma̤plǒnû̌û ta̤ ahǔwa̤nu toǒ, dě asî lǒ̤꤮ bònu toǒ ami̤ mî̌ a ǒbò dě Běcǎ a lî̤htûpwa̤ akûnu hǒ.

Philemo 1:17

Hǐnu akhû̌akhî, na dè bè̌ he pwǐ pwa̤ma̤plǒnû̌ûta̤ tapwa̤ dèhî̌dě dǒshuǐ gesǒ yǎ pwǐ na dǒshuǐ he pěnu nî̌꤮.

Hebrǔ 3:14

Ma̤tè̤hî̌dě, pa ta̤yṳǎ Cǒmara dě khû̌lû̌khanu, pa dè pṳ̂měǐwǒ yǎ to̤htû̌ agutṳ hî̌mò̌nu, pa htû pwa̤ma̤htuta̤ ta Khrî̌stu hǒ.

Petru ginǐ̤bǎ tabǎ 1:1

Pa Cǒmara ta pwa̤ma̤lû̌htò̌ge pa Běcǎ Ye̤shǔkhrî̌stu htǒotapwa̤ a ta̤cǒta̤tè̤ akhû̌akhî, sî mî̌ kòyò toǒ htě a nî̤bǎdǒ ta̤yṳta̤nǎ dě alò̤ta pa htǒotoǒ hǒ. Dě he khwè̌cû̌bǎ sî lî̤htǒo. He mî̌ Shîmǒ̤nè̤ Petru, he htû Ye̤shǔkhrî̌stu ajû ta a pwa̤nophû̌ tapwa̤.

Yṳ̂ha awǐlǒ tôbǎ 1:3

Ma̤pûhǐ sî bǒsû̌khǎkho kû̌dǒ ta pa ayanu, pa pwe̤ǐ bǎ sî ta̤ htě pa kè̌shǐhto dě pa gana̤debǎhtonu toǒ hǒ. Pa bǒsû̌khǎkho kè̌khînû̌û htǒonumî̌, pa bǒsû̌ pana̤ ta pha Cǒmara ta aphû̌khû Ye̤shǔkhrî̌stu.

Yṳ̂ha awǐlǒ tôbǎ 1:7

Pwǎ̤ta pa dè ǒhtûpwa̤ ta̤lî akû pwǐ Cǒmara ǒ dě ta̤lî akû hî̌numî̌, pa ǒ ta ta̤bǒsû̌khǎkho kè̌khînû̌û tapwa̤ ta tapwa̤, htodě Cǒmara aphû̌khû Ye̤shǔkhrî̌stu asǐnu, a glè shǔbòkèbò pa ta̤sǔta̤plě toǒ hǒ.