Phǐlǐpǐ 1:26 - Kawyaw RC

²⁶ Ma̤pûhǐ sî htû̌sò̌ǐ Ye̤shǔkhrî̌stu ma̤ta̤ ta heya htǒotoǒnudě, he ge ǒplǒkû̌ gesǒ ta sî pě.

Kawyaw New Testament

²⁶ Pô̤̌khô sî gǔ htû̌sò̌htò̌ǐ Yeshǔ Khrǐ ma̤ bǎ ta̤dǒ heya tokhlǒnudě, he ge ô̌plǒ sô̌ kû̌ sî pě.

Phǐlǐpǐ 1:26 Iomraidhean Croise

Jowǎ̤ni̤ 16:22

Ta̤ htûhtò̌ sǒsǒkû̌ta sî pwǐhè̌onu pě. Khònò̤dě sî nî̤bǎ ta̤sǎpla̤ pě, pwǎ̤tadě he kè̌shǐ gesǒ sî pě dě sî sò̌le̤sò̌lò̤ mè̤mè̤̌ pě. Htohǒtò̤ kò phî̌kèjò sî ta̤sò̌le̤sò̌lò̤ dǐpwǎ̤꤮ pětò̤.

Jowǎ̤ni̤ 16:24

Tǒ̤lò̤khònò̤ htǒonu, sî kwi ta hemi̤ dǐcǎ꤮ tò̤. Kwi lǒkho pû, sî nî̤bǎ pě. Dě sî nî̤bǎ lǒbe ta̤sò̌le̤sò̌lò̤ pě.

Kôritu ginǐ̤bǎ tôbǎ 1:14

Khònò̤dě sî sî̌yaphlo pṳ̂̌bò pawi̤pakè̌ hǒtò̤, pwǎ̤ta nǒkòpěnu pa kè̌shuǐ ta sî sî̌yaphlo bòmṳ̂sîglî pawi̤pakè̌ pě. Hǐnudě, bǎ Běcǎ Ye̤shǔ hèsǒ pě ti̤ni̤nu, pakhû̌pakhî sî sò̌le̤sò̌lò̤ pwǐ pa sò̌le̤sò̌lò̤ ta sîkhû̌sîkhînu pě.

Kôritu ginǐ̤bǎ tôbǎ 5:12

Gènè̤ pûma̤ lǒkho ta pa sò̌yṳ hî̌bǎ htò̌yî̤ gesǒ pana̤ hǐnu ma̤. Pa hî̌ sî hǐnu ma̤tè̤hî̌dě ma̤pûhǐ sî hî̌ geshǔjò kòyò htě a pi̤jishǐcǒ panu toǒ ayanu, pa sò̌yṳ nosî̌ya te̤mǎ sî ta pa ma̤kwè̌꤮ mî̌titè hǐnu pwǎ. Kòyònu toǒ mî̌ a bè̌dû̌ phî̌htò̌yî̤ tû̌pwǎ ta̤sî̌ta̤jò htě a ǒlṳ dě akhlonu toǒ pwǎ, a bè̌dû̌ kû̌kò ta̤ htě a ǒ dě kòyò tapwa̤pwa̤ a sò̌phlǒkûnu toǒ tò̤.

Kôritu ginǐ̤bǎ tôbǎ 7:14

Bǎ Tǐtǔ cû̌ dě sî ǒ hǒtò̤nu, he htû̌sò̌ǐ sî dě Tǐtǔ alo̤mo̤. Sî ma̤ mè̤mè̤̌ pwǐ he htû̌sò̌ǐ sînu hǒ. Sî ma̤sòwò̤nǒ he dǐkhò̌꤮ tò̤. Pwǐ he hî̌bǎcǒhî̌bǎtè̤ sî pṳ̂̌꤮ taplǎnu, pa hî̌ Tǐtǔ ta sîwi̤sîkè̌ numî̌ pa hî̌bǎcǒhî̌bǎtè̤ pwǎpwǎ.

Kôritu ginǐ̤bǎ tôbǎ 7:4

He yṳǎ te̤mǎ mè̤mè̤̌ sî dě he htû̌sò̌ǐ mè̤mè̤̌ sî pṳ̂̌꤮ taplǎ nî. Hǐnu akhû̌akhî, pa kè̌shǐbǎ plṳ̂ mè̤mè̤̌ ta ta̤pò̤ta̤sha pwǎ̤ta pa sò̌le̤sò̌lò̤ pwǎ, htohǒtò̤ pa sò̌phlǒmo̤ pwǎ.

Kôritu ginǐ̤bǎ tôbǎ 7:6

Pò̤̌ta Cǒmara htě a ǐshû̌ǐshohtò̌ kòyò sò̌phlǒpî̌ toǒ tapwa̤nu, a ǐkhû̌ǐǎ pa hǒ, ma̤tè̤hî̌dě Tǐtǔ hèto̤kû̌ pa hǒ.

Galatǐ 6:4

Kòyò pṳ̂̌꤮ tapwa̤ to gwèlò̤tû̌ ana̤. Dě a tobǎ ta̤trè ana̤ ta kòyò ahǔwa̤ toǒ tò̤. Ta̤ma̤ htě a ma̤hto toǒnu, a dè wǒ hî̌dě a ta̤ma̤htǒo akhû̌akhî, a dè sò̌le̤sò̌lò̤ mî̌ anî̤ pwǎ.

Phǐlǐpǐ 3:1

He pṳwè̤ sî, gutṳ̌lò̤nu, he sò̌yṳ hî̌ sî, sî htûhtò̌ kû̌ta Běcǎ Khrî̌stu tacǎnǔ꤮ pa htǒonu, sò̌le̤sò̌lò̤ lǒkhopû nî̌꤮. He khwè̌cû̌ bǎ gesǒ sî lî̤ htě asǒsǒta awǐkha toǒnu pwǎ pwǎ̤ta a dǐdònǒ he dǐcǎ꤮ tò̤. He khwè̌ htǒotoǒ numî̌ ma̤pûhǐ a ma̤kwaǐ bǎ sîyapwǎ.

Phǐlǐpǐ 3:3

Pa mî̌ Cǒmara akòyò mè̤mè̤̌ toǒ, asînu toǒ mî̌ a mè̤mè̤̌ mè̤tò̤, ma̤tè̤hî̌dě Cǒmara a sǎcahtǐ akhû̌akhî, pa subusabahtò̌ Cǒmara dě pa hî̌bǎhtû̌sò̌ǐ ta̤htě Ye̤shǔkhrî̌stu ma̤hto bǎ pa htǒotoǒ hǒ. Ma̤pûhǐ pa nî̤bǎ ta̤ma̤lû̌htò̌ge ayanu, pa to nǎla̤ǐ ta̤htě pa ma̤ htǒotoǒ tò̤.

Phǐlǐpǐ 4:10

He hî̌bwǐhî̌sîrî mè̤mè̤̌ Běcǎ dě he htû̌sò̌ǐ mè̤mè̤̌ yǎ, ma̤tè̤hî̌dě gutṳ̌lò̤ htǒonu, sî sûhèsǒ bǎ he ta̤ma̤jè htǒonumî̌ sî dǔlṳ gesǒ sî ta̤wǒ toǒ dě hekhû̌ hǒ. He sî̌ya ta sî wǒmè̤mè̤̌ dě hekhû̌ pṳ̂̌꤮ taplǎ pwǎ̤ta sî glè dǔlṳ gesǒ sî ta̤sò̌phlǒǒ he htǒotuhunu, Sî kè̌shǐ akhîakhawǒ ta sîya hǒtò̤ dě sî sûhè bǎ he hǒtò̤ hǐnupwǎ.

Phǐlǐpǐ 4:4

Sò̌le̤sò̌lò̤ lǒkho dě Běcǎ akû pṳ̂̌꤮ taplǎ nî̌꤮, dě he hî̌ gesǒ sî, sò̌le̤sò̌lò̤ lǒkho nî̌꤮.