Phǐlǐpǐ 1:25 - Kawyaw RC

²⁵ He sî̌ya te̤mǎ ta he tobǎ ǒhtûpwa̤ kû̌pe ta sîya dě he ǒkû̌ tû̌ta sî pě. Ma̤pûhǐ sî ta̤yṳta̤nǎ shû̌sho hèto̤, htohǒtò̤ sî yṳǎ Khrî̌stu khû̌khî, sî sò̌le̤sò̌lò̤ hèsho to̤po̤ pěnu dě he ma̤jè sî pě.

Kawyaw New Testament

²⁵ He sî̌ganǎ̤ tě̤tě̤mè̤̌mè̤̌ kû̌ he tôbǎ ô̌htûpwa̤ bǎ pû sîya dě he ô̌plǒ kû̌ sî pě. Pô̤̌khô sî ta̤yṳ̌ta̤nǎ̤ gǔshû̌gǔsho hèpô̤̌, htokhôtô̤̌ dǒ sî yṳ̌ǎ Khrǐ akhû̌akhî, dě sî sǎlě̤sǎlò̤ hèshû̌ pô̤̌ pě nudě he ma̤jè̌ sî pě.

Phǐlǐpǐ 1:25 Iomraidhean Croise

Htû̌sò̌htò̌ 60:6

Cǒmaradû̌ ǒ agûla̤ cahtǐ, a hî̌bǎlò̤ ta, “He yi̤kǒ sò̌le̤sò̌lò̤ mèpa̤kè Shekewî̤. “He glè mèpa̤po̤ bǎ Sǔkǒ galo̤to̤kû.

Lǔka 22:32

Pwǎ̤tadě, Shîmǒ̤nè̤, ma̤pûhǐ na ta̤yṳta̤nǎ pî̌kè pûma̤nu, he kwisaba bǎ naya. Htodě bǎ na sî̌yalò̤ gesǒ nana̤ pěnu, na tobǎ ǐkhû̌ǐǎ na pṳwè̤ toǒ pě nî̌꤮.”

Pwa̤nophû̌ 11:23

Dě bǎ a cû̌to̤ akha, a cû̌kè̌shǐ ta kòyò htǒotoǒ nî̤bǎ Cǒmara abwǐasîrî akhû̌akhî, a sò̌le̤sò̌lò̤ mè̤mè̤̌ dě ma̤pûhǐ asî ǒhtûpwa̤ cǒtè̤ hèsělě ta Běcǎ dě, a ǐkhû̌ǐǎ tûsû kû̌po̤ asî kò.

Pwa̤nophû̌ 14:22

Ma̤pûhǐ pwa̤yṳǎphû̌ toǒ ǒměǒgle dě a ta̤yṳta̤nǎ akû ayanu, Pò̌lu ta Banabǎ ǐkhû̌ǐǎ asî, htohǒtò̤ tûsû asîkò. Asî sû̌ǐtòwòǐ bǎ kò ta, “Pa glè̌ cû̌nṳ bò̌phlǒ to̤dě Cǒmara ashiagakû htǒonumî̌ pa bǎ cû̌tûlû̌plṳ̂ ta ta̤pò̤ta̤sha sîtoǒ.”

Pwa̤nophû̌ 20:25

“Khònò̤htǒo he sî̌ya ta lǒ̤꤮ bò sî htě he dǒhtû̌ǐ bǎhtobò ta Cǒmara ashiaga awi̤akè̌ htǒotoǒnu, tèhtò̌ khònò̤htǒo tǒ̤hè sî kè̌shǐpe he dǐpwǎ̤꤮ tò̤ hǒ.

Rṳ̂̌me̤ 15:13

Bǎ sî yṳǎ Cǒmara htě a ma̤jè sî htǒo akhanu, a mî̌ Cǒmara tapwa̤ htě pa la̤kè̌shuǐ a kòshî̌kòtṳ akhû̌akhî, a ma̤lǒbe tû̌bǎ sî ta̤sò̌le̤sò̌lò̤ ta sî sò̌phlǒ a ta̤gûjûkabǎ nî̌꤮. Htohǒtò̤ ma̤pûhǐ sî ta̤kè̌shuǐ shû̌htò̌shohtò̌ sělě kû̌po̤ dě alo̤mo̤ ta Běcǎ sǎcahtǐ a ta̤po̤ta̤phǎ akhû̌akhî pwǎnu he kwisaba bǎ sîya.

Rṳ̂̌me̤ 15:18

Ta̤ ahǔwa̤ sî toǒnu he hî̌bǎhtò̌yî̤ bǔkû̌nǒ kòyò tò̤. He hî̌bǎhtò̌yî̤ bǔpwǎpǒ̤ Khrî̌stu ata̤ma̤ htě a ma̤jè hehtǒo awi̤akè̌ pwǎ. Dě he hî̌bǎ yǎ awi̤akè̌ htǒo akhû̌akhî, htodě asî kè̌shǐ he ta̤ma̤ toǒ, htohǒtò̤ Cǒmara a sǎcahtǐ ǐ he ata̤po̤ta̤phǎ htǒo dě, he ma̤lṳbǎ asî ta̤cǒklî̌kî̌ya htǒotoǒ ta ta̤htò̌te̤pe̤ sû̌pi̤sò̌pi̤nu toǒ akhû̌akhî, he yṳ̂klè̌nè̌klòbò̌ bǎ Yṳ̌daphû̌ mè̤tò̤ toǒ dě a glè gana̤de jûle̤phî̌yo̤ Cǒmara hǒ. Bǎ he cû̌ dǒhtû̌ǐbò bǎ kò ta Khrî̌stu a ta̤sò̌le̤sò̌lò̤ awi̤akè̌ akhanu, he cû̌nṳ pwe̤ǐlṳbò bǎ kò pṳ̂̌꤮ tapwa̤, pṳ̂̌tado htě doǒ cû̌ Ye̤rǔshèlèwî̤nu to̤dě Elǔrǐkhaganu toǒ hǒ.

Rṳ̂̌me̤ 15:29

He sî̌ya ta htû̌꤮ he hèto̤ dě sî ǒpěnu, he phî̌hènṳ Khrî̌stu a ta̤howi̤ htě alǒabe htǒonu pě.

Rṳ̂̌me̤ 5:2

Pa yṳǎ Běcǎ Ye̤shǔkhrî̌stu akhû̌akhî, a noǒhtûpwa̤ pa dě Cǒmara abwǐasîrî akû hǒ. Khònò̤htǒo pa ǒhtûpwa̤ dě abwǐasîrî akû hǒ. Dě pa sò̌le̤ kè̌shuǐ Cǒmara a bwǐdû̌sîrîhtû htǒonu hǒ.

Kôritu ginǐ̤bǎ tôbǎ 1:24

Pa sò̌yṳ ma̤dǐdò sî ta̤yṳ tò̤. Sî ta̤yṳta̤nǎ shû̌tuklǔ numî̌ pa sî̌ya hǒ. Ma̤pûhǐ sî sò̌le̤sò̌lò̤ dû̌htò̌po̤ ayanu, pa sò̌yṳ hè ma̤shû̌ma̤jo pwǎ sî.

Phǐlǐpǐ 1:24

Pò̤̌ta, ta̤ htě a lo̤bǎdû̌gutṳ̌ tacǎmî̌ he tobǎ ǒhtûpwa̤ kû̌pe ta sîya htǒonuhǒ.

Phǐlǐpǐ 2:24

Ǒyî̤tò̤ pěnu, he yṳǎ ta Běcǎ ma̤jè he pě dě he sana̤, he hèto̤bò̌ dě sî ǒ pě.

Philemo 1:22

Dě a ǒpe tacǎ: khòsò̌do ma̤wǒnǎ pû heya hǐdǒkû to̤to̤ nî̌꤮, ma̤tè̤hî̌dě he kè̌shuǐ ta Cǒmara gana̤de sî ta̤kwisaba dě a sûge he sî ǒ pě.

Petru awǐlǒ tabǎ 1:8

Sî kè̌shǐnǒ yǎ tò̤ pwǎ̤ta sî mo̤ǐ yǎ. Sî kè̌shǐ yǎ khònò̤ hǒtò̤ pwǎ̤tadě sî yṳǎ yǎ. Hǐnuakhû̌akhî, sî sò̌le̤sò̌lò̤ mè̤mè̤̌ dě sî sò̌le̤ pwî̌꤮ tènu hî̌jòpe tò̤.