Phǐlǐpǐ 1:21 - Kawyaw RC

²¹ Ta̤ǒhtûpwa̤ ta heya mî̌ titè hî̌dě, he sò̌yṳ ǒhtûpwa̤ tû̌pwǎ ta Khrî̌stu aya pwǎ, dě he dè si hî̌numî̌ ta̤bwǐta̤sîrî ǒplṳ̂khlo ta heya.

Kawyaw New Testament

²¹ Ta̤ô̌htûpwa̤ dǒ heya mî̌titè hî̌dě, he sǎyṳ ô̌htûpwa̤ bǎ pwǎ dǒ Khrǐ aya pwǎ, dě he kè̌ si numî̌ abwǐasîrî ô̌dû̌wî̤ khlo dǒ heya.

Phǐlǐpǐ 1:21 Iomraidhean Croise

Kôritu awǐlǒ tôbǎ 1:30

Cǒmara ma̤htûhtò̌htu sî ta Ye̤shǔkhrî̌stu tacǎnǔ꤮ pa hǒ. A ma̤htû bǎ sî ta Khrî̌stu tacǎnǔ꤮ pa htǒonu, a htûhtò̌ pa ta̤sî̌ta̤jò hǒ. Khrî̌stu akhû̌akhî, Cǒmara bè̌ pa pwǐ kòcǒkòtè̤ toǒnu. Htohǒtò̤ pa htûhtò̌ Cǒmara akòyò cahtǐ dě Khrî̌stu plûhǎhtò̌ pele pa ta ta̤sǔ ajû agûla̤ hǒ.

Kôritu awǐlǒ tôbǎ 3:22

Pò̌lu bǎbǎ, Apò̌lu bǎbǎ, Petru bǎbǎ, hǎkhû̌teběbò bǎbǎ, ta̤si ta ta̤htûpwa̤ bǎbǎ, htukha khònò̤kha htǒobǎbǎ, htû̌꤮ nǒkòpě tuhtu bǎbǎ, Cǒmara ǐlò̤bò ta̤htǒotoǒ dě a glè htûbwǐhtûsîrî pwǎ ta sîya.

Kôritu ginǐ̤bǎ tôbǎ 5:1

Pana̤saklû mî̌ asǒsǒta hǐ htě pa ǒǐ yǎ dě hǎkhû̌bǎo tamanu, htû̌꤮ kò ma̤pò̌kè yǎ pě, a sò̌le̤ hî̌ htû̌꤮ pa si pěmî̌, pa sî̌ya ta Cǒmara glè ma̤bǎ pahǐsa mî̌ pana̤saklû asa htǒonu dě mǒkhû̌nu pě. A ma̤ ana̤ hǐsa dě pana̤saklû asa htǒonu, a sijòpe tò̤, a ǒměgle tûjûpwa̤ pě.

Kôritu ginǐ̤bǎ tôbǎ 5:6

Hǐnu akhû̌akhî, pa yṳǎ te̤mǎ ta̤htǒotoǒ hǒ. Pana̤saklû dè ǒpepwǎ bǎ hǎkhû̌bǎotoǒ akû hî̌numî̌, pa cû̌ ǒ dě gûla̤ bǎ Běcǎ Ye̤shǔ ǒnu mè̤ hǒtò̤.

Kôritu ginǐ̤bǎ tôbǎ 5:8

He hî̌ ta, pa yṳǎ Běcǎ htǒonu ashû̌asho dě pa sò̌yṳ hǎhtò̌cû̌kè ta pana̤saklû htǒo dě pa sò̌yṳcû̌ ǒkû̌dǒ ta Běcǎ dě mǒkhû̌ hǒ.

Galatǐ 2:20

Htǒonumî̌ alò̤ta he si kû̌ta Khrî̌stu dě nò̌dòhtǔ alo̤ hǒ. He ǒhtûpwa̤ mè̤petò̤ pwǎ̤ta Khrî̌stu ǒhtûpwa̤ dě hekû hǒ. Ta̤ǒhtûpwa̤ htě he ǒhtûpwa̤ khònò̤ htǒonumî̌ mî̌pwǎ he ǒhtûpwa̤ ta ta̤yṳǎ Cǒmara aphû̌khû htě a mo̤ǐ he dě a ǐlò̤kè a ta̤htûpwa̤ ta heya htǒonu tapwa̤ akhû̌akhî pwǎ.

Galatǐ 6:14

He dè hî̌bǎhtò̌yî̤tû̌ pwǐ asînu dèhî̌dě, he hî̌bǎhtò̌yî̤pwǎ ta he dǒhtû̌ǐ pa Běcǎ Ye̤shǔkhrî̌stu a nò̌dòhtǔ awi̤akè̌ htǒonu pwǎ. Ye̤shǔ si dě nò̌dòhtǔlo̤ akhû̌akhî, ta̤pṳ̂̌꤮ tacǎ htě a tǒhtu ta hǎkhû̌ htǒotoǒnu, a sikèbò heya. Hǐnuakho, he dě he sikèbò bǎ ta̤htě a tǒhtu ta hǎkhû̌ htǒotoǒ hǒhǒ.

Phǐlǐpǐ 1:20

He ta̤sò̌yṳ ta he ta̤kè̌shuǐ mî̌ titè hî̌dě, Khrî̌stu a lo̤mo̤ pěnu, he sòwò̤ nò pě dî̌kî̌꤮ tò̤. He htûpwa̤ bǎbǎ, he si bǎbǎ, ma̤pûhǐ kò htû̌sò̌ǐ Khrî̌stu ayanudě, he sò̌yṳ ǒhtûpwa̤ lǒbe ta ta̤sò̌phlǒkhuha pwǐ he khuha pṳ̂̌꤮ taplǎnu pwǎ.

Phǐlǐpǐ 1:22

He dè ǒhtûpwa̤ sělěpo̤ hî̌dě, he ma̤ ta̤ htě abwǐasîrî ǒnu toǒ pě. Pwǎ̤ta he wû̌lǎ bǎtè tukǔtènu he sî̌ya te̤mǎ hǒtò̤.

Phǐlǐpǐ 1:23

He to wû̌lǎ bǎtè tukǔtènu he sî̌ya tò̤, apò̤ mè̤mè̤̌ heya. He sò̌yṳ bè̌kè he ta̤htûpwa̤ htǒotuhtu dě he sò̌yṳ geǒplǒ ta Khrî̌stu hǒ, htǒonumî̌ ta̤htě awǒgutṳ̌ heya hǒ.

Phǐlǐpǐ 2:21

Kòyò ahǔwa̤ lǒ̤꤮ bò toǒ numî̌ a kè̌lǎ ma̤ lǒkho pwǎpǒ̤ ta̤ htě a htûbwǐhtûsîrî asî ayanu toǒ pwǎ. A kè̌lǎ ma̤ bǎ lǒkho Ye̤shǔkhrî̌stu aya tò̤.

Kòlòtè̌ 3:4

Khrî̌stu mî̌ pwa̤ htě a ǐ sî ta̤htûpwa̤ tapwa̤ dě htû̌꤮ a hèlò̤ gesǒ pěnu, a ǒ ta a sîrîdû̌sîrîhtû pě. Bǎnu akhapěnu, sî ǒlṳhtò̌ kû̌dǒ ta a sîrîdû̌sîrîhtû htǒonu pě.

Ta̤dǔlè̌nǎ 14:13

Htodě he gana̤de ta̤po̤htò̌ mǒkhû̌ dě a hî̌, “Khwè̌mǎkè htǒonu, tèhtò̌ khònò̤tǒ̤hènu, kòyò htě a si dě Cǒmara a ta̤phî̌ta̤ma̤ akû toǒnu, a glè nî̤bǎ ta̤howi̤.” Běcǎ sǎcahtǐ hî̌, “A mè̤mè̤̌. Ma̤tè̤hî̌dě asî glè ǒkǔkè lǒkho dě a ta̤phî̌ta̤ma̤ toǒ akû ta a ta̤jîta̤jû toǒ akû hǒ. Htohǒtò̤ asî ta̤phî̌ta̤ma̤ htě abwǐasîrî ǒ toǒnu, a gûkû̌ asîkò pě.”