Phǐlǐpǐ 1:20 - Kawyaw RC

²⁰ He ta̤sò̌yṳ ta he ta̤kè̌shuǐ mî̌ titè hî̌dě, Khrî̌stu a lo̤mo̤ pěnu, he sòwò̤ nò pě dî̌kî̌꤮ tò̤. He htûpwa̤ bǎbǎ, he si bǎbǎ, ma̤pûhǐ kò htû̌sò̌ǐ Khrî̌stu ayanudě, he sò̌yṳ ǒhtûpwa̤ lǒbe ta ta̤sò̌phlǒkhuha pwǐ he khuha pṳ̂̌꤮ taplǎnu pwǎ.

Kawyaw New Testament

²⁰ He ta̤sǎyṳ kû̌ he ta̤kè̌shuǐ mî̌titè hî̌dě, dǒ Khrǐ a lô̤mô̤̌ pěnu, he sòwò̤̌ pe nô̌ tîkî̌ tô̤̌. He htûpwa̤ bǎbǎ, he si bǎbǎ, pô̤̌khô kòyò glè̌ htû̌sò̌htò̌ǐ Khrǐ ayanudě, he sǎyṳ ô̌htûpwa̤ lǒbe kû̌ ta̤sǎphlǒkhuhe pô̤̌ he khuheǐ pṳ̂̌ taplǎ nupwǎ.

Phǐlǐpǐ 1:20 Iomraidhean Croise

Htû̌sò̌htò̌ 119:116

Pwǐ nata̤olò̤ ǒnu, ǐ he ta̤khû̌ta̤ǎ pě꤮ mî̌ he glè ǒhtûpwa̤. Heta̤kè̌shuǐ htǒo akhû̌akhî, nohtûhtò̌ pûma̤ ta̤sòwò̤ ta heya ma̤.

Htû̌sò̌htò̌ 119:80

Ma̤pûhǐ he lû̌kè ta ta̤sòwò̤ ayanu, he gana̤de te̤mǎbòtû̌ nata̤hî̌bǎlò̤yo̤ pě nî̌.

Htû̌sò̌htò̌ 25:2

Hecǒmaradû̌, he nǎla̤ǐ pǒ̤꤮ pwǎ na. Nohtûhtò̌ pûma̤ ta̤sòwò̤ ta heya ma̤. Nosò̌le̤sò̌lò̤ ma̤pè̤kè pûma̤ he ta pwa̤sò̌khě he toǒ ma̤.

Htû̌sò̌htò̌ 62:5

He sò̌phlǒhtû ǒpo̤ kè̌shuǐ tû̌꤮ pwǎ Cǒmaradû̌ aǒ. Heta̤kè̌shuǐ ǒ dě nû̌ûǒ hè.

Jowǎ̤ni̤ 21:19

Běcǎ Ye̤shǔ hî̌ nû̌û htǒo numî̌, a sò̌le̤ pwe̤ǐlṳ nû̌û ta Petru si hî̌tè pě dě Cǒmara ata̤sîrîdû̌sîrîhtû ǒlṳhtò̌ hî̌tè pě ayanu pwǎ. Htodě Běcǎ Ye̤shǔ hî̌ yǎ, “Gû hekò.”

Pwa̤nophû̌ 20:24

Pwǎ̤tadě ma̤pûhǐ he ma̤htokè ta̤ma̤ htě Běcǎ Ye̤shǔ ǐlò̤ hehtǒo ayanu, he sò̌le̤ǐpe he sò̌phlǒ htûpwa̤ htǒonu tò̤ hǒ. Ta̤ma̤ htě a noma̤ he htǒotoǒ numî̌ mî̌pwǎ he bǎ khò hesò̌ ta Cǒmara abwǐasîrî a ta̤sò̌le̤sò̌lò̤ awi̤akè̌ htǒonu hǒ.

Pwa̤nophû̌ 21:13

Pwǎ̤tadě Pò̌lu hî̌shǔ pa, “Sîhǎsîwo dě sî ma̤ sǎpla̤sǎyṳ he ma̤tè? He ma̤wǒnǎ pwǎpǒ̤ hena̤ ta kò gupṳ̂guco he bǎ Ye̤rǔshèlèwî̤ htǒonu pě mè̤tò̤, he ma̤wǒnǎpo̤ ta he glè si Běcǎ Ye̤shǔ aya.”

Pwa̤nophû̌ 4:31

Bǎ asî kwisabahto akhanu, gûla̤ bǎ asî la̤ǒplǒhtu nû̌ûnu tò̤glò a guyṳpè̤tè̤htò̌ dě asî lǒbebò ta Běcǎ sǎcahtǐ pṳ̂̌꤮ tapwa̤ dě asî pṳ̂̌꤮ tapwa̤ dǒhtû̌ǐ khuha lǒkho kò ta Cǒmara awi̤akè̌.

Rṳ̂̌me̤ 12:1

Hǐnudě, pṳwè̤ sî꤮, Cǒmara a ta̤gwèbǎǐ panu, adû̌ayǒ tûlû̌shû̌ ta paya akhû̌akhî, he kwigwèbǎǐ sî ta sî glè ǐlò̤ sî na̤saklû htǒo dě Cǒmara a ǒ pwǐ ta̤lṳ htě a htûpwa̤, pwǐ ta̤lṳ htě a cahtǐ ta pwǐ ta̤lṳ htě ato nû̌ûsò̌phlǒ a ta̤sò̌yṳnu nî̌꤮. Sî to sabahtò̌ Cǒmara pwǐhè̌onumî̌ klè̌ htě atoabǎ tabo hǒ.

Rṳ̂̌me̤ 5:5

Bǎ pa kè̌shuǐ ta Cǒmara ma̤ bǎ pa akhanu, pa sò̌phlǒpî̌ tò̤, ma̤tè̤hî̌dě, bǎ Cǒmara ǐlò̤ pa Běcǎ sǎcahtǐ akhanu, a glolò̤ lò̌lò̤ bǎ pa a ta̤mo̤ǐ dě pa sò̌phlǒkû hǒ.

Rṳ̂̌me̤ 6:13

Ǐ pûma̤ sî na̤klû aphwǐaphrû̌ htǒonu ta ta̤phû̌mò̤shî̌hto glè noǎ nû̌û ta a ta̤wè̌ta̤htò la̤ma̤ ta̤sǔ toǒ ayanu ma̤ nî̌꤮. Cǒmara ǐ na ta̤ǒhtûpwa̤ asa akhû̌akhî, ǐ lǒkho sî na̤klû htǒonu dě a ǒnu. Ǐlò̤bò sî na̤klû aphwǐaphrû̌ htǒotoǒ dě Cǒmara a ǒnu, pwǐ sî noǎ ta̤wè̌ta̤htònu, noǎ lǒkho sî na̤klû aphwǐaphrû̌ htǒonu ta sî la̤ma̤ ta̤cǒta̤tè̤ aya nî̌꤮.

Rṳ̂̌me̤ 6:19

He hî̌bǎ bǎ sî ta lṳmṳhǎlṳmṳlî a ta̤hî̌bǎ toǒ, ma̤tè̤hî̌dě sî mî̌ kòyòhǎkhû̌phû̌, sî sî̌yaphloyû kû̌kò Cǒmara a tatoǒ tò̤ akhû̌akhî, he hî̌bǎpwǎ bǎ sî hǐnu. Dě nukha mî̌ sî nohtû sî na̤klû aphwǐaphrû̌ htǒotoǒ ta sîběcǎ htě a phû̌mò̤shî̌htonu toǒ ajû, sî noma̤ asî ta ta̤putupatǎ phû̌mò̤shî̌hto toǒ dě sî ma̤sǔma̤plěbò Cǒmara a ta̤sû̌ta̤tòwò pṳ̂̌tacǎ. Hǐnudě khònò̤htǒo sî na̤klû aphwǐaphrû̌ htǒotoǒnu nohtûlè̌ yǎta Běcǎ htě awǒ htǒotapwa̤ ajûnu nî̌꤮. Ma̤pûhǐ sî bǎ htûhtò̌ kòyòcahtǐ ayanudě, nohtûhtò̌ mò̌ sî na̤klû aphwǐaphrû̌ htǒotoǒ ta ta̤cǒta̤tè̤ ajû htǒonu nî̌꤮.

Rṳ̂̌me̤ 8:19

Cǒmara bǒlò̤ lǒ̤꤮ bò sǒmî̌wû̌, ta̤phû̌ta̤li̤ ta kòyò pṳ̂̌꤮ tapwa̤ htǒonu, a sò̌phlǒ ǒyṳ̂ kè̌shuǐshû̌ na̤cè̌ ta Cǒmara dǔlṳhtò̌ a phû̌mǔphû̌khû toǒ pě.

Rṳ̂̌me̤ 9:33

Pwǐ lî̤cahtǐkû hî̌ Mè̤shǐa awi̤akè̌ ta, “Kè̌ lǒkho, he bè̌lò̤ lo̤ tama dě Sǐowî̤kû pě, dě kò htò̌tukhu yǎ pě, dě a ma̤lòkhǔpo̤ kò pě. Pwǎ̤tadě kòyò htě a yṳǎ nû̌û toǒnu, a to̤ dě ta̤sò̌phlǒpî̌ agûla̤ dǐkhò̌꤮ tò̤.”

Kôritu awǐlǒ tôbǎ 15:31

He sû̌kho sî꤮, he kè̌shǐbǎ ta ta̤si pṳ̂̌꤮ ti̤ni̤. Dě sî yṳǎ Běcǎ Ye̤shǔkhrî̌stu akhû̌akhî, sî ma̤sò̌le̤sò̌lò̤ mè̤mè̤̌ he numî̌ Cǒmara sî̌ya pwǎ. Htohǒtò̤, he khòbǎ mè̤mè̤̌ ta̤jîta̤jû numî̌ Cǒmara sî̌ya pwǎ.

Kôritu awǐlǒ tôbǎ 7:34

Hǐnuakho, kòyò htě ama ǒ tapwa̤nu, asò̌phlǒ ǒ ginǐ̤kho. Mamǔ htě awṳ̂ ǒnǒ dǐkhò̌꤮ tò̤ tapwa̤, mè̤tò̤dě mamǔǒkhwè̌ tapwa̤nu, a bè̌cahtǐ a ta̤gènè̤ toǒ ta Běcǎ a ta̤phî̌ta̤ma̤ toǒ aya. Ma̤tè̤hî̌dě a sò̌yṳ ǐlò̤bò ana̤klû ta asò̌phlǒ ginǐ̤cǎbò ta Cǒmara aya. Pwǎ̤ta mamǔ htě awṳ̂ ǒ tapwa̤nu, a bǎgubǎgè ta hǎkhû̌akhû̌ a ta̤phî̌ta̤ma̤ toǒ. Ma̤tè̤hî̌dě a sò̌yṳ gû ma̤to awṳ̂ sò̌phlǒ.

Kôritu ginǐ̤bǎ tôbǎ 10:8

Ta̤shû̌ta̤sho htě Běcǎ ǐ he htǒonu, alò̤ta he hî̌bǎ htû̌sò̌ǐshû̌ hena̤ tîkî̌ ya? Pwǎ̤tadě he sòwò̤ nǒtò̤. Ta̤shû̌ta̤sho htǒonu, a glè ma̤ dû̌htò̌htûhtò̌pwǎ sî aya, a ma̤pî̌ma̤lṳ̂ sî ayanu mè̤tò̤.

Kôritu ginǐ̤bǎ tôbǎ 3:12

Pa sî̌ya te̤mǎ ta ta̤wṳ̂dò asahtǒo a ǒměǒgle tûjûpwa̤ pě akhû̌akhî, pa dǒhtû̌ǐ bǎ kò ta Cǒmara ale̤ayo̤nu pa hî̌ khuhabǔ hǒ.

Kôritu ginǐ̤bǎ tôbǎ 4:10

Pa cû̌ bǎtè꤮ tò̤glò bǎbǎ, pa bǎkhòbǎ ta̤jîta̤jû pṳ̂̌꤮ taplǎ lò̤ta pa kè̌shǐbǎ ta ta̤sinu. Pa ǒhtûpwa̤ lò̤ta Khrî̌stu htě a ǒhtûpwa̤ bǎ hǎkhû̌ akhanu hǒ. Ma̤pûhǐ kò kè̌shǐ Khrî̌stu ǒhtûpwa̤ pakû dě a ma̤jè pa pṳ̂̌꤮ taplǎ ayanu, ta̤htǒotoǒ htûhtò̌ pwǎ.

Kôritu ginǐ̤bǎ tôbǎ 5:15

Pa htûpwa̤ htǒotoǒnu, ma̤pûhǐ pa gû ǒhtûpwa̤ sayè̤pe pûma̤ pwǐ pa sò̌phlǒ a ta̤sò̌yṳnu toǒ ma̤, ma̤pûhǐ pa gû ǒhtûpwa̤ sayè̤kû̌ pwǐ pwa̤ htě a khòsihto paya dě a htûpwa̤gehtosǒ htǒotapwa̤ ayanu, Běcǎ khòsi bǎ pa pṳ̂̌꤮ tapwa̤ aya hǒ.

Kôritu ginǐ̤bǎ tôbǎ 7:14

Bǎ Tǐtǔ cû̌ dě sî ǒ hǒtò̤nu, he htû̌sò̌ǐ sî dě Tǐtǔ alo̤mo̤. Sî ma̤ mè̤mè̤̌ pwǐ he htû̌sò̌ǐ sînu hǒ. Sî ma̤sòwò̤nǒ he dǐkhò̌꤮ tò̤. Pwǐ he hî̌bǎcǒhî̌bǎtè̤ sî pṳ̂̌꤮ taplǎnu, pa hî̌ Tǐtǔ ta sîwi̤sîkè̌ numî̌ pa hî̌bǎcǒhî̌bǎtè̤ pwǎpwǎ.

Kôritu ginǐ̤bǎ tôbǎ 7:4

He yṳǎ te̤mǎ mè̤mè̤̌ sî dě he htû̌sò̌ǐ mè̤mè̤̌ sî pṳ̂̌꤮ taplǎ nî. Hǐnu akhû̌akhî, pa kè̌shǐbǎ plṳ̂ mè̤mè̤̌ ta ta̤pò̤ta̤sha pwǎ̤ta pa sò̌le̤sò̌lò̤ pwǎ, htohǒtò̤ pa sò̌phlǒmo̤ pwǎ.

Phǐlǐpǐ 1:14

Kò dǒlò̤te̤ he dě apo̤kû akhû̌akhî, pṳwè̤ Khrî̌stuphû̌ saprṳ̂ a ta̤yṳǎ Běcǎ htǒonu, a shû̌htò̌shohtò̌ to̤ lǒkho dě a dǒhtû̌ǐkhu hè bǎ kò ta Cǒmara ale̤ayo̤, dě asî ǐshape lǒkho dǐcǎ꤮ tò̤.

Phǐlǐpǐ 2:17

He dǒhtû̌ǐ ta̤sò̌le̤sò̌lò̤ awi̤akè̌ akhû̌akhî, kǎlè̌mî̌ he si pě ya. Bǎ sî yṳǎ ta̤sò̌le̤sò̌lò̤ awi̤akè̌ akhanu, sî ǐlò̤ sî ta̤htûpwa̤ dě Cǒmara a ǒ sǒsǒta pwa̤lṳhtò̌ta̤ lṳhtò̌ ta̤phû̌ta̤li̤ dě Cǒmara ǒnu hǒ. Kò dè ma̤si he hî̌dě, hesǐ glè sǐlò̤ sǒsǒta pwa̤lṳhtò̌ta̤ tapwa̤ lò̌lò̤ sî̌yo̤ dě hǎkhû̌ dě asǒsǒta kò lṳhtò̌ ta̤lṳta̤tò̌nu. A dè htûhtò̌ hǐnu hî̌dě he sò̌le̤sò̌lò̤, sò̌le̤ kû̌bò ta sî pṳ̂̌꤮ tapwa̤ pě.

Kòlòtè̌ 1:24

Ma̤pûhǐ sî nî̤bwǐnî̤sîrî ayanu, khònò̤htǒo he khòbǎta̤ ta sîya hǐnumî̌ he sò̌le̤sò̌lò̤ pwǎ. Pwǐ Khrî̌stu khò bǎ kòyò htě a yṳǎ nû̌û dě asǒsǒta ana̤klû toǒnu, he sò̌phlosho dě he na̤klûphěyî̌ htǒo khòbǎdǒbò kòyò lǒ̤꤮ bò htě a yṳǎ nû̌ûnu toǒ ayaya.

Tîsalònǐ awǐlǒ tôbǎ 5:23

Cǒmara htě a ǐ sana̤ pa ta̤gûjûkabǎ htǒotapwa̤ ma̤wî̤ma̤cahtǐ lǒbehtò̌ tû̌ta sî nî̌꤮. Htohǒtò̤ htû̌꤮ pa Běcǎ Ye̤shǔkhrî̌stu hèsǒ pěnu, ma̤pûhǐ kò bè̌jòpe pû sî ta̤sǔ tò̤nu, Cǒmara kè̌ǐkhwè̌ǐpo̤bò sî na̤klû ta sîsò̌ ta sî ta̤ǒhtûpwa̤ pě nî̌꤮.

Petru awǐlǒ tabǎ 4:16

Pwǎ̤tadě sî htû Khrî̌stuphû̌ akhû̌akhî, sî khòbǎ ta̤jîta̤jû hî̌nu, sòwò̤ lǒkho pûma̤ nî̌꤮. Kò kaǎ sî ta Khrî̌stu ami̤ hǒ akhû̌akhî, tûrû̌ htû̌sò̌ǐ lǒkho Cǒmara nî̌꤮.

Yṳ̂ha awǐlǒ tôbǎ 2:28

Dě khònò̤htǒo hephû̌heli̤ sî꤮, htû̌꤮ Běcǎ Khrî̌stu hè gesǒ amṳni̤ pě ti̤ni̤nu, ma̤pûhǐ sî ǐsha ǒhǔpû tò̤, htohǒtò̤ ma̤pûhǐ sî sòwò̤pû tò̤nu, ǒměǒgle lǒkho dě Khrî̌stu akû nî̌꤮.