Phǐlǐpǐ 1:17 - Kawyaw RC

¹⁷ Kòyò sò̌khě henu toǒ mî̌ a dǒhtû̌ǐ lǒkho Khrî̌stu awi̤akè̌ ta ta̤sò̌phlǒcǒ sò̌phlǒtè̤ tò̤. Asînu toǒ mî̌ a sò̌khě lǒkho pwǎ he. He ǒ dě apo̤kû akhû̌akhî, asî ma̤ htǒonumî̌ a sò̌yṳ nokhòbǎ jîkhlopo̤pwǎ he ta̤pò̤ta̤sha.

Kawyaw New Testament

¹⁷ Kòyò sǎkhwè̌ he nutokhlǒ mî̌ a shôbǐǐlṳ̌ lô̌khô Khrǐ awe̤akè kû̌ sǎphlǒcǒ sǎphlǒtè̤ tô̤̌. Asî nutokhlǒ mî̌ a sǎyṳ tǎ̤ lô̌khô he pwǎ. He ô̌ dǒ apô̤kû akhû̌akhî, asî ma̤ pô̤̌numî̌ a sǎyṳ nokhòbǎ jî̌khlo pô̤̌ he ta̤pò̤̌ta̤sha pwǎ.

Phǐlǐpǐ 1:17 Iomraidhean Croise

Lǔka 21:14

Bè̌gubè̌gènǎ wǐpû sî sò̌phlǒ ta sî hî̌bǎlû̌htò̌ tû̌ sîna̤ hî̌tè pěnu ma̤ nî̌꤮.

Pwa̤nophû̌ 22:1

Dě Pò̌lu hî̌ bǎ asî, “Pṳwè̤ mo̤pha toǒ, gana̤de lǒkho he ta̤hî̌bǎma̤kwaǐ hena̤ dě sî lo̤mo̤ htǒo.”

Pwa̤nophû̌ 26:1

Khwǐdû̌akhrǐpa hî̌ Pò̌lu, “Na dè sò̌le̤hî̌bǎ mî̌ anî̤ pwǎ.” Dě Pò̌lu yṳ̂htò̌ acǔde dě a hî̌bǎlû̌htò̌ tû̌ ana̤ pwǐhè̌o:

Pwa̤nophû̌ 26:24

Bǎ Pò̌lu hî̌bǎlû̌htò̌ ana̤ pwǐhè̌o akhanu, Khwǐdû̌phesatǔ jipwi̤ yi̤kǒhtò̌ nû̌û, “Pò̌lu꤮, na kicǐ pwǎ. Na ta̤sî̌khû̌sî̌ya htě adû̌ayǒ toǒ ma̤kicǐbò na hǒ.”

Rṳ̂̌me̤ 2:8

Pwǎ̤tadě kòyò htě a mo̤ǐlò̤ tû̌ ana̤ toǒ, ta a wîkè ta̤te̤ta̤mǎ, dě a gûma̤kû̌ ta̤phû̌mò̤shî̌hto toǒnu, Cǒmara sò̌phlǒdû̌ asî pě dě a bǎ cèrò asî pě.

Phǐlǐpǐ 1:18

Kòyò toǒǒnu, a glè dǒhtû̌ǐ kò ta a ta̤bè̌sû̌bè̌sǎ htě asǔ bǎbǎ, toǒǒdě a glè dǒhtû̌ǐ bǎ kò ta a ta̤bè̌sû̌bè̌sǎ htě ato bǎbǎ, a ma̤ lǒkho bǎtè tacǎ bǎbǎ, a la̤hî̌nǒ dǐcǎ꤮ tò̤. Ta̤ htě a lo̤bǎdû̌khlo tacǎ mî̌ asî dǒhtû̌ǐ bǎ kò ta Khrî̌stu awi̤akè̌ htǒonuhǒ. Kòyò ginǐ̤gumṳbò a dǒhtû̌ǐ lǒkho Khrî̌stu awi̤akè̌ akhû̌akhî, he sò̌le̤sò̌lò̤ pwǎ. He sò̌le̤sò̌lò̤ sělěpo̤nò pwǎ pě,

Phǐlǐpǐ 1:7

He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Phǐlǐpǐ 2:3

Bǎ sî ma̤ta̤ akhanu, kè̌dû̌tû̌ pûma̤ sî tapwa̤ aya ma̤ nî̌꤮, phî̌dû̌phî̌htû pûma̤ sîna̤ ma̤, mî̌ta shò̌lò̤ lǒkho sî sò̌phlǒ dě tapwa̤ ta tapwa̤ ala̤ nî̌꤮, dě gènè̤dû̌khlo kòhǔwa̤ ta sîna̤ nî̌꤮.

Tîmôte awǐlǒ tôbǎ 2:7

Dě ta̤wi̤ta̤kè̌ htǒo aya, kò nohtû he pwǐ pwa̤dǒhtû̌ǐta̤ tapwa̤ ta pwa̤nophû̌ tapwa̤ ta sara htě a glè sû̌ǐbǎ Yṳ̌daphû̌ mè̤tò̤ toǒ ta ta̤yṳta̤nǎ ta ta̤cǒta̤tè̤ htǒo awi̤akè̌ tapwa̤ hǒ. He hî̌ lòhǎlòho nǒtò̤. He hî̌cǒtè̤ pwǎ.

Tîmôte ginǐ̤bǎ tôbǎ 2:9

He dǒhtû̌ǐ bǎ kò ta̤sò̌le̤sò̌lò̤ awi̤akè̌ akhû̌akhî, he khòbǎ ta̤jîta̤jû dě kò coklomě he ta sǒpli̤te̤htò̌ asǒsǒta kòyò ma̤sǔ ta̤sû̌ta̤tòwò tapwa̤. Pwǎ̤ta Cǒmara ale̤ayo̤nu kò coklomějò nǒ yǎtò̤.

Tîmôte ginǐ̤bǎ tôbǎ 4:16

Bǎ he hî̌bǎ ma̤kwaǐ hena̤ ta kò cèrò wǐgutṳ̌ he taplǎ akhanu, kò ǒkû̌ he kòshî̌ dǐpwǎ̤꤮ tò̤. Kò khlè̌ tephekèbò hela̤. Kǒ꤮ Cǒmara, bè̌ pû ta̤sǔ dě asî alo̤ dǐpwǎ̤ ma̤ nî̌꤮.