Phǐlǐpǐ 1:12 - Kawyaw RC

¹² He pṳwè̤ sî, ta̤ma̤htûhtò̌ ana̤ ta he htǒotoǒ lǒ̤꤮ bò numî̌ a ma̤jèpwǎ ta̤sò̌le̤sò̌lò̤ awi̤akè̌ glè dû̌htò̌ htûhtò̌ ayapwǎ numî̌ he sò̌yṳ nosî̌yadǒ sî.

Kawyaw New Testament

¹² He pṳ̌wè̤̌ sî, lǒ̤bò ta̤ma̤htûhtò̌ anǎ̤ kû̌ he tokhlǒ numî̌ amè̤̌pwǎ a ma̤jè̌ bǎ ta̤sǎlě̤we̤kè gǔ dû̌htò̌ htûhtò̌ ayapwǎ numî̌ he sǎyṳ nosî̌ganǎ̤ sî.

Phǐlǐpǐ 1:12 Iomraidhean Croise

Htû̌sò̌htò̌ 76:10

Na sò̌phlǒdû̌ kòyòhǎkhû̌phû̌ htǒotoǒnu, a tǐ̤꤮ ma̤htûhtò̌ wǒpo̤ bǎ kò la̤htû̌sò̌ǐ. Kòyò htě a ǒhtûpwa̤ lû̌kè dě ta̤shěta̤pe̤ akûnu toǒ subusabahtò̌ na dě napwèdû̌pwèhtû pě.

Lǔka 21:13

Htǒomî̌ mè̤hǒ sî glè nî̤bǎ ashuakhwè dě sî glè pwe̤ǐ bǎ kò ta hewi̤hekè̌nu hǒ.

Pwa̤nophû̌ 8:4

Pwa̤yṳǎphû̌ htě a khlè̌cû̌pushǔpîshîkèbò nû̌û toǒnu, a cû̌to̤bò gûla̤ pṳ̂̌꤮ tò̤glò dě a cû̌shido dǒhtû̌ǐ bǎ kò ta Ye̤shǔ ata̤sò̌le̤sò̌lò̤ awi̤akè̌ htǒotoǒ.

Rṳ̂̌me̤ 8:28

Kòyò htě a mo̤ǐ Cǒmara, dě Cǒmara kaǎ nû̌û ta a ta̤yè̤lò̤nǎ aya toǒnu, ta̤ma̤htûhtò̌ ana̤ ta asî hî̌tètè̌ bǎbǎnu, Cǒmara ma̤bǎ asîya ta̤wǒ numî̌, pa sî̌ya pwǎ.

Rṳ̂̌me̤ 8:37

Ta̤ lǒ̤꤮ bò htǒotoǒ htûhtò̌ pwǎ̤tadě Khrî̌stu htě a mo̤ǐ pa htǒotapwa̤ akhû̌akhî, pa ma̤pè̤ bòmṳ̂sîglîbò ta̤htǒotoǒ pě.

Phǐlǐpǐ 1:5

Ma̤tè̤hî̌dě, he ma̤ ta̤sò̌le̤sò̌lò̤ awi̤akè̌ htǒonu, sî ma̤kû̌dǒ ta he dě khû̌lû̌kha tǒ̤lò̤khònò̤ hǒ.

Phǐlǐpǐ 1:7

He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Phǐlǐpǐ 2:22

Sî sî̌yatû̌ hǒ, Timò̤̌te mî̌ kòyò le̤dû̌pwî̤htû tapwa̤. A ma̤kû̌ ta̤ ta he dě ta̤sò̌le̤sò̌lò̤ awi̤akè̌ glè dû̌htò̌htûhtò̌ aya htǒonumî̌ asǒsǒta phû̌ ta phanu hǒ.

Phǐlǐpǐ 4:15

Phǐlǐpiawî̤phû̌ sî꤮. Bǎ he cû̌ dǒhtû̌ǐ sî ta̤sò̌le̤sò̌lò̤ awi̤akè̌ dě he hǎhtò̌cû̌kè Makedò̌nia gakû akhanu, pwa̤ htě a ma̤jè he ta wû numî̌ tǒ̤pwǎ sî pwa̤yṳǎta̤ aprṳ̂aho htǒotṳmṳ pwǎ numî̌ sî sî̌ya te̤mǎbòtû̌ hǒ.

Phǐlǐpǐ 4:3

Na mî̌ kòyò htě a ma̤plǒta̤ ta he dě acǒtè̤ ta ayo̤ tapwa̤ hǒ. Dě he sò̌yṳ kwi na ta̤ma̤jè tacǎ, ma̤pûhǐ mamǔhtǒo sò̌gini̤ mo̤klaǐ kè̌khînû̌û ayanu, ma̤jè pû asî nî̌꤮. Ma̤tè̤hî̌dě asî htǒosò̌gini̤ numî̌ a jipwi̤ htǒkhû̌htǒǎ ma̤htukû̌ ta̤wi̤lò̤ ta̤sò̌le̤sò̌lò̤ awi̤akè̌ ata̤ma̤ ta he nî. Asî ma̤htukû̌ ta Kleme ta hekho dě pa ma̤plǒnû̌û ta̤ ahǔwa̤nu toǒ, dě asî lǒ̤꤮ bònu toǒ ami̤ mî̌ a ǒbò dě Běcǎ a lî̤htûpwa̤ akûnu hǒ.

Tîmôte awǐlǒ tôbǎ 2:8

Hǐnu akhû̌akhî, gûla̤ pṳ̂̌꤮ tò̤glònu he sò̌yṳ ta makhû lǒ̤꤮ bò toǒ glè yṳ̂htò̌ acǔde cahtǐ dě kwisabata̤. Dě a ta̤kwisaba akûnu, ta̤to̤klî̌, ta̤sò̌phlǒdû̌ toǒnu a tobǎ ǒ tò̤.

Tîmôte ginǐ̤bǎ tôbǎ 2:9

He dǒhtû̌ǐ bǎ kò ta̤sò̌le̤sò̌lò̤ awi̤akè̌ akhû̌akhî, he khòbǎ ta̤jîta̤jû dě kò coklomě he ta sǒpli̤te̤htò̌ asǒsǒta kòyò ma̤sǔ ta̤sû̌ta̤tòwò tapwa̤. Pwǎ̤ta Cǒmara ale̤ayo̤nu kò coklomějò nǒ yǎtò̤.

Tîmôte ginǐ̤bǎ tôbǎ 4:17

Pwǎ̤ta ma̤pûhǐ Yṳ̌daphû̌ mè̤tò̤ toǒ gana̤debǎ dǒ ta̤sò̌le̤sò̌lò̤ awi̤akè̌ ayanudě, Běcǎ ǒkû̌ ta he dě a ǐ hekhû̌heǎ dě he pwe̤ǐlṳ lǒbehto bǎ asî hǒ. Hǐnudě he lû̌htò̌kè htǒonumî̌ a sǒsǒta he lû̌htò̌kè dě Sî̌ò̌mo̤pha gokû.