Phǐlǐpǐ 1:11 - Kawyaw RC

¹¹ Htohǒtò̤ he kwisaba sîya dě Ye̤shǔkhrî̌stu a ta̤po̤ta̤phǎ khû̌khî, sî glè sǎhtò̌ tṳtṳ lǒkho ta̤cǒta̤tè̤ asǎ toǒ. Ma̤tè̤hî̌dě bǎ kò kè̌shǐ sî sǎhtò̌ ta̤te̤ta̤mǎ asǎ htǒotoǒ akhanu, kò bè̌dubè̌na̤ Cǒmara, dě kò htû̌sò̌ǐ yǎ pě.

Kawyaw New Testament

¹¹ Htokhôtô̤̌ he kwicaba bǎ sîya kû̌, dǒ Yeshǔkhrǐ a ta̤pô̤ta̤phǎ khû̌khîdě, sî gǔ sǎhtò̌ tutṳ̌ lô̌khô ta̤tě̤ta̤mè̤̌ asǎ tokhlǒ. Ma̤titèhî̌dě bǎ kòyò kè̌shǐ sî sǎhtò̌ ta̤tě̤ta̤mè̤̌ asǎ nutokhlǒ akhanu, kòyò bè̌dubè̌nǎ̤ Cǒmara, dě kòyò gǔ htû̌sò̌htò̌ǐ yǎ pě.

Phǐlǐpǐ 1:11 Iomraidhean Croise

Htû̌sò̌htò̌ 1:3

Kòyò hǐnutoǒ mî̌ alò̤ta kò shǒǐ sǒmṳ dě shiklohtu, asǎ toshutokha. Alǎ lòsu kû̌kò dǐkhò̌꤮ tò̤. A ma̤ titètè̌꤮ mî̌ a ǎbǎǒbǎ.

Matěo 5:16

Hǐnudě, ma̤pûhǐ kò htû̌sò̌ǐ papha ǒ mǒkhû̌ htǒotapwa̤ ayanu, nolîrakha htò̌lṳ sî ta̤ma̤wǒnu toǒ dě kò pṳ̂̌꤮ tapwa̤ alo̤mo̤nu.”

Jowǎ̤ni̤ 15:16

Sî wû̌lǎhtò̌ he mè̤tò̤. He wû̌lǎhtò̌ sî, he bè̌htò̌ sî dě sî glè hǎhtò̌cû̌ lǒkho ta cû̌ sǎhtò̌phohtò̌ plṳ̂ lǒkho. He bè̌htò̌ sî ta sî glè sǎměhtuto̤ lǒkho dě agutṳ. Sî dè ma̤hǐnu hî̌mî̌ sî kwi titètè̌ bǎbǎ, sî dè kwi ta hemi̤ hî̌nu, pha ǐ sî pě.

Jowǎ̤ni̤ 15:2

Sobîphò htě a tucu ta he dě asǎapho htò̌tò̤ toǒnu, a pe̤kèbò nû̌ûpě. Aphò htě asǎaphohtò̌ toǒnu bǎbǎ, ma̤pûhǐ a bǎ sǎhtò̌ dû̌htò̌po̤ ayanu, a khlělîbòlè̌ nû̌ûphò toǒ.

Jowǎ̤ni̤ 15:8

Dě sî sǎhtò̌phohtò̌ plṳ̂ sǒsǎ htě a mî̌ ama̤ta̤wǒ htǒotoǒ akhû̌akhî, hepha asîrîdû̌sîrîhtû ǒlṳhtò̌ pě. Dě sî sǎhtò̌plṳ̂ hǐnu akhû̌akhî, sî dǔlṳ ta sî htû he khophijaû̌ toǒ hǒ.

Rṳ̂̌me̤ 15:28

Hǐnudě htû̌꤮ he ǐkèhto wû dě asî cǔdekû pěnu, htodě htû̌꤮ he sî̌ya te̤mǎ ta asî nî̤bǎhto wû pě akhanu, he hǎhtò̌cû̌ dě Sapega pě, dě he nṳǒlè kû̌nǎ sî bǎnu pě.

Rṳ̂̌me̤ 6:22

Pò̤̌ta khònò̤htǒo Cǒmara bòphlǔ plûhǎhtò̌cû̌kè sî ta ta̤ma̤sǔphû̌ ajû hǒ. Dě sî htû Cǒmara jû asa toǒ hǒ. Dě sî htû hǐnu akhû̌akhî, a nî̤bwǐnî̤sîrî ta sîya mî̌ mè̤hǒ a sûcû̌ sî dě ta̤ǒhtûpwa̤ cahtǐ a klè̌dakû htǒonu hǒ. Dě pa ta̤htûpwa̤ cahtǐ akhû̌akhî, a nî̤bwǐnî̤sîrî ta sîya mî̌ sî nî̤bǎ yolahtûpwa̤ tûjûpwa̤ htǒonu.

Kôritu awǐlǒ tôbǎ 10:31

Hǐnudě, he pwe̤ǐphlo bǎ asî ta, sî ma̤ titètè̌꤮ bǎbǎ, sîǎsîo titètè̌꤮ bǎbǎ, ma̤pû kò htû̌sò̌ǐ lǒkho Cǒmara ayanu.

Kôritu ginǐ̤bǎ tôbǎ 9:10

Ma̤tè̤hî̌dě pwa̤ htě a ǐlò̤ pwa̤ma̤ǎhǔklaphû̌ toǒ ta̤khlita̤lè dě a glè shǒǎ aya ta la̤ǎla̤o aya toǒ numî̌ Cǒmara hǒ. Hǐnudě, Cǒmara ǐbò sî ta̤khli htě sî lo̤bǎ toǒnu pě. Ta̤khli htǒonumî̌ a mè̤mè̤̌bò sî lo̤bǎ ma̤wǒ kònu toǒ hǒ. Cǒmara nosǎhtò̌phohtò̌ dû̌htò̌ ta dû̌htò̌ kû̌po̤tû̌ sî ta̤sǎta̤pho pě. Sî ta̤sǎta̤pho htǒonumî̌ lǒ̤꤮ bò ta̤wǒ htě a hè dě sî ta̤sò̌phlǒsho ǐkò htǒotoǒ a ǒnu hǒ.

Ěphěsu 1:12

Ma̤pûhǐ pa bè̌dǒ pa ta̤kè̌shuǐ dě Khrî̌stu akûnu, a ma̤bǎ pa hǐnuhǒ. Pa Yṳ̌daphû̌ toǒ mî̌ kòyò htě a kè̌shuǐ wǐtocǒ Khrî̌stu toǒhǒ. Dě pa kè̌shuǐ hǐnu akhû̌akhî, kò htû̌sò̌ǐ tû̌ta Cǒmara a ta̤sîrîdû̌sîrîhtû htǒotoǒ pě.

Ěphěsu 1:14

Běcǎ sǎcahtǐ htǒonu asǒsǒta ta̤olò̤ aměagle tacǎ htě a dǔlṳbò Cǒmara olò̤ dě a ǐ pa pě toǒnu, pa nî̤bǎ yǎpě. Htû̌꤮ Cǒmara a ta̤htè̌ge pa a ta̤phî̌ta̤ma̤ htǒo aphlǔahtobò pě akhanu, a ǐ pa û̌cata̤bî̌ pě. Hǐnudě kò htû̌sò̌ǐ tû̌ta Cǒmara a ta̤sîrîdû̌sîrîhtû htǒotoǒ pě.

Ěphěsu 2:10

Khònò̤dě pa htûhtò̌ pwǐhè̌o numî̌, Cǒmara ma̤pwǎ bǎ pa. Dě pa htûhtò̌ ta Ye̤shǔkhrî̌stu tacǎnǔ꤮ pa akhû̌akhî, Cǒmara ǐ pa ta̤ǒhtûpwa̤ asa hǒ. Ma̤pûhǐ pa ma̤ta̤wǒ ayanudě, a ǐ pa hǒ. Pa ma̤ ta̤wǒ htǒotoǒ ayanu, a tîwî̌tòwònǎ yî̤hto paya hǒ.

Ěphěsu 5:9

Ma̤tè̤hî̌dě, ta̤lî a ta̤sǎta̤pho toǒ numî̌ bò꤮ ta̤wî̤ta̤wǒ, ta̤cǒta̤tè̤ ta ta̤sò̌phlǒ cǒtè̤ htǒotoǒnu pwǎ.

Phǐlǐpǐ 4:17

He kè̌lǎ dě kò glè ǐko he sû hǐnu mè̤tò̤. Ma̤pûhǐ Cǒmara ǐ sî ta̤ma̤khû̌kǎnu dě he sò̌phlosho sò̌yṳ kè̌shǐkhlo ta̤pǎ̤꤮ htě sî glè ma̤ dû̌htò̌po̤ ta̤wǒ toǒ pwǐ sî ma̤htonu toǒ.

Kòlòtè̌ 1:10

Ma̤pûhǐ sî ǒhtûpwa̤ kû̌lè̌ ta Běcǎ htodě ma̤pûhǐ sî ma̤mo̤ yǎ sò̌phlǒ ayanu, pa kwisaba Cǒmara hǐnu. Htohǒtò̤ ma̤pûhǐ sî ma̤ta̤wǒ pṳ̂̌tacǎ, dě sî sǎhtò̌wǒ dě sî dû̌htò̌pû ta ta̤sî̌ya Cǒmara akû ayanu, pa kwisabapo̤ bǎ sîya.

Kòlòtè̌ 1:6

Ta̤sò̌le̤sò̌lò̤ awi̤akè̌ htǒo a phî̌hènṳ ta̤howi̤ dě a lṳpîshîcû̌bò hǎkhû̌tebě hǒ. A lṳpîshîcû̌ dě a phî̌hènṳ ta̤howi̤ sǒsǒta a phî̌hènṳ bǎ sî ta sî gana̤de dě sî sî̌yaphlohè ta̤te̤ta̤mǎ numî̌ Cǒmara abwǐasîrî awi̤akè̌ htǒonu hǒ.

Tîsalònǐ ginǐ̤bǎ tôbǎ 1:12

Pa kwisaba pwǐhè̌o numî̌ ma̤pûhǐ pa Běcǎ Ye̤shǔ nî̤bǎ ta̤sîrîdû̌sîrîhtû sî ǒ dě sî nî̤bǎkû̌lè̌ ta̤sîrîdû̌sîrîhtû dě a ǒ pě ayanu pwǎ. Pa Cǒmara ta pa Běcǎ Ye̤shǔkhrî̌stu abwǐasîrî akhû̌akhî, a htûhtò̌ tû̌ta pwǐhè̌o pě nî̌꤮.

Tǐtǔ 3:14

Ma̤pûhǐ pa Grete Khrî̌stuphû̌ htǒotoǒ noǎjò kû̌kò akhîakha htě a ma̤ ta̤wǒ toǒ ayanu, tobǎ sû̌ǐ bǎ asî htodě ma̤pûhǐ a ma̤jèbò̌ kòyò htě a lo̤bǎ mè̤mè̤̌nu toǒ, htohǒtò̤ ma̤pûhǐ asî ǒhtûpwa̤ nòdû̌ pûma̤ ta ta̤ htě abwǐasîrî ǒtò̤nu toǒ aya ma̤nu, tobǎ sû̌ǐ asîsî.

Hebrǔ 12:11

Bǎ Cǒmara sǎhtǎ sû̌ǐ wǒge pa akhanu, alò̤ta sǎpla̤sǎyṳnu, alò̤ta ta̤sò̌le̤sò̌lò̤ ǒ dǐcǎ꤮ tò̤. Pwǎ̤tadě kòyò htě a khòbǎnǒ kò sǎhtǎ sû̌ǐtòwòǐ wǒge nû̌û htǒotoǒnu, nǒkòpě dě a nî̤bǎlè̌ khû̌kǎ pěnumî̌ mî̌pwǎ ta̤ǒhtûpwa̤ acǒatè̤ dě a nî̤bǎ sò̌phlǒ gûjûkabǎ pě.

Petru awǐlǒ tabǎ 2:12

Bǎ sî ǒhtûpwa̤ dě khlilèhǔwa̤phû̌ htě a yṳǎ kû̌kò Cǒmara tò̤ htǒotoǒ akla, a bè̌ sî ta̤sǔ ta sî mî̌ kòyò htě a ma̤ ta̤phû̌mò̤shî̌hto akhanu, ǒhtûpwa̤ sarawǒ lǒkho sîna̤ nî̌꤮. Asî kè̌shǐ sî ta̤ma̤wǒ toǒ pě dě htû̌꤮ Cǒmara hèlò̤ amṳni̤ pě ti̤ni̤nu, a bè̌dubè̌na̤ nû̌û pě.

Petru awǐlǒ tabǎ 2:5

Sî htǒotoǒnu asǒsǒta lo̤htûpwa̤ toǒ hǒ. Cǒmara noǎ lo̤ htě a mî̌ sîhtǒo dě a glè ma̤htò̌ hǐ sû̌sò̌cahtǐ tama. Sî ma̤ta̤ dě hǐkû htǒonu asǒsǒta pwa̤lṳhtò̌ta̤ cahtǐ toǒnu pě. Htohǒtò̤ sî lṳhtò̌ ta̤lṳ dě Cǒmara a ǒ sû̌sò̌cahtǐ tokho toǒ pě. Ye̤shǔkhrî̌stu akhû̌akhî, Cǒmara phî̌shǔ sî ta̤lṳ htǒotoǒ pě.

Petru awǐlǒ tabǎ 2:9

Pwǎ̤ta sî mî̌ khlilèphû̌ tacǎ dě Cǒmara wû̌lǎ a, pwa̤lṳhtò̌ta̤ htě alò̤ta Khwǐ toǒ, khlilèphû̌ htě a cahtǐ, htohǒtò̤ Cǒmara akòyònu toǒ hǒ. Ma̤pûhǐ sî pwe̤ǐlṳ Cǒmara a ta̤ma̤wǒ khǒtû̌ toǒ ayanu, Cǒmara wû̌lǎ sî hǒ. Cǒmara kaǎhǎhtò̌kè sî ta̤khǐ akla dě a sûnṳ sî dě a ta̤lîta̤rakha mo̤ akû hǒ.

Petru awǐlǒ tabǎ 4:14

Sî dè khòbǎ ta̤pi̤jishǐcǒ dě sî gûkû̌ Khrî̌stu akò dèhî̌mò̌nu sî nî̤bǎ ta̤howi̤, ma̤tè̤hî̌dě Cǒmara a sǎcahtǐ htě asîrîdû̌sîrîhtû htǒonu, a ǒkû̌dǒ ta sî hǒ.