Phǐlǐpǐ 1:10 - Kawyaw RC

¹⁰ Ma̤pûhǐ sî sî̌yaphlo te̤mǎwǒ ta̤ htě awǒgutṳ̌ dě sî bǎ sò̌phlǒ mṳ̂plî, htohǒtò̤ to̤htû̌꤮ Khrî̌stu hè gesǒ amṳni̤ pě ti̤ni̤nu, kò glè bè̌jòpe pû ta̤sǔ dě sîlo̤ tò̤nu, he kwisabadǒ sîya.

Kawyaw New Testament

¹⁰ Pô̤̌khô sî gǔ sî̌yaphlô tě̤tě̤mè̤̌mè̤̌ wô̌ ta̤ dǒ awô̌lǒnu dě sî sǎphlǒ mṳ̂̌plîpě, htokhôtô̤̌ tǒ̤dǒ Khrǐ hè sô̌ alṳmṳ̌ni̤ pě tôni̤nu, kòyò gǔ bè̌jò pe ta̤sǔ dǒ sîlô̤ tô̤̌nu, he kwicaba bǎ sîya.

Phǐlǐpǐ 1:10 Iomraidhean Croise

Mǒhtûlû̌hǎhtûsa 20:5

Abraham sana̤ hî̌nò he ta, ‘Sharǎ mî̌ hepṳmamǔ pwǎ,’ mè̤tò̤ ya? Htohǒtò̤ Sharǎ gûhî̌ kû̌ta a mî̌ ‘Hewè̤makhû pwǎ,’ mè̤tò̤ ya? He ma̤ta̤ khònò̤htǒo hesò̌phlǒ mṳ̂plî pwǎ, he ma̤sǔnǒ ta̤ dǐcǎ꤮ tò̤.”

Matěo 16:23

Běcǎ Ye̤shǔ kè̌tîkhî Petru dě a hî̌ nû̌û, “Kǒ꤮ khînǎmo̤pha hǐkǒdû̌, hǎhtò̌cû̌ tephekè ta he, na mî̌ alò̤ta lo̤ tama htě kò htò̌tukhu dutî̤plî̤ nû̌ûnu tama pwǎ. Na ta̤gènè̤ toǒnu alò̤ta kòyòhǎkhû̌phû̌ a ta̤gènè̤nu pwǎ, alò̤ta Cǒmara a ta̤gènè̤ toǒnu mè̤tò̤.”

Matěo 26:33

Petru hî̌shǔ, “Kò glè sò̌phlǒpî̌kèbò na gûla̤ bǎbǎ, he sò̌phlǒpî̌kè lòtṳ̌nǒ na dî̌kî̌꤮ tò̤.”

Jowǎ̤ni̤ 1:47

Bǎ Ye̤shǔ kè̌shǐ Nataneělè hè dě aǒ akhanu, a hî̌ Nataneělè awi̤akè̌, “A mî̌ Israelphû̌ na̤cè̌ tapwa̤. A lòhǎlòho dǐkhò̌ tò̤.”

Jowǎ̤ni̤ 3:20

Lǒ̤꤮ bò kòyò htě a ma̤ ta̤phû̌mò̤shî̌hto toǒnu, a sò̌khě ta̤lî dě a hè ta̤lî a ǒ tò̤, ma̤tè̤hî̌dě kòyò htě a ma̤ ta̤phû̌mò̤shî̌hto toǒnu, a ǐsha ta a ta̤sǔta̤plě toǒ ǒlṳhtò̌ dě a hè tò̤.

Pwa̤nophû̌ 24:16

Ma̤pûhǐ he sò̌phlǒ a ta̤gènè̤htǒo a mṳ̂plî dě Cǒmara ta kòyòhǎkhû̌phû̌ a lo̤mo̤nu, he jipwi̤ ma̤tû̌ ta̤ awǒ pṳ̂̌꤮ taplǎ.

Rṳ̂̌me̤ 12:2

Ǒhtûpwa̤ kè̌mò̌mṳ pûma̤ pwǐ kòyò htě a sî̌ya kû̌kò Cǒmara tò̤nu toǒ ala̤klo ǒhtûpwa̤nu ma̤ nî̌꤮. Ma̤pûhǐ sî ǒhtûpwa̤ khǒtû̌ ta asînu dě, nohtû̌lè̌ tèplè̌sa khǒkè sî ta̤gènè̤ toǒnu ta Cǒmaranu nî̌꤮. Sî dè ma̤hǐnu mî̌ sî sî̌yahèbò̌ pwǎ ta̤ htě Cǒmara sò̌yṳ noma̤ sînu toǒ pwǎ. Hǐnudě sî sî̌yahè ta̤wǒ, ta̤ma̤mo̤ Cǒmara asò̌phlǒ, ta ta̤sî̌ya lǒbehè Cǒmara a ta̤sò̌yṳ toǒ pě.

Rṳ̂̌me̤ 12:9

Mo̤khěmo̤khǒ pûma̤ kò ma̤ nî̌꤮. Wi̤jakè ta̤phû̌mò̤shî̌hto nî̌꤮. Phǒměwǒ lǒkho ta̤wǒ nî̌꤮.

Rṳ̂̌me̤ 16:17

Pṳwè̤ sî, he sò̌le̤tûsûbǎ sîkò ta, ǒsè̌rè̌ lǒkho sîna̤ ta kòyò htě a hènṳma̤ htò̌pò̌htò̌shî ta̤nu toǒ nî̌꤮. Asî ta̤sû̌ta̤tòwò toǒnu a htû̌sǒbǎ cû̌ tephekè kòyò dě sîkla toǒǒ ta Khrî̌stu pě. Asî ta̤sû̌ǐ toǒnu a nûkhǒtû̌ ta Khrî̌stu awi̤akè̌ htě kò sû̌ǐhto sînu toǒ. Ǒtephekè ta asî nî̌꤮.

Rṳ̂̌me̤ 2:18

Cǒmara sò̌yṳ noma̤ kwè̌꤮ na mî̌titènu na sî̌ya hǒ. Kòyò sû̌ǐ na ta ta̤sû̌ta̤tòwò toǒ akhû̌akhî, na sî̌ya wû̌lǎjòbò̌ ta̤htě a tokhlo kòyò toǒ hǒ.

Rṳ̂̌me̤ 7:16

Ta̤ htě he sò̌yṳ ma̤tò̤ toǒ dě he cû̌ma̤tǒ̤ numî̌ a dǔlṳ ta ta̤sû̌ta̤tòwò htǒonu, awǒpwǎ he sò̌phlǒtokû̌ hǐnu hǒ.

Rṳ̂̌me̤ 7:22

Dě he sò̌phlǒkûnu he mo̤ǐ mè̤mè̤̌ Cǒmara a ta̤sû̌ta̤tòwò hǒ.

Rṳ̂̌me̤ 8:7

Ma̤tè̤hî̌dě, kòyò htě a gènè̤ còcè̌pwǎ na̤klûphěyî̌ a ta̤sò̌yṳ phû̌mò̤shî̌hto toǒnu, a htûhtò̌ pwa̤ htě a sò̌khě Cǒmara. Ma̤tè̤hî̌dě a jûle̤phî̌yo̤ kû̌nǒ Cǒmara a ta̤sû̌ta̤tòwò dǐkhò̌꤮ tò̤. A jû꤮ mî̌ a jûle̤phî̌yo̤ bò̌kû̌nǒ tò̤tò̤.

Kôritu awǐlǒ tôbǎ 1:8

Htû̌꤮ pa Běcǎ Ye̤shǔkhrî̌stu hè amṳni̤ pě ti̤ni̤nu, ma̤pûhǐ kò la̤bè̌ ta̤sǔ sîlo̤ ǒpe pûtò̤ ayanu, Běcǎ pṳ̂měpṳ̂gle sî to̤htû̌ a gutṳ pě.

Kôritu awǐlǒ tôbǎ 10:32

Yṳ̌daphû̌ toǒ aya bǎbǎ, Yṳ̌daphû̌ mè̤tò̤ toǒ aya bǎbǎ, Cǒmara a pwa̤yṳǎta̤ aprṳ̂aho toǒ bǎbǎ, sî ma̤ ta̤ titètè̌꤮ nu nohtûhtò̌ pûma̤ ta̤lòkhǔlòpo̤ ta asî aya ma̤.

Kôritu awǐlǒ tôbǎ 8:13

Ma̤hǐnudě, he ǎ ta̤yî̌ khû̌khî, a dǔlṳhtò̌ pṳwè̤ Khrî̌stuphû̌ tapwa̤pwa̤ a ta̤lòkhǔlòpo̤ hî̌mò̌nu, he ǎpe ta̤yî̌ dǐkhò̌꤮ tò̤. Ma̤tè̤hî̌dě he sò̌yṳ nohtûhtò̌ ta̤lòkhǔlòlo ta he pṳwè̤ Khrî̌stuphû̌ htǒotoǒ aya tò̤ akhû̌akhî, he ǎpe tò̤.

Kôritu ginǐ̤bǎ tôbǎ 1:12

Pa hî̌bǎhtò̌yî̤ bǔ payo̤ ma̤tè̤hî̌dě, pa sò̌phlǒkûhtǒo pa sî̌ya te̤mǎ ta pa ma̤sǔma̤plě, pa hî̌sǔhî̌plěnǒ kò dǐpwǎ̤꤮ tò̤, htohǒtò̤ pa bè̌ cǒtè̤pwǎ pa sò̌phlǒsǔshi dě sîkhû̌ pwǎ. Pa ma̤pwǐhè̌o numî̌ Cǒmara abwǐasîrî a ta̤po̤ta̤phǎ akhû̌akhî pwǎ, kòyòhǎkhû̌phû̌ a ta̤sî̌ta̤jò akhû̌akhînu mè̤tò̤.

Kôritu ginǐ̤bǎ tôbǎ 2:17

Kòyò ma̤ lǒkho Cǒmara ata̤ma̤ dě a sû̌ǐtòwòǐ bǎ kònu a ǒplṳ̂ pwǎ̤ta pa kè̌mò̌mṳ ma̤kû̌ pwǐ asî ma̤nu tò̤. Ma̤tè̤hî̌dě, ma̤pûhǐ asî nî̤bǎ lǒkho wû dě asî dǒhtû̌ǐpwǎ bǎ kò ta Cǒmara ale̤ayo̤. Pwǎ̤ta pa htǒotoǒnu, Cǒmara nocû̌ dǒhtû̌ǐ pa ta Khrî̌stu awi̤akè̌, pa dǒhtû̌ǐ kò htǒonu Cǒmara kè̌shǐ, pa htû kû̌ta Khrî̌stu tacǎnǔpa dě pa mî̌ pwa̤nophû̌ htě a sò̌phlǒcǒtè̤ toǒ hǒ.

Kôritu ginǐ̤bǎ tôbǎ 6:3

Pa dǒhtû̌ǐ bǎ kò ta Ye̤shǔkhrî̌stu awi̤akè̌ htǒo ma̤pûhǐ kò htè̌shǔkè pû tò̤nu dě, ta̤ma̤ htě a htûhtò̌ asî ta̤pi̤jishǐcǒ toǒnu pa ma̤ dǐcǎ꤮ tò̤.

Kôritu ginǐ̤bǎ tôbǎ 8:8

He hî̌ hǐnu dě he noshû̌ sî hǐnu mè̤tò̤. Ma̤pûhǐ sî gûkè̌mò̌mṳ kòyò ahǔwa̤toǒ sò̌phlǒsho ma̤jo kò nudě, he sò̌yṳ ǐsî̌yapwǎ sî hǐnu. He dǔlṳ sî hǐnu akhû̌akhî, sî mo̤ǐmè̤mè̤̌ kò ya, tò̤mî̌ sî mo̤ǐ kòtò̤ yanu, he sî̌yahè pě hǐnu pwǎ.

Galatǐ 5:11

Pṳwè̤ sî꤮, he glè dǒhtû̌ǐ bǎ sî ta Yṳ̌daphû̌ ala̤klo dǔtṳphě numî̌ ta̤ htě a lo̤bǎdû̌ mè̤tò̤. Ye̤shǔ akhû̌akhî, Yṳ̌daphû̌ toǒ ma̤jîma̤jû tû̌pwǎ he. He dè dǒhtû̌ǐ sî ta sî bǎ dǔtṳphě dèhî̌mò̌nu, Yṳ̌daphû̌ toǒ sò̌phlǒmo̤ lòtṳ̌ pwǎ. Pwǎ̤tadě he dǒhtû̌ǐ hǐnutò̤. He dǒhtû̌ǐpwǎ ta Khrî̌stu a nò̌dòhtǔ htě Yṳ̌daphû̌ toǒ sò̌phlǒmo̤ yǎtò̤ htǒo awi̤akè̌ pwǎ.

Ěphěsu 4:15

Mî̌tanu, pa to hî̌bǎkhlo ta̤cǒta̤tè̤ ta ta̤mo̤ǐ htǒotoǒ. Htodě pa ma̤ ta̤pṳ̂̌꤮ tacǎ akûnu, pa bǎ htûhtò̌ sǒsǒkû̌ ta pa Běcǎ Khrî̌stu htě a htû pa hǐkǒdû̌ htǒonu tapwa̤.

Ěphěsu 5:10

Dě kè̌lǎ sî̌ya lǒkho pû ta̤htě ato Cǒmara asò̌phlǒnu toǒ nî̌꤮.

Ěphěsu 5:27

Ma̤pûhǐ a pwa̤yṳǎta̤ aprṳ̂ahophû̌ awî̤asara lîrakhawǒ dě a lo̤mo̤ pěnu, a khòsi bǎ asî ya. Dě a sò̌yṳ ta a pwa̤yṳǎta̤ aprṳ̂ahophû̌, bǎwî̌ pû tò̤. Bǎ tinitǒnǒnṳ tò̤, bǎ phû̌mò̤shî̌hto ta ta̤ ahǔwa̤ toǒ tò̤. Mî̌tanu, a sò̌yṳ ta a bǎ cahtǐ dě kò bǎ bè̌ ta̤sǔ alo̤ tò̤.

Ěphěsu 6:24

Cǒmara dǔlṳ bǎtû̌ abwǐasîrî ta kòyò htě a mo̤ǐ Běcǎ Ye̤shǔkhrî̌stunu toǒ ta ata̤mo̤ǐ htě agutṳjò tò̤nu nî̌꤮.

Phǐlǐpǐ 1:16

Asî mo̤ǐ he dě a ma̤ lǒkho pwǎ, ma̤tè̤hî̌dě tobǎ hî̌bǎma̤kwabǐ dǐdò ta̤sò̌le̤sò̌lò̤ awi̤akè̌ ata̤ma̤ htǒonumî̌ Cǒmara ǐpwǎ henu asî sî̌ya lǒkho pwǎ.

Phǐlǐpǐ 1:6

Cǒmara htě a tèhtò̌ htû̌lè̌wǒgehto sî sò̌phlǒ htǒotapwa̤nu, he yṳǎ te̤mǎ yǎta a ma̤wǒ sělěphlǔ to̤htû̌ Ye̤shǔkhrî̌stu amṳni̤ hèto̤ pěnu taplǎ pě.

Phǐlǐpǐ 2:16

Dǒhtû̌ǐ lǒkho kòyò ta̤htûpwa̤ awi̤akè̌ htǒonu nî̌꤮. Sî dè ma̤hǐnumî̌ bǎ Khrî̌stu hèlò̤ gesǒ amṳni̤ pě ti̤ni̤nu, he ta̤jipwi̤ lǒ̤꤮ bò toǒ ta he ta̤phî̌ta̤ma̤ htǒotoǒnu a htûhtò̌ nòdû̌pe tò̤, sîkhû̌sîkhî dě he phî̌htò̌yî̤ hena̤ pě.

Tîsalònǐ awǐlǒ tôbǎ 3:13

Bǎ pa Běcǎ Ye̤shǔ hèlò̤ kû̌ta akòyò cahtǐ toǒ lǒ̤bò pě akhanu, ma̤pûhǐ kò la̤bè̌ sî ta̤sǔ ǒpe tò̤nu, htohǒtò̤ ma̤pûhǐ sî cahtǐ dě pa Cǒmara ta papha htǒotapwa̤ alo̤mo̤ pěnu, a ǐshû̌ǐsho tû̌ta sî sò̌phlǒ akhû̌aǎ nî̌꤮.

Tîsalònǐ awǐlǒ tôbǎ 5:21

Sèlèkè̌htobò ta̤pṳ̂̌꤮ tacǎ dě phî̌shǔpû ta̤ htě awǒnu toǒ nî̌꤮.

Tîsalònǐ awǐlǒ tôbǎ 5:23

Cǒmara htě a ǐ sana̤ pa ta̤gûjûkabǎ htǒotapwa̤ ma̤wî̤ma̤cahtǐ lǒbehtò̌ tû̌ta sî nî̌꤮. Htohǒtò̤ htû̌꤮ pa Běcǎ Ye̤shǔkhrî̌stu hèsǒ pěnu, ma̤pûhǐ kò bè̌jòpe pû sî ta̤sǔ tò̤nu, Cǒmara kè̌ǐkhwè̌ǐpo̤bò sî na̤klû ta sîsò̌ ta sî ta̤ǒhtûpwa̤ pě nî̌꤮.

Yṳ̂ha awǐlǒ tôbǎ 4:1

He khobǒsû̌bǒmo̤ sî, kòyò lǒ̤bò htě a hî̌ ta pa ǒ ta Běcǎ sǎcahtǐ toǒnu, yṳǎ bǐaǒ lǒkho pûma̤. Ma̤pûhǐ sî sî̌ya ta sò̌phlǒhtǒo numî̌ a hè mè̤mè̤̌ dě Cǒmara a ǒ ya, mî̌ a hè mè̤tò̤ yanu sèlèkè̌wǐ lǒkho asî nî̌, ma̤tè̤hî̌dě bǎ hǎkhû̌bǎonu, pwa̤po̤ lòho ǒlṳhtò̌plṳ̂ hǒ.

Ta̤dǔlè̌nǎ 2:2

Na ma̤ ta̤htǒonu he sî̌ya, na ma̤ lòdǒlòde nana̤ numî̌꤮ he sî̌yaya, htodě na khòsò̌dobò̌ ta̤jîta̤jû toǒ numî̌꤮ he sî̌yaya. Na ǒkû̌jòdǒ ta kòyò ma̤ ta̤phû̌mò̤shî̌hto toǒ tò̤ numî̌꤮ he sî̌yaya. Htodě kòyò htě a hî̌ lò̤tû̌ ana̤ ta pwa̤nophû̌ htě na sèlè asî dě na kè̌shǐ ta asî mî̌ pwa̤nophû̌ mè̤tò̤, mî̌pwǎ pwa̤hî̌bǎ lòhǎlòho toǒ pwǎ numî̌꤮ he sî̌yaya.