Phǐlǐpǐ 1:1 - Kawyaw RC

¹ Pa mî̌ Pò̌lu ta Timò̤̌te. Pa mî̌ Ye̤shǔkhrî̌stu ajû toǒ. Pa khwè̌cû̌ lî̤ htǒotabǎ ta Cǒmara akòyò htě a htûhtò̌ ta Ye̤shǔkhrî̌stu tacǎ꤮ pa dě a ǒ lǒkho Phǐlǐpiawî̤kûnu toǒ a ǒ. Pa khwè̌cû̌padǒ ta pwa̤yṳǎta̤ aprṳ̂aho hǐkǒdû̌ toǒ ta pwa̤ma̤jè pwa̤yṳǎta̤ aprṳ̂ahophû̌ toǒ.

Kawyaw New Testament

¹ Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Phǐlǐpǐ 1:1 Iomraidhean Croise

Mǎ̤riko 13:34

Htǒomî̌ asǒsǒta kòyò tapwa̤ htě a glè̌ hǎhtò̌cû̌ klè̌ shiga ahǔwa̤ taga dě a nokè̌po̤ǐ ahǐ ta ajûphû̌ toǒ dě a hǎhtò̌cû̌. A ǐlò̤ khǒkè asî tapwa̤ ta tapwa̤ ata̤ma̤ dě a hî̌kè pwa̤ǒpo̤ takhanu tapwa̤ ta a glè sòklòǒpo̤shǔ hǐnu.

Jowǎ̤ni̤ 12:26

Ûpèpè̌ bǎbǎ a ma̤ he ta̤ma̤nu, a bǎgû hekò. He dè ǒbǎtè tò̤glò bǎbǎ, a ǒkû̌ bǎnu pě. Hepha bè̌dû̌bè̌yǒ kòyò htě a ma̤ he ta̤ma̤nu tapwa̤ pě.

Pwa̤nophû̌ 1:20

“Kò khwè̌nǎ dě ta̤htû̌sò̌ǐlî̤ akûnu a hî̌, ‘Ahǐ ǒsî̌tukǔkè tû̌ pě nî̌꤮ kò bǎ nṳǒ pû dě hǐhtǒo akûnu dǐpwǎ̤꤮ ma̤ nî̌꤮.’ Htodě a hî̌po̤, ‘Kò nṳma̤tû̌ agûla̤ tapwa̤ pě nî̌꤮.’

Pwa̤nophû̌ 20:28

Kè̌ǐkhwè̌ǐ tû̌ lǒkho sîna̤ dě kè̌ǐkhwè̌ǐ lǒkho bò꤮ sophû̌ htě Běcǎ sǎcahtǐ ǐlò̤ bǎ sî dě sî bǎ kè̌ǐkhwè̌ǐ htǒonu toǒ nî̌꤮. Htû lǒkho pwa̤gèǐsophû̌ htě a kè̌ǐkhwè̌ǐ asophû̌ htǒotoǒnu nî̌꤮. Kè̌ǐkhwè̌ǐ lǒkho Cǒmara a pwa̤yṳǎta̤ aprṳ̂ahophû̌ htě aphû̌khû pwî̤gehto nû̌ûta asǐ htǒonu nî̌꤮.

Pwa̤nophû̌ 9:13

Ana̤nǐ hî̌shǔ, “Běcǎ, kòyò htǒotapwa̤ awi̤akè̌nu, he gana̤de kò saprṳ̂ hî̌htoplṳ̂ bǎ he ta, a ma̤jîma̤jû na kòyòcahtǐ ǒ dě Ye̤rǔshèlèwî̤kûnu toǒ, yahî̌.

Rṳ̂̌me̤ 1:1

He mî̌ Pò̌lu. He khwè̌cû̌bǎ sî lî̤htǒotabǎ. He mî̌ Ye̤shǔkhrî̌stu ajûphû̌ tapwa̤. A kaǎ he ta he htûhtò̌ a pwa̤nophû̌ tapwa̤, htodě a wû̌lǎ he ta he dǒhtû̌ǐ bǎ kò ta Cǒmara a ta̤sò̌le̤sò̌lò̤ awi̤akè̌.

Rṳ̂̌me̤ 1:7

Khobǒsû̌bǒmo̤ htě a ǒ dě Rò̌mǎwî̤kû sî, Cǒmara mo̤ǐ sî, htohǒtò̤ a kaǎ sî dě sî htûhtò̌ tû̌ akòyò hǒ. He khwè̌cû̌bò bǎ sî lî̤htǒotabǎ. Papha Cǒmara ta pa Běcǎ Ye̤shǔkhrî̌stu ǐtû̌ pû sî ta̤bwǐta̤sîrî ta ta̤gûjûkabǎ nî̌꤮.

Kôritu awǐlǒ tôbǎ 16:10

Htû̌꤮ Timò̤̌te hè to̤kû̌ sî pě akhanu, kè̌ǐkhwè̌ǐ wǒ yǎ nî̌꤮, ma̤tè̤hî̌dě a mî̌ Běcǎ apwa̤ma̤ta̤ tapwa̤ dě a sǒsǒta he htǒonu hǒ.

Kôritu ginǐ̤bǎ tôbǎ 1:1

He mî̌ Pò̌lu. Cǒmara sò̌phlǒtotû̌ dě a wû̌lǎ he ta Běcǎ Ye̤shǔkhrî̌stu a pwa̤nophû̌ tapwa̤ hǒ. He ta pa pṳwè̤ Timò̤̌te khwè̌cû̌ lî̤htǒo dě sî Kòrî̌tiawî̤phû̌ htě a yṳǎ Cǒmara toǒ ǒ. Htohǒtò̤ pa khwè̌cû̌dǒ bǎ kòyò htě a yṳǎ Cǒmara dě a ǒ bǎ Akhayagakûnu toǒ aǒ.

Galatǐ 1:10

He hî̌ hǐnu mî̌ asǒsǒta he jipwi̤ gûkû̌ kòyòhǎkhû̌phû̌ asò̌phlǒ hǐnu ya? He sò̌yṳ gûkû̌ kòyòhǎkhû̌phû̌ asò̌phlǒ hǐnu mè̤tò̤. He sò̌yṳ gûkû̌ pwǐ Cǒmara sò̌phlǒ ǒnu pwǎ. He dè jipwi̤ lṳ̂ma̤mo̤ sadape pwǎ kòyòhǎkhû̌phû̌ toǒ asò̌phlǒ pwǎ hî̌mò̌nu, he mî̌ Khrî̌stu ajûphû̌ tapwa̤ mè̤petò̤.

Galatǐ 3:26

Ta̤yṳta̤nǎ akhû̌akhî, sî lǒ̤꤮ bò htûbò kû̌ta Khrî̌stu tacǎnǔ꤮ pa dě sî htûbò Cǒmara aphû̌ali̤ toǒ hǒ.

Galatǐ 3:28

Yṳ̌daphû̌ ta khlilèphû̌hǔwa̤ Greekphû̌ toǒ, jûphû̌ ta pwa̤ nî̤bǎ ta̤pelesesǎphû̌ toǒ, makhû ta mamǔ, ta̤ lǒ̤꤮ bò htǒotoǒ numî̌ akhǒ nû̌û tò̤, ma̤tè̤hî̌dě sî lǒ̤꤮ bò htǒotoǒ numî̌ sî htûhtò̌bò kû̌ta Khrî̌stu tacǎnǔ꤮ pa hǒ.

Ěphěsu 1:1

He mî̌ Pò̌lu. Cǒmara sò̌phlǒǒ dě he glè htû Ye̤shǔkhrî̌stu a pwa̤nophû̌ tapwa̤. He khwè̌cû̌ lî̤htǒotabǎ dě Cǒmara akòyò htě a ǒ lǒkho dě Ephè̌shiawî̤kûnu toǒ a ǒ. Sî mî̌ kòyò toǒ htě a htûhtò̌ ta Khrî̌stu tacǎ꤮ pa, sî wîkè sî ta̤yṳǎ Ye̤shǔkhrî̌stu tò̤.

Ěphěsu 1:15

Cǒmara howi̤ pa hǐnu akhû̌akhî, sahtò̌ bǎ he gana̤de ta sî yṳǎ Běcǎ Ye̤shǔkhrî̌stu dě sî mo̤ǐ Cǒmara akòyò akhanu,

Ěphěsu 6:24

Cǒmara dǔlṳ bǎtû̌ abwǐasîrî ta kòyò htě a mo̤ǐ Běcǎ Ye̤shǔkhrî̌stunu toǒ ta ata̤mo̤ǐ htě agutṳjò tò̤nu nî̌꤮.

Phǐlǐpǐ 2:19

Ma̤pûhǐ he sî̌ya sîwi̤sîkè̌ dě a ǐkhû̌ǐǎ ma̤mo̤htò̌po̤to̤ he sò̌phlǒ pě ayanu, a dè to Běcǎ Ye̤shǔ asò̌phlǒ hî̌dě he nohèphwè bǎ sî Timò̤̌te sî ǒ pě dě a ge pwe̤ǐlṳ he pě.

Phǐlǐpǐ 2:5

Sî to bè̌ sǒsǒ lǒkho sî sò̌phlǒ pwǐ Khrî̌stunu.

Phǐlǐpǐ 3:12

Ta̤htǒotoǒnu he nî̤bǎhtohǒ he hî̌nǒ hǐnutò̤, htodě he ta̤ǒhtûpwa̤ htǒonu, a lǒbebòhǒ he hî̌nǒ hǐnu tò̤tò̤. Pwǎ̤ta ma̤pûhǐ he sî̌ya Khrî̌stu dě he htûhtò̌ sělě sǒsǒkû̌ta anu, he jipwi̤ mè̤mè̤̌. Khrî̌stu wû̌lǎ he ta ta̤wi̤ta̤kè̌ htǒotoǒ akhû̌akhîhǒ.

Phǐlǐpǐ 3:3

Pa mî̌ Cǒmara akòyò mè̤mè̤̌ toǒ, asînu toǒ mî̌ a mè̤mè̤̌ mè̤tò̤, ma̤tè̤hî̌dě Cǒmara a sǎcahtǐ akhû̌akhî, pa subusabahtò̌ Cǒmara dě pa hî̌bǎhtû̌sò̌ǐ ta̤htě Ye̤shǔkhrî̌stu ma̤hto bǎ pa htǒotoǒ hǒ. Ma̤pûhǐ pa nî̤bǎ ta̤ma̤lû̌htò̌ge ayanu, pa to nǎla̤ǐ ta̤htě pa ma̤ htǒotoǒ tò̤.

Phǐlǐpǐ 3:8

Tǒ̤nuhtohǒtò̤, khònò̤htǒo sǔ he sî̌yahè he Běcǎ Ye̤shǔkhrî̌stu htǒonu a le̤dû̌pwî̤htûkhlope ta ta̤ lǒ̤꤮ bò akhû̌akhî, ta̤ lǒ̤꤮ bò htǒotoǒnu, he bè̌kè yǎ pwǐ ta̤ǒlû̌ǒkhlo toǒnu pwǎ. Khrî̌stu aya akhû̌akhî, he wîkèbò pṳ̂̌꤮ tacǎ hǒ. Ma̤pûhǐ he nî̤bǎ Khrî̌stu dě he htûhtò̌ pû ta Khrî̌stu tacǎnǔ꤮ pa ayanu, ta̤ lǒ̤꤮ bò htǒotoǒnu, he gènè̤kè yǎ pwǐ ta̤wè̤ta̤sǒ toǒnu pwǎ.

Tîsalònǐ awǐlǒ tôbǎ 1:1

Pa mî̌ Pò̌lu, Sǐla, ta Timò̤̌te. Pa khwè̌cû̌ plǒnû̌û lî̤htǒotabǎ dě sî Tè̌shalò̌nia pwa̤yṳǎta̤ aprṳ̂ahophû̌ toǒ a ǒ. Sî Tè̌shalò̌nia pwa̤yṳǎta̤ aprṳ̂ahophû̌ toǒ mî̌ pha Cǒmara ta Běcǎ Ye̤shǔkhrî̌stu akòyò toǒ hǒ. Ta̤bwǐta̤sîrî ta ta̤gûjûkabǎ ǒkû̌ tû̌ta sî nî̌꤮.

Tîsalònǐ awǐlǒ tôbǎ 2:2

Pwǐ sî sî̌yahto hǒnu, bǎ pa hèto̤ sî ǒ hǒtò̤ akha, Phǐlǐpiawî̤phû̌ toǒ ma̤jîma̤jû pa, htodě ma̤sòwò̤bò pa. Kò ma̤ dǐdò tukutakǎ pa pwǎ̤ta ma̤pûhǐ pa dǒhtû̌ǐ bǎ sî ta Cǒmara a ta̤sò̌le̤sò̌lò̤ awi̤akè̌nu dě, pa Cǒmara ǐ pa ta̤khuta̤ha hǒ.

Tîsalònǐ ginǐ̤bǎ tôbǎ 1:1

Pa mî̌ Pò̌lu, Sǐla, ta Timò̤̌te. Pa khwè̌cû̌ plǒnû̌û lî̤htǒotabǎ dě sî Tè̌shalò̌nia pwa̤yṳǎta̤ aprṳ̂ahophû̌ toǒ a ǒ. Sî mî̌ papha Cǒmara ta Běcǎ Ye̤shǔkhrî̌stu akòyò toǒ.

Tîsalònǐ ginǐ̤bǎ tôbǎ 1:10

Htû̌꤮ Běcǎ Ye̤shǔ hègesǒ amṳni̤ ti̤ni̤ pěnu, a htûhtò̌tû̌ hǐnu pě. Bǎnu ti̤ni̤ pěnu, akòyò cahtǐ toǒ ma̤sîrîdû̌sîrîhtû nû̌û pě dě kòyò htě a yṳǎ nû̌û toǒnu, a sû̌pi̤sò̌pi̤bò nû̌ûla̤ pě. Hǐnudě sîhtǒo toǒǒ bǎbǎ, sî htû̌sò̌ǐ kû̌dǒ dě asîkla pě, ma̤tè̤hî̌dě sî yṳǎhto ta̤sò̌le̤sò̌lò̤ awi̤akè̌ htě pa dǒhtû̌ǐhtobǎ sînu toǒ hǒ.

Tîmôte awǐlǒ tôbǎ 1:2

He khwè̌cû̌ lî̤htǒo dě Timò̤̌te htě alò̤ta he phû̌makhû sana̤ dě ta̤yṳta̤nǎ akû tapwa̤ a ǒ. Pha Cǒmara ta pa Běcǎ Ye̤shǔkhrî̌stu ǐlò̤tû̌ta a ta̤bwǐta̤sîrî, ta̤sò̌yṳgwèbǎǐ ta ta̤gûjûkabǎ nî̌꤮.

Tîmôte awǐlǒ tôbǎ 3:8

Sǒsǒta hǐnuakho kòyò htû hǐkǒdû̌ dě a ma̤jè pwa̤yṳǎta̤ aprṳ̂aho toǒnu, kò pṳ̂̌꤮ tapwa̤ tobǎ bè̌dû̌ asî, dě asî tobǎ hî̌bǎcǒtè̤ yo̤sǎ, asî tobǎ o tûlû̌talǎ sobîshisî̌yo̤ tò̤, htodě a to lòho pṳ̂sigwiǎ wû dě kòkhû̌ tò̤.

Tǐtǔ 1:1

He mî̌ Pò̌lu, he khwè̌cû̌ bǎ na lî̤ htǒotabǎ. He mî̌ Cǒmara ajû ta Ye̤shǔkhrî̌stu a pwa̤nophû̌ tapwa̤. Cǒmara wû̌lǎ he dě a nocû̌ ma̤jè he ta kòyò htě a wû̌lǎ nû̌ûnu toǒ a ta̤yṳta̤nǎ, dě a glè sî̌ya lǒkho ta̤te̤ta̤mǎ. Ta̤te̤ta̤mǎ htǒonumî̌ a ma̤jè asî dě a glè ǒhtûpwa̤ to ta Cǒmara asò̌phlǒ htǒonu toǒ hǒ.

Tǐtǔ 1:7

Ma̤tè̤hî̌dě, pwa̤yṳǎta̤ aprṳ̂aho hǐkǒdû̌ tapwa̤nu, ta̤ma̤ lò̤bǎ akhû̌ dě a tobǎ ma̤ Cǒmara a ta̤phî̌ta̤ma̤ akhû̌akhî, kò la̤bè̌ a ta̤sǔ mî̌ a tobǎ ǒ tò̤. Hǐkǒshò̌ ta sò̌phlǒdû̌htò̌phwè toǒnu a tobǎ ǒ tò̤, bǎ ǎmṳopǒ tò̤, bǎphlěbǎpo̤ kòhǔwa̤ tò̤, bǎ ǎ wû dě kòkhû̌ tò̤.

Philemo 1:1

He mî̌ Pò̌lu. He ta Timò̤̌te numî̌ pa pṳwè̤ nû̌û ta Khrî̌stu akhû̌akhî, pa khwè̌cû̌bǎ Philemo lî̤htǒotabǎ. Dě he ma̤bǎ Ye̤shǔkhrî̌stu ata̤ma̤ akhû̌akhî, kò dǒlò̤te̤ he dě apo̤kû. Pa khwè̌cû̌ lî̤htǒo dě pa khobǒsû̌ Philemo htě a ma̤ kû̌dǒta̤ ta pa htǒotapwa̤ a ǒ, ta pa pṳwè̤ Khrî̌stuphû̌ mamǔ Aphǐ, ta pa pṳwè̤ Khrî̌stuphû̌ Akǐpǔ htě alò̤ta kliphû̌ tapwa̤ htǒotoǒ a ǒ, ta pwa̤yṳǎta̤ aprṳ̂ahophû̌ ǒ dě Philemo ahǐkûnu toǒ a ǒ.

Hebrǔ 13:23

He sò̌yṳ ǐsî̌ya sî ta kò plûhǎhtò̌ pa pṳwè̤ Timò̤̌te dě apo̤kû hǒ. A dè hèto̤ lǎkû̌ he pě hî̌dě htû̌꤮ he hè ǒlèkû̌ sî pěnu, he kaǎhènṳ yǎ pě.

Jǎgomo̤ 1:1

He mî̌ Jǎgomo̤, he htû Cǒmara ta Běcǎ Ye̤shǔkhrî̌stu ajûphû̌ tapwa̤. He hî̌mo̤hî̌wǒ cû̌ bǎ Cǒmara akòyò khlilè shǐginǐ̤mṳ htě a cû̌ǒpîshîpò̤wò̤ lǒkho gûla̤ pṳ̂̌꤮ tò̤glò toǒ aǒ.

Petru awǐlǒ tabǎ 2:25

Sî htǒonu, alò̤ta sophû̌ htě a cû̌sǔklè̌ toǒ. Pò̤̌ta khònò̤htǒo sî getosǒ dě pwa̤gèǐ sophû̌ htě a kè̌ǐkhwè̌ǐ sî ta̤ǒhtûpwa̤ htǒotapwa̤ a ǒ hǒ.

Petru ginǐ̤bǎ tabǎ 1:1

Pa Cǒmara ta pwa̤ma̤lû̌htò̌ge pa Běcǎ Ye̤shǔkhrî̌stu htǒotapwa̤ a ta̤cǒta̤tè̤ akhû̌akhî, sî mî̌ kòyò toǒ htě a nî̤bǎdǒ ta̤yṳta̤nǎ dě alò̤ta pa htǒotoǒ hǒ. Dě he khwè̌cû̌bǎ sî lî̤htǒo. He mî̌ Shîmǒ̤nè̤ Petru, he htû Ye̤shǔkhrî̌stu ajû ta a pwa̤nophû̌ tapwa̤.

Yṳ̌da 1:1

He mî̌ Jǎgomo̤ apṳ Yṳ̌da, htohǒtò̤ he mî̌ Ye̤shǔkhrî̌stu ajû tapwa̤. He sò̌yṳ khwè̌cû̌bǎ kòyò htě pha Cǒmara kaǎ asî dě a mo̤ǐ asî, htohǒtò̤ Ye̤shǔkhrî̌stu ǒpo̤ ma̤kwaǐ asînu toǒ a ǒ.

Ta̤dǔlè̌nǎ 1:1

Lî̤ htǒotabǎ mî̌ a khwè̌mǎǐ ta̤ma̤htûhtò̌ ana̤ ta Ye̤shǔkhrî̌stu dǔlṳhtò̌ toǒ awi̤akè̌. Ma̤pûhǐ Ye̤shǔkhrî̌stu yṳ̂lṳ bǎ ajû toǒ ta ta̤ glè̌ htûhtò̌ phǔ pě htǒotoǒ ayanu, Běcǎ Cǒmara dǔlṳ bǎ ta̤dǔlṳhtò̌ htǒonu ta Jowǎ̤ni̤ mî̌ he htû Ye̤shǔkhrî̌stu ajû htǒotapwa̤ hǒ. A sûlò̤ a mǒkhû̌tanaphû̌ heǒ dě a ǐsî̌ya bǎ he ta ta̤wi̤ta̤kè̌ htǒotoǒ.

Ta̤dǔlè̌nǎ 1:20

Shǎ susǒtama htě na kè̌shǐ a ǒ dě he cǔdemû akû htǒonu ta mî̌kohta susǒtamahtǒo amûasǎ adû̌ayǒ mî̌ hî̌tèhî̌nu shǎ susǒtama amûasǎ numî̌ pwa̤yṳǎta̤ aprṳ̂aho susǒtṳgumṳ a tanaphû̌ toǒ dě mî̌ko susǒtama amûasǎ mî̌ pwa̤yṳǎta̤ aprṳ̂aho susǒtṳgumṳ htǒotoǒnu pwǎ.”

Ta̤dǔlè̌nǎ 19:10

He gene̤lò̤ alo̤mo̤ dě he glè̌ sabahtò̌ a hǐnudě a hî̌ he, “Saba pûma̤ he ma̤, he ta na, ta na pṳwè̤ Khrî̌stuphû̌ sî toǒ numî̌ jûphû̌ sǒsǒpwǎ nû̌û. Pa mî̌ kòyò toǒ htě a khòlṳ bǎ kò ta Ye̤shǔ awi̤akè̌ toǒ dě pṳ̂měǐ ta̤te̤ta̤mǎ htě Ye̤shǔkhrî̌stu dǔlṳkè bǎ pa htǒonu. Hǐnudě, saba pûma̤ kò dǐpwǎ̤ ma̤, saba dě Cǒmaranu. Ma̤tè̤hî̌dě ta̤te̤ta̤mǎ htě Ye̤shǔkhrî̌stu dǔlṳ htǒonumî̌ asǒsǒta Cǒmara nohî̌bǎ pwa̤po̤ toǒnu hǒ.”

Ta̤dǔlè̌nǎ 2:12

“Khwè̌cû̌ lî̤htǒo dě Pekamǔwî̌ pwa̤yṳǎta̤ aprṳ̂aho a tanaphû̌nu tapwa̤ ǒnu,” a hî̌ he hǐnu. Dě a hî̌, “Ta̤wi̤ta̤kè̌ htǒonumî̌ a hè dě pwa̤ htě aǒ ta nò̌she dě a htò cî̌htè̌cî̌khobò tabǎ tapwa̤ ǒ.

Ta̤dǔlè̌nǎ 2:8

“Khwè̌cû̌ lî̤htǒo dě Samǔranǎwî̤ pwa̤yṳǎta̤ aprṳ̂aho a tanaphû̌nu tapwa̤ ǒnu,” a hî̌ he hǐnu. Dě a hî̌, “Ta̤wi̤ta̤kè̌ htǒonu, a hè dě pwa̤ htě a sihto a htûpwa̤gesǒ htǒotapwa̤ ǒ. A mî̌ ta̤akòshî̌ ta agutṳ tapwa̤.

Ta̤dǔlè̌nǎ 22:9

Pwǎ̤ta a hî̌ he, “Saba pûma̤ he ma̤, he mî̌ jûphû̌ tapwa̤ htě a sǒsǒkû̌ta na ta na pṳwè̤ pwa̤po̤ toǒ, ta kòyò lǒ̤꤮ bò htě a jûle̤phî̌yo̤ yo̤nu toǒ dě lî̤ htǒotabǎ akûnu toǒ pwǎ. Saba Cǒmaranu.”