Matěo 3:2 - Kawyaw RC

² Dě a hî̌, “Yò̤lò̤ge lǒkho sîsò̌, ma̤tè̤hî̌dě mǒkhû̌ ashiaga hèto̤phǔhǒ.”

Kawyaw New Testament

² Dě a hî̌ kû̌, “Yò̤lǎ̤plǎdî̌ lô̌khô sîsǎphlǒ, ma̤titè̌hî̌dě mǒkhû̌ ashiagǎ phǔhtò̌hǒ.”

Matěo 3:2 Iomraidhean Croise

Matěo 10:7

Bǎ sî cû̌ akha, dǒhtû̌ǐ bǎ kò ta, ‘Mǒkhû̌ ashiaga phǔhèhǒ,’ hǐnu nî̌꤮.

Matěo 11:20

Běcǎ Ye̤shǔ dǔlṳ dû̌khlo kò ta̤cǒklî̌kî̌ya bǎ wî̤nu toǒ akû pwǎ̤ta asî yò̤lò̤ge asò̌ tò̤ akhû̌akhî, asò̌phlǒ mo̤tò̤ dě a hî̌lîlò̤kè asî,

Matěo 12:41

Dě Yò̤̌nǎ a ta̤dǒhtû̌ǐ lṳbǎ Ninewi̤wî̤phû̌ toǒ dě a yò̤lò̤gebò asò̌ akhû̌akhî, htû̌꤮ Cǒmara cèrò kò pě ti̤ni̤nu, Ninewi̤wî̤phû̌ toǒ glè ihtǒ kû̌dǒ ta kòyò htě a htûpwa̤ khònò̤ htǒotuhtu toǒ pě dě a bè̌ asî ta̤sǔ pě. Khònò̤htǒo kòyò htě adû̌khlo ta Yò̤̌nǎnu a ǒ bǎo tapwa̤.

Matěo 13:11

Běcǎ Ye̤shǔ hî̌shǔ asî, “Cǒmara ǐsî̌yaphlo bǎ sî ta mǒkhû̌ shila̤gakû a ta̤sî̌khû̌sî̌ya htě a bè̌hǔ toǒ pwǎ̤ta a ǐsî̌ya to̤ bǎdǒ asî tò̤.

Matěo 13:24

Ye̤shǔ dǒnèpo̤ asî yo̤sǎkhěkhǒ ahǔwa̤ to̤to̤ dě a hî̌, “Mǒkhû̌ shila̤gakûnu asǒsǒta pwa̤ma̤hǔklaphû̌ tapwa̤ hèwi̤lò̤ bǔkû̌lǎkhli htě awî̤còcè̌ toǒ dě hǔklakhû̌.

Matěo 13:31

Běcǎ Ye̤shǔ dǒnèpo̤ asî yo̤sǎkhěkhǒ ahǔwa̤ to̤to̤, “Mǒkhû̌ shila̤gakû numî̌ asǒsǒta kòyò tapwa̤ wi̤lò̤ saplǎphlǒ tophlǒ dě ahǔklakhû̌nu hǒ.

Matěo 13:33

Běcǎ Ye̤shǔ dǒnèpo̤ asî yo̤sǎkhěkhǒ ahǔwa̤ to̤to̤, “Mǒkhû̌ shila̤gakû numî̌ asǒsǒta mamǔ tapwa̤ phî̌nṳ ta̤bû a cîmǔ ti̤li̤lò̤ nû̌û dîphǎ akla dě asè̌htò̌bò dîphǎ htǒonuhǒ.”

Matěo 13:47

“Kè̌gesǒ, mǒkhû̌ shila̤gakûnu asǒsǒta pwa̤ma̤ǎtò̤phû̌ tapwa̤ dě a shî̌lò̤te̤ a ji shikoǒdû̌kû dě tò̤phû̌ pṳ̂̌mi̤pṳ̂̌cǎ nî̤nu hǒ.

Matěo 13:52

Dě a hî̌shǔ asî, “Ma̤hǐnu akhû̌akhî, kò dè sû̌ǐsî̌yagebò pwa̤sû̌ǐ ta̤sû̌ta̤tòwò asaranu toǒ ta mǒkhû̌ shila̤gakû hî̌numî̌, asǒsǒta hǐběcǎ tapwa̤ htě a phî̌htò̌ a ta̤le̤dû̌pwî̤htû asa ta ali̤ toǒ dě ala̤ bè̌plǒ ta̤gûla̤ akû.”

Matěo 18:23

“Hǐnu akhû̌akhî, mǒkhû̌ shila̤gakûnu asǒsǒta Khwǐ tapwa̤ htě a sò̌yṳ ma̤lîkèbò a khwè̌mǎnǎ ajûphû̌ toǒ mi̤shû̌ ǒ nû̌ûnu toǒ.

Matěo 20:1

“Ma̤tè̤hî̌dě, mǒkhû̌ shila̤gakû mî̌ asǒsǒta hǔklaběcǎ tapwa̤ dě a hǎhtò̌cû̌ wosò a cû̌ dòkǎ hè kò dě a sobîphǎkhû̌ htǒonuhǒ.

Matěo 22:2

“Mǒkhû̌ a shila̤gakû numî̌ asǒsǒta Khwǐ tapwa̤ htě a ma̤wǒnǎ bǎ a phû̌makhû khòmò̤pwè ta a glè bǔǎbǔoshǔ kòyò aya htǒonu tapwa̤hǒ.

Matěo 23:13

“Yṳ̌daphû̌ a pwa̤sû̌ǐ ta̤sû̌ta̤tòwò asara sîtoǒ ta Pharisè̌phû̌ sî꤮, Cǒmara cèrò sî pě. Sî mî̌ kòyò htě a jîcǒjîtè̤ ana̤ toǒ. Sî ma̤bǐ sigwibòkè kòyò lǒ̤꤮ bò htě a kè̌lǎnṳ dě mǒkhû̌ shila̤gakûnu toǒ takha. Sî sana̤ dě sî nṳtò̤ pwǎ̤tadě sî kè̌lǎ ma̤dǐdòbǐkèbò kòyò htě a kè̌lǎnṳnu toǒ atakha.

Matěo 25:1

Mǒkhû̌ shila̤gakûnu, asǒsǒta mamǔ htû pwa̤tûsû̌ apwa̤shǐ phî̌nṳ mî̌ko dě cû̌ǒpo̤ dǒshuǐ khòmò̤ makhû hè awi̤akè̌ htǒonu hǒ.

Matěo 25:14

“Mǒkhû̌ shila̤gakûnu a sǒsǒpo̤ kû̌ta kòyò tapwa̤ htě a glè̌ hǎhtò̌cû̌ klè̌ dě kaǎplǒ ajûphû̌ toǒ, dě a ǐkè a ta̤dû̌yò̤htò̌sa toǒ ta ajûphû̌ toǒ a cǔdekû.

Matěo 4:17

Sělěhè bǎnudě Ye̤shǔ bòhtò̌ dǒhtû̌ǐ bǎ kò, “Yò̤lò̤ge lǒkho sîsò̌, ma̤tè̤hî̌dě mǒkhû̌ ashiaga hèto̤phǔhǒ.”

Matěo 4:23

Ye̤shǔ cû̌shidobò Galilî̌a sagala̤ dě a cû̌ sû̌ǐtòwòǐ bǎ kò ta̤sabahǐkû pṳ̂̌꤮ tò̤glò. A dǒhtû̌ǐ bǎ kò ta Cǒmara ashiaga ta̤sò̌le̤sò̌lò̤ awi̤akè̌. Dě a ma̤bǎbò bǎ kò ta̤shǐta̤sha pṳ̂̌tacǎ.

Matěo 5:10

Kòyò htě kò ma̤jîma̤jû nû̌û ta ta̤cǒta̤tè̤ akhû̌akhî toǒnu, a nî̤bǎ ta̤howi̤. Ma̤tè̤hî̌dě mǒkhû̌ ashiaga numî̌ kòyò hǐnu toǒ ata hǒ.

Matěo 5:3

“Kòyò htě a nǎla̤ǐ pwǎpǒ̤ Cǒmara ta ta̤lǒ̤꤮ bò akû toǒnu, a nî̤bǎ ta̤howi̤. Ma̤tè̤hî̌dě mǒkhû̌ shila̤gakû numî̌ kòyò hǐnu toǒ ata hǒ.

Matěo 6:10

Na hè ma̤ tû̌ta nashinaga hǎkhû̌bǎo nî̌꤮. Pwǐ na ta̤sò̌yṳ lǒbehto dě mǒkhû̌nu, nolǒbe pû yǎ dě hǎkhû̌bǎo nunî̌꤮.

Matěo 6:33

Kè̌lǎ wǐ lǒkho Cǒmara ashiaga ta a ta̤cǒta̤tè̤ toǒnu, dě ta̤ lǒ̤꤮ bò htě sî lo̤bǎ htǒotoǒnu, Cǒmara ǐpo̤ tû̌ sî pě.

Mǎ̤riko 1:15

Dě a hî̌, “Akhîakha hèto̤hǒ. Cǒmara ashiaga phǔhèhǒ dě yò̤lò̤ge lǒkho sîsò̌, yṳǎ lǒkho ta̤sò̌le̤sò̌lò̤ awi̤akè̌ htǒo.”

Mǎ̤riko 1:4

Dě pwa̤ pwe̤ǐ bǎ kòyò ta̤wi̤ta̤kè̌ htǒotapwa̤nu a hèhto hǒ. A mî̌ pwa̤ploshi Jowǎ̤ni̤nu hǒ. A hǎhtò̌cû̌ dě lo̤semě lò̤rṳ̂khû̌ dě a dǒhtû̌ǐ bǎ kò ta yò̤lò̤ge lǒkho sîsò̌ dě plo lǒkho sîna̤ ta shi Cǒmara bòlû̌tû̌ sî ta̤sǔnu toǒ pě.

Mǎ̤riko 6:12

Akhophijaû̌ toǒ hǎhtò̌cû̌shido dǒhtû̌ǐ bǎ kòyò toǒ ta ato yò̤lò̤ge lǒkho asò̌, a cû̌shido dǒhtû̌ǐ bǎ kò hǐnu.

Lǔka 1:16

Dě a sûgeplṳ̂sǒ Israelphû̌ toǒ dě asî Běcǎ Cǒmara ǒ pě.

Lǔka 11:20

Pò̤̌ta, he dè wṳ̂hǎhtò̌kè khînǎkhîno htǒotoǒ ta Cǒmara a ta̤po̤ta̤phǎ dèhî̌dě htǒonumî̌ a yṳ̂lṳ ta Cǒmara glè hè pǒshipǒga htǒonu a hèto̤ dě sî ǒ hǒ.

Lǔka 13:3

He hî̌ sî, asî ta̤sǔ ǒdû̌khlo ta sî mè̤tò̤. Sî bǎbǎ, sî dè yò̤lò̤ge lǒkho sî sò̌phlǒ tò̤ hî̌numî̌, sî sibò pě pṳ̂̌꤮ tapwa̤.

Lǔka 13:5

Amè̤tò̤, he hî̌ sî, sî htǒotoǒ bǎbǎ, sî dè yò̤lò̤ge lǒkho sîsò̌ tò̤ hî̌numî̌, sî sibò pě pṳ̂̌꤮ tapwa̤.”

Lǔka 15:10

Hǐnudě, he hî̌ sî꤮, ta̤ma̤sǔphû̌ tapwa̤ yò̤lò̤gesǒ asò̌ akhû̌akhî, Cǒmara a mǒkhû̌tanaphû̌ toǒ sò̌le̤sò̌lò̤ mè̤mè̤̌.”

Lǔka 15:7

A sǒsǒ ta hǐnuhǒ, he hî̌ sî, kòjò lǐ̤sǒtishi ta lǐ̤sǒtapwa̤ htě alo̤bǎ yò̤lò̤ge kû̌kò sò̌ tò̤ htǒotoǒnu, Cǒmara ta mǒkhû̌tanaphû̌ ǒ dě mǒkhû̌ htǒonu a sò̌le̤sò̌lò̤khlo ta kòyò ta̤ma̤sǔphû̌ yò̤lò̤gesǒ asò̌nu tapwa̤.

Lǔka 16:30

“Dě kòyò dû̌yò̤htò̌sa htǒotapwa̤ hî̌shǔ, ‘Abraham꤮ tǒ̤htǒonu a lǒbe hǒtò̤. Kòyòsi tapwa̤ dè htûpwa̤gesǒ, dě a dè gepwe̤ǐ bǎ asî pěmî̌ a yò̤lò̤ge nǒpwǎ asò̌ pě.’

Lǔka 21:31

Hǐnudě bǎ sî kè̌shǐ ta̤htǒo toǒ htûhtò̌ akhapěnu, sî̌ya lǒkho ta Cǒmara glè̌ hè pǒshipǒga phǔhtò̌ hǒ nî̌꤮.

Lǔka 24:47

Htodě ami̤akû dě kò dǒhtû̌ǐ ta̤yò̤lò̤gesò̌ awi̤akè̌ ta ta̤bòlû̌ ta̤sǔ htǒonu toǒ awi̤akè̌ pě. Kò dǒhtû̌ǐ yǎta kòyò pṳ̂̌tacǎ aya pě, dě kò tèhtò̌ dǒhtû̌ǐwǐgutṳ̌ bǎ Ye̤rǔshèlèwî̤kû nupě.

Lǔka 6:20

Ye̤shǔ kè̌wǒkè̌bǎ꤮ akhophijaû̌ toǒ dě a hî̌ asî, “Sî htě a shuphǔshèwè htǒotoǒnu, Cǒmara howi̤ mè̤mè̤̌ sî hǒ, ma̤tè̤hî̌dě Cǒmara shila̤gakû numî̌ kòyò hǐnu toǒ ata hǒ.

Lǔka 9:2

Htodě a plûcû̌ asî dě a glè cû̌ dǒhtû̌ǐ bǎ kò ta Cǒmara ashiaga, dě a ma̤bǎ bǎ kòshǐkòsha toǒ.

Pwa̤nophû̌ 11:18

Bǎ asî gana̤de ta̤wi̤ta̤kè̌ htǒo akhanu, asî pi̤jishǐcǒpe Petru tò̤. Dě a htû̌sò̌ǐ lǒkho Cǒmara, “A dè mè̤mè̤̌ hǐnuhî̌dě Cǒmara ǐpa̤dǒ Yṳ̌daphû̌ mè̤tò̤ toǒ ta̤ashuakhwèwǒ dě a glè yò̤lò̤ge lǒkho asò̌ ta a glè nî̤bǎ lǒkho ta̤htûpwa̤ hǒ.”

Pwa̤nophû̌ 17:30

Bǎ kò sî̌ya Cǒmara hǒtò̤ akhanu, a kè̌bò̌khû̌kè kòyòhǎkhû̌phû̌ ata̤sǔ hǐnu tacǎ pwǎ. Pwǎ̤tadě khònò̤htǒonu, a hî̌lò̤ ayo̤ ta kòyò pṳ̂̌꤮ tapwa̤ htě a ǒ gûla̤ bǎtè tò̤glòbǎbǎ, a tobǎ yò̤lò̤ge lǒkho asò̌phlǒ dě a tobǎ htû̌tiwǐ getosǒ Cǒmara a ǒ pṳ̂̌꤮ tapwa̤ a hî̌hto hǐnu hǒ.

Pwa̤nophû̌ 2:38

Petru hî̌ asî, “Ma̤pûhǐ Cǒmara bòlû̌kè sî ta̤sǔ toǒnu, yò̤lò̤ge lǒkho sîsò̌ pṳ̂̌꤮ tapwa̤ dě plo lǒkho sîna̤ ta shi dě Ye̤shǔkhrî̌stu ami̤akûnu, sî dè ma̤mò̌hǐnu Cǒmara ǐ sî sû ta Běcǎ sǎcahtǐ pě.

Pwa̤nophû̌ 20:21

Yṳ̌daphû̌ toǒ bǎbǎ, Yṳ̌daphû̌ mè̤tò̤ toǒ bǎbǎ, he hî̌lò̤shû̌ mè̤mè̤̌ asî ginǐ̤prṳ̂bò, yò̤lò̤ge lǒkho sî sò̌phlǒ dě yṳǎna̤ǎ lǒkho Běcǎ Ye̤shǔ, he hî̌ bǎ asî hǐnu.

Pwa̤nophû̌ 26:20

He cû̌lè dǒhtû̌ǐ wǐgutṳ̌ bǎ kò dě Damatè̌wî̤ htodě Ye̤rǔshèlèwî̤kû, anǒkòdě he cû̌ Yṳ̌daga pṳ̂̌꤮ tò̤glò, htohǒtò̤ he cû̌kû̌ Yṳ̌daphû̌ mè̤tò̤ toǒ aklakla. Dě ma̤pûhǐ asî yò̤lò̤ge lǒkho a ta̤sǔta̤plě toǒ, htodě ma̤pûhǐ asî htû̌tiwǐ getosǒ ana̤ dě Cǒmara a ǒ, htohǒtò̤ ma̤pûhǐ a dǔlṳhtò̌ lǒkho ata̤ma̤ htě awǒ toǒ ta a yò̤lò̤gehto asò̌ ayanu, he dǒhtû̌ǐ bǎ asî hǒ.

Pwa̤nophû̌ 3:19

Ma̤pûhǐ Cǒmara bòlû̌kè sî ta̤sǔnu, yò̤lò̤ge lǒkho sîsò̌ htû̌lè̌gesǒ lǒkho sîna̤ dě Cǒmara ǒ. Sî dè ma̤mò̌hǐnu, htû̌꤮ akhîakhato akhîakhabǎ pěnu Běcǎ Cǒmara ǐkhû̌ǐǎge sî pě.

Kôritu ginǐ̤bǎ tôbǎ 7:10

Ma̤tè̤, ta̤sǎpla̤sǎyṳ htě Cǒmara ǐhtûhtò̌ htǒonumî̌, a nohtû̌lè̌ tèplè̌kè pa sò̌phlǒ ta pa nî̤bǎ ta̤ma̤lû̌htò̌ge aya pwǎ akhû̌akhî, pa lo̤bǎ gènè̤gugè nǒ ta̤sǎpla̤sǎyṳ htě Cǒmara ǐhtûhtò̌ htǒotoǒ tò̤. Pwǎ̤ta kòyòhǎkhû̌phû̌ ala̤klo sǎpla̤sǎyṳ toǒnu, a bè̌ǒhtò̌ pwǎ ta̤si pwǎ.

Kòlòtè̌ 1:13

A ma̤lû̌htò̌ge pa dě khînǎmo̤pha hǐkǒdû̌ a ta̤shû̌ta̤sho htě a pǒǐ ta̤khǐta̤lo̤ htǒotado ala̤ dě a sûnṳ pa dě aphû̌khû htě a mo̤ǐ htǒotapwa̤ ashigakû hǒ.

Tîmôte ginǐ̤bǎ tôbǎ 2:25

Bǎ a sû̌ǐwǒ gesǒ kòyò htě a htè̌shǔ nû̌û toǒ akhanu, a to hî̌bǎ sò̌dohobî̌ kò. Kǎlè̌ mî̌, Cǒmara ǐ asî ashuakhwèwǒ ta a bǎ yò̤lò̤gesǒ asò̌ pě dě a sî̌yahtò̌ge ta̤te̤ta̤mǎ pě kǎlè.

Hebrǔ 6:1

Hǐnudě pa bè̌ǒkèbò pa ta̤sû̌ǐtòwòǐ bǎ kò Khrî̌stu awi̤akè̌ a kòshî̌kòtṳnu toǒ dě pa cû̌ hè kû̌po̤ kò alo̤mo̤ dě sû̌ǐsî̌ya kû̌po̤ kò ta kòyò dû̌pwa̤aya a ta̤sû̌ǐ htǒotoǒ hò̌꤮. Kò sû̌ǐhèhè sû̌ǐgege bǎ pa ta ta̤sû̌ǐtòwòǐ a kòshî̌kòtṳ dě a hî̌, sî bǎ wîkè ta̤ma̤ htě abwǐ ǒtò̤nu toǒ, dě sî bǎ yṳǎ Cǒmara, ta̤sû̌ǐ pwǐhè̌o toǒnu, pa glè sî̌ya hèyî̤pesǒ alo̤mo̤ tò̤, pa cû̌ hè kû̌po̤ kò dě alo̤mo̤ hò̌꤮.

Petru ginǐ̤bǎ tabǎ 3:9

Hǐnudě kòyò toǒǒ gènè̤ ta akhîakhayî̤ pwǎ̤tadě, Běcǎ olò̤ ta a hè gesǒ pěnu, a ma̤yo nǒ tò̤. Cǒmara sò̌yṳ noto̤bǎ kò ta ta̤pî̌ta̤lṳ̂ dǐpwǎ̤꤮ tò̤, htodě a sò̌yṳ noshò̌lò̤sû̌shò̌lò̤sò̌bò kò sò̌ pṳ̂̌꤮ tapwa̤ akhû̌akhî, a khòsò̌dopwǎ bǎ sîya.

Ta̤dǔlè̌nǎ 2:21

He ǒyṳ̂ yǎ dě a glè shò̌lò̤sû̌shò̌lò̤sò̌ gesǒ a ta̤cû̌sǔnṳ mamǔmakhûnu toǒ pwǎ̤tadě a sò̌yṳ wîkè tò̤.

Ta̤dǔlè̌nǎ 2:5

Na cû̌tepheyî̤kè ta na ta̤mo̤ǐ dě khû̌lû̌kha pwî̌꤮ tènu gènè̤ kè̌mò̌. Shò̌lò̤sû̌shò̌lò̤sò̌ gesǒ nasò̌ dě ma̤gesǒpû na ma̤ dě akhû̌lû̌ akhonu. Na dè shò̌lò̤sû̌shò̌lò̤sò̌ gesǒ nasò̌ tò̤ hî̌mò̌nu he hè naǒ dě he hèphî̌ tephekè na mî̌konu dě agûla̤ htǒonu pě.