Matěo 2:4 - Kawyaw RC

⁴ A kaǎ ǒplǒhî̌bǎhtubò pwa̤tòlûhtò̌ hǐkǒdû̌ toǒ ta pwa̤sû̌ǐ ta̤sû̌ta̤tòwò asara toǒ. Dě a gwè asî, “Pwa̤po̤ toǒ pwe̤ǐnǎ nû̌ûta Mè̤shǐa htǒotapwa̤nu a glè ǒlò̤ bǎtè tò̤glòpě tè,” a hî̌.

Kawyaw New Testament

⁴ A kaǎ ô̌plǒ hî̌bǎcu bò pwa̤shû̌gǎ ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ. Dě a gwè̌ asî kû̌, “Piwi̤pèshè tokhlǒ hî̌nǎ kû̌ Me̤shǐya nutôpwa̤ a gǔ ô̌phijǎlò̤ tôbǎtè tûkû pěya,” A hî̌.

Matěo 2:4 Iomraidhean Croise

Htû̌sò̌htò̌ 2:2

Hǎkhû̌ Khwǐcophǎ toǒ tîwî̌tòwònǎ ana̤ dě a glè shě Cǒmara tûjûpwa̤ ta Khwǐ htě Cǒmara wû̌lǎ nû̌û. Pwa̤pǒta̤ toǒ ǒhtuhî̌bǎplǒ nû̌û dě a glè shěplǒ ta hǎkhû̌ akhwǐcophǎ.

Matěo 13:52

Dě a hî̌shǔ asî, “Ma̤hǐnu akhû̌akhî, kò dè sû̌ǐsî̌yagebò pwa̤sû̌ǐ ta̤sû̌ta̤tòwò asaranu toǒ ta mǒkhû̌ shila̤gakû hî̌numî̌, asǒsǒta hǐběcǎ tapwa̤ htě a phî̌htò̌ a ta̤le̤dû̌pwî̤htû asa ta ali̤ toǒ dě ala̤ bè̌plǒ ta̤gûla̤ akû.”

Matěo 2:3

Bǎ Khwǐherǒ gana̤de ta̤hî̌bǎ pwǐhè̌o akhanu, a sò̌phlǒgusò̌phlǒgè. Ye̤rǔshèlèwî̤phû̌ lǒ̤bò toǒ sò̌phlǒgusò̌phlǒgè kû̌bò nû̌û.

Matěo 2:5

Dě asî hî̌shǔ nû̌û, “A bǎ ǒlò̤ dě Bè̌tèlèhèwî̤, Yṳ̌dagakû pě, pwa̤po̤ Mika khwè̌ dě a hî̌,

Matěo 21:15

Pò̤̌ta bǎ pwa̤tòlûhtò̌ hǐkǒdû̌ toǒ ta pwa̤sû̌ǐ ta̤sû̌ta̤tòwò asara toǒ kè̌shǐ Běcǎ Ye̤shǔ ma̤ ta̤cǒklî̌kî̌ya toǒ htodě a kè̌shǐ phijaû̌phû̌ toǒ yi̤kǒhtò̌ lǒkho, “Hosǎna, htû̌sò̌ǐ Khwǐdǎ̤wi̤ aphû̌khû,” dě ta̤lṳhtò̌hokû akhanu, asî sò̌phlǒdû̌ jòjî̌꤮ tò̤.

Matěo 21:23

Běcǎ Ye̤shǔ nṳ ta̤lṳhtò̌howe̤kû dě bǎ a sû̌ǐtòwòǐlò̤ kòyò akhanu, pwa̤tòlûhtò̌ hǐkǒdû̌ toǒ ta Yṳ̌daphû̌ ta̤subusaba hǐkǒdû̌ toǒ hè Běcǎ a ǒ dě a gwè nû̌û, “Na cû̌ma̤tǒ̤ ta̤htǒo toǒ děmî̌ na cû̌ma̤ yǎta ûpè a sîrîshû̌sho pè? Ûpè noma̤ na pè?”

Matěo 26:3

Bǎnukhanu, pwa̤tòlûhtò̌ hǐkǒdû̌ toǒ ta Yṳ̌daphû̌ ta̤subusaba hǐkǒdû̌ toǒ ǒplǒbò nû̌û pwa̤tòlûhtò̌ hǐkǒdû̌gutṳ̌ Kaǐpha ahokû.

Matěo 26:47

Bǎ Běcǎ Ye̤shǔ hî̌bǎ pepwǎ akhanu, Yṳ̌da htě a ǒkû̌ ta akhophijaû̌ shǐsò̌gini̤ akla htǒotapwa̤nu a hèto̤ bǎnu. Dě kò gûhèkû̌ nû̌û tṳ̂prṳ̂taphǎ dě a phî̌hènṳ lǒkho nò̌plè, nò̌po̤ ta nò̌she toǒ. Kòyò htǒotoǒ numî̌ mî̌pwǎ pwa̤tòlûhtò̌ hǐkǒdû̌ toǒ ta khlilèphû̌ a hǐkǒdû̌ toǒ nohè asînu toǒ pwǎ.

Matěo 27:1

Anǒti̤ni̤ lṳmṳlî wosò akhanu, lǒ̤꤮ bò pwa̤tòlûhtò̌ hǐkǒdû̌ toǒ ta khlilèphû̌ hǐkǒdû̌ toǒ ǒhtuhî̌bǎplǒbò nû̌û dě asî glè ma̤si Ye̤shǔ.

Matěo 7:29

Ma̤tè̤hî̌dě, a sû̌ǐtòwòǐ sǒsǒkû̌pwǐ pwa̤sû̌ǐ ta̤sû̌ta̤tòwò asaranu toǒ sû̌ǐnu tò̤. A sû̌ǐ lò̤kèta kòyò htě a ǒta a ta̤shû̌ta̤sho tapwa̤ sû̌ǐnu.

Mǎ̤riko 8:31

Dě Ye̤shǔ bòhtò̌ sû̌ǐ akhophijaû̌ toǒ, “He mî̌ kòyòphû̌khû dě he tobǎ khòbǎplṳ̂ ta̤jîta̤jû pě, dě Yṳ̌daphû̌ hǐkǒdû̌ toǒ, pwa̤tòlûhtò̌ hǐkǒdû̌ toǒ ta pwa̤sû̌ǐ ta̤sû̌ta̤tòwò asara toǒ sǒtephekè he pě dě asî ma̤sikè he pě. Dě he sihtopě suni̤ pěnu, he htûpwa̤gesǒ ta ta̤si pě.”

Lǔka 20:19

Pwa̤sû̌ǐ ta̤sû̌ta̤tòwò asara toǒ ta pwa̤tòlûhtò̌ hǐkǒdû̌ toǒ sî̌ya ta Ye̤shǔ hî̌khǒ asî akhû̌akhî, taplǎpa a sò̌yṳ pṳ̂ Ye̤shǔ bǎnu hǒ. Pwǎ̤ta asî ǐsha kòyò saprṳ̂nu toǒ ala̤.

Lǔka 23:10

Pwa̤tòlûhtò̌ hǐkǒdû̌ toǒ ta pwa̤sû̌ǐ ta̤sû̌ta̤tòwò asara htě a ihtǒ ǒ lǒkho bǎnu toǒ, kè̌lǎ bè̌ Ye̤shǔ ta̤sǔ.

Jowǎ̤ni̤ 18:3

Hǐnudě, Yṳ̌da cû̌ we̤kûnu te̤we̤. Dě pwa̤tòlûhtò̌ hǐkǒdû̌ toǒ ta Pharisè̌phû̌ toǒ nohè kû̌dǒ Rò̌mǎ kliphû̌ toǒ ta kliphû̌ htě a ǒpo̤ ta̤lṳhtò̌honu toǒ ta Yṳ̌da. Asî phî̌hènṳ mî̌ko sîtoǒ, mî̌bo toǒ ta ta̤wè̌ta̤htò toǒ.

Jowǎ̤ni̤ 3:10

Ye̤shǔ hî̌shǔ yǎ, “Na htû ta Israel a saradû̌ tapwa̤ amè̤tò̤ya, pwǐhè̌opwǎ dě na cû̌ sî̌yatò̤ ma̤tè?

Jowǎ̤ni̤ 7:32

Asî hî̌bǎhǔ hî̌bǎsè̌ nû̌û ta Běcǎ Ye̤shǔkhrî̌stu awi̤akè̌ htǒo akhanu, Pharisè̌phû̌ toǒ gana̤de dě asî ta pwa̤tòlûhtò̌ hǐkǒdû̌ toǒ nocû̌pṳ̂ Běcǎ Ye̤shǔ ta kliphû̌ htě a ǒpo̤ ta̤lṳhtò̌honu toǒ.

Jowǎ̤ni̤ 8:3

Pwa̤sû̌ǐ ta̤sû̌ta̤tòwò asara toǒ ta Pharisè̌phû̌ toǒnu a pṳ̂hènṳ mamǔ tapwa̤ dě Běcǎ Ye̤shǔ a ǒ. Asî kè̌shǐlǎ mamǔ htǒotapwa̤ bǎ a cû̌sǔnṳ makhû akhanu. Asî noihtǒ ǒ mamǔ htǒotapwa̤ dě kòyò saprṳ̂ a lo̤mo̤.

Pwa̤nophû̌ 23:9

Htǒotaplǎdě kò tǐ̤꤮ yi̤kǒhtò̌ shû̌shû̌ asî klanu pwa̤sû̌ǐ ta̤sû̌ta̤tòwò asara ǒ toǒ, asî ta Pharisè̌phû̌ mî̌ tûprṳ̂pa pwǎ, dě asîkla toǒǒnu, a ihtǒ dě a htè̌ kè̌khîshǔ, “Pa kè̌shǐ kòyò htǒotapwa̤ a ta̤ma̤sǔ dǐcǎ꤮ tò̤. Kǎlè̌mî̌ yolahtûpwa̤ mè̤tò̤mî̌ mǒkhû̌tanaphû̌ nohî̌bǎ pwǎ yǎ kǎlè.”

Pwa̤nophû̌ 4:5

A pṳ̂hto asî anǒkòti̤ni̤nu Yṳ̌daphû̌ a hǐkǒdû̌ toǒ, wè̤khǔwè̤pwa̤ htě a htû hǐkǒdû̌ toǒ ta pwa̤sû̌ǐ ta̤sû̌ta̤tòwò asara toǒ hè ǒplǒhî̌bǎhtu kè̌khînû̌û bǎ Ye̤rǔshèlèwî̤kûnu.

Pwa̤nophû̌ 6:12

Asî cû̌ dě kòyò saprṳ̂ toǒ a ǒ, Yṳ̌daphû̌ hǐkǒdû̌ toǒ ta pwa̤sû̌ǐ ta̤sû̌ta̤tòwò asara toǒ aǒ dě a cû̌ tûhtû̌bǎ nû̌ûdě a cû̌ noma̤shû̌shǎhtò̌ asî. Kòyò htǒotoǒ cû̌ pṳ̂ Stephen dě cǐhè nû̌û kòyò htû hǐkǒdû̌ toǒ a lo̤mo̤.