Matěo 2:1 - Kawyaw RC

¹ Ye̤shǔ ǒlò̤ dě Bè̌tèlèhèwî̤, Yṳ̌dagakû, bǎ Khwǐherǒ pǒshipǒga akha. Ye̤shǔ ǒlò̤htonu, pwa̤sî̌pwa̤jòphû̌ bǎ mṳhtò̌ toǒ hè Ye̤rǔshèlèwî̤ dě hègwè Khwǐ,

Kawyaw New Testament

¹ Yeshǔ ô̌phijǎlò̤ dǒ Wî̤̌bè̌telehe, Yǔdagǎ akû, bǎ Khwǐherû pǒshipǒgǎ akhanu. Yeshǔ ô̌phijǎlò̤ htodě pwa̤sî̌jò̌phû̌ Dǒ gǎ lṳmṳ̌htò̌ tokhlǒ hè dǒ Wî̤̌yarǔshôle dě hègwè̌ khwǐ kû̌,

Matěo 2:1 Iomraidhean Croise

Mǒhtûlû̌hǎhtûsa 10:30

Asî gakû la̤ǒnu a tèhtò̌ bǎ Meshǎga to̤ dě Sepharakholo htě aǒ gamṳhtò̌nu tokho.

Mǒhtûlû̌hǎhtûsa 41:8

Bǎ lṳmṳlî akhanu, Khwǐ gènè̤sò̌gònò̤ ǐsha na̤cè̌ ata̤ akhû̌akhî, a nocû̌ kaǎhè lǒ̤bò pwa̤ htě a hî̌htò̌jò ta̤hǎmoǒmi̤mò̤ amûasǎ ta pwa̤sî̌jòphû̌ dě Egyptgakûnu toǒ dě a pwe̤ǐlṳ bǎ asî ta ata̤hǎmoǒmi̤mò̤nu toǒ. Pwǎ̤tadě tapwǎ̤꤮ kò pwe̤ǐ htò̌lṳjò bǎ nû̌û ta̤hǎmoǒmi̤mò̤ amûasǎ tò̤.

Mǒhtûlû̌hǎhtûsa 49:10

Kò glè phî̌tephejòkè Yṳ̌da ata̤shû̌ta̤sho dǐpwǎ̤꤮ tò̤. Htohǒtò̤ Khwǐnò̌htǒnu a ǒměǒgle dě nakhlinalè toǒ acǔdekû pě. Na pǒǐ to̤htû̌ khlilèphû̌ toǒ phî̌hè bǎ na sû pě. Dě khlilè toǒ bè̌dubè̌na̤bò na pě.

Matěo 1:25

Pò̤̌ta bǎ Marǐa phû̌ǒlò̤ aphû̌makhû htǒotapwa̤ hǒtò̤nu, a hǎmoǒplǒ nû̌û hǒtò̤. Jǒjè kaǎ nû̌mi̤ ta Ye̤shǔ.

Matěo 2:16

Bǎ Khwǐherǒ sî̌ya ta pwa̤sî̌pwa̤jòphû̌ toǒ lòho nû̌û akhanu, a sò̌phlǒdû̌gûhî. Pwǐ a ǐsî̌ya te̤mǎhto dě pwa̤sî̌pwa̤jòphû̌ htǒotoǒ alo̤ ta shǎ ǒlṳhtò̌ bǎ asî bò̌khòtènu, a noma̤sibò makhû phijaû̌phû̌ ginǐ̤ně ala̤ toǒ htě a ǒ bǎ Bè̌tèlèhèwî̤kûnu ta do ǒ te̤we̤lṳ̂ lǒ̤꤮ bò bǎnu.

Matěo 2:19

Bǎ Khwǐherǒ sihto dě Jǒjè ǒpe bǎ Egyptga akhanu, Cǒmara a mǒkhû̌tanaphû̌ tapwa̤ hèǒlṳhtò̌ bǎ nû̌û dě a ta̤hǎmoǒmi̤mò̤ akû.

Matěo 2:3

Bǎ Khwǐherǒ gana̤de ta̤hî̌bǎ pwǐhè̌o akhanu, a sò̌phlǒgusò̌phlǒgè. Ye̤rǔshèlèwî̤phû̌ lǒ̤bò toǒ sò̌phlǒgusò̌phlǒgè kû̌bò nû̌û.

Matěo 2:5

Dě asî hî̌shǔ nû̌û, “A bǎ ǒlò̤ dě Bè̌tèlèhèwî̤, Yṳ̌dagakû pě, pwa̤po̤ Mika khwè̌ dě a hî̌,

Matěo 2:7

Hǐnudě Khwǐherǒ kaǎhǔsè̌ pwa̤sî̌pwa̤jòphû̌ htě a ǒ bǎ ga mṳhtò̌ hè htǒotoǒ dě a gwèwǒgwèdǎ asî ta shǎ htǒotamanu a ǒlṳhtò̌bǎ asî bò̌khòtè hǐnu.

Lǔka 1:5

Bǎ Khwǐherǒ htû Khwǐ dě Yṳ̌dagakû akhanu, pwa̤tòlûhtò̌ htě ami̤ ta Sakharǐa ǒtapwa̤. Dě anu a ǒpadǒkû̌ ta pwa̤lṳhtò̌ aprṳ̂aho htě kò kaǎ nû̌mi̤ ta Abǐya dě꤮ wǐnukhanu tṳ̂prṳ̂ akû, dě ama mi̤ mî̌ Èlî̌sèbè̌. A ma mî̌ akhlialè tǒhtudǒ ta pwa̤tòlûhtò̌ toǒ.

Lǔka 2:11

Htǒotasa bǎ Dǎ̤wi̤ awî̤kûnu, pwa̤htè̌ge sî ǒlò̤ hǒ, amî̌ Běcǎ Khrî̌stunu.

Lǔka 2:15

Bǎ mǒkhû̌tanaphû̌ ge kihtò̌hto dě mǒkhû̌ akhanu, pwa̤gèǐsophû̌ toǒ hî̌ kè̌khînû̌û, “Cû̌꤮, pa cû̌ Bè̌tèlèhèwî̤ dě pa cû̌kè̌dǒ ta̤htûhtò̌ana̤ htě Běcǎ hè ǐsî̌ya pa ta̤wi̤ta̤kè̌ htǒonu hò̌꤮.”

Jowǎ̤ni̤ 7:42

Lî̤cahtǐkû hî̌, Mè̤shǐa hè ǒhtò̌ dě Khwǐdǎ̤wi̤ akhlialèkû pě, a hè ǒphû̌jalò̤ dě Khwǐdǎ̤wi̤ ǒ ǐ Bè̌tèlèhèwî̤ akûnu pě, amè̤tò̤ya?” A hî̌ lǒkho hǐnu.