Matěo 10:3 - Kawyaw RC

³ Htodě Phǐlǐpo ta Batolomě̤o, To̤mǎ̤jo ta pwa̤kwi ta̤kûta̤cî̌ Matěo, htodě Alphěo aphû̌khû Jǎgomo̤ htodě Tadè̌,

Kawyaw New Testament

³ Htodě Khûphǐlǐpǔ kû̌ Khûbatòlòmè̌, Khûtû̌mǎ kû̌ pwa̤kwi ta̤kûta̤mṳ̂̌ Khûmatè̌, htodě PhaAlaphè̌ aphû̌khû Khûya̤kû htodě Khûtadè̌,

Matěo 10:3 Iomraidhean Croise

Matěo 18:17

A dè gana̤dekû̌ asîyo̤ tò̤ dèhî̌dě pwe̤ǐlṳ yǎta pwa̤yṳǎta̤ aprṳ̂ahophû̌nu toǒ, dě pwa̤yṳǎta̤ aprṳ̂ahophû̌ hî̌ nû̌û dě a dè gana̤de tò̤tò̤ dèhî̌dě hî̌bǎhî̌sho yǎ pwǐ sî bè̌ kòyò htě a yṳǎna̤ǎ kû̌kò tò̤ tapwa̤nu, tò̤mî̌ta hî̌bǎhî̌sho yǎ pwǐ pwa̤kwi ta̤kûta̤cî̌ tapwa̤nu.

Matěo 27:56

Dě asî htǒotoǒ aklanu Madalě̤na dokûmo̤ Marǐa, Jǎgomo̤ ta Jǒjè amo̤ Marǐa ta Sebedè̌ aphû̌ toǒ amo̤.

Matěo 9:9

Bǎ Běcǎ Ye̤shǔ hǎhtò̌cû̌kè bǎnuakha, a kè̌shǐ kòyò tapwa̤ ami̤ mî̌ Matěo hǎnòò̌ ma̤ ta̤ma̤ bǎ la̤kwi ta̤kûta̤cî̌ Khwǐ hǐkû. Běcǎ Ye̤shǔ hî̌ nû̌û, “Cû̌꤮ gûkû̌ hekò dě htûkû̌ he khophijaû̌.” Dě Matěo ihtǒ gûcû̌kû̌ nû̌ûkò.

Mǎ̤riko 15:40

Mamǔ htě a ihtǒ kè̌cû̌tûcû dě ayî̤ htǒotoǒ aklanu Madalě̤na dokûmo̤ Marǐa, ta Salo, Jǎgomo̤ ta apṳ Jose amo̤ Marǐa sî ǒplǒ nû̌û bǎnu.

Mǎ̤riko 2:14

Bǎ a cû̌ akhanu, a kè̌shǐ Alphěo aphû̌ Lě̤wǐ. A mî̌ pwa̤kwi ta̤kûta̤cî̌ tapwa̤. A kè̌shǐ Lě̤wǐ hǎnòò̌ bǎ la̤kwi ta̤kûta̤cî̌ hǐkû dě Běcǎ Ye̤shǔ hî̌ yǎ, “Gûkû̌ hekò,” dě Lě̤wǐ ihtǒ gûcû̌kû̌ nû̌ûkò.

Mǎ̤riko 3:18

Adrěa, Phǐlǐpo, Batolomě̤o, Matěo, To̤mǎ̤jo, Alphěo aphû̌khû Jǎgomo̤, Tadè̌, Shîmǒ̤nè̤ htě a mo̤ǐ ashiaganu tapwa̤,

Lǔka 18:10

“Kòyò sò̌gini̤ cû̌htò̌ kwisaba dě ta̤lṳhtò̌hokû. Tapwa̤ mî̌ Pharisè̌phû̌, dě ahǔwa̤tapwa̤ mî̌ pwa̤kwi ta̤kûta̤cî̌.

Lǔka 18:11

Pharisè̌phû̌ tapwa̤ cû̌ ihtǒ kwisaba dě a hî̌, ‘Kǒ Cǒmara, he hî̌bwǐhî̌sîrî na, ma̤tè̤hî̌dě pwǐ kòhǔwa̤ toǒ cû̌pṳ̂sigwi we̤saphǎ ǎ kòta̤, lòhǎlòho kò, cû̌sǔnṳ kòphû̌kòmanu he ma̤nǒ kû̌kò tò̤. He sǒsǒta pwa̤kwiǎ ta̤kûta̤cî̌ nutapwa̤ tò̤ akhû̌akhî, he hî̌bwǐhî̌sîrî na.

Lǔka 18:13

“Pwǎ̤tadě pwa̤kwi ta̤kûta̤cî̌ htǒotapwa̤nu, a cû̌ihtǒ ǒ tûcû, dě a kè̌htò̌ bǔ ami̤sǎ dě mǒkhû̌ tò̤. A sǎpla̤ ta a pla̤lò̤ asoo dě a hî̌, ‘Kǒ Cǒmara gwèbǎǐ pû he. He mî̌ ta̤ma̤sǔphû̌ tapwa̤.’”

Lǔka 19:2

Kòyò htû pwa̤kû ta̤kûta̤cî̌ hǐkǒdû̌ htě ami̤ ta Sakhè̌ǔ ǒ tapwa̤, dě a dû̌yò̤htò̌sa mè̤mè̤̌.

Lǔka 5:27

A ma̤hto hǐnu dě, Ye̤shǔ hǎhtò̌cû̌kè, dě a cû̌kè̌shǐ ta pwa̤kwiǎ ta̤kûta̤cî̌ tapwa̤ ami̤ mî̌ Lě̤wǐ. Dě a hǎnòò̌ bǎ la̤kwi ta̤kûta̤cî̌ hǐkû. Dě Ye̤shǔ hî̌ yǎ, “Gûkû̌ hekò dě htûkû̌ he khophijaû̌.”

Jowǎ̤ni̤ 1:48

Dě Nataneělè gwè nû̌û, “Na cû̌ sî̌yajò he hî̌tè?” A hî̌ dě Ye̤shǔ hî̌shǔ nû̌û, “Bǎ Phǐlǐpo kaǎ na hǒtò̤ akhanu, he kè̌shǐ na ǒ bǎ dǐshimṳla̤nu.”

Jowǎ̤ni̤ 11:16

To̤mǎ̤jo htě kò kaǎpo̤ nû̌ûmi̤ ta Dǐdimǔ Htǒotapwa̤ hî̌ Ye̤shǔ akhophijaû̌ toǒ, “Pa cû̌si plǒkû̌ ta pa Běcǎ hò̌!” A hî̌ hǐnu.

Jowǎ̤ni̤ 14:22

Htǒotaplǎdě Yṳ̌da (Yṳ̌da Isakarǐo mè̤tò̤) hî̌, “Běcǎ, na sò̌yṳ dǔlṳ bǎ pa ta nana̤ hǐnudě ma̤titè̌ na dǔlṳ to̤bǎdǒ kòyòhǎkhû̌phû̌ toǒ tò̤ ma̤tè?”

Jowǎ̤ni̤ 14:5

To̤mǎ̤jo hî̌ nû̌û, “Běcǎ, na glè cû̌ bǎtè tò̤glònu pa sî̌yatò̤, hǐnudě pa cû̌ sî̌yajò klè̌ hî̌tè?”

Jowǎ̤ni̤ 14:9

Běcǎ Ye̤shǔ hî̌shǔ yǎ, “Phǐlǐpo, he ǒkû̌ yî̤ta sî hǒ dě mî̌ na sî̌yanǒ he tò̤ ya? Kòyò htě a kè̌shǐbǎ henu, a kè̌shǐbǎ pha hǒ. Dě, ‘Dǔlṳ bǎ pa ta pha,’ na cû̌hî̌tǒ̤ hǐnu ma̤tè?

Jowǎ̤ni̤ 21:2

Shîmǒ̤nè̤ Petru, To̤mǎ̤jo htě kò kaǎpo̤ nû̌ûmi̤ ta Dǐdimǔ, ta Galilî̌aga Kanǎwî̤phû̌ Nataneělè ta Sebedè̌o aphû̌makhû sò̌gini̤ ta Ye̤shǔ akhophijaû̌ ahǔwa̤ sò̌gini̤ cû̌ ǒplǒ wo̤wǒ̤bò nû̌û.

Pwa̤nophû̌ 1:13

Asî geto̤ bǎ Ye̤rǔshèlèwî̤kû dě a cû̌htò̌nṳ hǐ htě asî la̤cû̌ǒkǔ teděsǎphû̌ htǒǒnutama dě akhû̌to̤to̤. Dě asî ǒ bǎnu mî̌ Petru, Jowǎ̤ni̤, Jǎgomo̤, Adrěa, Phǐlǐpo, To̤mǎ̤jo, Batolomě̤o, Matěo, Alphěo, aphû̌khû Jǎgomo̤, Shîmǒ̤nè̤ htě a mo̤ǐ ashiaga htǒotapwa̤ ta Jǎgomo̤ aphû̌khû Yṳ̌da sîtoǒ pwǎ.

Pwa̤nophû̌ 12:17

Petru sò̌yṳ ta pwǎpwǎ꤮ noǒ asî dě a wî̌wòlṳ bǎ asî ta acǔde. Dě a pwe̤ǐ asî ta Běcǎ Cǒmara ma̤lû̌htò̌ kwè̌꤮ a dě apo̤kû hî̌tè awi̤akè̌. Dě a hî̌, “Pwe̤ǐ dǒ Jǎgomo̤ ta pwa̤yṳǎphû̌ lǒ̤꤮ bò ahǔwa̤nu toǒ ta ta̤wi̤ta̤kè̌ htǒonu nî̌꤮,” Petru hî̌htokè asî hǐnu dě a hǎhtò̌cû̌kè ahǔwa̤ tò̤glò.

Pwa̤nophû̌ 15:13

Bǎ Asî hî̌bǎhto akhanu, Jǎgomo̤ hî̌, “Pṳwè̤ sî꤮, gana̤de lǒkho he pwe̤ǐlṳ bǎ sî,

Pwa̤nophû̌ 21:18

Pe̤wo̤ ti̤ni̤nu, Pò̌lu cû̌kû̌ ta pa dě pa cû̌ǒlè hî̌bǎkû̌ ta Jǎgomo̤ ta pwa̤yṳǎta̤ aprṳ̂aho wè̤khǔwè̤pwa̤ htě a htû hǐkǒdû̌ bǎnu toǒ pṳ̂̌꤮ tapwa̤.

Galatǐ 1:19

He kè̌shǐ pwa̤nophû̌ ahǔwa̤ dǐpwǎ̤꤮ tò̤. He kè̌shǐ pwǎpǒ̤ Běcǎ apṳ Jǎgomo̤ pwǎ.

Galatǐ 2:9

Jǎgomo̤ ta Petru ta Jowǎ̤ni̤ htě kò bè̌ asî ta hǐkǒdû̌ htǒotoǒnu, a sî̌yaphlo lǒkho ta ta̤bwǐta̤sîrî htǒonumî̌ Cǒmara ǐpwǎ he, a kè̌shǐ lǒkho hǐnu. Dě ta̤htǒo akhû̌akhî, asî kè̌shǐ ta Banabǎ ta he numî̌ pwa̤ma̤plǒnû̌ûta̤ ta asî hǐnu pwǎ. Asî sò̌phlǒto sǔshibǎ ta pa glè ma̤ta̤ dě Yṳ̌daphû̌ mè̤tò̤ toǒ aklahǒ, asî dě a glè ma̤lè̌ bǎ Yṳ̌daphû̌ toǒ akla hǐnu pwǎ.

Jǎgomo̤ 1:1

He mî̌ Jǎgomo̤, he htû Cǒmara ta Běcǎ Ye̤shǔkhrî̌stu ajûphû̌ tapwa̤. He hî̌mo̤hî̌wǒ cû̌ bǎ Cǒmara akòyò khlilè shǐginǐ̤mṳ htě a cû̌ǒpîshîpò̤wò̤ lǒkho gûla̤ pṳ̂̌꤮ tò̤glò toǒ aǒ.

Yṳ̌da 1:1

He mî̌ Jǎgomo̤ apṳ Yṳ̌da, htohǒtò̤ he mî̌ Ye̤shǔkhrî̌stu ajû tapwa̤. He sò̌yṳ khwè̌cû̌bǎ kòyò htě pha Cǒmara kaǎ asî dě a mo̤ǐ asî, htohǒtò̤ Ye̤shǔkhrî̌stu ǒpo̤ ma̤kwaǐ asînu toǒ a ǒ.