Lǔka 8:3 - Kawyaw RC

³ Htodě Khǔsǎ htě a kè̌ǐkhwè̌ǐ bǎ Khwǐherǒ a ta̤kî̌ta̤kû̌ dě Khwǐ hokûnu tapwa̤ ama Jowǎ̤na ta Susǎna̤ ta mamǔ ahǔwa̤ toǒ gûcû̌ pa plṳ̂kû̌ nû̌û. Mamǔ htǒotoǒnu, ma̤pûhǐ asî ma̤jè Ye̤shǔ ta a pwa̤nophû̌ htǒotoǒayanu, asî ma̤hǎbò lǒkho tû̌ awûhta dě a gûcû̌kû̌ asî kò.

Kawyaw New Testament

³ Htodě Khûkhǔsǎ dǒ a kè̌ǐpwǎ bǎ Khwǐherû a ta̤khǐta̤khû̌ dǒ khwǐcôphǎ hôkû tôpwa̤nu, a ma Mǒ̤yṳ̂hana kû̌ Mǒ̤susè̌na̤ kû̌ pwa̤mǒ̤ dǒ ashǔshawa̤ tokhlǒ gû̌cû̌ jûgrû kû̌ lû̌û. Pwa̤mǒ̤ hǒtokhlǒ nî̌, ma̤pô̤̌ asî gǔ ma̤jè̌ Yeshǔ kû̌ a pwa̤nophû̌ ayanudě, asî ma̤hǎlǒ̤ tûû̌ lô̌khô aruahta dě a gû̌cû̌kû̌ asîkò.

Lǔka 8:3 Iomraidhean Croise

Matěo 14:1

Bǎnuakha Herǒ htě apǒshipǒga bǎnu tapwa̤ gana̤de Běcǎ Ye̤shǔ awi̤akè̌.

Matěo 14:3

Khwǐherǒ cû̌phî̌ gesǒtû̌ akhi Mo̤herǒdè. A mî̌ apṳ Phǐlǐpo ama hǐnu akhû̌akhî, Jowǎ̤ni̤ hî̌htohî̌sǒ nû̌û, “Na cû̌phî̌ gesǒ nakhi hǐnu mî̌ ato ta ta̤sû̌ta̤tòwò tò̤.” A hî̌ nû̌û hǐnudě a nocû̌pṳ̂ coklomě akliphû̌ toǒ ta Jowǎ̤ni̤ dě a nodǒlò̤te̤ nû̌û apo̤kû.

Matěo 14:6

Pò̤̌ta bǎ Khwǐherǒ ata̤ǒlò̤ amṳni̤ hèto̤hǒ akhanu, Mo̤herǒdè aphû̌mamǔ kalî̌ dě Khwǐherǒ alo̤mo̤ ta shǐtè̤mè̤ toǒ alo̤mo̤ dě Khwǐherǒ sò̌phlǒmo̤ jòjî̌꤮ tò̤ akhû̌akhî,

Matěo 2:11

Dě asî nṳhǐkû dě nṳkè̌shǐ phijaû̌htǒo ǒplǒ ta amo̤ Marǐa. Asî gene̤û̌lò̤ subusabahtò̌ nû̌û. Htodě a phî̌htò̌ hta ta ta̤nṳmû̌mǔ htě kò kaǎ yǎta Lò̤ba ta ta̤khû̌nṳmû̌ htě kò kaǎ yǎta Mǔra htě ale̤dû̌pwî̤htû htǒotoǒ dě a ǐ nû̌ûta phijaû̌ asû.

Matěo 20:8

“Bǎ lṳmṳlò̤ akhanu, hǔklaběcǎ htǒo hî̌ apwa̤ pǒǐkhû kò htǒotapwa̤, ‘Kaǎhè lǒkho pwa̤ma̤ta̤nu toǒ dě ǐ asî khû̌kǎnu. Ǐwǐgutṳ̌ a hè nǒkò akhonu toǒ nî̌, dě a hè wǐtocǒnu toǒ dě ǐnǒgutṳ̌ yǎ pě.’

Matěo 25:40

“Khwǐ htǒotapwa̤ glè hî̌shǔ asî, ‘He hî̌ mè̤mè̤̌ sî, dě he pṳwè̤ toǒ akla, sî ma̤jèbǎ kòyò htě kò gènè̤pî̌tî̌gutṳ̌ nû̌û tapwa̤ numî̌ sî ma̤jè he hǒ.’

Matěo 26:11

Kòyò shuphǔshèwèphû̌ toǒ ǒkû̌dǒ ta sî pṳ̂̌꤮ taplǎ, pwǎ̤tadě hehtǒonu he ǒkû̌sayè̤ nǒ sî tò̤.

Matěo 27:55

Mamǔ htě a ǒpo̤ kè̌cû̌tûcû dě ayî̤ toǒ ǒplṳ̂ǒphǎ bǎnu. Asî mî̌ mamǔ toǒ htě a ǒ bǎ Galilî̌aga dě a gûkû̌ ta Ye̤shǔ. Dě asî kè̌ǐkhwè̌ǐ lǒkho ta̤htě Běcǎ lo̤bǎ toǒ.

Lǔka 24:10

Mamǔ htǒotoǒ mî̌ Madalě̤na dokûmo̤ Marǐa, Jowǎ̤na ta Jǎgomo̤ amo̤ Marǐa sînu toǒ hǒ. Asî htǒotoǒ ta mamǔ ahǔwa̤ toǒ pwe̤ǐlṳ bǎ pwa̤nophû̌ toǒ ta ta̤wi̤ta̤kè̌ htǒotoǒ.

Jowǎ̤ni̤ 12:6

A gwèbǎǐ mè̤mè̤̌ kòyò shuphǔshèwèphû̌ dě a hî̌ pwǐhè̌onu mè̤tò̤, ma̤tè̤hî̌dě a mî̌ a htû pwa̤ǎhǔ. A bǎ pṳ̂ bǎ kò wû, shebǎ kò wûhû̌khi ta a phî̌hǔ sala̤la̤ wû dě a noǎ tû̌pwǎ nû̌ûta aya.

Pwa̤nophû̌ 13:1

Pwa̤yṳǎta̤ aprṳ̂aho bǎ Atiǒwî̤kûnu pwa̤po̤ ta sara ǒ toǒ. Mî̌ûpè hî̌numî̌ Banabǎ, Simeo (htě kò kaǎ nû̌ûta kòyòyî̌lo̤) ta Lṳsǐa (Cyrenewî̤phû̌), Manî (kò bǔǐ dû̌htò̌ plǒkû̌ yǎta Khwǐherǒ) ta Saulǔ htǒotoǒ hǒ.

Kôritu ginǐ̤bǎ tôbǎ 8:9

Pa Běcǎ Ye̤shǔkhrî̌stu htǒonu abwǐdû̌sîrîhtû pwî̌꤮ tènu, sî sî̌yatû̌ hǒ. A ǒ dě mǒkhû̌ akhanu, a dû̌yò̤htò̌sa mè̤mè̤̌ pwǎ̤ta bǎ a hè sûlûana̤ pwǐ kòyòhǎkhû̌phû̌ tapwa̤ akhanu, a bǎhè htû kòyò shuphǔshèwèphû̌ tapwa̤ ta paya hǒ. Ma̤pûhǐ sî dû̌yò̤htò̌sa kû̌kò ayanudě, a bǎhè htû kòyò shuphǔshèwèphû̌ tapwa̤nu hǒ.

Phǐlǐpǐ 4:22

Cǒmara akòyò lǒ̤꤮ bò bǎo toǒ sûcû̌dǒ bǎbò a ta̤hî̌mo̤hî̌wǒ toǒ dě sîǒ. Dû̌shǐ mî̌ pṳwè̤ htě a ma̤ ta̤ma̤ dě Khwǐdû̌hokûnu toǒ hî̌mo̤hî̌wǒ cû̌nṳdǒ bǎ sî.

Tîmôte awǐlǒ tôbǎ 5:10

Htodě a bǎ htû mamǔ htě ami̤lṳwǒ ta a ma̤ta̤wǒ toǒ akò. A bǎ htû mamǔ tapwa̤ dě a kè̌ǐkhwè̌ǐ dû̌htò̌wǒhtotû̌ aphû̌ali̤ toǒ, a bǎ dǒshuǐ shǐtè̤mè̤ toǒ dě a hǐdǒkû, a bǎ htû mamǔ tapwa̤ dě a shǔbò Cǒmara akòyò toǒ akhò̌lopo̤, A bǎ ma̤jo kòyò bǎpò̤bǎsha toǒ htodě a bǎ htû mamǔ tapwa̤ dě a ǐlò̤ asò̌ ta a ma̤ta̤wǒ toǒ aya.