Lǔka 8:2 - Kawyaw RC

² Htohǒtò̤ mamǔ toǒǒ htě khînǎkhîno ma̤bǎ asî dě Ye̤shǔ wṳ̂hǎhtò̌kè bǎ asî toǒ ta ama̤hǎmǎ bǎ asî ta̤shǐtasha toǒnu, a gûcû̌ kû̌ Ye̤shǔ akò. Asî htǒotoǒ numî̌ kwè̌꤮ ûpè hî̌numî̌, Madalě̤na dokûmo̤ Marǐa, a mî̌ khînǎ ǒ nû̌kû susǒtado dě Ye̤shǔ wṳ̂hǎhtò̌kè bǎ nû̌ûnu tapwa̤ hǒdě a gûcû̌ kû̌ Ye̤shǔ akò.

Kawyaw New Testament

² Htodě pwa̤mǒ̤ tokhlǒkhlǒ dǒ khînǎkhîno ma̤bǎ asî dě Yeshǔ wṳ̂̌hǎhtò̌kè bǎ asî tokhlǒ kû̌mî̌ a ma̤hǎmǎ bǎ asî ta̤shǐta̤sha tokhlǒnu, a gû̌cû̌ kû̌ Yeshǔkò. Asî numî̌ kwè̌꤮ mò̌pè numî̌, Magadalǎ dokûphû̌ Mǒ̤ma̤rǐ, a mî̌ khînǎsusô̌tôdo ô̌ dǒ akû dě Yeshǔ wṳ̂̌htò̌kè bǎ lû̌û nutôpwa̤ dě a gû̌cû̌kû̌ Yeshǔkò.

Lǔka 8:2 Iomraidhean Croise

Matěo 4:24

Běcǎ ami̤ lṳshilṳga cû̌bò Shurǐaga sagala̤ akhû̌akhî, kò kaǎhè kòyò htě a bǎplṳ̂ ta̤shǐta̤sha toǒ dě aǒ. Dě kò kaǎhè kòyò htě a shajîshajû nû̌na̤ toǒ, khînǎkhîno ma̤sha nû̌û toǒ, A ta̤shahtò̌ sî toǒ, ta a sitokho sî toǒ a ǒ dě a ma̤bǎbò bǎ kò ta̤sha pṳ̂̌꤮ tapwa̤.

Mǎ̤riko 16:1

Bǎ Yṳ̌daphû̌ a mṳni̤dǔ tûlû̌kèhto to̤wo̤nu, Madalě̤na dokûmo̤ Marǐa, Jǎgomo̤ amo̤ Marǐa ta Salo pwî̤nṳ shinṳmû̌ dě a glè̌ cû̌plṳ lǒkho nû̌ûta Běcǎ Ye̤shǔ ana̤.

Mǎ̤riko 16:9

Ye̤shǔ htûpwa̤gesǒ bǎ toshodè akû awǐgutṳ̌nu ti̤ni̤ lṳmṳlîwosònu to̤wo̤. Htodě nǒkònu a cû̌dǔlṳ wǐlǒ bǎ ana̤ ta Madalě̤na dokûmo̤ Marǐa. Dě Marǐa htǒotapwa̤ numî̌ a mî̌ mamǔ htě Ye̤shǔ wṳ̂hǎhtò̌kè bǎ nû̌û khînǎkhîno susǒtado dě alo̤nu tapwa̤ hǒ.

Lǔka 23:27

Kòyò gûcû̌plṳ̂ gûcû̌phǎ kû̌bò Ye̤shǔ akò, dě kòyò htǒotoǒ aklanu, mamǔ htě anî̤bǎ mè̤mè̤̌ ta̤sǎpla̤ toǒnu, a ǒpacû̌kû̌dǒ bǎnu, dě a hǎsihǎǒ lǒkho.

Lǔka 23:49

Kòyò lǒ̤꤮ bò htě a sî̌ya Ye̤shǔ toǒ ta mamǔ htě a ǒ Galilî̌aga dě a gûkû̌ nû̌û toǒnu, a cû̌ ihtǒ ǒ tûcûyî̤ dě a kè̌ lǒkho a htûhtò̌bò htǒotoǒ.

Lǔka 23:55

Mamǔ ǒ Galilî̌aga dě a gûhèkû̌ Ye̤shǔ akò htǒotoǒnu, a gûhèkû̌ ta Jǒjè dě a kè̌nǎǐkè kò la̤dò̌nṳ Ye̤shǔ agûla̤ htǒotò̤glò.

Lǔka 8:30

Ye̤shǔ gwè yǎ, “Nami̤ ta ûpè?” Dě a hî̌shǔ, “Hemi̤ mî̌ Legion,” ma̤tè̤hî̌dě khînǎkhîno hè nṳǒplṳ̂ nû̌ûkû.

Jowǎ̤ni̤ 19:25

Bǎ Běcǎ Ye̤shǔ a nò̌dòhtǔ akòshî̌nu, Běcǎ amo̤ ta Běcǎ amo̤ apṳmamǔ, ta Klò̌phǎ ama Marǐa ta Madalě̤na dokûmo̤ Marǐa ihtǒ ǒ lǒkho bǎnu.

Pwa̤nophû̌ 1:14

Asî htǒotoǒnu a hè kè̌shǐ glashǔplǒ sala̤la̤ ta mamǔ ahǔwa̤ ta Ye̤shǔ amo̤ Marǐa ta Ye̤shǔ a pṳmakhû toǒ dě asî kwisabahtubò nû̌û bǎnu.