Lǔka 7:2 - Kawyaw RC

² Bǎ wî̤kûnu Rò̌mǎ klihǐkǒdû̌ ǒ tapwa̤, dě jûphû̌ htě a mo̤ǐ mè̤mè̤̌ nû̌û htǒotapwa̤nu, a sha dě a glè phǔsi cè̌cè̌kè hǒ.

Kawyaw New Testament

² Bǎ wî̤̌kûnu Rṳ̂̌me̤ kli ikǒdû̌ ô̌ tôpwa̤, dě jû̌ dǒ a mô̤nǐ̤ lû̌û nutôpwa̤ nî̌, a sha dě a glè̌ phǔ si cè̌cè̌ hǒ.

Lǔka 7:2 Iomraidhean Croise

Mǒhtûlû̌hǎhtûsa 24:27

Dě a hî̌, “Htû̌sò̌ǐ Cǒmara tûjûpwa̤, heběcǎ Abraham acǒmaradû̌. A mî̌ a mo̤ǐ heběcǎ ta ata̤mo̤ǐ htě ahǎbòpè̤jò tò̤ htǒo dě a cǒtè̤ ta ayo̤. A sûhè he dě a nokè̌shǐ totǐ he ta heběcǎ akhlialè.”

Mǒhtûlû̌hǎhtûsa 35:8

Ǒyî̤hǒtò̤dě, Debǒra mî̌ Ribè̌ka apwa̤ma̤ta̤ htǒo a sikè dě kò lǔlò̤kè nû̌û bǎ sǒmṳdû̌la̤ Betelǎwî̤ cǔmû galo̤to̤kûnu tò̤glò. Hǐnudě kò kaǎkè gûla̤nu tò̤glò ami̤ ta Alobakhǔ. (Alobakhǔ amûasǎ mî̌ ta̤hǎta̤wo asǒmṳdû̌.)

Matěo 27:54

Bǎ Rò̌mǎ klita̤ya̤ hǐkǒdû̌ htǒotapwa̤ ta kòyò htě a ǒpo̤ǐ Ye̤shǔ htǒonu toǒ kè̌shǐ tṳtṳhtû̌dî̌ ta lǒ̤꤮ bò ta̤htûhtò̌ ana̤ htǒotoǒ akhanu, asî ǐsha dě a hî̌ lǒkho, “A mî̌ Cǒmara aphû̌khû na̤cè̌nu hǒ.”

Lǔka 23:47

Rò̌mǎ klita̤ya̤ hǐkǒdû̌ htǒotapwa̤ kè̌shǐ ta̤ma̤ana̤ htǒotoǒ dě a htû̌sò̌ǐ Cǒmara dě a hî̌, “Kòyò htǒotapwa̤ mî̌ kòyòcǒkòyòtè̤ mè̤mè̤̌nu hǒ!”

Lǔka 7:1

Bǎ Ye̤shǔ hî̌ bǎ htobò kò ta ta̤ lǒ̤꤮ bò htǒotoǒ akhanu, a gesǒ dě Kaperanòwî̤.

Lǔka 7:3

Bǎ klihǐkǒdû̌ htǒotapwa̤ gana̤de Ye̤shǔ awi̤akè̌ akhanu, a nocû̌ Yṳ̌da wè̤khǔwè̤pwa̤ htě a htû hǐkǒdû̌ toǒ Ye̤shǔ ǒ dě a nocû̌ kwigwèbǎǐ nû̌û ta a glè hè ma̤bǎ bǎ nû̌û jûphû̌ htǒotapwa̤.

Lǔka 8:42

Ma̤tè̤hî̌dě a phû̌mamǔ ǒpwǎ tapwǎ̤꤮ pa dě ata něǒ shǐginǐ̤ně htǒotapwa̤ glè̌ sicè̌cè̌ akhû̌akhî, a cû̌ kaǎgepwǎ Ye̤shǔ dě ahǐ. Bǎ Ye̤shǔ gûgekû̌ nû̌û klè̌lo̤ akha, kòyò gû tîdî̌tûshû̌ dǐkhû̌dǐdò plṳ̂phǎbǐbòkè yǎ.

Pwa̤nophû̌ 10:1

Bǎ Kèsarǐwî̤kûnu klihǐkǒdû̌ htě ami̤ ta Gòne̤lǐa ǒ tapwa̤, A mî̌ Rò̌mǎ klita̤ya̤ ahǐkǒdû̌ htě kò kaǎ yǎta Itali kli.

Pwa̤nophû̌ 10:7

Mǒkhû̌tanaphû̌ hǎhtò̌cû̌kè htodě, Gòne̤lǐa kaǎhè jûphû̌ a hǐdǒkû sò̌gini̤ ta kliphû̌ htě a bè̌dubè̌na̤ Cǒmara dě a la̤yṳǎ nû̌û tapwa̤. Dě a pwe̤ǐlṳbò bǎ asî ta ta̤ma̤htûhtò̌hto ana̤ ta a htǒotoǒ, htodě a nocû̌ asî dě Yǔpewî̤.

Pwa̤nophû̌ 22:26

Bǎ klita̤ya̤ ahǐkǒdû̌ htǒotapwa̤ gana̤de ta̤htǒo akhanu, a cû̌ pwe̤ǐ tṳtṳ ta klitîrî̌ ahǐkǒdû̌ dě a cû̌gwè klitîrî̌ ahǐkǒdû̌ htǒo, “Na glè̌ ma̤yǎ hî̌tè pě? A mî̌ Rò̌mǎ shiphû̌gaphû̌ tapwa̤ lè!”

Pwa̤nophû̌ 23:17

Htǒotaplǎdě Pò̌lu kaǎ klita̤ya̤ a hǐkǒdû̌ toǒ akla tapwa̤ dě a hî̌ nû̌û, “Sûcû̌ phijaû̌ makhûphû̌ htǒotapwa̤ dě klitîrî̌ hǐkǒdû̌nu tapwa̤ a ǒnu. Ta̤wi̤ta̤kè̌ htě a sò̌yṳ pwe̤ǐlṳ bǎ nû̌ûnu, a ǒ tacǎ.”

Pwa̤nophû̌ 27:1

Bǎ kò hî̌htohî̌phlǔ yo̤sǎ dě pa bǎ dò̌nṳ sǒkhlidû̌ dě bǎ hǎhtò̌cû̌ Italiga akha, Pò̌lu ta kòyò hǔwa̤ htě kò dǒlò̤te̤ asî dě apo̤kû toǒnu, kò ǐlò̤kè asî dě Jǔlia a cǔdekû. Jǔlia mî̌ klita̤ya̤ ahǐkǒdû̌ tapwa̤. A mî̌ a ǒ panṳkû̌dǒ dě Rò̌mǎ kliphû̌ htě a ǒ apwa̤ tîrî̌ tṳ̂prṳ̂, dě kò kaǎ yǎta “Ò̌kasata akli prṳ̂dû̌.”

Pwa̤nophû̌ 27:3

Htû̌pe̤wo̤nu, pa cû̌to̤ dě Sidowî̤. Jǔlia gwèbǎǐ Pò̌lu. Dě ma̤pûhǐ a khobǒsû̌ toǒ ǐ nû̌û ta̤ htě a lo̤bǎ toǒnu dě a plûcû̌ǒlè nû̌û bǎ a khobǒsû̌ toǒ a ǒ.

Pwa̤nophû̌ 27:43

Pwǎ̤tadě klita̤ya̤ a hǐkǒhtǒo a sò̌yṳ ma̤lû̌htò̌ Pò̌lu akhû̌akhî, hî̌ dǐdò kliphû̌ toǒ ta a ma̤si pûma̤ asî dǐpwǎ̤꤮ ma̤. Hǐnu akhû̌akhî, a hî̌lò̤ ayo̤ ta kòyò htě a yò̤jò shi toǒnu pe̤lò̤te̤ wǐgutṳ̌mò̌ shiklanu dě yò̤hǎhtò̌mò̌ khosûkhû̌nu.

Kòlòtè̌ 3:22

Jû sî꤮ gana̤de lǒkho sîběcǎ toǒ ayo̤ dě ta̤lǒ̤꤮ bò akû nî̌꤮. Sî sò̌yṳ nî̤bǎ a ta̤htû̌sò̌ǐ sî dě sî ma̤wǒ lǒkho pwǎpǒ̤ a lo̤mo̤ pwǎ. Ma̤ lǒkho pûma̤ hǐnu ma̤ nî̌꤮. Ma̤wǒ lǒkho pṳ̂̌꤮ taplǎ ta ta̤sò̌phlǒcǒ sò̌phlǒtè̤ akû nî̌꤮. Ma̤tè̤hî̌dě sî bè̌dubè̌na̤ lǒkho Cǒmara akhû̌akhî, tûrû̌ ma̤wǒ lǒkho nî̌꤮.