Lǔka 3:8 - Kawyaw RC

⁸ Sî dè yò̤lò̤ge mè̤mè̤̌ sî sò̌phlǒ dèhî̌dě dǔlṳ lǒkho sî ta̤ǒhtûpwa̤ toǒ ta sî ǐlò̤ sî sò̌phlǒsǔshi toǒ. Hî̌htohî̌lò̤ pûma̤ sîna̤ ta, ‘Pa mî̌ Abraham akhlialè’ numa̤. He hî̌ sî, Cǒmara ma̤htûhtò̌ lo̤ htǒotoǒ ta Abraham aphû̌ mî̌ a ma̤jò pwǎ.

Kawyaw New Testament

⁸ Sî kè̌ yò̤lǎ̤plǎdî̌ mè̤̌mî̌ca sî nǎ̤ kè̌hî̌dě dǔlè̌lṳ̌ lô̌khô sî ta̤ô̌htûpwa̤ tokhlǒ kû̌ sî ta̤bè̌ sî sǎphlǒsǔshi. Hî̌htôhî̌lò̤ tǎ̤ sînǎ̤ kû̌, ‘pa mî̌ PhaAbraha akhlialè’ nutǎ̤mǎ̤. He hî̌ sî, Cǒmara ma̤htûhtò̌ jò lǒ̤ tokhlǒ kû̌ PhaAbraha aphû̌ mî̌ a ma̤jò pwǎ.

Lǔka 3:8 Iomraidhean Croise

Matěo 21:43

“Hǐnudě he hî̌ sî mǒkhû̌ shila̤gakû htě sî to nî̤bǎnu Cǒmara phî̌sigwima̤saphǎ sî pě. Dě a ǐ nû̌ûta kòyò htě a jûle̤phî̌yo̤ Cǒmara ayo̤nu toǒ pě.

Matěo 3:8

Sî dè yò̤lò̤ge mè̤mè̤̌ sî sò̌phlǒ dèhî̌dě dǔlṳ lǒkho sî ta̤ǒhtûpwa̤ toǒ ta sî ǐlò̤ sî sò̌phlǒsǔshi toǒ.

Matěo 3:9

Hî̌htohî̌lò̤ pûma̤ sîna̤ ta, ‘Pa mî̌ Abraham akhlialè’ numa̤. He hî̌ sî, Cǒmara ma̤htûhtò̌ lo̤ htǒotoǒ ta Abraham aphû̌ mî̌ a ma̤jò pwǎ.

Lǔka 13:25

Hǐběcǎ glè ihtǒ ma̤bǐkèbǎ sî takha pě taplǎpa. Bǎnukha sî ihtǒ ǒ dě akhlo pě dě sî to̤glo takha pě. Dě sî glè hî̌ ta, Běcǎ꤮ bòmopû bǎ pa takha. Dě a glè hî̌shǔ sî, sî mî̌ kòyò bǎtènu, he sî̌yanǒ sî tò̤.

Lǔka 13:26

Bǎnuakha, sî glè hî̌shǔ yǎ, pa ǎohtuhto ta na hǒ, na sû̌ǐtòwòǐhto pa dě pa wî̤kûnu lè.

Lǔka 14:9

Kò dè mǎhè dǒ yǎ hî̌dě hǐběcǎ glè hî̌ na ta, ‘Ǐhǎnòò̌ pûyǎ na gûla̤ htǒonu ta a nî̌,’ dě bǎnukha pě, na bǎ cû̌hǎnòò̌kè gûla̤ phǔlò̤gutṳ̌ tò̤glò pě dě na sòwò̤kè pě.

Lǔka 19:40

Dě Ye̤shǔ hî̌shǔ asî, “He hî̌ sî, asî dè ǒsî̌tukǔkè hî̌numî̌, lo̤ toǒ yi̤kǒ lè̌ pě.”

Lǔka 19:9

Dě Ye̤shǔ hî̌ yǎ, “Khò̌ti̤ni̤, ta̤htè̌ge hèto̤ dě hǐhtǒo tama akûhǒ ma̤tè̤hî̌dě kòyò htǒotapwa̤ mî̌ Abraham akhlialè hǒ.

Lǔka 5:21

Pwa̤sû̌ǐ ta̤sû̌ta̤tòwò asara toǒ ta Pharisè̌phû̌ toǒ hî̌ kè̌khînû̌û, “Kòyò htǒotapwa̤ hî̌bǎsǔkè Cǒmara hǒ. Ûpè tapwa̤ glè bòlû̌jò ta̤sǔ pè? Pwa̤ bòlû̌jò ta̤sǔ mî̌ pwǎpǒ̤ Cǒmara tapwǎ̤ pa.”

Jowǎ̤ni̤ 8:33

Asî hî̌shǔ nû̌û, “Pa mî̌ Abraham akhlialè toǒ, pa cû̌htûnǒ ta kòjû dǐ꤮ khò̌ tò̤. Na cû̌hî̌tǒ̤ ta ta̤te̤ta̤mǎ plûhǎhtò̌ pelesesǎ sî pě, hǐnu hî̌tè?” Asî gwè nû̌û hǐnu.

Jowǎ̤ni̤ 8:39

Asî hî̌shǔ nû̌û, “Papha mî̌ Abraham.” Dě Běcǎ Ye̤shǔ hî̌shǔ asî, “Sî dè mè̤na̤cè̌ Abraham aphû̌ toǒ hî̌nu, sî glè ma̤ sǒsǒta a ma̤nu kò̌kò̌.

Pwa̤nophû̌ 26:20

He cû̌lè dǒhtû̌ǐ wǐgutṳ̌ bǎ kò dě Damatè̌wî̤ htodě Ye̤rǔshèlèwî̤kû, anǒkòdě he cû̌ Yṳ̌daga pṳ̂̌꤮ tò̤glò, htohǒtò̤ he cû̌kû̌ Yṳ̌daphû̌ mè̤tò̤ toǒ aklakla. Dě ma̤pûhǐ asî yò̤lò̤ge lǒkho a ta̤sǔta̤plě toǒ, htodě ma̤pûhǐ asî htû̌tiwǐ getosǒ ana̤ dě Cǒmara a ǒ, htohǒtò̤ ma̤pûhǐ a dǔlṳhtò̌ lǒkho ata̤ma̤ htě awǒ toǒ ta a yò̤lò̤gehto asò̌ ayanu, he dǒhtû̌ǐ bǎ asî hǒ.

Rṳ̂̌me̤ 4:16

Hǐnudě, pa nî̤bǎjò Cǒmara a ta̤olò̤ ta pa ta̤yṳ tacǎ꤮ pa pwǎ. Ma̤tè̤hî̌dě ma̤pûhǐ pa nî̤bǎ ta̤htǒonu ta abwǐasîrî khû̌khî tû̌pwǎ ayanu, pa bǎ ǒ ta ta̤yṳ. Htohǒtò̤, Abraham akhlialè lǒ̤꤮ bò toǒnu a nî̤bǎbò ta̤olò̤ htǒo pě. Kòyò htě a lṳ̂kû̌ma̤kû̌ Yṳ̌daphû̌ a ta̤sû̌ta̤tòwònu toǒ nî̤bǎ tû̌ mè̤tò̤, kòyò htě a yṳǎna̤ǎ sǒsǒta Abrahamnu toǒ nî̤bǎbòdǒ pě. Abraham mî̌ pa lǒ̤꤮ bò apha.

Rṳ̂̌me̤ 9:7

Akhlialè lǒ̤꤮ bò gilò̤ dě Abraham ǒ toǒnu bǎbǎ, a htûbò Abraham aphû̌ pṳ̂̌꤮ tapwa̤ mè̤tò̤. Mî̌tanu, Cǒmara olò̤ ta, “Nakhlinalè toǒnu a hèlò̤ tṳtṳ dě Isǎko a ǒ pě.”

Phǐlǐpǐ 1:11

Htohǒtò̤ he kwisaba sîya dě Ye̤shǔkhrî̌stu a ta̤po̤ta̤phǎ khû̌khî, sî glè sǎhtò̌ tṳtṳ lǒkho ta̤cǒta̤tè̤ asǎ toǒ. Ma̤tè̤hî̌dě bǎ kò kè̌shǐ sî sǎhtò̌ ta̤te̤ta̤mǎ asǎ htǒotoǒ akhanu, kò bè̌dubè̌na̤ Cǒmara, dě kò htû̌sò̌ǐ yǎ pě.