Lǔka 3:2 - Kawyaw RC

² Pwa̤tòlûhtò̌ a dû̌khlokò mî̌ Annas ta Kaǐpha. Bǎnuakha Sakharǐa aphû̌khû Jowǎ̤ni̤ ǒ lo̤měshǒkla dě Cǒmara pwe̤ǐlṳ lò̤bǎ ale̤ayo̤ dě Jowǎ̤ni̤ ǒ.

Kawyaw New Testament

² Pwa̤shû̌gǎ adû̌lǒ mî̌ pha Anǎ kû̌ pha Kayaphǎ. Bǎnuakha Phashakhrǐ aphû̌khû Khûyṳ̂ha ô̌ dǒ gǎshashigǎ lǒ̤sîměkhû̌ dě Cǒmara shôbǐǐlṳ̌ lò̤bǎ alě̤ayô̤̌ dǒ Khûyṳ̂ha a ô̌.

Lǔka 3:2 Iomraidhean Croise

Matěo 11:7

Bǎ Jowǎ̤ni̤ akhophijaû̌ toǒ hǎhtò̌gehtonu, Běcǎ Ye̤shǔ sahtò̌ hî̌bǎ kòyò saprṳ̂nu toǒ ta Jowǎ̤ni̤ awi̤akè̌. Dě a hî̌ asî, “Sî hǎhtò̌cû̌ lǒkho lo̤měshǒkla numî̌, sî cû̌kè̌ kwè̌꤮ ûpè? Mî̌ sî cû̌kè̌ lǒkho gili̤sǎ guyṳ gopo̤phomṳnu toǒ ya?

Matěo 26:3

Bǎnukhanu, pwa̤tòlûhtò̌ hǐkǒdû̌ toǒ ta Yṳ̌daphû̌ ta̤subusaba hǐkǒdû̌ toǒ ǒplǒbò nû̌û pwa̤tòlûhtò̌ hǐkǒdû̌gutṳ̌ Kaǐpha ahokû.

Mǎ̤riko 1:2

Ta̤sò̌le̤sò̌lò̤ awi̤akè̌ htǒonu kò khwè̌nǎ yǎ dě pwa̤po̤ Isaǐa alî̤kû, dě Cǒmara hî̌, “Kè̌kè̌, a mî̌ pwa̤sû bǎ he ta̤wi̤ta̤kè̌ tapwa̤hǒ, ma̤pûhǐ a ma̤lînǎwǐ bǎ naklè̌ la̤hè ayanu, he nohèwǐ yǎ dě nalo̤mo̤ hǒ,

Lǔka 1:80

Bǎ Jowǎ̤ni̤ dû̌htò̌ akhanu, Běcǎ sǎcahtǐ ǐ nû̌û ta̤shû̌ta̤sho. Bǎ a tèhtò̌ ma̤lṳ ata̤ma̤ dě Israelphû̌ toǒ alo̤mo̤ hǒtò̤ akhanu, a cû̌ǒ pwǎ dě lo̤měshǒkla akû pwǎ.

Jowǎ̤ni̤ 1:23

Jowǎ̤ni̤ hî̌shǔ pwǐ pwa̤po̤ Isaǐa hî̌nu, dě a hî̌shǔ asî, “He mî̌ kòyò tapwa̤ htě a yi̤kǒhtò̌ lo̤měshǒkla ta, ‘Ma̤cǒma̤nò̤ lǒkho Běcǎ la̤hèklè̌ aya tabo nî̌꤮,’ a glè yi̤kǒ pwǎbǎ kònu tapwa̤.”

Jowǎ̤ni̤ 18:24

Htodě Annas coklomě pepwǎ nû̌û dě a nosûcû̌ kò ta Ye̤shǔ dě pwa̤tòlûhtò̌ hǐkǒdû̌gutṳ̌ Kaǐpha htǒotapwa̤ a ǒ.

Pwa̤nophû̌ 4:6

Asî hè ǒplǒhî̌bǎhtu kè̌shǐshǔ ta Kaǐpha, Jowǎ̤ni̤, Alexander, pwa̤tòlûhtò̌ hǐkǒdû̌gutṳ̌ Annas ta kòyò hǔwa̤ htě akhlialè ta pwa̤lṳhtò̌ hǐkǒdû̌gutṳ̌nu tapwa̤ toǒ.