Lǔka 10:2 - Kawyaw RC

² A hî̌ bǎ asî, “La̤kǎbǔ agûla̤ ǒplṳ̂, pwǎ̤tadě pwa̤kǎbǔ ǒpî̌tî̌ mè̤mè̤̌. Dě kwisaba lǒkho hǔklaběcǎ ta a glè nohè pwa̤kǎbǔ toǒ dě ahǔklakhû̌ htǒonu nî̌꤮.

Kawyaw New Testament

² A hî̌ pô̤̌ asî kû̌, “Lǎ̤kǎbǔ agûlǎ̤ ô̌dû̌wî̤, bǎbǎkǎlè pwa̤kǎbǔ ô̌tîkî̌꤮ phû̌nô̤̌. Dě kwicaba lô̌khô lè̤̌běcǎ kû̌ a gǔ nohè pwa̤kǎbǔ tokhlǒ dǒ bǒonu nî̌꤮.

Lǔka 10:2 Iomraidhean Croise

Htû̌sò̌htò̌ 68:11

Běcǎ ta̤adû̌ hî̌lò̤ yo̤. Mamǔ pṳ̂̌pwa̤ cû̌lè pwe̤ǐlṳ pîshîcû̌bò ta̤sò̌le̤sò̌lò̤ awi̤akè̌.

Matěo 20:1

“Ma̤tè̤hî̌dě, mǒkhû̌ shila̤gakû mî̌ asǒsǒta hǔklaběcǎ tapwa̤ dě a hǎhtò̌cû̌ wosò a cû̌ dòkǎ hè kò dě a sobîphǎkhû̌ htǒonuhǒ.

Mǎ̤riko 13:34

Htǒomî̌ asǒsǒta kòyò tapwa̤ htě a glè̌ hǎhtò̌cû̌ klè̌ shiga ahǔwa̤ taga dě a nokè̌po̤ǐ ahǐ ta ajûphû̌ toǒ dě a hǎhtò̌cû̌. A ǐlò̤ khǒkè asî tapwa̤ ta tapwa̤ ata̤ma̤ dě a hî̌kè pwa̤ǒpo̤ takhanu tapwa̤ ta a glè sòklòǒpo̤shǔ hǐnu.

Mǎ̤riko 16:15

Dě a hî̌ asî, “Cû̌ hǎkhû̌ pṳ̂̌tebě dě cû̌shido dǒhtû̌ǐ dǒpû kò lǒ̤bò pṳ̂̌꤮ tapwa̤ ta ta̤sò̌le̤sò̌lò̤ awi̤akè̌ htǒonu nî̌꤮.

Mǎ̤riko 16:20

Ye̤shǔ akhophijaû̌ toǒ cû̌shido dǒhtû̌ǐ bǎ kò ta Cǒmara ale̤ayo̤ gûla̤ pṳ̂̌꤮ tò̤glò. Ma̤pûhǐ kòyò yṳǎna̤ǎ kû̌ lǒkho ta̤sò̌le̤sò̌lò̤ awi̤akè̌ htě asî pwe̤ǐ bǎ kò htǒonumî̌ a mè̤na̤cè̌ ayanu, Běcǎ ǐ asî htě a glè ma̤jò lǒkho ta̤ma̤ cǒklî̌kî̌ya toǒ pṳ̂̌tacǎ.

Lǔka 9:1

Ye̤shǔ kaǎhèplǒbò akhophijaû̌ shǐsò̌gini̤ dě ma̤pûhǐ pwa̤nophû̌ htǒotoǒ wṳ̂hǎhtò̌pè̤bò khînǎtoǒ dě a ma̤bǎpè̤bò ta̤shǐta̤sha toǒ ayanu, a ǐ asî ta̤po̤ta̤phǎ ta ta̤sîrîshû̌sho toǒ.

Pwa̤nophû̌ 11:19

Dě kò ma̤si Stephen akhû̌akhî, tèhtò̌ bǎnudě kò ma̤jîma̤jû kòyò htě a yṳǎna̤ǎ Ye̤shǔ toǒ hǐnudě asî nûpò̌nûshî cû̌bò. Toǒǒnu a cû̌to̤ dě Phoněga, Kǔprǔ shikholophû̌jo ta Atiǒwî̤. Asî dǒhtû̌ǐ bǎ tû̌pwǎ Yṳ̌daphû̌ sî toǒnu ta Cǒmara ale̤ayo̤ pwǎ.

Pwa̤nophû̌ 13:2

Bǎ asî subusabahtò̌ Běcǎ dě dǔǎ shǎǎshǎo akhanu, Běcǎ sǎcahtǐ hî̌ asî, “Wû̌htò̌ khǒkè bǎ he Banabǎ ta Saulǔnu. Ma̤tè̤hî̌dě he wû̌htò̌nǎhto asî hǒdě a bǎ ma̤ he ta̤ma̤.”

Pwa̤nophû̌ 13:4

Banabǎ ta Saulǔ cû̌ pwǐ Běcǎ sǎcahtǐ nocû̌ asînu. Asî gilò̤cû̌ dě Selǔsiawî̤ bǎ kò la̤gebè̌ sǒkhlidû̌ agûla̤nu tò̤glò dě asî htò̌dò̌nṳ lǒkho sǒkhlidû̌ bǎnu dě hǎhtò̌cû̌ Kǔprǔ shikholophû̌jo.

Pwa̤nophû̌ 20:28

Kè̌ǐkhwè̌ǐ tû̌ lǒkho sîna̤ dě kè̌ǐkhwè̌ǐ lǒkho bò꤮ sophû̌ htě Běcǎ sǎcahtǐ ǐlò̤ bǎ sî dě sî bǎ kè̌ǐkhwè̌ǐ htǒonu toǒ nî̌꤮. Htû lǒkho pwa̤gèǐsophû̌ htě a kè̌ǐkhwè̌ǐ asophû̌ htǒotoǒnu nî̌꤮. Kè̌ǐkhwè̌ǐ lǒkho Cǒmara a pwa̤yṳǎta̤ aprṳ̂ahophû̌ htě aphû̌khû pwî̤gehto nû̌ûta asǐ htǒonu nî̌꤮.

Pwa̤nophû̌ 22:21

“Běcǎ hî̌ he, ‘Cû̌mò̌! Ma̤tè̤hî̌dě, he glè nocû̌ tepheyî̤kè na dě Yṳ̌daphû̌ mè̤tò̤ toǒ a ǒ.’”

Pwa̤nophû̌ 8:4

Pwa̤yṳǎphû̌ htě a khlè̌cû̌pushǔpîshîkèbò nû̌û toǒnu, a cû̌to̤bò gûla̤ pṳ̂̌꤮ tò̤glò dě a cû̌shido dǒhtû̌ǐ bǎ kò ta Ye̤shǔ ata̤sò̌le̤sò̌lò̤ awi̤akè̌ htǒotoǒ.

Kôritu awǐlǒ tôbǎ 12:28

Dě pwa̤yṳǎta̤ aprṳ̂aho akûnu, Cǒmara bè̌htò̌ wǐgutṳ̌ pwa̤nophû̌ toǒ, ginǐ̤to̤tato̤ mî̌ pwa̤po̤ toǒ, suto̤tato̤ mî̌ sara toǒ, nǒkòdě kòyò htě a ma̤lṳ ta̤cǒklî̌kî̌ya toǒ, kòyò htě a nî̤bǎ ta̤sîrîpo̤phǎ dě a ma̤bǎjò bǎ kò ta̤sha toǒ, kòyò htě a ma̤shû̌ma̤jo kò toǒ, kòyò htě a yṳ̂klè̌nè̌klò bǎ kò toǒ, ta kòyò htě a hî̌bǎjò yo̤khěkhǒhtǒo toǒ hǒ.

Kôritu awǐlǒ tôbǎ 15:10

Pwǎ̤ta, Běcǎ abwǐasîrî akhû̌akhî, khònò̤dě he htûhtò̌ pwa̤nophû̌ tapwa̤hǒ. Ta̤bwǐta̤sîrî htě Cǒmara ǐlò̤ he htǒonu a nòdû̌ tò̤. Ma̤tè̤hî̌dě he jipwi̤ htǒkhû̌htǒǎ ma̤khlo ta pwa̤nophû̌ ahǔwa̤ toǒ hǒ. He ma̤bò̌ hǐnu numî̌ hekhû̌heǎ tû̌ mè̤tò̤. Cǒmara abwǐasîrî ma̤ kû̌dǒ ta he akhû̌akhî, he ma̤bò̌ pwǐhè̌onu pwǎ.

Kôritu ginǐ̤bǎ tôbǎ 6:1

Pa mî̌ pwa̤ma̤htuta̤ ta Cǒmara toǒ akhû̌akhî, pa tûsû sî ta sî ǒhtûpwa̤ pwǐ Cǒmara sò̌yṳ noǒhtûpwa̤ sînu. Sî mî̌ kòyò htě a nî̤bǎhto Cǒmara abwǐasîrî toǒ hǒ akhû̌akhî, sî bǎ ǒhtûpwa̤ lǒkho hǐnu.

Phǐlǐpǐ 2:21

Kòyò ahǔwa̤ lǒ̤꤮ bò toǒ numî̌ a kè̌lǎ ma̤ lǒkho pwǎpǒ̤ ta̤ htě a htûbwǐhtûsîrî asî ayanu toǒ pwǎ. A kè̌lǎ ma̤ bǎ lǒkho Ye̤shǔkhrî̌stu aya tò̤.

Phǐlǐpǐ 2:25

He to nogetîkhî bǎ sî Ěpaprò̌dǐtǔ dě sî ǒ he gènè̤ hǐnu. A mî̌ he pṳwè̤ tapwa̤, a mî̌ kòyò htě a ma̤htuhto ta̤ ta he dě a shě plǒhtukû̌hto ta̤ ta he. A mî̌ kòyò htě a sû bǎ sî lî̤nu tapwa̤ dě ma̤pûhǐ a ma̤jè he ta̤lo̤bǎ toǒnu dě sî nohè yǎ dě he ǒnu tapwa̤ hǒ.

Phǐlǐpǐ 2:30

Ma̤tè̤hî̌dě, sî ma̤jèbò̌ he tò̤ akhû̌akhî, ma̤pûhǐ a ma̤jè he, dě Khrî̌stu a ta̤phî̌ta̤ma̤ ayanu, a ǒphǔ ta ta̤si hǒ.

Kòlòtè̌ 1:29

Khrî̌stu a ta̤po̤ta̤phǎ htǒo a ma̤shû̌ma̤sho mè̤mè̤̌ dě hekû. He nǎla̤ǐ a ta̤po̤ta̤phǎ shû̌sho htǒo dě he htǒkhû̌htǒǎ ta he goma̤ Cǒmara ata̤ma̤ htǒotoǒ hǒ.

Kòlòtè̌ 4:12

Ěpaphra mî̌ sî dokûphû̌ tapwa̤pwa̤. A mî̌ a htû Khrî̌stu ajû tapwa̤. A hî̌mo̤hî̌wǒ hènṳ sî. A sò̌phlosho dě a kwisaba sala̤ bǎ sîya hǒ. Ma̤pûhǐ sî ǒměǒgle dě sî ta̤yṳta̤nǎ akû dě sî dû̌htò̌bò̌ lǒkho sû̌sò̌ tokho, htohǒtò̤ ma̤pûhǐ sî yṳǎ sî̌yahè te̤mǎpo̤ Cǒmara a ta̤sò̌yṳ pṳ̂̌꤮ tacǎ ayanudě, a kwisabadǒ sîya.

Tîsalònǐ awǐlǒ tôbǎ 2:9

Pṳwè̤sî, pa ǎwè̤ mè̤mè̤̌ ta̤ numî̌ sî to̤ǐ lòtṳ̌pe pwǎ. Bǎ pa dǒhtû̌ǐ bǎ sî ta Cǒmara a ta̤sò̌le̤sò̌lò̤ awi̤akè̌ akhanu, ma̤pûhǐ pa bǔǎ pa phushǎ, htohǒtò̤ ma̤pûhǐ pa ma̤htǒma̤klǎ pû sî tò̤nudě, pa wè̤ta̤ lṳmṳkhǐkhǐ lṳmṳshasha.

Tîsalònǐ awǐlǒ tôbǎ 5:12

Pṳwè̤sî, kòyò htě a htû sî hǐkǒdû̌ dě Běcǎ akû ta a gûma̤ ta̤, a ǐsè̌rè̌nǎ bǎ sîklè̌ toǒnu pa kwigwèbǎǐ sî ta bè̌dubè̌na̤ lǒkho kòyò hǐnu toǒ nî̌꤮.

Tîsalònǐ ginǐ̤bǎ tôbǎ 3:1

Pa pṳwè̤ sî꤮, pa sò̌yṳ pwe̤ǐ gutṳ̌lò̤ sî ta, ma̤pûhǐ Běcǎ a ta̤sò̌le̤sò̌lò̤ awi̤akè̌ lṳpîshîcû̌ phwèphwè ayanu, kwisaba bǎ paya nî̌꤮. Htohǒtò̤ pwǐ sî phî̌shǔhto ata̤sò̌le̤sò̌lò̤ awi̤akè̌ htǒonu ta dě ta̤bè̌dubè̌na̤ akûnu, ma̤pûhǐ kò phî̌shǔ sǒsǒta pwǐ sî phî̌shǔ htǒonudě, kwisabapo̤ lǒkho bǎ paya nî̌꤮.

Tîmôte awǐlǒ tôbǎ 4:10

Mî̌htě htǒo akhû̌akhî, pa jipwi̤jili̤ ma̤mè̤mè̤̌ ta̤, ma̤tè̤hî̌dě pa bè̌ pa ta̤kè̌shuǐ dě Cǒmara htě a htûpwa̤ htǒotapwa̤ alo̤. A mî̌ pwa̤ma̤lû̌htò̌ge kòyò lǒ̤꤮ bò, Pwǎ̤tadě kòyò htě a yṳǎna̤ǎ nû̌û toǒ ayanu, a mî̌ pwa̤ma̤lû̌htò̌ge htě a te̤mǎkhlo tapwa̤ hǒ.

Tîmôte ginǐ̤bǎ tôbǎ 4:5

Pò̤̌ta na lè̌dě, pǒtèplè̌ nana̤ dě ta̤pṳ̂̌꤮ tacǎ akûnu nî̌꤮, khòsò̌phlǒhtû ta̤jîta̤jû dě ma̤pwǎ pwa̤nophû̌ ta̤sò̌le̤sò̌lò̤ awi̤akè̌ a ta̤phî̌ta̤ma̤ dě ma̤lǒbebò ta̤phî̌ta̤ma̤ htě Cǒmara noma̤ na htǒonu pwǎ nî̌꤮.

Philemo 1:1

He mî̌ Pò̌lu. He ta Timò̤̌te numî̌ pa pṳwè̤ nû̌û ta Khrî̌stu akhû̌akhî, pa khwè̌cû̌bǎ Philemo lî̤htǒotabǎ. Dě he ma̤bǎ Ye̤shǔkhrî̌stu ata̤ma̤ akhû̌akhî, kò dǒlò̤te̤ he dě apo̤kû. Pa khwè̌cû̌ lî̤htǒo dě pa khobǒsû̌ Philemo htě a ma̤ kû̌dǒta̤ ta pa htǒotapwa̤ a ǒ, ta pa pṳwè̤ Khrî̌stuphû̌ mamǔ Aphǐ, ta pa pṳwè̤ Khrî̌stuphû̌ Akǐpǔ htě alò̤ta kliphû̌ tapwa̤ htǒotoǒ a ǒ, ta pwa̤yṳǎta̤ aprṳ̂ahophû̌ ǒ dě Philemo ahǐkûnu toǒ a ǒ.

Hebrǔ 3:6

Pwǎ̤tadě, Khrî̌stu htǒonumî̌ alò̤ta Mǒ̤jè htě a htû pwa̤ma̤ta̤ dě Cǒmara ahǐkûnu tapwa̤ mè̤tò̤. A mî̌ Cǒmara aphû̌khû tapwa̤. A mî̌ acǒatè̤ ta ata̤ma̤ dě a kè̌ǐkhwè̌ǐ apha Cǒmara ahǐphû̌phòphû̌ toǒ. Pa dè gû khukhuhaha hèsělě Khrî̌stu to̤htû̌ agutṳ htohǒtò̤ ta̤ htě Cǒmara glè ǐ pa htǒonu, pa dè kè̌shuǐ hèsělě to̤htû̌ agutṳ hî̌mò̌nu, pa mî̌ Cǒmara ahǐphû̌phòphû̌ hǒ.

Ta̤dǔlè̌nǎ 2:1

“Khwè̌cû̌ lî̤htǒo dě Ephè̌shia pwa̤yṳǎta̤ aprṳ̂aho a tanaphû̌nu tapwa̤ ǒnu,” a hî̌ he hǐnu. Dě a hî̌, “Ta̤wi̤ta̤kè̌ htǒonumî̌ a hè dě pwa̤ htě a pṳ̂měǐ shǎ susǒtama acǔdemû akû dě a cû̌ mî̌kohta susǒtama aklanu tapwa̤ ǒ dě a khwè̌cû̌bǎ asî pwǐhè̌o,