Lǔka 1:1 - Kawyaw RC

¹ Kòyò jipwi̤ khwè̌mǎnǎǐ lǒkho ta̤htě a htûhtò̌ bǎ pakla htǒotoǒ awi̤akè̌nu pwa̤khwè̌ ǒplṳ̂.

Kawyaw New Testament

¹ Kòyò jî̌pwǐ̤ wě̤ mǎnǎ lô̌khô ta̤ dǒ a htûhtò̌ bǎ pakla nutokhlǒ awe̤akè nî̌ pwa̤wě̤ ô̌jûgrû.

Lǔka 1:1 Iomraidhean Croise

Mǎ̤riko 16:20

Ye̤shǔ akhophijaû̌ toǒ cû̌shido dǒhtû̌ǐ bǎ kò ta Cǒmara ale̤ayo̤ gûla̤ pṳ̂̌꤮ tò̤glò. Ma̤pûhǐ kòyò yṳǎna̤ǎ kû̌ lǒkho ta̤sò̌le̤sò̌lò̤ awi̤akè̌ htě asî pwe̤ǐ bǎ kò htǒonumî̌ a mè̤na̤cè̌ ayanu, Běcǎ ǐ asî htě a glè ma̤jò lǒkho ta̤ma̤ cǒklî̌kî̌ya toǒ pṳ̂̌tacǎ.

Jowǎ̤ni̤ 20:31

Pwǎ̤tadě kò khwè̌lî̤ htǒotabǎ mî̌ ma̤pûhǐ sî yṳǎ ta Ye̤shǔ mî̌ Mè̤shǐa, a mî̌ Cǒmara aphû̌khû tapwa̤, dě sî yṳǎ yǎ akhû̌akhî, sî nî̤bǎ yolahtûpwa̤ ayanu, kò khwè̌ pwǎ bǎ sî.

Rṳ̂̌me̤ 14:5

Sǒsǒta hǐnuakho, kòyò toǒǒnu a gènè̤ lǒkho ta, mṳni̤ toǒǒnu kò bè̌cahtǐ khǒtû̌ yǎ agènè̤ hǐnu pwǎ̤tadě toǒǒnu a gènè̤ ta mṳni̤ lǒ̤꤮ bònu alò̤bò pwǎ nû̌û a gènè̤ lǒkho hǐnu. Kòyò tapwa̤ ta tapwa̤nu, a bǎ yṳǎ měgle tû̌ a ta̤gènè̤ pwǎ.

Rṳ̂̌me̤ 4:21

Cǒmara ma̤ pwǐ a olò̤nu, a yṳǎ lǒ̤sû̌lǒ̤sò̌ hǒ.

Kòlòtè̌ 2:2

Ma̤pûhǐ he ǐkhû̌ǐǎ asî dě he ma̤pwǎ hè̌o. Ma̤pûhǐ asî sò̌phlǒ ǒhtu nû̌û tapwa̤ ta tapwa̤ dě ta̤mo̤ǐ akû, htohǒtò̤ ma̤pûhǐ asî nî̤bǎ mṳ̂tî̤glî te̤mǎbò ta̤sî̌ya, hǐnudě asî sî̌yaphlohè Cǒmara ata̤bè̌ǒhǔ Khrî̌stu htǒonu dě he jipwi̤ ma̤ lǒ̤sû̌lǒ̤sò̌pwǎ hǐnu.

Kòlòtè̌ 4:12

Ěpaphra mî̌ sî dokûphû̌ tapwa̤pwa̤. A mî̌ a htû Khrî̌stu ajû tapwa̤. A hî̌mo̤hî̌wǒ hènṳ sî. A sò̌phlosho dě a kwisaba sala̤ bǎ sîya hǒ. Ma̤pûhǐ sî ǒměǒgle dě sî ta̤yṳta̤nǎ akû dě sî dû̌htò̌bò̌ lǒkho sû̌sò̌ tokho, htohǒtò̤ ma̤pûhǐ sî yṳǎ sî̌yahè te̤mǎpo̤ Cǒmara a ta̤sò̌yṳ pṳ̂̌꤮ tacǎ ayanudě, a kwisabadǒ sîya.

Tîsalònǐ awǐlǒ tôbǎ 1:5

Ma̤tè̤hî̌dě pa phî̌hè bǎ sî ta̤sò̌le̤sò̌lò̤ awi̤akè̌ htǒonumî̌ tǒ̤pwǎ pa khû̌phě a ta̤hî̌bǎnu mè̤tò̤. Ta̤sò̌le̤sò̌lò̤ awi̤akè̌ htǒonumî̌, a ǒ ta a sîrîshû̌sho, a ǒ ta Běcǎ sǎcahtǐ, a ǒ ta ta̤yṳǎ bòmṳ̂sîglî ta̤sò̌le̤sò̌lò̤ awi̤akè̌ a ta̤cǒta̤tè̤ htǒotoǒ. Dě bǎ pa ǒkû̌ ta sî akhanu, pa mî̌ kòyò hî̌tè toǒnu, sî sî̌yahtotû̌ hǒ. Htǒonumî̌ pa ǒhtûpwa̤ ta sî la̤nî̤bwǐnî̤sîrî aya pwǎ.

Tîmôte awǐlǒ tôbǎ 3:16

Pa ta̤subusaba adû̌ayǒhtǒo adû̌ pwî̌꤮ tènu kò htè̌shǔjò yǎ dǐpwǎ̤꤮ tò̤. Khrî̌stu ǒlṳhtò̌ pwǐ kòyòhǎkhû̌phû̌ tapwa̤, dě Běcǎ sǎcahtǐ khòlṳ ana̤ ta Khrî̌stu htǒonu a ma̤to Cǒmara asò̌phlǒ, dě mǒkhû̌ tanaphû̌ toǒ kè̌shǐbǎ yǎ. Htodě awi̤akè̌ htǒonu, kò dǒhtû̌ǐ yǎ dě khlilèhǔwa̤phû̌ toǒ aklahǒ. Kòyò ǒ hǎkhû̌bǎo toǒǒnu a yṳǎna̤ǎkû̌ nû̌û hǒ. Cǒmara johtò̌ yǎ dě mǒkhû̌ ta̤sîrîdû̌sîrîhtû akûhǒ.

Tîmôte ginǐ̤bǎ tôbǎ 4:17

Pwǎ̤ta ma̤pûhǐ Yṳ̌daphû̌ mè̤tò̤ toǒ gana̤debǎ dǒ ta̤sò̌le̤sò̌lò̤ awi̤akè̌ ayanudě, Běcǎ ǒkû̌ ta he dě a ǐ hekhû̌heǎ dě he pwe̤ǐlṳ lǒbehto bǎ asî hǒ. Hǐnudě he lû̌htò̌kè htǒonumî̌ a sǒsǒta he lû̌htò̌kè dě Sî̌ò̌mo̤pha gokû.

Hebrǔ 10:22

Hǐnudě pa hèphǔ Cǒmara a ǒ hò. Pa hè ta pa sò̌phlǒ acǒatè̤, ta pa ta̤yṳ ate̤amǎ htǒotoǒ hò̌. Ma̤tè̤hî̌dě, pa sò̌phlǒ a ta̤gènè̤ phû̌mò̤htǒo, ma̤pûhǐ a mṳ̂plî ayanu, kò shǔbòhtokè pa ta Khrî̌stu asǐ hǒ. Htohǒtò̤ pana̤klû htǒonu, kò shǔbòhto ta shiplò̌shishǐ htǒonuhǒ.

Hebrǔ 6:11

Pa ta̤sò̌yṳ mî̌ pwǐhè̌o: ma̤pûhǐ ta̤wǒ htě sî sò̌phlǒhtû ǒpo̤kè̌shuǐ toǒ lǒhtò̌behtò̌ bǎ sî ayanu, pa sò̌yṳ ta sî pṳ̂̌꤮ tapwa̤ glè sò̌phlǒsho ma̤to̤ lǒkho agutṳ pwǐ sî ma̤hto htǒonu.