Kòlòtè̌ 4:3 - Kawyaw RC

³ Dě wǐkhamî̌ kòyò toǒ sî̌ya Khrî̌stu awi̤akè̌ tò̤. Cǒmara bè̌hǔ Khrî̌stu awi̤akè̌htǒo. Pwǎ̤tadě khònò̤ ta̤bè̌hǔ htǒonu a ǒlṳhtò̌ hǒ. Ma̤pûhǐ Cǒmara bòmo bǎ paklè̌ dě pa dǒhtû̌ǐ nṳbǎ kò ta Khrî̌stu awi̤akè̌ htǒonu, kwisabadǒ bǎ lǒkho paya nî̌꤮. Dě꤮ wǐkhamî̌ ta̤dǒhǔ htǒonu, a ǒlṳhtò̌ hǒtò̤, pwǎ̤tadě khònò̤htǒo a ǒlṳhtò̌ hǒ. Dě he dǒhtû̌ǐ kò ta Khrî̌stu awi̤akè̌ akhû̌akhî, kò dǒlò̤te̤pwǎ he dě apo̤kû.

Kawyaw New Testament

³ Dǒwǐkha mî̌ kòyò tokhlǒ sî̌ganǎ̤ Khrǐ awe̤akè tô̤̌. Cǒmara bè̌hǔbè̌sè̌ Khrǐ awe̤akè. Bǎbǎkǎlè khònò̤̌ ta̤dǒû̌dǒshò̌nu a ô̌lṳ̌htò̌ hǒ. Pô̤̌khô Cǒmara gǔ bǔmô paklè̌ dǒ pa gǔ shôbǐǐlṳ̌ kòyò kû̌ Khrǐ awe̤akè nudě, kwicaba padô̌ lô̌khô dǒ paya nî̌꤮. Dǒwǐkha mî̌ ta̤bè̌û̌bè̌shò̌nu, a ô̌lṳ̌htò̌ khôtô̤̌, bǎbǎkǎlè khònò̤̌ a ô̌lṳ̌htò̌ hǒ. Dǒ he shôbǐǐlṳ̌ bǎ kòyò kû̌ Khrǐ awe̤akè akhû̌akhî, kòyò dǒtě̤ he dǒ apô̤kû pwǎ.

Kòlòtè̌ 4:3 Iomraidhean Croise

Matěo 13:11

Běcǎ Ye̤shǔ hî̌shǔ asî, “Cǒmara ǐsî̌yaphlo bǎ sî ta mǒkhû̌ shila̤gakû a ta̤sî̌khû̌sî̌ya htě a bè̌hǔ toǒ pwǎ̤ta a ǐsî̌ya to̤ bǎdǒ asî tò̤.

Pwa̤nophû̌ 14:27

Bǎ asî geto̤ dě Atiǒwî̤ akhanu, asî kaǎplǒ pwa̤yṳǎta̤ aprṳ̂ahophû̌ toǒ dě a dǒhtû̌ǐbò bǎ asî ta lǒ̤꤮ bò Cǒmara ma̤kû̌dǒta̤ ta asînu toǒ dě Yṳ̌daphû̌ mè̤tò̤ toǒ yṳǎna̤ǎ kû̌ ayanu, Cǒmara bòmohtò̌ bǎ asî takha.

Rṳ̂̌me̤ 16:25

Dě he dǒhtû̌ǐlṳ bǎ kò ta ta̤sò̌le̤sò̌lò̤ awi̤akè̌ htǒo ta Ye̤shǔkhrî̌stu awi̤akè̌htǒo akhû̌akhî, Cǒmara ma̤shû̌htò̌ bǎ sî ta̤yṳ dě pa htû̌sò̌ǐ a hò̌꤮. Ye̤shǔkhrî̌stu awi̤akè̌ htǒonumî̌, kò bè̌hǔyî̤kè yǎ hǒ pwǎ̤tadě khònò̤htǒo kò dǔlṳhtò̌ yǎ hǒ.

Kôritu awǐlǒ tôbǎ 16:9

Kòyò htě a sò̌khěkhû̌khwè he toǒnu a ǒplṳ̂ pwǎ̤ta he cû̌ǒ bǎ Ephè̌shiawî̤kû htǒonu, a le̤dû̌pwî̤htû mè̤mè̤̌ ta heya hǒ, ma̤tè̤hî̌dě kòyò htě a sò̌yṳ gana̤de Cǒmara ale̤ayo̤ toǒnu a ǒplṳ̂pe.

Kôritu awǐlǒ tôbǎ 4:1

Sî to bè̌ lǒkho pa pwǐ Ye̤shǔkhrî̌stu apwa̤ma̤ta̤ toǒnu. Sî to bè̌ lǒkho pa pwǐ pwa̤ma̤ta̤ toǒ dě a sû̌ǐtòwòǐ pwe̤ǐphlo bǎ kò ta ta̤te̤ta̤mǎ htě kò sî̌yanǒ hǒtò̤ děwǐkha toǒ. Dě Cǒmara ǐlò̤ pa ta̤ma̤ ta pa glè ma̤ htǒo aya hǒ.

Kôritu ginǐ̤bǎ tôbǎ 2:12

Bǎ he cû̌to̤ Tarò̌wî̤kû dě he glè dǒhtû̌ǐ bǎ kò ta Khrî̌stu a ta̤sò̌le̤sò̌lò̤ awi̤akè̌ akhanu, he kè̌shǐ Běcǎ bòmonǎhto he takha dě he kè̌shǐ ta a sò̌yṳ noma̤ he ta̤ma̤ bǎ wî̤nu tî̤wî̤ akû.

Ěphěsu 3:1

Hǐnudě, he ma̤ Khrî̌stu a ta̤phî̌ta̤ma̤ dě he dǒhtû̌ǐ bǎ Yṳ̌daphû̌ mè̤tò̤ toǒ ta ta̤sò̌le̤sò̌lò̤ awi̤akè̌ htǒo akhû̌akhî, he mî̌ Pò̌lu htǒo, kò bǎ dǒlò̤te̤ he dě apo̤kû.

Ěphěsu 3:3

Cǒmara dǔlṳ bǎ he ta ta̤adû̌ayǒ htě kò sî̌yahtû tò̤ htǒonu, he khwè̌lò̤ sî̌yacû̌hto bǎ sî dě lî̤htǒo akûnu tukutîkî̌phû̌ hǒ.

Ěphěsu 3:4

Htû̌꤮ sî dǒ helî̤htǒo pě akhanu, sî sî̌yahè ta he sî̌yaphlobò̌ ta̤adû̌ayǒ dě ta̤adû̌ayǒ htǒonumî̌ Khrî̌stu awi̤akè̌nu hǒ.

Ěphěsu 3:9

Cǒmara glè ma̤lǒbehè a ta̤tîwî̌tòwònǎ ta̤adû̌ayǒ htǒotukǔ hî̌tè pěnu, a ǐlò̤ he ta̤ma̤ dě he bǎ cû̌ pwe̤ǐphlo bǎ kò ta̤htǒonu. Ně htě a tûlû̌hto toǒnu, Cǒmara htě a bǒlò̤ ta̤ lǒ̤꤮ bò htǒotapwa̤nu, a dǔlṳ bǎ kò ta̤htǒo hǒtò̤.

Ěphěsu 4:1

Hǐnu akhû̌akhî, he kwigwèbǎǐ sî sǒsǒta kò dǒlò̤te̤ kòyò dě apo̤kû ta Běcǎ aya tapwa̤nu. Cǒmara kaǎ sî dě sî htûhtò̌ pwa̤yṳǎphû̌ toǒ akhû̌akhî, he kwigwèbǎǐ sî ta sî glè ǒhtûpwa̤ bè̌wǒkû̌ sî sò̌phlǒ pwǐ pwa̤yṳǎphû̌ toǒ to ǒhtûpwa̤nu.

Phǐlǐpǐ 1:19

Ma̤tè̤hî̌dě, sî kwisaba akhû̌akhî, ta Ye̤shǔkhrî̌stu a sǎcahtǐ ma̤jè he pě khû̌khî, he lû̌htò̌ dě apo̤kû pěnu he sî̌ya pwǎ.

Phǐlǐpǐ 1:7

He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Kòlòtè̌ 1:26

Kòyò ǒhtûpwa̤ dě awǐtuhtu toǒ lǒ̤꤮ bònu, Cǒmara nogènè̤phlo asî ta ta̤sò̌le̤sò̌lò̤ awi̤akè̌ htǒo hǒtò̤. Ta̤sò̌le̤sò̌lò̤ awi̤akè̌ htǒonu, Cǒmara bǎ bè̌hǔpepwǎ nû̌û, pwǎ̤tadě khònò̤htǒo a dǔlṳhtò̌ bǎ akòyò toǒ a ǒ hǒ.

Kòlòtè̌ 4:18

He mî̌ Pò̌lu dě ta̤hî̌mo̤hî̌wǒ htǒonumî̌, he khwè̌cû̌bǎtû̌ sî ta he cǔde pwǎ. He ǒ dě a po̤kûhtǒo akhû̌akhî, shope̤ǐ pûma̤ he ma̤ nî̌꤮. Cǒmara abwǐasîrî ǒkû̌ tû̌ta sî nî̌꤮.

Tîsalònǐ awǐlǒ tôbǎ 5:25

Pṳwè̤sî, kwisabadǒ lǒkho paya nî̌꤮.

Tîmôte ginǐ̤bǎ tôbǎ 1:16

Běcǎ Cǒmara gwèbǎǐ Ò̌nisiphrǔ ta a hǐphû̌phòphû̌ ta kòyò ahǔwa̤ htě a ǒkû̌ ta a lǒ̤꤮ bònu toǒ nî̌꤮. Ma̤tè̤hî̌dě, Ò̌nisiphrǔ mî̌ a ma̤mo̤ sala̤ he sò̌phlǒ hǒ, htodě kò dǒnṳ he apo̤kû pwǎ̤ta hekhû̌hekhî dě a sòwò̤ tò̤.

Tîmôte ginǐ̤bǎ tôbǎ 2:9

He dǒhtû̌ǐ bǎ kò ta̤sò̌le̤sò̌lò̤ awi̤akè̌ akhû̌akhî, he khòbǎ ta̤jîta̤jû dě kò coklomě he ta sǒpli̤te̤htò̌ asǒsǒta kòyò ma̤sǔ ta̤sû̌ta̤tòwò tapwa̤. Pwǎ̤ta Cǒmara ale̤ayo̤nu kò coklomějò nǒ yǎtò̤.

Tîmôte ginǐ̤bǎ tôbǎ 4:2

Dǒhtû̌ǐ lǒkho ta̤sò̌le̤sò̌lò̤ awi̤akè̌ nî̌꤮. Akhîakhawǒ bǎbǎ, akhîakha wǒtò̤ bǎbǎ, tûrû̌ dǒhtû̌ǐ hè sělěpo̤ ta̤sò̌le̤sò̌lò̤ awi̤akè̌ htǒonu nî̌꤮, htodě sǎhtǎǐ asî nî̌꤮, sû̌ǐtòwòǐwǒgesǒ asî nî̌꤮, dě ǐkhû̌ǐǎ asî, sû̌ǐtòwòǐ asî ta ta̤khòsò̌donu nî̌꤮.

Philemo 1:22

Dě a ǒpe tacǎ: khòsò̌do ma̤wǒnǎ pû heya hǐdǒkû to̤to̤ nî̌꤮, ma̤tè̤hî̌dě he kè̌shuǐ ta Cǒmara gana̤de sî ta̤kwisaba dě a sûge he sî ǒ pě.