Kòlòtè̌ 3:3 - Kawyaw RC

³ Ma̤tè̤hî̌dě, sî sikû̌hto ta Khrî̌stu dě khònò̤htǒo sî nî̤bǎkû̌ ta̤htûpwa̤ asa ta Khrî̌stu hǒ. Htohǒtò̤ sî htûhtò̌ kû̌ta Cǒmara tacǎnǔ꤮ pa hǒ. Kòyò toǒnu a sî̌yaphlo kû̌kò ta̤htûpwa̤ asahtǒo hǒtò̤.

Kawyaw New Testament

³ Ma̤titèhî̌dě, sî sitǒ̤ kû̌ Khrǐ dě khònò̤̌ sî nǐ̤bǎ ta̤htûpwa̤ asa kû̌ Khrǐ hǒ. Htokhôtô̤̌ sî htûhtò̌ ta̤tôcǒ꤮ nô̤̌ kû̌ Cǒmara hǒ. Kòyò tokhlǒnu a sî̌yaphlô ta̤htûpwa̤ asanu khôtô̤̌.

Kòlòtè̌ 3:3 Iomraidhean Croise

Matěo 11:25

Bǎnuakha Běcǎ Ye̤shǔ hî̌ Cǒmara, “Kǒ꤮ mǒkhû̌ Běcǎ, hǎkhû̌ Běcǎ, hepha Cǒmara꤮, he hî̌bwǐhî̌sîrî na, ta̤htě na bè̌hǔ bǎ pwa̤sî̌pwa̤jòphû̌ toǒ ta pwa̤kè̌lǎsî̌ya ta̤sî̌jòphû̌ toǒnu, na dǔlṳhtò̌ bǎ yǎta kòyò htě a gènè̤pî̌tî̌ ana̤ lò̤ta phijaû̌phû̌nu toǒǒ akhû̌akhî, he hî̌bwǐhî̌sîrîhtò̌ na.

Jowǎ̤ni̤ 14:19

Teděsǎphû̌ akûnu, kòyòhǎkhû̌phû̌ toǒ kè̌shǐpe he tò̤. Pwǎ̤ta sîdě, sî kè̌shǐ he pě. He htûpwa̤ akhû̌akhî, sî htûpwa̤dǒ pěpě.

Jowǎ̤ni̤ 3:16

“Cǒmara mo̤ǐ lǒ̤꤮ bò kòyòhǎkhû̌phû̌. Kòyò lǒ̤꤮ bò htě a yṳǎ aphû̌khû toǒnu, ma̤pûhǐ a nî̤bǎ yolahtûpwa̤ tûjûpwa̤ dě a to̤ pûma̤ ta ta̤pî̌ta̤lṳ̂ tò̤nu, a ǐlò̤kè aphû̌khû htǒo tapwa̤nu ta kòyòhǎkhû̌phû̌ toǒ aya.

Jowǎ̤ni̤ 4:14

Pwǎ̤tadě kòyò htě a oshi htě he ǐo yǎ pě htǒonu, a sò̌ope shi dǐkhò̌ tò̤. Shi htě he ǐo yǎ pě htǒonu, a htûhtò̌ shipo̤htǎ dě akû pě. Dě a ǐ nû̌û yolahtûpwa̤ tûjûpwa̤ talakhǎ pě.”

Jowǎ̤ni̤ 5:21

Pwǐ hepha ma̤htûpwa̤gesǒ kòyò htě a si dě a ǐ kò ta̤htûpwa̤nu, aphû̌khûhtǒo a ǐ kû̌kò ta̤htûpwa̤ dě a sò̌phlǒ sò̌yṳ ǐ nû̌ûta kònu toǒ pě.

Jowǎ̤ni̤ 5:24

“He hî̌ mè̤mè̤̌ sî, kòyò htě a gana̤de he le̤yo̤ htǒodě a yṳǎna̤ǎ pwa̤htě a nohèlò̤ he htǒotapwa̤ toǒnu, a nî̤bǎ yolahtûpwa̤ tûjûpwa̤ hǒ. Dě a kè̌shǐ bǎnǒpe ta̤cèrò tò̤. A cû̌ tûlû̌bò̌ ta ta̤si dě a cû̌nṳ ta̤htûpwa̤ akû hǒ.

Jowǎ̤ni̤ 5:40

Pò̤̌ta ma̤pûhǐ sî nî̤bǎ kû̌kò ta̤htûpwa̤ tûjûpwa̤ ayanu, sî sò̌yṳ hè lǒkho dě he ǒtò̤.

Rṳ̂̌me̤ 5:10

Dě awǐkha numî̌, pa htû kòyò htě a sò̌khě Cǒmara toǒ. Dě aphû̌khû khòsi asò̌ ta paya akhû̌akhî, a ma̤ mo̤klaǐgesǒ pa hǒ. Khònò̤htǒo pa htû akhobǒsû̌ hǒ. Pa sî̌ya te̤mǎ ta pa lû̌htò̌bò̌ pwǎ ta aphû̌khû a ta̤ǒhtûpwa̤ akò pwǎ.

Rṳ̂̌me̤ 5:21

Ma̤hǐnudě, pwǐ ta̤sǔta̤plě pǒǐbò kòyò lǒ̤꤮ bò dě a noǒhtûhtò̌ ta̤si akhonu, khònò̤htǒo ma̤pûhǐ pa nî̤bǎ tû̌ yolahtûpwa̤ tûjûpwa̤ dě pa Běcǎ Ye̤shǔkhrî̌stu a ǒ dě, Cǒmara abwǐasîrî pǒǐtû̌ pa ta ta̤cǒta̤tè̤ hǒ.

Rṳ̂̌me̤ 6:11

Sǒsǒta hǐnuakho, sî to hî̌lò̤ lǒkho sîna̤ ta, ta̤sǔ ata toǒnu, pa bǎbè̌kè yǎ pwǐ kòyòsi dě a ma̤jòpe ta̤sǔ tò̤nu. Pò̤̌ta sî ta Ye̤shǔkhrî̌stu mî̌ sî htûhtò̌ nû̌û tacǎ꤮ pa akhû̌akhî, sî tobǎ ǒhtûpwa̤ ma̤lîma̤rakhahtò̌ lǒkho Cǒmara.

Rṳ̂̌me̤ 6:2

Hǐnu mè̤tò̤. Pa mî̌ asǒsǒta kòyò htě a si dě a ma̤ sělějòpe ta̤sǔ tò̤ htǒonu tapwa̤ hǒ. Hǐnudě pa cû̌ ǒhtûpwa̤ ma̤ sělějòpe ta̤sǔ hî̌tè?

Rṳ̂̌me̤ 8:2

Ma̤tè̤hî̌dě pa htûhtò̌ kû̌ta Ye̤shǔkhrî̌stu tacǎnǔ꤮ pa akhû̌akhî, Cǒmara a sǎcahtǐ ma̤ bǎ paklè̌ asa tabo hǒ. Htodě a ma̤lû̌htò̌ge he ta ta̤sǔ ala̤klo ma̤sapṳnṳ dě a sûcû̌ he ta̤si sû̌sò̌ htǒo akûnu hǒ.

Kôritu awǐlǒ tôbǎ 15:45

“Kòyòhǎkhû̌phû̌ awǐgutṳ̌ tapwa̤ htě kò kaǎ yǎta Ada htǒonu Cǒmara ǐ nû̌û ta̤htûpwa̤,” lî̤cahtǐkû hî̌hǐnu. Pwǎ̤ta Ye̤shǔkhrî̌stu htě kò kaǎ yǎta Ada gutṳ̌lò̤ htǒotapwa̤nu, a ǐlò̤ tṳtṳ kòyòhǎkhû̌phû̌ toǒ a ta̤ǒhtûpwa̤ asa ta Běcǎ sǎcahtǐ hǒ.

Kôritu awǐlǒ tôbǎ 2:14

Pò̤̌ta ûpèpè̌ bǎbǎ, a nî̤bǎ kû̌kò Běcǎ sǎcahtǐ dě a sò̌phlǒkû tò̤ toǒnu, a phî̌shǔ kû̌kò Cǒmara a sǎcahtǐ a ta̤sû̌ǐtòwòǐ tò̤. Kòyò hǐnu toǒnu, a sî̌yaphlobò̌ kû̌kò amûasǎ tò̤, a gènè̤ lǒkho pwǎ ta a nòdû̌ pwǎ, ma̤tè̤, pwa̤ htě a hî̌phlobò̌ bǎ asî numî̌, tǒ̤pwǎ Běcǎ sǎcahtǐ tapwǎ̤pa.

Kôritu ginǐ̤bǎ tôbǎ 5:14

Khrî̌stu ata̤mo̤ǐ ma̤pè̤kè pa akhû̌akhî, pa ǒhtûpwa̤ ta Cǒmara aya hǐnu hǒ. Pa sî̌ya ta Khrî̌stu si bǎ kòyò pṳ̂̌꤮ tapwa̤ aya. Amûasǎ mî̌ kòyò pṳ̂̌꤮ tapwa̤ si kû̌dǒ ta Khrî̌stu.

Kôritu ginǐ̤bǎ tôbǎ 5:7

Ma̤tè̤hî̌dě pa ǒhtûpwa̤ ta ta̤ htě pa yṳǎ yǎ toǒ pwǎ, pa ǒhtûpwa̤ ta ta̤ htě pa kè̌shǐ yǎnu toǒ mè̤tò̤.

Galatǐ 2:20

Htǒonumî̌ alò̤ta he si kû̌ta Khrî̌stu dě nò̌dòhtǔ alo̤ hǒ. He ǒhtûpwa̤ mè̤petò̤ pwǎ̤ta Khrî̌stu ǒhtûpwa̤ dě hekû hǒ. Ta̤ǒhtûpwa̤ htě he ǒhtûpwa̤ khònò̤ htǒonumî̌ mî̌pwǎ he ǒhtûpwa̤ ta ta̤yṳǎ Cǒmara aphû̌khû htě a mo̤ǐ he dě a ǐlò̤kè a ta̤htûpwa̤ ta heya htǒonu tapwa̤ akhû̌akhî pwǎ.

Ěphěsu 3:9

Cǒmara glè ma̤lǒbehè a ta̤tîwî̌tòwònǎ ta̤adû̌ayǒ htǒotukǔ hî̌tè pěnu, a ǐlò̤ he ta̤ma̤ dě he bǎ cû̌ pwe̤ǐphlo bǎ kò ta̤htǒonu. Ně htě a tûlû̌hto toǒnu, Cǒmara htě a bǒlò̤ ta̤ lǒ̤꤮ bò htǒotapwa̤nu, a dǔlṳ bǎ kò ta̤htǒo hǒtò̤.

Phǐlǐpǐ 4:7

Cǒmara ǐ sî ata̤gûjûkabǎ htě kòyòhǎkhû̌phû̌ gènè̤htûtò̤ htǒonu pě. Dě sî htûhtò̌ kû̌ta Ye̤shǔkhrî̌stu tacǎnǔ꤮ pa akhû̌akhî, Cǒmara a ta̤gûjûkabǎ ǒpo̤ǐtû̌ sî sò̌phlǒsǔshi ta sî ta̤gènè̤ toǒ pě.

Kòlòtè̌ 1:5

Bǎ sî gana̤de sakhû̌lû̌ ta̤sò̌le̤sò̌lò̤ awi̤akè̌ htě atoamè̤ htǒo akhanu, sî gana̤dehto tû̌ ta̤kè̌shuǐ htě ta̤sò̌le̤sò̌lò̤ awi̤akè̌ ǐ sî htǒonu hǒ. Dě ta̤kè̌shuǐ htǒo akhû̌akhî, sî yṳǎ Cǒmara, htodě sî mo̤ǐ kòhǔwa̤. Cǒmara bè̌htubè̌plǒ bǎ sî ta̤kè̌shuǐ htǒonu dě mǒkhû̌ hǒ.

Kòlòtè̌ 2:20

Sî si kû̌ta Ye̤shǔkhrî̌stu htě a ma̤lû̌htò̌ge sî ta khînǎkhîno htě a pǒǐ hǎkhû̌tebě htǒotoǒ a cǔdekû hǒ. Sî cû̌ ǒhtûpwa̤pe lǒkho pwǐ kòyò htě a sǒsǒta hǎkhû̌phû̌ htǒotoǒnu hî̌tè? Dě sî cû̌ gana̤de gûma̤kû̌pe ta̤dǔta̤wî̤ toǒ ma̤tè?

Kòlòtè̌ 2:3

Ta̤sî̌ta̤jò ta ta̤sî̌khû̌sî̌ya lǒ̤꤮ bò mî̌ ta̤howi̤ le̤dû̌pwî̤htû htǒonu, a ǒhǔ dě Khrî̌stu akû.

Kòlòtè̌ 3:4

Khrî̌stu mî̌ pwa̤ htě a ǐ sî ta̤htûpwa̤ tapwa̤ dě htû̌꤮ a hèlò̤ gesǒ pěnu, a ǒ ta a sîrîdû̌sîrîhtû pě. Bǎnu akhapěnu, sî ǒlṳhtò̌ kû̌dǒ ta a sîrîdû̌sîrîhtû htǒonu pě.

Hebrǔ 7:25

Hǐnudě kòyò htě a hè Cǒmara a ǒ dě a hènṳ tṳtṳ Ye̤shǔ a ǒ toǒnu, Ye̤shǔ ma̤lû̌htò̌gebò̌ asî khònò̤htǒo tǒ̤hè ta tûjûpwa̤ talakhǎ pě, ma̤tè̤hî̌dě ma̤pûhǐ a nṳ kwigwèbǎǐbò̌ bǎ kòyò hǐnu toǒ aya dě Cǒmara a ǒnu, a bǎ htûpwa̤ tûjûpwa̤.

Petru awǐlǒ tabǎ 3:4

Mî̌tanu, htû lǒkho kòyò htě a tîwî̌wî̤wǒ asò̌phlǒ sǔshikûnu toǒ nî̌꤮. Sî tobǎ sò̌phlǒ sò̌dohobî̌, sî tobǎ sò̌phlǒ gûjûkabǎ. Ta̤wî̤ta̤wǒ pwǐhè̌o toǒnu, a ǒkhòyî̤ dě Cǒmara bè̌ le̤dû̌pwî̤htû mè̤mè̤̌ yǎ.

Petru awǐlǒ tabǎ 4:2

Hǐnudě sahtò̌ khònò̤htǒo tǒ̤hè dě, sî mṳni̤mṳsa htě a ǒkèpe dě hǎkhû̌bǎo toǒnu sî bǎ ǒhtûpwa̤ pwǐ Cǒmara a ta̤sò̌yṳnu. Sî bǎ ǒhtûpwa̤pe pwǐ kòyòhǎkhû̌phû̌ a ta̤sò̌yṳ phû̌mò̤nu toǒ tò̤.

Yṳ̂ha awǐlǒ tôbǎ 3:2

He khobǒsû̌bǒmo̤ sî, khònò̤htǒo pa htû Cǒmara aphû̌ toǒ pwǎ̤ta pa htûhtò̌ kòyò hî̌tè pě tacǎtènu, kò ǐsî̌yanǎ pa dǐcǎ hǒtò̤. Pwǎ̤ta, ta̤htǒonu pa sî̌yahto ta, htû̌ Běcǎ Ye̤shǔkhrî̌stu hèǒlṳhtò̌ akha pěnu, pa sǒsǒta a pě, ma̤tè̤hî̌dě pa kè̌shǐ a pwǐ a mè̤mè̤̌nu pě.

Ta̤dǔlè̌nǎ 2:17

“Na nò̌ku dè ǒ dě gana̤de ta̤ htě Běcǎ sǎcahtǐ pwe̤ǐ pwa̤yṳǎta̤ aprṳ̂aho htǒotoǒnu. A hî̌ hî̌tèhî̌dě, bò kòyò htě a ma̤pè̤ ta̤ toǒnu he ǐ yǎ mû̌manǎ htě kò bè̌ǒhǔ a htǒoto̤glo pě. Htodě he ǐ asî lo̤bû tapwa̤ tama pě, htě kòyò khwè̌sa nû̌ûmi̤ alo̤ htǒonu pě. Mi̤sa htǒonu kò sî̌ya a dǐpwǎ̤tò̤, sî̌ya pwǎpǒ̤ kòyò htě a nî̤bǎ lo̤htǒonu tapwǎ̤ pa pwǎ.”