Kòlòtè̌ 3:2 - Kawyaw RC

² Gènè̤ lǒkho mǒkhû̌ a ta̤le̤dû̌pwî̤htû nî̌꤮. Hǎkhû̌ ata̤kî̌ta̤kû̌ toǒnu, gènè̤ lǒkho pûma̤.

Kawyaw New Testament

² Gènè̤ lô̌khô mǒkhû̌ a ta̤lě̤dû̌pwî̤htû nunî̌꤮. Hǎkhû̌ atě̤ta̤ tokhlǒnu, gènè̤ tǎ̤ lô̌khô tǎ̤mǎ̤.

Kòlòtè̌ 3:2 Iomraidhean Croise

Htû̌sò̌htò̌ 62:10

Yṳǎnǎla̤ǐ pûma̤ ta̤ma̤jîma̤jû kò ma̤. Phî̌htò̌yî̤ pûma̤ sîna̤ ta ta̤kî̌ta̤kû̌ htě sî phî̌sigwiǎ kònu toǒ ma̤. Sǔsǔ na ta̤dû̌yò̤htò̌sa ǒdû̌htò̌ bǎbǎ, nǎla̤ǐ pûma̤ ta̤hǐnu toǒ ma̤.

Htû̌sò̌htò̌ 91:14

Cǒmara tûjûpwa̤ hî̌, he glè ma̤lû̌htò̌ge kòyò htě a mo̤ǐ he. He glè ma̤kwaǐ kòyò htě a sî̌yate̤mǎwǒ hemi̤.

Matěo 16:23

Běcǎ Ye̤shǔ kè̌tîkhî Petru dě a hî̌ nû̌û, “Kǒ꤮ khînǎmo̤pha hǐkǒdû̌, hǎhtò̌cû̌ tephekè ta he, na mî̌ alò̤ta lo̤ tama htě kò htò̌tukhu dutî̤plî̤ nû̌ûnu tama pwǎ. Na ta̤gènè̤ toǒnu alò̤ta kòyòhǎkhû̌phû̌ a ta̤gènè̤nu pwǎ, alò̤ta Cǒmara a ta̤gènè̤ toǒnu mè̤tò̤.”

Matěo 6:19

“Ta̤dû̌yò̤htò̌sa hǎkhû̌ bǎonu, kè̌lǎ bè̌plǒ pû sîya ma̤, ma̤tè̤hî̌dě ta̤ htǒotoǒ numî̌ akrò̌ agwaǎjò, a htǎî̌htǎkrò̌ pî̌jò, pwa̤ǎhǔǎkě htò̌nṳ ǎhǔjò pwǎ yǎ.

Lǔka 12:15

Htodě ahî̌po̤ asî, “Ǒsè̌rè̌ lǒkho, cû̌we̤ khawe̤kè lǒkho pwa̤ sò̌yṳnî̤dû̌khlo tû̌ ayanu toǒ nî̌꤮, ma̤tè̤hî̌dě kòyò tapwa̤nu, a dû̌yò̤htò̌sa pwî̌tè꤮ bǎbǎ, a ta̤dû̌yò̤htò̌sa htǒonu a ma̤wǒjèjò nû̌û ta̤htûpwa̤ dǐcǎ꤮ tò̤.”

Lǔka 16:11

“Dè ma̤hǐnu hî̌dě, kò dè yṳǎ sî ta ta̤kè̌ǐkhwè̌ǐ hǎkhû̌ ta̤dû̌yò̤htò̌sa tò̤ hî̌dě, ûpè tapwa̤ glè yṳǎjò sî ta mǒkhû̌ ta̤dû̌yò̤htò̌sa na̤cè̌nu pě?

Phǐlǐpǐ 1:23

He to wû̌lǎ bǎtè tukǔtènu he sî̌ya tò̤, apò̤ mè̤mè̤̌ heya. He sò̌yṳ bè̌kè he ta̤htûpwa̤ htǒotuhtu dě he sò̌yṳ geǒplǒ ta Khrî̌stu hǒ, htǒonumî̌ ta̤htě awǒgutṳ̌ heya hǒ.

Kòlòtè̌ 3:1

Pwǐ Cǒmara ma̤htûpwa̤ge Khrî̌stu ta ta̤sinu, Cǒmara ma̤ htûpwa̤gesǒ sî ta ta̤si dě a ǐ sî ta̤htûpwa̤ asa htǒonu ta Khrî̌stu hǒ. Hǐnudě sî sò̌phlǒ a ta̤sò̌yṳ lǒ̤꤮ bò toǒnu, bè̌ǒ lǒkho yǎdě mǒkhû̌ bǎ Khrî̌stu la̤hǎnòò̌ ǐ agûla̤ Cǒmara acǔdemûnu tokho nî̌꤮.

Kòlòtè̌ 3:5

Hǐnu akhû̌akhî, wîkè sî ta̤ǒhtûpwa̤ li̤ a ta̤sò̌yṳ, ta̤cû̌sǔnṳ mamǔmakhû, ta̤ǒhtûpwa̤ htě a mṳ̂plî tò̤ toǒ, sò̌phlǒ putupatǎ, ta̤sò̌yṳ phû̌mò̤shî̌hto, ta sò̌yṳ nî̤bǎ dû̌htò̌po̤ ta̤dû̌yò̤htò̌sa toǒ. Ta̤sò̌yṳnî̤bǎ dû̌htò̌po̤ ta̤dû̌yò̤htò̌sa mî̌ asǒsǒta saba pwa̤yo̤ hǒ.