Kòlòtè̌ 2:2 - Kawyaw RC

² Ma̤pûhǐ he ǐkhû̌ǐǎ asî dě he ma̤pwǎ hè̌o. Ma̤pûhǐ asî sò̌phlǒ ǒhtu nû̌û tapwa̤ ta tapwa̤ dě ta̤mo̤ǐ akû, htohǒtò̤ ma̤pûhǐ asî nî̤bǎ mṳ̂tî̤glî te̤mǎbò ta̤sî̌ya, hǐnudě asî sî̌yaphlohè Cǒmara ata̤bè̌ǒhǔ Khrî̌stu htǒonu dě he jipwi̤ ma̤ lǒ̤sû̌lǒ̤sò̌pwǎ hǐnu.

Kawyaw New Testament

² Pô̤̌khô he gǔ ǐkhû̌ǐǎ asî dě he ma̤pô̤̌nu pwǎ. Pô̤̌khô asî sǎphlǒ gǔ ijò kè̌khî lû̌û tôpwa̤ kû̌ tôpwa̤ dǒ ta̤mô̤ akû, htokhôtô̤̌ pô̤̌khô asî gǔ nǐ̤bǎ bòmǔtegle tě̤tě̤mè̤̌mè̤̌ ta̤sî̌ya, pô̤̌nudě asî sî̌yaphlôphǎ Cǒmara ata̤bè̌ ô̌hǔô̌sè̌ Khrǐ nudě he jî̌pwǐ̤ ma̤ lǒ̤sû̌lǒ̤sò̌ pô̤̌nu pwǎ.

Kòlòtè̌ 2:2 Iomraidhean Croise

Htû̌sò̌htò̌ 133:1

Pṳwè̤khlilè sîtoǒ sò̌phlǒwǒ kè̌khînû̌û numî̌ awî̤awǒ, amo̤ mè̤mè̤̌.

Matěo 11:25

Bǎnuakha Běcǎ Ye̤shǔ hî̌ Cǒmara, “Kǒ꤮ mǒkhû̌ Běcǎ, hǎkhû̌ Běcǎ, hepha Cǒmara꤮, he hî̌bwǐhî̌sîrî na, ta̤htě na bè̌hǔ bǎ pwa̤sî̌pwa̤jòphû̌ toǒ ta pwa̤kè̌lǎsî̌ya ta̤sî̌jòphû̌ toǒnu, na dǔlṳhtò̌ bǎ yǎta kòyò htě a gènè̤pî̌tî̌ ana̤ lò̤ta phijaû̌phû̌nu toǒǒ akhû̌akhî, he hî̌bwǐhî̌sîrîhtò̌ na.

Matěo 11:27

“Hepha ǐlò̤bò he ta̤pṳ̂̌꤮ tacǎ hǒ. Phû̌khû mî̌ ûpènu kò sî̌ya dǐpwǎ̤꤮ tò̤. Sî̌ya pwǎpǒ̤ pha tapwǎ̤꤮ pa. Dě pha mî̌ ûpènu tò̤, sî̌ya pwǎpǒ̤ phû̌khû ta kòyò htě phû̌khû wû̌lǎ nû̌û dě a dǔlṳ bǎ nû̌û pěnu toǒ pwǎ.

Matěo 13:11

Běcǎ Ye̤shǔ hî̌shǔ asî, “Cǒmara ǐsî̌yaphlo bǎ sî ta mǒkhû̌ shila̤gakû a ta̤sî̌khû̌sî̌ya htě a bè̌hǔ toǒ pwǎ̤ta a ǐsî̌ya to̤ bǎdǒ asî tò̤.

Lǔka 1:1

Kòyò jipwi̤ khwè̌mǎnǎǐ lǒkho ta̤htě a htûhtò̌ bǎ pakla htǒotoǒ awi̤akè̌nu pwa̤khwè̌ ǒplṳ̂.

Jowǎ̤ni̤ 10:30

He ta hepha mî̌ tapwǎ̤꤮ pa pwǎ.”

Jowǎ̤ni̤ 10:38

Pwǎ̤tadě he dè ma̤ pwǐ hepha ma̤nu hî̌dě sî dè yṳǎ lǒkho dî̌kî̌꤮ tò̤ hî̌nu, pî̌tî̌gutṳ̌ dě sî tobǎ yṳǎ lǒkho ta̤htě he ma̤ cǒklî̌kî̌yanu toǒ. Sî dè yṳǎ he ta̤ma̤ toǒ hî̌dě sî sî̌yahè ta phaǒ dě hekû dě he ǒ dě akû pě,” a hî̌ asî hǐnu.

Jowǎ̤ni̤ 16:15

Ta̤ lǒ̤꤮ bò htě a ǒ ta pha toǒ numî̌ hetabò hǒ. Htodě he hî̌ bǎ sî ta Běcǎ sǎcahtǐ glè hè pwe̤ǐlṳbò bǎ sî ta a gana̤de ta̤ dě heǒnu toǒ pě, hǐnu.”

Jowǎ̤ni̤ 17:3

Cǒmara mî̌tû̌ na tapwǎ̤pa, kòyò htě a sî̌ya na dě a sî̌ya ta he mî̌ Ye̤shǔkhrî̌stu htě na sûhè yǎ tapwa̤ numî̌, mè̤pwǎ ta̤sî̌ya htě a ǐ asî yolahtûpwa̤ tûjûpwa̤nu.

Jowǎ̤ni̤ 5:17

Ye̤shǔ hî̌shǔ asî, “Hepha ma̤ ta̤ma̤ pṳ̂̌ plǎ, a ǒkǔ dǐkhò̌꤮ tò̤ dě he tobǎ ma̤kû̌ hǐnu.”

Jowǎ̤ni̤ 5:23

Ma̤tè̤hî̌dě, ma̤pûhǐ kòyò lǒ̤꤮ bò bè̌dubè̌na̤ aphû̌khû pwǐ kò bè̌dubè̌na̤ phanu dě a ǐlò̤bò ta̤cèrò dě a cǔdekû. Kòyò htě a bè̌dubè̌na̤ phû̌khû tò̤ toǒnu, mî̌pwǎ a bè̌dubè̌na̤ pha htě a nohèlò̤ nû̌ûnu tapwa̤ tò̤ hǒ.

Jowǎ̤ni̤ 6:69

Pa yṳǎ dě pa sî̌ya ta na mî̌ Cǒmara a pwa̤cahtǐphû̌ tapwa̤, dě a nohèlò̤ na hǒ.”

Pwa̤nophû̌ 4:32

Pwa̤ htě a yṳǎna̤ǎta̤ toǒnu asî ǒnû̌û ta sò̌phlǒ tama꤮ pa, ta̤gènè̤ tacǎ꤮ pa. Asî ta̤kî̌ta̤kû̌ toǒnu asî dǒkwèǐ lǒkho ata dǐpwǎ̤꤮ tò̤. Ta̤ htě asî ta ǒ toǒnu asî ǎplǒma̤plǒ kè̌khînû̌û.

Rṳ̂̌me̤ 15:13

Bǎ sî yṳǎ Cǒmara htě a ma̤jè sî htǒo akhanu, a mî̌ Cǒmara tapwa̤ htě pa la̤kè̌shuǐ a kòshî̌kòtṳ akhû̌akhî, a ma̤lǒbe tû̌bǎ sî ta̤sò̌le̤sò̌lò̤ ta sî sò̌phlǒ a ta̤gûjûkabǎ nî̌꤮. Htohǒtò̤ ma̤pûhǐ sî ta̤kè̌shuǐ shû̌htò̌shohtò̌ sělě kû̌po̤ dě alo̤mo̤ ta Běcǎ sǎcahtǐ a ta̤po̤ta̤phǎ akhû̌akhî pwǎnu he kwisaba bǎ sîya.

Rṳ̂̌me̤ 16:25

Dě he dǒhtû̌ǐlṳ bǎ kò ta ta̤sò̌le̤sò̌lò̤ awi̤akè̌ htǒo ta Ye̤shǔkhrî̌stu awi̤akè̌htǒo akhû̌akhî, Cǒmara ma̤shû̌htò̌ bǎ sî ta̤yṳ dě pa htû̌sò̌ǐ a hò̌꤮. Ye̤shǔkhrî̌stu awi̤akè̌ htǒonumî̌, kò bè̌hǔyî̤kè yǎ hǒ pwǎ̤tadě khònò̤htǒo kò dǔlṳhtò̌ yǎ hǒ.

Rṳ̂̌me̤ 2:4

Cǒmara wǒ dě nakhû̌ pwî̌꤮ tè, A khòsò̌do bǎ na pwî̌꤮ tè, a sò̌phlǒhtû bǎ na pwî̌꤮ tènu, na bè̌dubè̌na̤ yǎtò̤ ya? Ma̤pûhǐ na yò̤lò̤gesǒ nasò̌ ayanudě, Cǒmara jipwi̤ dǔlṳ bǎ na ata̤mo̤ ta̤wǒ toǒ dě nakhû̌ numî̌ na sî̌ya te̤mǎ tò̤ ya?

Kôritu awǐlǒ tôbǎ 14:31

Hǐnuakho, ma̤pûhǐ kò pṳ̂̌꤮ tapwa̤ nî̤bǎ ta̤sî̌khû̌sî̌ya ta ta̤shû̌ta̤sho ayanu, kòyò lǒ̤꤮ bò htě a hî̌po̤phǎ ta̤ toǒnu, a tobǎ hî̌po̤phǎ tapwa̤ hto tapwa̤.

Kôritu awǐlǒ tôbǎ 2:12

Cǒmara ǐ pa a sǎcahtǐ, dě Cǒmara a sǎcahtǐ htǒonu, a hè dě kòyòhǎkhû̌phû̌ a ǒnu mè̤tò̤. Ma̤pûhǐ pa sî̌yaphlobò ta̤ htě Cǒmara ǐlò̤ko pa htǒotoǒ ayanu, pa nî̤bǎ Běcǎ sǎcahtǐ htě a hè dě Cǒmara a ǒ htǒonu hǒ.

Galatǐ 3:28

Yṳ̌daphû̌ ta khlilèphû̌hǔwa̤ Greekphû̌ toǒ, jûphû̌ ta pwa̤ nî̤bǎ ta̤pelesesǎphû̌ toǒ, makhû ta mamǔ, ta̤ lǒ̤꤮ bò htǒotoǒ numî̌ akhǒ nû̌û tò̤, ma̤tè̤hî̌dě sî lǒ̤꤮ bò htǒotoǒ numî̌ sî htûhtò̌bò kû̌ta Khrî̌stu tacǎnǔ꤮ pa hǒ.

Ěphěsu 1:7

Khrî̌stu khòsi ana̤ dě asǐ mèlò̤ akhû̌akhî, Cǒmara htè̌ge pa ta a bòlû̌bò pa ta̤sǔ hǒ. Cǒmara abwǐasîrî htǒonu, adû̌ayǒ mè̤mè̤̌ paya.

Ěphěsu 3:16

Cǒmara a ta̤howi̤hî̌wǒ ǒplṳ̂ǒphǎ hǒ. Hǐnu akhû̌akhî, he kwihtò̌ yǎ dě a no Běcǎ sǎcahtǐ ta a glè ǐlò̤ tṳtṳ bǎ sî ata̤shû̌ta̤sho htǒo dě a bǎ ma̤shû̌ma̤shohtò̌ gesǒ sî sò̌phlǒ pě.

Ěphěsu 3:3

Cǒmara dǔlṳ bǎ he ta ta̤adû̌ayǒ htě kò sî̌yahtû tò̤ htǒonu, he khwè̌lò̤ sî̌yacû̌hto bǎ sî dě lî̤htǒo akûnu tukutîkî̌phû̌ hǒ.

Ěphěsu 6:22

Ta̤wi̤ta̤kè̌ a kòshî̌kòtṳ htě he sò̌yṳ sûhè yǎ dě sîǒ numî̌ mè̤hǒ, ma̤pûhǐ sî sî̌ya ta pa ǒmo̤ǒwǒ ya, mî̌ tò̤ ya, htohǒtò̤ ma̤pûhǐ a hè ǐshû̌ǐshohtò̌ bǎ sî sò̌phlǒ aya pwǎ.

Phǐlǐpǐ 2:1

Sî ta̤ǒhtûpwa̤ dě Khrî̌stu akû htǒonumî̌, a nî̤khû̌nî̤ǎ sî ya? Ata̤mo̤ǐ htǒonumî̌ a ma̤mo̤ sî sò̌phlǒ ya? Sî bǒsû̌khǎkho lǒkho ta Běcǎ sǎcahtǐ ya? Khrî̌stu htǒotapwa̤ numî̌ a ma̤wǒ sî, a gwèbǎǐ sî ya?

Phǐlǐpǐ 3:8

Tǒ̤nuhtohǒtò̤, khònò̤htǒo sǔ he sî̌yahè he Běcǎ Ye̤shǔkhrî̌stu htǒonu a le̤dû̌pwî̤htûkhlope ta ta̤ lǒ̤꤮ bò akhû̌akhî, ta̤ lǒ̤꤮ bò htǒotoǒnu, he bè̌kè yǎ pwǐ ta̤ǒlû̌ǒkhlo toǒnu pwǎ. Khrî̌stu aya akhû̌akhî, he wîkèbò pṳ̂̌꤮ tacǎ hǒ. Ma̤pûhǐ he nî̤bǎ Khrî̌stu dě he htûhtò̌ pû ta Khrî̌stu tacǎnǔ꤮ pa ayanu, ta̤ lǒ̤꤮ bò htǒotoǒnu, he gènè̤kè yǎ pwǐ ta̤wè̤ta̤sǒ toǒnu pwǎ.

Kòlòtè̌ 1:26

Kòyò ǒhtûpwa̤ dě awǐtuhtu toǒ lǒ̤꤮ bònu, Cǒmara nogènè̤phlo asî ta ta̤sò̌le̤sò̌lò̤ awi̤akè̌ htǒo hǒtò̤. Ta̤sò̌le̤sò̌lò̤ awi̤akè̌ htǒonu, Cǒmara bǎ bè̌hǔpepwǎ nû̌û, pwǎ̤tadě khònò̤htǒo a dǔlṳhtò̌ bǎ akòyò toǒ a ǒ hǒ.

Kòlòtè̌ 1:27

Cǒmara ta̤sò̌yṳǒ dě a glè bè̌lṳhtò̌ bǎ akòyò toǒ ta a ta̤bè̌hǔ htǒotacǎ. A ta̤bè̌hǔ htǒonumî̌ Yṳ̌daphû̌ mè̤tò̤ toǒ aya numî̌ amè̤mè̤. Ta̤bè̌hǔ htǒonumî̌ a le̤dû̌pwî̤htû, asîrîdû̌sîrîhtû mè̤mè̤̌. Ta̤bè̌hǔ htǒonumî̌ Khrî̌stu htě a ǒ dě sîkû htǒonuhǒ, dě amûasǎ mî̌ sî nî̤bǎ Cǒmara a sîrîdû̌sîrîhtû pě, htǒonuhǒ.

Kòlòtè̌ 1:9

Hǐnudě, sahtò̌ bǎ pa gana̤de sîwi̤sîkè̌ ti̤ni̤nu, pa bè̌ǒkǔkènǒ pa ta̤kwisaba ta sîya dǐkhò̌꤮ tò̤. Pa kwisaba Cǒmara htě a glè ǐlò̤ lǒbebò sî ta̤sî̌ta̤jò sû̌sò̌ tokho ta ta̤sî̌khû̌sî̌ya sû̌sò̌ tokho htǒotoǒ akhû̌akhî, pa kwisaba Cǒmara ta a glè ǐsî̌ya lǒbe bǎ sî ta sî ma̤ta̤ pwǐ ato nû̌ûsò̌phlǒnu toǒ.

Kòlòtè̌ 2:19

Kòyònu toǒ mî̌ a pṳ̂měpṳ̂glepe Khrî̌stu tò̤ hǒ. Khrî̌stu mî̌ asǒsǒta hǐkǒ dě kòyò lǒ̤꤮ bò htě a yṳǎ nû̌û toǒ numî̌ a htû nû̌û na̤klû. Hǐkǒ htǒonu a ǐkhû̌ǐǎ na̤klû dě a nopǒhtu me̤ ta wi̤htû̌ glè pṳ̂mě tǒhtu plǒnû̌û na̤klû dě a na̤klû htǒonu a dû̌htò̌ pwǐ Cǒmara nodû̌htò̌ nû̌ûnu pwǎ.

Kòlòtè̌ 3:14

Dě ta̤lǒ̤꤮ bò htǒotoǒ aklanu, ta̤ htě a lo̤dû̌khlo kò tacǎmî̌, mo̤ǐ kè̌khînû̌û tapwa̤ ta tapwa̤ htǒonuhǒ. Sî dè ma̤mò̌hǐnu mî̌, sî ǒhtuǒplǒ wo̤wǒ̤nû̌û ta ta̤tacǎ꤮ pa akû hǒ.

Kòlòtè̌ 4:3

Dě wǐkhamî̌ kòyò toǒ sî̌ya Khrî̌stu awi̤akè̌ tò̤. Cǒmara bè̌hǔ Khrî̌stu awi̤akè̌htǒo. Pwǎ̤tadě khònò̤ ta̤bè̌hǔ htǒonu a ǒlṳhtò̌ hǒ. Ma̤pûhǐ Cǒmara bòmo bǎ paklè̌ dě pa dǒhtû̌ǐ nṳbǎ kò ta Khrî̌stu awi̤akè̌ htǒonu, kwisabadǒ bǎ lǒkho paya nî̌꤮. Dě꤮ wǐkhamî̌ ta̤dǒhǔ htǒonu, a ǒlṳhtò̌ hǒtò̤, pwǎ̤tadě khònò̤htǒo a ǒlṳhtò̌ hǒ. Dě he dǒhtû̌ǐ kò ta Khrî̌stu awi̤akè̌ akhû̌akhî, kò dǒlò̤te̤pwǎ he dě apo̤kû.

Kòlòtè̌ 4:8

Ma̤pûhǐ a pwe̤ǐlṳ bǎ sî ta pawi̤pakè̌ lǒ̤꤮ bò, htohǒtò̤ ma̤pûhǐ a ǐkhû̌ǐǎ ma̤mo̤ sî sò̌phlǒ ayanu, he sûlò̤ yǎ dě sî ǒ hǒ.

Tîsalònǐ awǐlǒ tôbǎ 1:5

Ma̤tè̤hî̌dě pa phî̌hè bǎ sî ta̤sò̌le̤sò̌lò̤ awi̤akè̌ htǒonumî̌ tǒ̤pwǎ pa khû̌phě a ta̤hî̌bǎnu mè̤tò̤. Ta̤sò̌le̤sò̌lò̤ awi̤akè̌ htǒonumî̌, a ǒ ta a sîrîshû̌sho, a ǒ ta Běcǎ sǎcahtǐ, a ǒ ta ta̤yṳǎ bòmṳ̂sîglî ta̤sò̌le̤sò̌lò̤ awi̤akè̌ a ta̤cǒta̤tè̤ htǒotoǒ. Dě bǎ pa ǒkû̌ ta sî akhanu, pa mî̌ kòyò hî̌tè toǒnu, sî sî̌yahtotû̌ hǒ. Htǒonumî̌ pa ǒhtûpwa̤ ta sî la̤nî̤bwǐnî̤sîrî aya pwǎ.

Tîsalònǐ awǐlǒ tôbǎ 3:2

Dě pa sûlò̤ Timò̤̌te sîǒ, a mî̌ pa pṳwè̤ tapwa̤ dě ahtû Cǒmara pwa̤ma̤ta̤ tapwa̤. A ma̤plǒkû̌ta̤ ta pa, dě a dǒhtû̌ǐ bǎ kò ta Khrî̌stu a ta̤sò̌le̤sò̌lò̤ awi̤akè̌. Ma̤pûhǐ a ǐkhû̌ǐǎ sî dě a tûsû sî ta̤yṳta̤nǎ akònu, pa sûlò̤ yǎ dě sîǒ.

Tîsalònǐ awǐlǒ tôbǎ 5:14

Pṳwè̤sî, pa kwigwèbǎǐ gepo̤sǒ sî ta, ǐsè̌rè̌ tûû̌ kòyò cè̌klèlèbǒnu toǒ nî̌꤮. Htodě ǐkhû̌ǐǎ kòyò htě a ǐshanu toǒ dě ma̤jè kòyò htě a khû̌ǎyû̌lò̤nu toǒ, htodě khòsò̌do bǎ kò pṳ̂̌꤮ tapwa̤ nî̌꤮.

Tîmôte awǐlǒ tôbǎ 3:16

Pa ta̤subusaba adû̌ayǒhtǒo adû̌ pwî̌꤮ tènu kò htè̌shǔjò yǎ dǐpwǎ̤꤮ tò̤. Khrî̌stu ǒlṳhtò̌ pwǐ kòyòhǎkhû̌phû̌ tapwa̤, dě Běcǎ sǎcahtǐ khòlṳ ana̤ ta Khrî̌stu htǒonu a ma̤to Cǒmara asò̌phlǒ, dě mǒkhû̌ tanaphû̌ toǒ kè̌shǐbǎ yǎ. Htodě awi̤akè̌ htǒonu, kò dǒhtû̌ǐ yǎ dě khlilèhǔwa̤phû̌ toǒ aklahǒ. Kòyò ǒ hǎkhû̌bǎo toǒǒnu a yṳǎna̤ǎkû̌ nû̌û hǒ. Cǒmara johtò̌ yǎ dě mǒkhû̌ ta̤sîrîdû̌sîrîhtû akûhǒ.

Hebrǔ 10:22

Hǐnudě pa hèphǔ Cǒmara a ǒ hò. Pa hè ta pa sò̌phlǒ acǒatè̤, ta pa ta̤yṳ ate̤amǎ htǒotoǒ hò̌. Ma̤tè̤hî̌dě, pa sò̌phlǒ a ta̤gènè̤ phû̌mò̤htǒo, ma̤pûhǐ a mṳ̂plî ayanu, kò shǔbòhtokè pa ta Khrî̌stu asǐ hǒ. Htohǒtò̤ pana̤klû htǒonu, kò shǔbòhto ta shiplò̌shishǐ htǒonuhǒ.

Hebrǔ 6:11

Pa ta̤sò̌yṳ mî̌ pwǐhè̌o: ma̤pûhǐ ta̤wǒ htě sî sò̌phlǒhtû ǒpo̤kè̌shuǐ toǒ lǒhtò̌behtò̌ bǎ sî ayanu, pa sò̌yṳ ta sî pṳ̂̌꤮ tapwa̤ glè sò̌phlǒsho ma̤to̤ lǒkho agutṳ pwǐ sî ma̤hto htǒonu.

Petru ginǐ̤bǎ tabǎ 1:10

Hǐnudě pṳwè̤ sî꤮, ma̤pûhǐ Cǒmara ata̤kaǎ sî htǒonu ta a ta̤wû̌lǎhtò̌ sî htǒo glè htûhtò̌ hè mè̤mè̤̌ ayanu, jipwi̤ ma̤dû̌htò̌po̤ lǒkho dě alo̤mo̤ tokho nî̌꤮. Sî dè ma̤hǐnu hî̌dě sî htò̌tukhu lòkhǔpe dǐkhò̌꤮ tò̤ hǒ.

Petru ginǐ̤bǎ tabǎ 1:3

Ye̤shǔ a ta̤po̤ta̤phǎ htǒo akhû̌akhî, bǎ pa sî̌yahèto̤khlo nû̌û akhanu, ma̤pûhǐ pa ǒkû̌ ta ta̤htûpwa̤, htodě ma̤pûhǐ pa ma̤kû̌pwǐ ato nû̌ûsò̌phlǒ ayanu, a ǐlò̤bò pa lo̤bǎnu toǒ hǒ. Dě a ta̤po̤ta̤phǎ htě adû̌ayǒ ta ata̤wǒ mè̤mè̤̌ htǒotoǒ akhû̌akhî, a kaǎ pa hǒ.

Petru ginǐ̤bǎ tabǎ 3:18

Mî̌tanu, dû̌htò̌ sělěpo̤ lǒkho dě ta̤bwǐta̤sîrî akû ta dě ta̤sî̌ya pwa̤ htě a ma̤lû̌htò̌ge pa mî̌ pa Běcǎ Ye̤shǔkhrî̌stu htǒo akû nî̌꤮. Khònò̤htǒo tǒ̤hènu, kò htû̌sò̌ǐ tû̌ta pa Běcǎ Ye̤shǔkhrî̌stu tûjûpwa̤ talakhǎ nî̌꤮. Amè̤.

Yṳ̂ha awǐlǒ tôbǎ 3:19

Pa dè mo̤ǐ nû̌û tapwa̤ ta tapwa̤ hǐnu hî̌dě, pa sî̌ya ta pa ǒkû̌ ta ta̤te̤ta̤mǎ tokho hǒ. Dě pa glè sò̌phlǒmo̤, sò̌phlǒ gûjûkabǎ dě Cǒmara a lo̤mo̤ hǒ.

Yṳ̂ha awǐlǒ tôbǎ 5:7

Ta̤khòsò̌ numî̌ a ǒ sucǎ.