Kòlòtè̌ 2:1 - Kawyaw RC

¹ He sò̌yṳ ǐsî̌ya sî ta he jipwi̤ ma̤ lǒ̤sû̌lǒ̤sò̌ bǎ mè̤mè̤̌ sîya, ta kòyò ǒ dě Lò̌dikiwî̤kûnu toǒ aya, ta kòyò htě a sî̌ya kè̌shǐnǒ he hǒtò̤nu toǒ aya hǐnu pwǎ.

Kawyaw New Testament

¹ He sǎyṳ dǐsî̌ganǎ̤ bǎ sî kû̌ he jî̌pwǐ̤ ma̤ lǒ̤sǔlǒ̤sò̌ dǒ sîya, kû̌ kòyò ô̌dǒ Wî̤̌lò̤dǐkǐ akû nutokhlǒ aya, kû̌ kòyò dǒ a sî̌ganǎ̤ kè̌shǐ nô̌ he khôtô̤̌ nutokhlǒ aya pwǐ tènu.

Kòlòtè̌ 2:1 Iomraidhean Croise

Kòlòtè̌ 1:29

Khrî̌stu a ta̤po̤ta̤phǎ htǒo a ma̤shû̌ma̤sho mè̤mè̤̌ dě hekû. He nǎla̤ǐ a ta̤po̤ta̤phǎ shû̌sho htǒo dě he htǒkhû̌htǒǎ ta he goma̤ Cǒmara ata̤ma̤ htǒotoǒ hǒ.

Phǐlǐpǐ 1:30

Ta̤shě htě sî shě htǒonumî̌ asǒsǒta he shěhtopwǎnu toǒ. He khòbǎ ta̤ dě awǐanǒnu toǒmî̌ sî kè̌shǐhto tû̌ hǒ. Htodě pwǐ sî gana̤denu, he shě to̤pe khònò̤htǒo.

Ta̤dǔlè̌nǎ 1:11

Yo̤po̤htò̌ dě a hî̌, “Khwè̌mǎǐ ta̤htě na kè̌shǐnu toǒ. Htodě sûcû̌ lî̤htǒo dě pwa̤yṳǎta̤ aprṳ̂aho susǒtṳmṳ htě a mî̌ Ephè̌shia, Samǔranǎ, Pekamǔ, Twatǐra, Sadǐ, Philadělaphǐa, Lò̌diki dě a ǒ lǒkho dě wî̤ susǒtî̤wî̤ htǒotoǒ akûnu.”

Kòlòtè̌ 1:24

Ma̤pûhǐ sî nî̤bwǐnî̤sîrî ayanu, khònò̤htǒo he khòbǎta̤ ta sîya hǐnumî̌ he sò̌le̤sò̌lò̤ pwǎ. Pwǐ Khrî̌stu khò bǎ kòyò htě a yṳǎ nû̌û dě asǒsǒta ana̤klû toǒnu, he sò̌phlosho dě he na̤klûphěyî̌ htǒo khòbǎdǒbò kòyò lǒ̤꤮ bò htě a yṳǎ nû̌ûnu toǒ ayaya.

Pwa̤nophû̌ 20:38

Asî sǎpla̤ gutṳ̌mî̌ Pò̌lu hî̌ asî ta sî kè̌shǐpe he dǐkhò̌꤮ pě tò̤, a hî̌ asî htǒotûmûnu. Dě asî sûcû̌ nû̌û dě kò la̤bè̌ǒ sǒkhlidû̌ gûla̤.

Petru awǐlǒ tabǎ 1:8

Sî kè̌shǐnǒ yǎ tò̤ pwǎ̤ta sî mo̤ǐ yǎ. Sî kè̌shǐ yǎ khònò̤ hǒtò̤ pwǎ̤tadě sî yṳǎ yǎ. Hǐnuakhû̌akhî, sî sò̌le̤sò̌lò̤ mè̤mè̤̌ dě sî sò̌le̤ pwî̌꤮ tènu hî̌jòpe tò̤.

Kòlòtè̌ 2:5

Ma̤tè̤hî̌dě, he na̤klû ǒplǒ ta sî tò̤ pò̤̌ta he sò̌phlǒ tǒhtu ta sî dě he gana̤de sî ǒnû̌û ta sò̌phlǒ tamapa, htohǒtò̤ sî pṳ̂gleměǐ ta̤yṳta̤nǎ dě Khrî̌stu akû akhû̌akhî, he sò̌le̤sò̌lò̤ mè̤mè̤̌.

Galatǐ 4:19

Hephû̌ he mo̤ǐ sî꤮, he sò̌phlǒsho mè̤mè̤̌ ta sî glè dû̌pwa̤sî̌yahtò̌ sû̌sò̌ tokho sǒsǒta Khrî̌stunu hǒ. He ta̤sò̌phlǒsho htǒonu, a ǐguǐgè mè̤mè̤̌ he sò̌phlǒ hǒ. He sò̌phlǒ a ta̤guta̤gè htǒonu, a sǒsǒta mo̤ htě a glè phû̌ǒ dě aphusha htǒonu hǒ.

Pwa̤nophû̌ 20:25

“Khònò̤htǒo he sî̌ya ta lǒ̤꤮ bò sî htě he dǒhtû̌ǐ bǎhtobò ta Cǒmara ashiaga awi̤akè̌ htǒotoǒnu, tèhtò̌ khònò̤htǒo tǒ̤hè sî kè̌shǐpe he dǐpwǎ̤꤮ tò̤ hǒ.

Lǔka 22:44

A sò̌phlǒgugè htò̌shû̌ dě, a tǐ̤ kwisaba shû̌khlo po̤po̤. Dě akwǐshi mèlò̤ hǎkhû̌ dě a sǒsǒta sǐmèlò̤nu.

Hebrǔ 5:7

Ye̤shǔ ǒhtûpwa̤ hǎkhû̌bǎo akhanu, a kwisaba lǒ̤sû̌lǒ̤sò̌htò̌ Cǒmara htě a ma̤lû̌htò̌jò nû̌û ta ta̤sihtǒo tapwa̤, dě a yi̤kǒhtò̌ mi̤sǎshi lò̤. A shò̌lò̤ asò̌phlǒ dě a sò̌phlǒsho gana̤de Cǒmara yo̤ akhû̌akhî, Cǒmara gana̤de nû̌û ta̤kwisaba.

Tîsalònǐ awǐlǒ tôbǎ 2:2

Pwǐ sî sî̌yahto hǒnu, bǎ pa hèto̤ sî ǒ hǒtò̤ akha, Phǐlǐpiawî̤phû̌ toǒ ma̤jîma̤jû pa, htodě ma̤sòwò̤bò pa. Kò ma̤ dǐdò tukutakǎ pa pwǎ̤ta ma̤pûhǐ pa dǒhtû̌ǐ bǎ sî ta Cǒmara a ta̤sò̌le̤sò̌lò̤ awi̤akè̌nu dě, pa Cǒmara ǐ pa ta̤khuta̤ha hǒ.

Mǒhtûlû̌hǎhtûsa 30:8

Htodě Rakhelǎ hî̌, “He ta̤ mè̤mè̤̌ ta hewè̤mamǔ dě he ma̤pè̤ yǎ hǒ,” hǐnuakhû̌akhî, a kaǎ nû̌ûmi̤ ta Natali. (Natali amûasǎ mî̌ jipwi̤jili̤ ta̤.)